和氣食堂 (黃大仙中心南館)

營業中

休息中

和氣食堂日式風味食堂🤤黃大仙和氣食堂座位多，都坐得幾舒服😌有唔同嘅日式食品，種類都幾多而且性價比幾高，十分推薦朋友聚會4點剌身盛B刺身新鮮而且幾高質，每塊都厚切，有油甘魚、三文魚 🍣、牡丹蝦🦐、海膽青瓜，海膽完全冇腥味，口感唔差，海鮮類都幾鮮甜☺️可以一試刺身或丼飯石鍋鰻魚炒飯超好食 😋炒飯粒粒分味，而且十分濃味😆鰻魚份量都幾多🙈石鍋夠熱，飯量都幾多，一個人應該難啲食曬，share會較好的😋飯底會有少少焦香，要襯熱搞伴下芝士厚燒玉子🧀🥚幾甜，配上芝士配搭唔錯👍🏻🥰都有4大舊，咬落幾鬆軟千回火鳥3隻其實即係雞翼3隻🤣香烤過，都幾惹味😇作為小食可以一試整體都幾高分，會再介紹朋友☺️

📌和氣食堂黃大仙區頗有人氣嘅餐廳，價錢親民，食物款式又夠多，晚市時候嚟到基本上都要等位，趁住早收工食個early dinner就啱晒🙌🏽✴️火炙左口魚邊牛油果沙律沙律大大一盤好豐富以滑嫩油甘魚同黑松露配搭新鮮沙律菜加上牛油果、青瓜、車厘茄，清新又健康✴️生虎蝦刺身虎蝦晶瑩剔透，肉質結實，size比起平時食嘅甜蝦刺身較大隻，口感更豐富，配上酸甜醋汁十分開胃✴️芝士黑豚軟骨石窩飯熱辣辣嘅石鍋飯啱晒冬天☺️焦香嘅芝士同溫泉蛋當然係最佳拍檔，撈勻食同時享受到蛋香同芝士香豬軟骨亦有驚喜✨煮得軟腍入味，食落甜甜地，而家講返都好想再encore🤤✴️泡菜黑豚腩鍋泡菜豚肉鍋亦係冬天必食✨微辣泡菜配上雜菌、豚肉片，仲有粉絲，滿滿一鍋相當足料湯底味道酸酸辣辣鍋入面嘅蔬菜吸收晒湯底味道，冬天食一流✴️燒日本廣島蠔四隻（蒜蓉｜芝士）肥美嘅廣島蠔配上蒜蓉、芝士，賣相靚得嚟又好味鍾意佢地用嘅金蒜，鋪滿生蠔非常吸引芝士燒蠔燒得剛剛好，芝士味濃郁，同生蠔好夾✴️特濃牛奶葩菲配電撃雞翼 炸薯條甜品同雞翼、薯條嘅combo，薯條灑上芝士粉好惹味，雞翼甜甜好適合作為餐前小食🤗主角當然係牛奶葩菲🍨雪糕口感滑溜，奶味濃郁，仲有煙韌蕨餅，超滿

最近工作比較順利，獎勵吓自己同屋企人，去豪一下食自己都非常喜愛的日本菜，決定在黃大仙中心南館食和氣食堂。黃大站港鐵站C2出口左邊就是黃大仙南館，黃大仙中心真是好多食的，不管北館或是南館都好多食的，睇水牌就知：坐低就見到餐廳Menu好厚身兩杯熱既玄米茶好正，尤其呢兩日香港咁凍😉一開波頭盤係三文魚牛油果沙律：牛油果🥑成大半個，好豐盛，是份量夠四個人的頭盤。我們叫咗石狩窩麵豉湯：呢個窩主是有雜菜、菇、、豆粉，而個重點有三文魚魚頭，令成個湯都好有魚的鮮甜味。另外，主食有黑松露鵝肝什菌石鍋飯：黑松露矜貴，鵝肝有兩片，呢個價錢抵食。燒物方面就有鐵板煎牛舌：見到牛舌有成大半cm厚，食落爽口。燒日本廣島蠔（四隻），分別是芝士燒、蒜蓉燒各兩隻：芝士好香，蒜蓉味都十足，蠔本身都好飽滿。飲品方面我們叫了兩杯：青蘋果奇異果梳打柚子檸檬梳打青蘋果奇異果梳打好有打卡feel，幾好飲；柚子檸檬梳打則比較清新。埋單果個位位有好多Figures，第一次見🙈我們臨走先知，佢地餐廳夜晚9點9 last call，10點半閂門，今晚呢餐食得好滿足😄

今日天氣寒冷，成日都無食過飯，近近地，約左好朋友食日式大餐！【熱杏仁奶奶・熱抹茶鮮奶】未諗好食咩，叫兩杯熱飲先。熱杏仁奶茶，茶底香濃，杏仁味唔重，平衡的得剛剛好，有種說不出的特別。朋友的抹茶鮮奶仲有拉花添！好靚呀！朋友話抹茶味勁正！【火炙左口魚邊牛油果沙律】好多黑松露！上枱時十分香。牛油果好新鮮！左口魚沙律好少見，魚肉白滑，魚味濃。正！【燒日本廣島蠔】大大隻生蠔，燒得剛剛好，配合芝士／蒜蓉，味道各有千秋，必食推介！【千回火鳥】又係熱辣辣香口野！雞串外皮燒得好香，調味剛好，配上嘅幾滴檸檬汁，清新解膩， 將燒雞提昇到另一味道層次！【一口牛鐵板飯】朋友問是否牛芯來的，我睇返Menu，係叫一口牛。朋友話啲整得好好，以為係貴價部位，牛肉味好香，又易咬，配上薯條，流心煎蛋，真係好邪惡！【泡菜黑豚腩鍋】 唔會辣，腩肉好多，肥瘦適中，粉絲索哂啲帶有蔬菜甜味的湯汁，冬天食一流。呢餐真係食得好滿足。另外，服務員都值得一讚，好忙都好，態度都好親切，面帶笑容。食用一碟又會好快幫忙清理，食完又唔會望住你幾時走，可以慢慢飲埋杯飲品，傾多陣偈都無壓力！仲有其他食物都好吸引，下次必再來食！

今晚同朋友黎到黃大仙中心搵食，見呢間Menu款式多，圖片仲好吸引，入去試吓先入到餐廳坐低，餐具及餐牌都非常乾淨企理溫泉玉子牛油果凱撒沙律$65我比較喜歡沙律裏面有雞蛋，呢間餐廳合晒我心水，仲要係溫泉蛋配上新鮮沙律菜、車厘茄、粟米粒、炸麵包⋯⋯好清新呢度啲凱撒醬絕不吝嗇，我比較鍾意多醬火炙鵝肝三點$72帶子、三文魚、鰻魚壽司，上面放咗鵝肝，鵝肝絕不細粒，好厚肉，同埋食得出唔係平價貨色食材非常新鮮，價錢仲非常合理燒日本廣島蠔四隻（蒜蓉芝士）$98熱辣辣上枱，香噴噴蒜蓉芝士，一定要即刻食，真係正肥美嘅廣島蠔，配上蒜蓉芝士，絕配美國安格斯牛肉鍋$108好少地方有呢個價錢，但份量絕不少，牛肉唔韌，牛肉味好出，絕對係選用安格斯底下仲有粉絲，蔬菜，絕對飽肚牛肉鍋附上生雞蛋，一上枱我就放落佢，再篤穿佢撈勻，美味金蒜燒日本米茄子$53茄子上邊放上蒜蓉黎燒，真係冇得輸，因為茄子同蒜蓉係非常之合襯，呢個又係，即刻食，熱辣辣，香噴噴叫咗兩杯特飲$45一杯檸檬藍柑梳打，酸味味，好醒胃青蘋果奇異果梳打，非常特色嘅配搭，甜甜蜜蜜滿意嘅一餐，我發覺呢間選擇非常多，價錢又合理，我同朋友下次再試其他款式，因為餐牌上好多食

成日收工經過呢間日本嘢食都見到好多人排隊，琴晚收工遲左見到門口不太多人，趕緊拎飛排隊試下！入面裝修都幾正，擺滿好多日本動漫公仔，座位舒服，店員都好nice！天氣凍凍哋唔想食咁多凍嘢，點左好多熱辣辣的食物。火焰左口魚邊牛油果沙律🥗：沙律菜真係好新鮮，厚厚的黑松露酸醋沙律醬味裹著各樣食材，酸酸甜甜的感覺好開胃，最鍾意食的牛油果份量好多！一口牛鐵板飯（燒汁）：熱辣辣上檯，飯面鋪著一個半熟的太陽蛋，但稍微生左少少🤏，粒粒牛肉燒到香香脆脆，外脆內嫩，不用自己動手切，不錯不錯！仲有個炸薯條真係好讚！就睇個樣已經好好味，食就更加正！泡菜黑豚腩窩：火滾滾的窩，材料真係多到..酸酸辣辣，黑豚肉香爽，一咬就開，薄薄一層，吸足湯底味道，每一啖都係享受！小食叫左千回火鳥（全雞翼）同照燒魷魚筒，雞翼外皮有少少乾，但入面肉質都還好不乾。魷魚筒爽爽脆脆，燒汁偏甜。仲有兩個溫暖的熱奶茶，抹茶味好香濃，紫薯就偏淡，麻麻哋總體感覺really good～

🏩～和氣食堂(黃大仙中心)～～～～～～～～～～～～～～～～～～～～～～～～～～～隔離完立即去食好西 搵左間近屋企既日本餐廳其實已經食左好多次但每次都忍唔住黎一樣食一樣🤣🐟～三文魚豐盛定食～同個名一樣 真係好豐盛🙈定食包括3件三文魚刺身 2件花之戀3件三文魚壽司 3件三文魚加州卷木魚湯烏冬 炸雞 日式蒸蛋 一杯餐飲刺身夠肥美 唔會偷工減料烏冬既湯底好夠味 蒸蛋幾滑 炸雞亦夠大件😊價錢：HK$112餐廳環境：📸📸📸📸服務質素：😊😊😊😊食物味道：👅👅👅👅👅性價比：💰💰💰💰$112/人(連加一)🏠～ 和氣食堂 (黃大仙中心)📮～ 黃大仙正德街103號黃大仙中心南館地下G12A號舖

唔少朋友去到黃大仙都表示唔知食咩好，今日就介紹一間高質日本料理—和氣食堂，等大家知道黃大仙唔係美食沙漠！1️⃣魚生/海鮮刺身丼飯⭐️⭐️⭐️⭐️呢度嘅份量超大，食兩個飯已經覺得好飽，唔單只係飯，刺身都有好多，而且好新鮮好好食！特別推介赤蝦同三文魚腩真係好正，wasabi章魚，吞拿魚同帶子都唔錯～2️⃣左口魚黑松露沙律⭐️⭐️⭐️⭐️小編本身好少食沙律，但係呢個沙律真係無得輸！啲菜好Fresh，甚至去到後期已經好飽，但係仲可以繼續食到個沙律，唔會有嗰種好漏好滯嘅感覺，甚至覺得越食越開胃添！3️⃣煎牛舌&大蜆湯⭐️⭐️⭐️⭐️牛舌火候啱啱好，牛嘅肉質彈牙得來仲好Juicy，口感一流，仲超香牛味～大蜆湯好鮮味，啲蜆大大隻，食過翻尋味🤤總括而言，呢間餐廳位置方便，超近地鐵站，普遍食物水平都高，連杯宇治金時同紫薯鮮奶都好好味，值得推介👍🏼

一段注意事項：呢間嘢係冇得book枱，只可以Walk in，6:30到等左30分鐘就有位。用餐時間90分鐘。如果自己帶生日蛋糕去切，要收$50 切餅費。去到發現全部雪糕都冇，原本最想食綠茶雪糕。刺身都算新鮮，雖然壽司嘅飯一夾就散，但唔係高級omakase所以呢一點我唔會扣佢分。推介：大海蝦泡飯⭐️⭐️⭐️⭐️⭐️白咖喱烏冬⭐️⭐️⭐️⭐️燒魷魚⭐️⭐️⭐️⭐️整體食物係有80分，6個人食左$1350，平均每人$225黎講都唔錯架喇。性價比都幾好。

每次嚟到黃大仙，想食日本菜一定會呢一間［和氣食堂］，因為佢的日本菜真係抵食、超值、好味。黃金海膽炒飯，海膽好香，再加上海鮮一起炒，非常合配，飯亦都炒得好乾身，份量也很多，很大碟。 大蜆味噌湯味道好鮮甜，啲蜆亦都好新鮮，加上味噌嘅調配，更加好出色。牛油果芒果三文魚班戟，第一次食呢個班戟，味道都唔錯喎！芒果好甜，三文魚好新鮮，牛油果好香，一個好好嘅配搭。芒果三文魚蟹子沙律，都好新鮮喎，青瓜好爽，加上三文魚、芒果、蟹子，不錯的配搭。燒日本廣島蠔，兩種食法有芝士燒或者用蒜蓉燒，兩種食法都唔錯，各有特色，各有風味。梗係唔可以少咗我最鍾意食嘅鹽味燒牛脷啦， 燒得嘅鹽味、鹹味啱啱好，恰到好處，好好味。 還有三文魚椎茸燒， 三文魚燒好香，好味。

天氣開始轉凍，但係又好想食壽司，身邊人又想食熱嘢，喺商場見到依間餐廳有刺身，又有得食熟食，咁就入去啦。位置都算係寬躺，見到好多人喺入邊食緊，相信質素有相當保證，見到櫥窗上面有好多龍珠同埋海盜王嘅模型。店員隨即奉上熱茶一杯，天氣凍有一杯熱茶確實係暖入心。見到餐牌上面都有唔同嘅食品，沙律，小食，刺身一應俱全，每樣都好想試吓，選擇困難症嘅我哋終於揀到幾款食物。首先有三點刺身盛，有甜蝦、三文魚、章紅魚薄切。甜蝦大小適中，已經剝咗身上嘅殼，食落去係鮮甜嘅，而且仲食到蝦頭嘅膏。三文魚係厚切，唔會話得張紙咁薄，而且紋路鮮明，食落去唔會有魚腥味，係啖啖肉。我自己就鍾意食章紅魚，店員配上加上蔥花嘅醋，點咗醋嘅魚食落去十分開胃，而且更加突顯到魚嘅鮮味。之後係網燒美國牛扒，份量都唔少，有大概八舊，雖然唔係用厚嘅牛扒，但係亦都唔會因為咁樣而過熟，煮得啱啱好。肉質夠嫩口，唔會咬唔開，唔黏牙，有豐富的油脂，加上燒汁十分配合同惹味，而且有配上撈上芝麻醬嘅沙律，十分健康，沙律菜亦十分爽口，可以中和返食牛扒嘅味道，清一清味蕾。再之後係千回火鳥三隻，每隻燒到蜜糖色，加上有少許胡椒吊味，令燒雞更添香氣，咬落去有肉汁，亦係嫩

咁岩同男朋友行開黃大仙，之前聽朋友講過有間叫和氣食堂既日本料理幾好食，二話不說即刻黎到和氣食堂，黃大仙正德街103號南館地下G12A號舖黃大仙中心。入到餐廳，職員熱情招待餐牌實在太多選擇，應有盡有，絕對唔怕無野岩食！先叫一個溫泉玉子牛油果凱撒沙律 ($65) 流心溫泉蛋撈埋沙律菜食，健康又好食！3點刺身盛($138) ， (三文魚剌身3片+甜蝦刺身3隻+章紅魚薄切6片) 味道鮮甜，三文魚剌身真係好厚好厚，口感一流！廣島蠔寄世鍋 ($132) 如圖所見，材料十足，非常有誠意，鍾意食海鮮同蠔既朋友絕對唔好錯過，口感飽滿，味道一流！安格斯牛肉炒飯 ($122) 呢碟炒飯真係份量十足！超級大碟，我最鍾意珍珠米，炒出黎仲可以分到一粒一粒飯，口感超級好配上安格斯牛肉粒，非常好味！糯米慈紅豆宇治搽茶牛奶雪糕($48) 男朋友話佢最鍾意食搽茶雪糕，所以叫左呢個甜品比佢食，亦非常滿意，超濃搽茶味配上好好咬口既糯米糍，的確另有一番風味。總結：味道 8/10份量 10/10環境 8.5/10

黃大仙中心的驚喜老公轉左去黄大仙番工，所以展開東九龍覓食之旅，估唔到平平無奇既黄大仙中心居然有驚喜-和氣食堂溫泉玉子牛油果凱撒沙律呢個係老公推介之選，溫泉蛋蛋味濃，啲沙律菜同洋蔥好夾，最驚喜係有牛油果，口感好rich好juicy 紫薯鮮奶&抹茶鮮奶/ 鹽味燒牛舌&三文魚椎茸燒我好中意紫薯鮮奶，我感覺甜入心，老公飲嘅抹茶鮮奶抹茶飄香，口感順滑。燒牛舌爽嫩唔會靭，食落仲有肉汁，三文魚椎茸燒配合得天衣無縫，加少少檸檬汁估唔到又出奇咁夾火炙鵝肝3點作為鵝肝控既我必食之選，鵝肝口感嫩滑，亦唔會搶曬魚同帶子既味道金蒜燒日本米茄子呢個必定必定要食，啲金蒜好香又唔乸喉，食完一碟想再叫，可惜個肚已經冇位蒜蓉芝士燒日本廣島蠔又係蒜蓉呀，和氣食堂啲蒜蓉燒好有水準，啲蠔又唔會燒到太老太熟，食落仲係好juicy大大隻櫻花蝦鯛魚湯泡飯呢個係和氣食堂既signature ，店員哥哥好好我，我想影想所以慢慢幫我倒湯，仲提示我地個鍋好熱要小心啲，非常貼心鯛魚湯湯底濃郁，呈奶白色，睇到湯色都知好足料，食既時候配埋旁邊既飯素，將整個湯飯層次昇華和氣食堂一定要食佢啲燒物，我要再去試

估唔到黃大仙中心都有唔少食肆，經過見到有間日式餐廳，見餐牌嘅嘢都幾啱食，價錢又唔貴， 環境都幾好坐，同朋友食咗個晚飯。門面及裝修走簡約和風設計，餐牌入面選擇好多，有唔少卷物，小食，鍋物等等。日本清酒石鍋煮蜆（$92）- 必食推介，蜆嘅份量勁多，大大隻，好鮮甜。完全食到停唔到口，秒殺。櫻花蝦鯛魚湯泡飯（$125）- 賣相好吸引，入面有大大隻蝦、櫻花蝦、帶子、菠菜，連埋炒米同蔥食，味道好好呀。個鍋keep住溫度熱辣辣，特別好味。燒日本廣島蠔（$98）- 一共四隻，兩個燒法。芝士好入味，入口味道比較creamy. 蒜蓉相對冇咁濃味，令蠔味比較突出。照燒魷魚筒（$98）- 份量十足，魷魚燒得好香，配埋照燒汁，味道好夾。金蒜燒日本米茄子（$53）- 蒜蓉控必食，用咗日本米茄子，上面鋪滿豐富嘅蒜蓉，入口啖啖都係蒜蓉茄子味。餐廳食物質素幾好，價錢亦都合理。環境好坐，好啱三五知己飯局，聚下傾下偈。

平日放工黎黃大仙搵朋友食飯住黃大仙既朋友表示呢間日式餐廳係佢同佢屋企人既飯堂😆地理位置方便 近黃大仙地鐵站大約7點已經差唔多滿座安排左cart位闊落 坐得舒服餐牌精美豐富多圖 各類食物都有多款選擇我地叫左5樣野食 沙律 小食 刺身 飯 甜品🥗芒果三文魚蟹籽沙律份量超大 超多蟹籽 青瓜絲仲有蟹柳絲係底 🥚自家制芝士厚燒玉子玉子燒加上半熔既芝士🧀3點刺身盛🍣呢到有幾款刺身拼盤選擇幾點代表有幾多款刺身我地試左3點3款 三文魚刺身 章紅魚薄切 甜蝦刺身3款都好新鮮同肥美🥘黑松露鵝肝雜菌石窩飯驚喜1鵝肝有2大塊 煎得岩岩好有小小飯焦架 🥙牛油果芒果三文魚班戟驚喜2 薄薄既班戟包住4種厚切材料牛油果生熟程度岩岩好 口感可以揀2/ 4件