和氣食堂 (黃大仙中心南館)

營業中

休息中

同阿女去黃大仙探舅婆，後來去咗商場行吓，見到有間食日本野嘅和氣食堂，店前有多人等位，餐廳裝潢簡潔，全店座無虛席，阿女話咁多人食，質素一定有返咁上下，不如入去試吓！燒日本廣島蠔兩隻：蒜蓉和芝士：生蠔新鮮冇腥味，蒜蓉焗生蠔，蒜蓉很香，蠔肉肥美。芝士焗生蠔，芝士味香濃更惹味！溫泉玉子牛油果凱撒沙律，份量十足用料豐富，沙律菜好新鮮又爽脆，配上牛油果、蕃茄和酥脆麵包粒，伴入凱撒沙律醬，加入流心溫泉玉子、軟滑的牛油果和惹味芝士粉，開胃好味，十分健康。大阪豬扒丼：份量足夠2人食，底層係飯，上面係洋蔥炒蛋，蛋好滑，洋蔥甜甜地好香口，再上層係一大塊吉列豬扒，豬扒厚切外層酥脆，肉質有口感唔鞋口，最上層係椰菜絲沙律，份量十足成座小山咁，味道爽口又惹味！鰻魚牛油果班戟兩件：用軟熟嘅班戟皮，包住完熟牛油果、玉子、蟹柳及肥美鰻魚，再加上蟹籽，鰻魚滑、牛油果香，蟹籽增加口感，美味可口！石狩窩豬骨湯底：材料有三文魚頭和魚鮫、娃娃菜、白菜、菇類、粗粉絲，湯底是濃郁的豬骨湯，一口喝下去滿滿的香濃膠原蛋白，蔬菜軟林，吸收湯汁食鮮甜美味。三點刺身盛：三文魚刺身肥美，魚油甘香。章紅魚薄切，肉質鮮美爽口。甜蝦刺身肉質帶甘甜。

According to boyfriend, this is the most popular Japanese restauran in his neighbourhood. There are always diners there at all times of the day. But from all the years he's lived here, he's never eaten there. So, I was curious. We should give it a try, I said.We noticed they had afternoon tea sets so we went during that time. Menu is in Chinese only except the drinks menu which has English and Chinese. The sets all come with a standard drink with possible upgrades. You order by QR code ordering

放工想食好野，諗起以前食過有間日式餐廳都唔錯。所以，今次專登嚟黃大仙呢間“和氣食堂”食dinner,一於減減壓。首先，叫左個3款刺身，三文魚，油金魚，甜蝦，件件刺身都好新鮮，完全保持到以往嘅品質。網燒美國牛扒，喺我第一次食，牛扒切薄身上面淋上特製醬汁，加埋蒜片和蔥，好好味，又唔覺太膩。👍👍👍3色刺身丼一嚟就相當吸睛，上面d蟹子勁多，見到都大滿足。白咖哩烏東，起初我仲以為送錯左。無端端攞咁大碗白汁俾我做咩呢？點知內有乾坤。底下係幼嫩嘅烏東配埋呢個白咖哩，就更滑口。而且，伴以炸雞。講真呢間白咖哩同我喺出面食個d係唔同，好特別。唔識形容，你地自己試下啦！宇治抹茶芭菲喺我每次都會叫嘅甜品。有抹茶雪糕，好多芋圓和丸子，下面仲有帶甜紅豆蓉。食埋呢個甜品，就畫上完美句號。起初6點，以為無嘜人，7點就坐滿人。所以，記得早d嚟攞位呀！

平日夜晚黎左和氣食堂撐枱腳 8點入座依然好多客除咗有刺身壽司 仲有沙津 鍋物 小食 丼等 揀都有排揀😂另外仲有抹茶雪糕同芭菲等😻火焰左口魚邊牛油果沙津❤️左口魚邊口感肥美又爽口 經炙燒後濃郁甘香入口即溶👍🏻牛油果夠熟 沙津菜亦好新鮮 份量都好大份生虎蝦刺身好肥美 肉好厚身 食落爽口鮮甜😋配埋個汁食好開胃鵝肝壽司鵝肝口感紮實綿密 入口即溶😻脂肪味好香照燒魷魚筒咬落好爽口 原隻上賣相好吸引 醬汁亦不錯燒日本廣島蠔共4隻 有蒜味同芝士味 蠔味好重 唔會腥 而且仲好多汁👍🏻日本清酒石碢煮蜆份量好多 除左蜆肉仲有娃娃菜同菇菌 蜆肉肥美鮮甜 湯底清酒比例調校得好好最後叫左個糯米糍紅豆宇治抹茶牛奶雪糕 日本原料直送 軟雪糕好滑 抹茶味好濃 糯米糍好煙韌❤️

好少去黃大仙呢頭，見到呢間食日本嘢嘅餐廳好似幾吸引，就入去試下啦。環境方面，餐廳都算幾大，座位非常闊落。入到嚟最吸引我視線嘅係好多動漫figure擺咗喺度😍有好多我中意嘅角色。食物方面，好似都有幾多平時較為少見嘅食物，例如櫻花蝦鯛魚湯泡飯同埋白咖喱烏冬，所以就揀左黎試下。櫻花蝦鯛魚湯泡飯賣相非常吸引，有兩隻大蝦喺上面，再由店員加d熱辣辣嘅鯛魚湯落去。鯛魚湯非常鮮甜，完全冇腥味，味道淡淡地，應該係冇味精。所以我地連個湯都飲晒。白咖喱烏冬真係成碗都係白色，睇落好似一層忌廉喺上面。不過原來撩起d麵，下面先係濃濃嘅咖喱。咖哩味好香濃！火焰左口魚牛油果沙律，好好味呀，左口魚燒完有啲油香🤤加埋酸酸地嘅調味，好開胃。照燒魷魚筒，好大隻，好鮮味，唔韌。厥餅抹茶牛奶雪糕，唔會太甜，厥餅同丸子都好軟糯。飲品方面揀咗宇治金時同埋紫薯牛奶，大大杯，賣相好靚好打卡，又唔會太甜。非常推薦！

平時食日本嘢多數都係食壽司刺身嗰啲，好少話真係食啲咩日本嘅料理，今日食呢間和氣食堂，估唔到有帶到一種唔同嘅感覺比我。🤩我哋叫咗呢度招牌嘅咖喱烏冬、大阪豬扒飯，另外仲叫咗啲沙律同埋小食。先講個咖喱烏冬，上面有層白色忌廉泡泡，應該係薯仔泥打岀黎，口感好溫和，真係就咁食都好滿足，另外配上炸雞，更加係食到停唔到口。🐓大阪豬扒飯外型好吸睛，上面鋪滿左椰菜絲，上面林左啲有啲似大阪燒同章魚燒嘅醬汁，食落口感都幾過癮，下邊就係大大塊嘅豬扒，配上滑蛋，有幾好食，不過如果再多返少少醬汁就更perfect之後就係田園味噌燒茄子同埋電擊雞翼，茄子味道濃郁，送飯一流，電擊雞翼居然係凍嘅，有啲令人意想不到，唔知係咪因為咁所以叫做電擊呢？🤣🤣

上星期 約左朋友gathering 朋友岩岩搬左去黃大仙 我地就揀左之前都係屯門食過ge日本餐廳 有個爸爸級ge店員好nice 又識搞gag 氹到我朋友勁開心 環境方面 我地安排左坐卡位 寬敞舒適 岩晒我地傾足成餐飯 食物方面 好多選擇 3點刺身盛＄138好耐冇食魚生 所以點左碟有齊3款刺身ge刺身盛 有三文魚 甜蝦 同埋章紅魚 好滿足 白咖哩烏冬＄92呢個烏冬好夠份量 白雪雪 搞一搞 變番咖哩色 好得意 咖哩味道岩岩好 怕辣人士都岩食 另外炸雞好香脆溫泉玉子牛油果凱撒沙律＄65食完咖哩 食番個沙律fresh一下 菜同牛油果都好新鮮 mix埋溫泉蛋 超滿足 牛油果芒果三文魚班戟＄52好特別 加左三文魚ge班戟 好有趣ge組合 都唔錯 電擊雞翼配薯條凍食ge開邊雞翼 又係好特別ge菜式 甜甜地 同加埋薯條 呢個小食都ok 宇治抹茶芭菲＄82講到我ge最愛 一定係呢個甜品 好香ge抹茶雪糕 加埋唔同味道ge丸子 好好味 十分之滿足 Overall 一定要再讚店員真係好nice又有禮 食物款式多 環境舒適 一定會再幫襯

以前喺黃大仙返工兩個月，lunch幫襯得最多就係呢間餐廳 ，因為價錢唔貴而且食物質素又高，係我心目中黃大仙嘅美食巨頭。今日夜晚經過黃大仙，當然要再黎一試，之前lunch每次嚟到都要排隊等， 今次夜晚嚟到同樣好full，但好彩唔使排隊啱啱好可以直入。佢既 menu成本書咁厚，圖文並茂，種類繁多， 真係花多眼亂，我地好多都想食，所以真係叫咗好多。海鮮四色丼($135)海鮮四色丼有四款刺身：帆立貝四片、甜蝦三隻、三文魚兩片，以及油甘魚兩片。全部都係我鍾意食既刺身，刺身好新鮮鮮甜，雖然未算切到好厚身，但都絕對唔薄身，咁嘅價錢食到四色丼真係非常抵食。大阪豬扒丼($88)大阪豬扒丼嘅賣相絕對係同menu相一模一樣 ，真係圖文相符！ 而且份量亦都如menu所示一樣咁多，飯既上半部分有大量椰菜絲以及木魚碎，兩者舖成一個大山丘，再加上大阪燒醬汁以及沙律醬，下半部分就係滑蛋吉列豬扒飯，吉列豬扒好鬆脆， 好多豬扒飯嘅豬扒一係太稔一係太韌，但呢個豬扒真係做到外皮脆肉身軟，成個飯口感同味道都好豐富，無論係滑蛋，定係鋪滿醬汁嘅椰菜木魚絲，都非常好伴飯，所以大大碗都畀我哋食曬。雪糕推廣：宇治抹茶芭菲 配 電擊雞翼5

經表妹介紹！今日嚟到黃大仙和氣食堂食下至愛的日本料理~~~👘🍶🍙🦪🍣🍤環境： 🤖🤡🤯👺👽🍶🥃🍾🍺🍻餐廳座位較多、地方闊落、坐得舒服！裝修主要日本風格， 更有日本酒擺設和日本嘅figure公仔！職員態度：👩‍💼🧑🏻‍💼👩🏽‍💼🧑🏼‍💼 十分友善！每樣餸菜都說明是什麼名稱！俾顧客更加了解及明白！ 仲主動加入鯛魚湯兩次， 畀個讚店內餐牌：📒📕📘📗 每樣食物相片及顏色 製作都影得好靚好鮮豔！能夠突出不同食物的吸引力！尤其五顏六色的壽司類及刺身類！令你好想快快落order!食物方面：🍙🍚🍤🦪🍣🍱🍘🦐1️⃣ 櫻花蝦鯛魚湯泡飯💵$125🦐🍚： 職員取來一碗燒得熱烘烘像石鍋飯似的！它的外表已很吸引我！之後職員再細心地倒入熱騰騰香濃鮮味的鯛魚湯製成泡飯！食材也不輸蝕：有兩三隻大蝦~鮮味十足~爽口彈牙~還有帶子呢！成碗泡飯好鮮甜呀！ 回味無窮🤭🤤😋2️⃣ 芒果三文魚加州卷💵$65🥭🐟🍣： 芒果一啲都唔酸，加上新鮮肥美三文魚包住，裏面捲著蟹柳、青瓜及甜蛋配搭一流3️⃣ 黑豚肩燒丼💵$85🐷🐽🍚： 這個豚肉飯有驚喜！！ 放上枱已聞到豚肉片烤得好香好大塊，上層滿有蔥粒，飯帶有黏黏日本米， 粒粒分明，加上醬汁及韓式泡菜，正呀

黃大仙呢頭真係比較少日式餐廳呢間和氣食堂都算係個唔錯既選擇👍🏻 餐牌都有好大本 好多選擇🤩 牛油果沙律 - 份量好大 3 4個朋友share都無問題 沙律菜都幾新鮮～ 大蜆味噌湯 - 幾有驚喜 啲蜆幾肥美，無沙 個湯都唔會太咸💁🏻‍♀️💁🏻‍♀️ 海膽三色丼 - 價錢黎講真係算幾抵食，最出色係啲帶子 好鮮甜👍🏻👍🏻👍🏻 芝士軟殼蟹卷 - 面頭啲蟹子份量超多 啲軟殼蟹都幾香 配埋啲醬食好滿足🤩🤩燒茄子 - 呢個一上碟既時候真係好香 因為面頭有超級多蒜蓉 係惹味之選～～ 最後叫咗個甜品作結 啲麻糬粒粒好彈牙🤓🤓而雪糕本身都幾滑 幾香奶味 都值得一試 整體黎講呢間餐廳食物都幾有水準 價錢都唔貴 唔錯唔錯😋😋😋😋

相約朋友在交通方便地鐵一出黄大仙中心南館(和氣食堂)飯聚，大家口味一致日本美食🤣🤣先來一客……1.3点刺身盛~三文魚厚切軟糯感，咬起有很香油脂味在咀裏停留。甜蝦身形不小，肉質細綿味道鮮甜。紅魚薄切魚質鮮味清脆，爽口。三種刺各有其口感😋😋😋2.温泉玉子牛油果凱撒沙律~震震吓温泉蛋，配新鮮沙律菜爽脆鮮甜，再加入新鮮牛油果好美味。3.櫻花蝦鯛魚湯泡飯~燒得熱洪洪碗，再加入熱騰騰濃郁鯛魚湯，魚湯味即時撲入鼻孔😆😆，加上美味食材大蝦爽口彈牙，蝦頭爆膏鮮甜到絕頂👍4.千回火鳥~其實係郊外燒雞翼味道👏👏👏，外皮燒得少少焦香、甜甜地，肉質嫩滑，幾juicy。5.糯米糍紅豆宇治抹茶雪榚~紅豆軟糯，抹茶味突出，濃郁而不苦澀，帶有茶味回甘6.阿法奇朵~濃縮咖啡即時溶化冰淇淋，冰火交融，甘甜味口感。

第五波疫情都已經到咗尾聲咁滯，係時候同屋企人出去食返餐正嘢，今次我選咗黃大仙南館嘅和氣食堂…..一間高級日本餐廳，一來有朋友介紹，二來位於黃大仙方便就腳，搭地鐵就到啦，餐廳嘅格調高雅，員工嘅態度親切幽默氣氛融洽，怪不得星期一嘅晚市都入座率高. 首先登場的是白咖喱烏冬，跟三件炸物，我是日式咖喱的熱愛者，已經不能去日本好幾年了，這地道的烏冬給我滿滿的（思鄉）情懷，隨後登場的是三文魚、牛油果沙律，新鮮清爽的沙律菜口感換去了濃味的日式咖喱，感覺很不一樣，跟着上來的是豐盛的刺身，厚切的三文魚、油甘魚和甜蝦帶來的驚艷令家人讚不絕口，千回火鳥——雞翼，沒有花俏的外表卻幾乎每一台食客都有點，用行動投下神聖一票. 飲品是藍柑白桃梳打和凍朱古力咖啡，不單止是彩色繽紛也讓我們口味一新。

黃大仙有間日本菜餐廳每逢食飯時段都排長龍，今日幾約朋友兩位過黎試下。我地閒日6點就到，不過餐廳已經唔少人幾熱鬧。餐牌厚厚一本選擇好多，除左必有嘅壽司、刺身、丼飯，熱食、小食、野飲、甜品都有好多選項。三文魚牛油果沙律 - 三文魚角切量都唔少，厚肉。調味係酸酸地好開胃，牛油同沙律醬果新鮮質地軟滑。芝士厚燒玉子 - 玉子微甜有蛋香，厚切咬落好有口感！計時微微燒過，非常邪惡！大阪豬扒丼 -炸豬扒，上面係椰菜絲堆成一座山仔，上面鋪咗大阪燒嘅醬味，下邊係煎蛋。炸豬扒肉質鮮嫩、外皮香脆，非常滿足。藍柑白桃梳打 - 非常適合打卡，微甜嘅桃味配微酸嘅藍柑，凍冰冰解渴消暑。宇治抹茶芭菲 - 抹茶味香濃，啱晒我呢啲抹茶控，配上蒟蒻，更有口感。

呢排放寬左0+3，未去日本🇯🇵前已經掛住日本野！上網睇呢間餐廳日式好似幾受歡迎，一於入黎試吓🙈溫泉玉子牛油果凱撒沙律$65: 份量超多，流心玉子拌埋沙律🥗一齊食，成件事更新鮮，而切粒牛油果🥑撈埋落去，口感更為特別雙重芝士鰻魚卷$62: 鰻魚上面放左塊芝士，仲要有火炙效果，而入面亦放左粒芝士，絕對有雙重嘅享受，岩晒我呢啲芝士控！珍寶赤蝦海鮮丼$108: 赤海蝦超級大條，而且食落去蝦肉鮮甜彈牙，蝦頭有少量蝦膏，亦帶有少量甘甜效果，真係好滿足！而三文魚同帶子亦都厚切，食落去幾新鮮～飯粒飽滿，粒粒分明，係用左日本珍珠米黎煮！黑豚肩燒丼$85: 豚肉燒得好香口，咬落去豚肉嘅肉汁+鮮味佈滿成個口腔，師傅亦都用左燒汁去煮，所以撈飯一齊食，成件事可能好heavy, 但真係好滿足！凍紫薯鮮奶$38: 飲落去紫薯味甚濃，唔會覺得落左太多色素落去，中上水評～宇治金時$42: 抹茶味好濃，亦放左好多紅豆🫘落去，攪勻一齊飲成件事好match!宇治抹茶芭菲+電擊雞翼+炸薯條$82: 電擊雞翼係凍食嘅，食落去比較新奇，因為肉質係硬身嘅，比較特別，而薯條🍟亦都新鮮炸出黎，食落去幾香脆～雪糕方面，好濃郁嘅抹茶味，側面亦

平時食日本菜，最怕又貴又食得唔飽，但是來到這裏一定會捧住個肚出返去我每次來到這裏，都會一定叫這個櫻花蝦泡飯，平時豬扒雞扒飯基本上周圍都有得食，反而這個櫻花蝦鯛魚泡飯就真的要來到這裏才有得食，叫一個飯都已經夠兩個人分享，另外我見到餐牌做緊這個雪糕平薯條平雞翼的套餐，所以叫咗嚟試吓這個泡飯裏面有大蝦，有帶子，有菜，有櫻花蝦，最緊要是夠熱辣辣，湯底又夠滋味，基本上每一啖飯都會飲埋嗰啲魚湯這個薯條拼雞翼都不錯，因為食完個飯都已經有啲飽飽地，所以叫番啲小食食就已經差不多，薯條炸得不會太乾，味粉又不會完全調會奪去薯條的味道，雞翼上面的蜜糖令到入口甜甜地，有不同的口感。玉子燒不要看小雖然只是雞蛋，但是食完都基本上10分飽肚，上面的芝士溶得剛剛好，不會像流水一樣，而是仲有完整的形狀的每樣的刺身都10分鮮甜， 10分新鮮，不用點醬汁，也覺得回味無窮，尤其是是生蠔，像糖水一樣那麼甜。牛舌亦10分彈牙抹茶雪糕亦都會帶來滿足感，我很喜歡用黑白配餅來點抹茶雪糕，而且上面還有我最喜愛的日本蕨餅