和家

營業中

休息中

以前來吃時的確稍貴但原來已經重近開業以前的店長，廚師和員工已全部換了人格價應該是銅鑼灣這區最平的幾家居酒屋多了很多新菜式服務一流，進門熱毛巾，又幫忙推椅強烈推薦

太太見到關東煮有名，所以特意過來品嘗。一件大約25-35HKD，不便宜。首先是小菜高湯蛋卷，做得還軟身juicy，但是無嘗出高湯味，甜味過多，雞蛋味寡淡。我們點了七八件關東煮，結果上菜即發現有問題。一是湯底給得好吝嗇，好似殘羹剩飯的汁底。一般關東煮難道不是應該給人專門有湯飲？二是沒有給湯勺，我們用筷子夾雞蛋結果蛋破掉，整個碗全是蛋液。直到提醒才給了兩個湯勺，當然，沒湯可以用到啦。看圖就可以見到個分量。總之，甚至比不上日本全家便利店的關東煮。兩人400hkd，感覺被騙。

這裏已是第二次光顧，第一次是在年頭，感覺已經非常良好。除了菜式美味服務亦非常體貼，由日本人店長親自介紹及安排，加上座位方面空間寬闊，10分值得推介。食物方面，我們點選了店家的招牌關東煮，而每款關東煮菜式可以單點。個人特別推介的是外面少見的和牛關東煮，和不可缺少的日本大根，兩者都非常入味，大有正宗日本風味。另外關東煮蛋花湯亦是非常美味。另外亦非常驚喜的是他們的串燒，用的是上等材料，當中燒鳥更是選用華味雞，肉味十足。而燒蒜頭則是我的最愛。這家是近期最愛的店子之一，大家不妨一試。

和家主打關東煮，最吸引係深夜營業，收夜去食都冇問題<大阪名物牛筋土手燒>同<牛腸土手燒>各$40 係最好食的！必試！牛腸冇腥味、厚切，口感爽脆。牛筋土手燒一共3件，可以一次過試到牛筋、牛腩、牛筋腩，同樣是厚切，非常有口感呀個人認為比起店鋪主打的關東煮更突出！另一心機之作<高湯蛋卷> $60 雞蛋超軟滑，似豆腐一樣，用湯煮成多了一份清甜，上枱時香噴噴至於關東煮🍢，肥妹仔點了牛脷、白蘿蔔、赤蒟蒻(各$40) 免治雞肉丸、炸牛蒡魚餅、年糕福袋、竹輪卷(各$35)牛脷厚切啖啖肉、白蘿蔔清甜冇渣、牛蒡魚餅其實係類似魚蛋皮包住牛蒡碎，第一次食又唔錯喎年糕福袋同樣好食，腐皮包住年糕，淋汥汥的年糕口感一流。至於竹輪卷、雞肉丸則相對較普通，想飽肚點才叫亦可以。肥妹仔第一次食赤蒟蒻，口感特別，似年糕又似啫喱，不過入口清淡食唔出味道。最後介紹<滑蛋雞肉-華味雞>雞味濃、份量多，送飯一流。不過因為有醬油調味關係，食到中段開始覺得有點咸，要飲水了，但依然推介一試總結最後埋單5百多元，肥妹仔覺得價錢算合理，始終銅鑼灣區。加上所點食物都好食有水準，冇令

1. 高湯蛋卷（＄60)放上枱時仲係熱到出煙😍加左關東煮高湯落蛋液一齊煎成嘅厚蛋卷，多左一份清甜，蛋卷每層仲好柔滑😋彤樂評分：8/102. 和牛刺身（＄150)口感好薄同滑身，但建議食時蘸少少醬油，因為就咁食，味道好淡😅鍾意都可以加芥末或柚子胡椒，重口味嘅朋友仔就可以再加微辣嘅調味料，令牛肉鮮味更突出🙈彤樂評分：6/103. 牛筋／牛腸土手燒（各＄40)超推薦牛筋土手燒！！！😍😍😍第一次食嚿牛筋係咁軟腍適中，濃郁同甘甜好融合，嫩滑又多汁，仲好有口感彤樂評分：10/10牛小腸都吸滿湯汁精華，不過有韌左少少啦🙈彤樂評分：7/104. 關東煮(赤蒟蒻、炸牛蒡魚餅、炸魚餅、栃尾油豆腐、日本麵筋、竹輪卷)（各$35）🍢🍢🍢特別推介赤蒟蒻，口感爽滑，介乎係年糕同果凍中間😁👏🏻彤樂評分：8/105. 頭盤盛合（$90） 一盤有齊吞拿魚刺身🍣、梅醬鮫魚軟骨、芥辣淮山漬物、🧀忌廉芝士伴煙燻蘿蔔漬物、辣味魚腸，作為頭盤可以話係幾開胃，不過有D味道有少少奇怪，同埋少D啦彤樂評分：6.5/106. 高湯炊飯（＄80)🍚同樣加左高湯入砂鍋一齊煮，米飯濕潤度啱啱好，味道又甘甜，略嫌配料少左D彤樂評分：7.5/10

本身興致勃勃諗住去試，聽朋友講係新開嘅。點知貴到離晒譜、不知所謂、越食越嬲！一路食覺得應該係佢哋俾返錢我！從來都未試過寫過食評。。今次第一次！因為真係好嬲：要普羅大眾唔好受害！唔好被騙！講真，啲嘢唔係唔好食、唔係好難食，不過應該係四份一嘅價錢！！唔係特別飽，亦唔係非常好食，食材都係平價貨，每樣材料都係得一粒！！真心唔值到一個點！日本野不嬲都係貴，但係材料要好，煮法又要有技巧，同純正。。咁先至值呢個錢。

味道不過不失。但一碗飯70蚊，實在太過分！飯質過得去，但就算35蚊碗都算貴了，敢收70真係無出其右！當然可以話明碼實價，我可以唔點個飯，但問題係你賣得呢個價位，當然要有D特色嘢offer，而唔係真係煮個簡單的白飯比我就算。香港有太多選擇，我唔覺得咁樣的pricing strategy 可以sustain好耐。仲有廚師推介關東煮，比D最cheap的食材我地，見到裡面有雞蛋，真係火都來，等於35蚊一只。早知道就自己揀關東煮食材如果一定要收呢個價，起碼食材要upgrade，服務要更加貼心一倍。（服務唔係特別差，but nothing special)Totally overpriced! 不會再來！！

看到媒體報道，見店家以關東煮做主打，標榜用自家高湯熬製，即刻約朋友試試。雖然成層得佢一間舖，但店面唔大，約20個位，所以訂定位就穩陣喇~一出門口，關東煮嘅香味就飄埋黎，店家安排我地坐吧枱，啱晒我，師傅好聚精會神咁準備食物呢~先黎前菜，我地試左高湯煎蛋卷同埋牛筋煮。蛋卷鬆軟、熱呼呼點會唔好食？加埋少少蘿蔔蓉感覺清新d，但我覺得店家唔好落醬油落去d蘿蔔蓉會好d，覺得唔夠味先落。牛筋煮用左甜味噌調味，牛筋夠晒稔，牛味幾濃，有少少肉嘅部份，都係一咬就開，同個醬汁好夾呀~關東煮嘅食材都幾多款式，我地試左大根、海帶、牛筋、芝麻麵筋、雜菜魚腐、竹輪卷同埋燒豆腐，我覺得除左魚腐麻麻地之外（個魚腐冇乜味，又唔係好似平時食嘅咁彈牙），其他都好好食，海帶好香，牛筋夠稔，麵筋有粒粒芝麻，竹輪卷幾彈牙，豆腐夠滑又有豆香。雖然主打係關東煮，高湯先係靈魂所在，我地就叫左用佢黎烹調嘅雞蛋煮雞肉，再加個白飯，就成為我同朋友最鍾意嘅親子丼喇 >3< 呢個選擇真係好正確，我到依家都仲回味緊呀！！雞蛋好香又有蛋汁，雞肉好嫩，加埋d蔥，仲有高湯提升味道，放喺粒粒晶瑩嘅日本米上面，真係令我好感動呀！！！呢度嘅菜式