和氣食堂 (黃大仙中心南館)

營業中

休息中

位於黃大仙呢一間日本料理喺香港有數間分店，去之前已經覺得實力有一定嘅保證，估唔到性價比咁高～先黎個三點刺身，阿根廷蝦大大隻好鮮甜～三文魚都好肥美好香魚油味😋鰻魚飯卷醬汁調味一流，燒嘅火候恰到好處，保持到鰻魚嘅肉質爽滑，又唔會乾晒，有效鎖住肉汁，好食到停唔到口！芝士厚燒肉子超香濃芝士味，日本蛋特別滑，同芝士嘅味道又好配襯～最後食一個豬扒丼飯，份量夠晒飽肚，豬扒炸得外脆內軟口感一流！好食嘅食物當然唔止咁少，凍食嘅電擊雞翼都好特別，配襯住一杯藍柑白桃梳打，唔單止好味，打卡仲一流😍飲品嘅顏色好fancy ，加上運用物理學嘅水壓原理，倒轉咗成支都唔會漏出嚟，好神奇~推介埋白咖喱烏冬同埋燒日本廣島蠔，今晚未諗好食咩不妨試一試和氣食堂🤩

想食日本野 係openrice 見到和氣食堂好多人推薦！所以今日收工就同咗朋友去試！檸檬藍柑梳打 嚟到好驚喜！ 大大杯！ 一定夠飲成餐飯顏色都好靚酸酸地 幾好味！ 青蘋果奇異果梳打朋友嘅野飲，我試咗啖 都好重青蘋果味 火焰左口魚邊牛油果沙律呢度嘅火焰好香呀！ 牛油果都阿新鮮！ 勁大碟沙律蒜蓉 芝士燒 廣島蠔大推！！ 隻蠔好大粒！ 大滿足！雙重芝士鰻魚卷卷物不嬲係我嘅最愛！ 芝味十足！ 鰻魚大大舊配埋d 汁！ yummy火焰三色丼 呢個我大推係我今日嘅最愛入面有三文魚，左口魚邊 ,蛋 同蟹棒 仲有大量蟹籽d 餸好味！ 燒到啱啱好！不過重點係啲飯好有火灸嘅香味！成個飯都好出色！朋友嘅海膽三色丼試食咗佢嘅海膽好新鮮！ 帶子同蝦都好鮮甜！總結：呢間會成為我其中一間最愛嘅日本餐廳！食物對得著價錢 性價比高！樣樣都好食by the way, 佢本menu 勁厚 好多野揀！ 下次會想試下天婦羅 同d 烏冬！

好多朋友都問去到黃大仙食咩好，今日就推介一間高質抵食嘅日本料理俾大家～和氣食堂位於黃大仙中心，exactly 係地鐵站隔離，淨係地段方便就腳已經贏咗～食物方面都有好多款式選擇，小編今次試咗以下幾款：1️⃣電擊雞翼⭐️⭐️⭐️⭐️除咗調味好惹味香口之外，最特別嘅地方佢係凍食嘅～感覺好清新，肉質都好彈牙爽滑！2️⃣燒廣島蠔⭐️⭐️⭐️⭐️有蒜蓉或者芝士燒，日本蠔本身好鮮甜，蒜蓉將蠔嘅鮮味迫晒出嚟，芝士同蠔嘅味道都好配襯～四隻感覺上眨吓眼就食晒，直程有種「咦 咁快食晒嗱？」嘅感覺😋3️⃣白咖喱烏冬⭐️⭐️⭐️⭐️咖喱烹調得好香，好有咖喱味，烏冬本身口感一流，加上炸得外脆內軟嘅豬扒，成道菜式可以話係無懈可擊，食到停唔到口！😍總括而言，餐廳嘅食物質素水平很高，其他食物例如鰻魚反卷、芝士厚燒玉子、豬扒丼、三點刺身等等都非常好味，環境舒適服務良好，黃大仙唔係美食沙漠嚟架～

今日黎到和氣食堂，一間位於黃大仙嘅日本餐廳。我嚟到呢到試呢度新嘅菜式。首先，我地嘗試咗美國安格斯牛肉鍋。佢嘅湯底好濃郁，配上嫩滑嘅牛肉，食落一種熱辣辣嘅感覺。如果你係個鍋物控，呢款一定唔會讓你失望。接著，我地試咗火焰三色丼。味道好豐富。三款魚生鮮味十足，配上醬油，食落口感好好，好生鮮。特別係佢上面嘅火灼，令人一開始就好有食慾。第三款係溫泉玉子牛油果凱撒沙律。我一開始都唔係太有興趣，但係一嚐之下就有啲驚喜。沙律醬汁好入味，加上牛油果嘅滋味，配搭得好恰到好處。第四款芝士軟殼蟹卷，軟殼蟹炸得香脆，芝士嘅味道好濃郁，有啲似中式嘅蝦餅，不過多咗啲芝士味，我好鍾意。如果你係甜品愛好者，凍紫薯鮮奶絕對係你唔可以錯過嘅一款。佢唔止外形靚，味道都好豐富，有啲淡淡嘅紫薯味，令味蕾好有滿足感。最後，我地嚐試咗一款青蘋果奇異果梳打。佢唔係好甜，但係有一啲酸酸地，好清新嘅感覺。如果你想嘆啲比較健康嘅飲品，呢款係一個好好嘅選擇。總括而言，和氣食堂嘅食物都好新鮮，質素都唔錯。如果你係日本菜嘅fans，可以一試。

和氣食堂 (黃大仙中心) (黃大仙).每次去黃大仙我都會諗到食和氣，係價錢親民嘅日本野仲要好食！.四點刺身盛.$200都唔洗有四點，三文魚，廣島蠔，油甘魚以及牡丹蝦。全部都非常新鮮，另外仲有酸汁比低沾蠔.電擊雞翼.凍食單骨雞翼，甜甜地.吉列豬扒飯.非常之震撼，成座山咁高嘅椰菜佈滿係面，夾左好耐先見到夾係中間嘅豬扒😂.石狩鍋豬骨湯底.三文魚頭，入面仲有三文魚排，娃娃菜豆腐金菇等配料.蒜蓉芝士燒日本廣島蠔.每隻味各兩隻，就算係燒到咁熟都仲食到佢係新鮮的.和氣食堂 (黃大仙中心) (黃大仙)黃大仙正德街103號黃大仙中心南館地下G12A號舖

和氣食堂 (黃大仙中心) (黃大仙).每次去黃大仙我都會諗到食和氣，係價錢親民嘅日本野仲要好食！.▪️溫泉玉子牛油果沙律▪️.四個人叫個沙律前菜，半熟溫泉蛋再加上牛油果💜.▪️電擊雞翼▪️.係呢到嘅特色菜，凍食嘅雞翼係非常入味。單骨雞翼會比較容易進食.▪️揚物盛▪️.有雞軟骨，芝士薯條同埋唐揚日本池魚！ 個人都係偏愛雞軟骨！.▪️四點刺身盛▪️.非常新鮮嘅刺身，有三文魚，蠔，油甘魚。望到佢咁令立立你都知(⁎⁍̴̛ᴗ⁍̴̛⁎).▪️石狩鍋豬骨湯底▪️.三文魚煎過再落鍋，湯底有娃娃菜，金菇等，煲湯好飲之餘，連啲三文魚頭都好好食.▪️黑松露香芒甜蝦卷▪️.呢度嘅卷物選擇好多，呢個香芒酸酸地，配埋甜蝦開胃！.📌 和氣食堂 (黃大仙中心) (黃大仙)黃大仙正德街103號黃大仙中心南館地下G12A號舖.

今日經過黃大仙平時好少嚟上網睇吓有咩好食，見到有個白咖喱烏冬即刻走去搵黎試吓，下午茶時間佢有好多茶餐同埋午餐都10分抵食，花多眼亂，同朋友叫咗兩個餐再加配左啲小食白咖喱忌廉烏冬嚟到嘅時候覺得幾得意因為第一次食，開頭覺得麻麻地原來發覺我冇撈得太均勻所以個底嘅味都上唔到，我覺得OK，但係又未去到話一定要食好出名咁嘅感覺，比起茶餐就咁一個烏冬$92就有啲貴啦叫咗個午餐刺身定食勁多嘢食，少少刺身雖然唔係話太新鮮但係睇落去個樣都幾靚，有個茶碗蒸，仲有個巨大嘅壽司軟殼蟹卷丶迷你烏冬同埋炸雞，真係勁多嘢！不過炸雞嘅味道就麻麻哋啦！其他嘢都正正常常，我哋加配左個關東煮，佢個福袋入邊好得意㗎唔係菜唔係年糕係蟹子雞蛋，總括來講都幾好呀雖然味都唔係話10分出色但係都真係幾抵食，大食夾底

超多好評的人氣日式餐廳，色香味俱全，推薦！餐廳裝潢充滿日本特色，環境闊落舒適，是聚會的好地方🍻 食物質素很不錯，價格合理，份量多，店員服務態度很好☺️ 人流好多，氣氛熱鬧晚市二人消費：$613 (10% service charge included)💖💖💖食評💖💖💖𝑭𝒐𝒐𝒅珍寶赤蝦海鮮丼 ($108)✨賣相好吸引的刺身飯🤤 全部食材都好新鮮，赤蝦、帆立貝、三文魚、玉子、三文魚籽、青瓜一口牛鐵板飯 配燒汁 ($102)✨鹹香惹味的鐵板飯😍 份量多，一口牛軟腍有咬口，配上燒汁好好味，配料有粟米、薯角、太陽蛋，十分豐富🤤 泡菜黑豚腩鍋 ($95)✨ 熱騰騰，香味撲鼻🤤 黑豚腩肉質軟嫩👍 配上豐富配料：娃娃菜、泡菜、小白菜、金針菇、冬菇、豆腐、粉絲，絕對健康又飽肚！ 三文魚牛油果沙律 ($79)✨ 大大盆，沙律菜、車厘茄、粟米粒份量好多！三文魚肥美新鮮，配搭牛油果 清新開胃 燒日本廣島蠔 ($52/2隻)✨ 蒜蓉燒、芝士燒熱騰騰，十分惹味🔥脆脆燒三文魚皮 ($38)✨ 香脆可口😋 配上他他醬好好味𝑫𝒓𝒊𝒏𝒌藍柑白桃梳打 ($45)✨熱門之選！打卡一流😍 大大杯，味道酸酸甜甜，開胃又解膩，推薦👍

如果去黃大仙日本餐廳！這間一定係首選！除咗食物新鮮外；午餐、下午茶餐和晚餐都有很多選擇！飲品也有很多款式！雜錦刺身定食：帶子很新鮮、三文魚很甘甜、蝦都大隻。跟碗木魚湯烏冬、食埋沙律軟殼蟹卷已飽飽！鰻魚便當好豐富。款式配搭都好吸引！味道唔錯！

同事介紹我嚟黃大仙呢間和氣食堂，聽講都幾抵食又大份，第一次我就試咗佢個一口牛，如圖，所示牛肉都算幾多，味道不過不失，好好食又唔算，呢個價錢可以接受囉😬😬第二次我試咗佢個三文魚豐盛定食，見到佢百幾蚊好似幾多嘢食，所以決定叫咗一個試吓☺️老實講三文魚味道麻麻地， 部位亦都唔算太靚，三文魚嘅味道都係開始變壞，但係介乎於仲未變壞可以比客人食嘅味道😕對於三文魚有要求嘅人就唔好過嚟，冇咩要求嘅，我覺得都算不過不失啦🧐佢嘅炸雞都係正常發揮，枱面上會有七味粉，我個人覺得加少少落去會好食啲，如果唔係就同普通炸雞冇分別😌茶碗蒸我覺得就麻麻哋，又係不過不失😆整體嚟講，我都可能會再幫襯🫤因為佢都唔算太貴，不過就未必再食三文魚….#三文魚 #食 #食飯 #食飯啦 #壽司 #炸雞 #茶碗蒸 #日本 #日本野 #foodie #foodiehk #hk #hkfoodie #正 #黃怪獸 #黃怪獸覓食 #想要更多真實食評搜尋ig黃怪獸覓食

黃大仙隔離個商場其實都有唔少食肆，而e 間和氣食堂睇落都唔細店舖乾淨企理，餐具都係行日系風格。最驚訝嘅係本Menu嘅厚度🙈🙈🙈今日一齊食嘢嘅朋友超食得，點左勁多野呢個沙律裏面有牛油果、魚同埋黑松露。黑松露嘅味道好香，撈勻咗之後其實都仲會見得到佢哋嘅蹤影。牛油果食落好林，一啲都唔生，熟到啱啱好。牛舌一碟嘅份量好多下，好軟霖，就算老人家嚟食都完全冇問題。下邊鋪咗一塵博博嘅洋蔥。而且牛舌一啲都唔簿，咬落去有厚度有口感燒雞翼上嚟嗰陣仲熱辣辣，外皮係脆嘅，入邊勁Juice好嫩滑鵝肝菌菇石頭鍋飯。石頭鍋飯個喎，朝就一定唔可以錯過。因為佢又加咗菌，另外仲有個鵝肝喺度，香味真係好吸引。豚肉鍋本身算係比較淡口味嘅食物，但因為加咗啲泡菜。所以成個鍋個味道又提高左一個層次。鍋入邊嘅蔬菜種類都幾多，算係健康之選而且下邊仲有少少粉絲。其實一個女仔食呢一個就已經夠佢嘅飲品都大大杯，呢個紫薯鮮奶飲足全餐飯都冇問題。如果唔另外叫嘢飲嘅話，佢嘅熱茶都好ok整體來講我覺得平民商場呢一個價格真係好實惠，而且味道又好服務又唔錯，餐牌種類又多，下次再嚟食飯叫嘅嘢食都唔使重複

食食下先諗起寫食評 因為覺得有點名過於實 雖然選擇很多 但是質數有待改善平日六點鐘去到唔使等位， 但係已經有部分食物售罄，例如角切魚生飯， 焗蠔只有芝士選擇叫咗兩個不同海鮮丼， 喺啲飯扣咗分，因為醋味唔夠令到飯有點失色另外想叫的燒牛丼也售罄， 叫了豚肉生薑燒丼，味道一般而且亦較肥膩最好食嘅係燒廣島蠔，雖然冇蒜蓉有點猶豫下叫了芝士，味道不錯最後的甜品糯米糍紅豆宇治抹茶牛奶雪糕， 雪糕比起我網上評價看到的細小了一點， 糯米糍亦沒有味道也較乾身

年初四去黃大仙廟拜神，拜完神見肚餓就去咗附近嘅黃大仙南館商場搵野食。適逢假日、又係年初四，相信好多人都好似我地咁嘅行程，所以商場入面人山人海，多人到間間餐廳都逼爆人。我地最後揀咗呢間人氣食店：和氣食堂，本身喺沙田圍分店食過一次，上次俾我嘅感覺良好，所以我都抱住幾大嘅期望再食佢架！我嗌左炙燒魚生丼，有炙燒三文魚腩、炙燒玉子同芝士蟹柳棒，飯上面瀋咗啲蟹籽，無論賣相、味道定係份量都非常高分，值得$98呢個價(另收加一)。最後講下店內環境：店內空間頗大，燈光微暗，枱與枱之間間隔充足，就算人山人海嘅日子都唔會夾硬逼你搭枱，算坐得幾舒服！

約朋友晚飯，去了黃大仙正德街103號黃大仙中心南館地下G12A號舖和氣食堂日本菜/壽司/烏冬/刺身，港鐵黃大仙站D3出口，步行約3至4分鐘，除了港鐵外，路面上滿是巴士或小巴站，交通非常方便。店內環境面積頗大，座位寬敞清潔舒適，裝潢時尚日風居酒屋格調，店員禮貌招待，推介是日特價美食，價廉物美讓客人食得開心。厚厚一本菜譜，不單是特色的日本菜餚，還有日式著名炸物、甜品和飲品，真是包羅萬有，未點美食已知今餐必定大飽口福。三點刺身盛$138三文魚刺身3片，肉質非常新鮮還要厚切，肥美滑嫩，口感勁豐富。章紅魚薄切6片，晶瑩剔透，鮮甜可口。甜蝦刺身3隻，蝦頭有膏，鮮甜蝦味，彈牙又滑嫩，總括這碟刺真是超值。石狩鍋豬骨湯底$95如喜歡吃魚頭，這是個非常好的菜餚，半個三文魚頭，份量十足，魚頭很滑溜，魚味很鮮甜，日式豆粉和娃娃菜雜菇豆腐浸入香濃的魚湯，真係好食到呢～溫泉玉子牛油果凱撒沙律$65這個沙律真抵食又好食，沙律菜很新鮮爽脆，份量夠多，特別一讚牛油果超大粒而且很多，沙律醬汁調味一流加上一隻溫泉蛋助味，更覺美味可口。芝士軟殼蟹卷4件$65芝士軟殼蟹卷擺款很精美吸引，卷物鋪滿沙律醬和蟹子，軟殼蟹又鬆又脆，啖

今次黎到黃大仙區搵野食，好耐冇黎，見到開左好多間新餐廳，咁岩想食日本野，見到餐牌d野食幾吸引，就入左和氣食堂到食我地大概8點鐘入去，都幾多人，不過等左10分鐘就有位入去啦我地今次實在太肚餓，叫左勁多野食首先叫左一個大阪豬排丼同黑豚肩燒丼睇唔睇到佢個份量真係好多！豬排好香脆，唔會炸到好硬，食入口好軟，加上佢個大阪醬汁，真係正！黑豚肩燒丼個精粹真係d燒豚肉，每一塊都燒得好通透，加埋佢個醬汁，真係幾好食！之後仲一碟3點刺身，見唔見到d三文魚幾大塊，色質都唔錯，估唔到平民區都有食到呢d水平既刺身！然後仲叫左三碟小食，一碟燒牛舌，一碟燒三文魚同電擊雞翼配薯條，牛舌同三文魚都有串燒舖頭既水準，燒得唔錯電擊雞翼有一種刺激係全身感覺既冰涼口感，有d似糖醋排骨既感覺，有少少覺得似fushion菜既創新菜色最後有食左一杯特濃牛奶芭菲，入面有好多紅豆，麻糬同小丸子，非常有口感