和牛燒肉一郎 (寶漢大廈) (已結業)

😣不衛生 不新鮮 有異味 播衛生男友睇過食評 多人點讚 選擇該餐廳作生日飯5:30入座 無乜人 得幾枱 二人C套餐一兩個問題其實唔係接受唔到既 我地都唔係西客 但去到後半part覺得成餐飯都好多問題 就覺得事態嚴重 唔想有人再中伏 所以相片方面都係影得幾張 一坐低 圍住燒烤爐上面既邊 仲有上一手留低既油跡😵‍💫點完野食無耐 店主上左個寶箱入面放左個西冷牛一打開 有一大陣發霉up味湧出黎 我真係嚇一跳然後再望真啲個寶箱 勁污糟🤢🤮已經有點反胃 但個西冷牛係成餐飯唯一覺得食得入口既牛基本上其他區全部都好鞋 有部份仲要深啡色既鮮度得不足 啤酒每人$68任飲 揀咗麒麟一飲 酸的。。。。。🫠唔知放得太耐定尾水了點左兩隻蠔 每隻獨立錫紙兜上 入面有啲水燒到半路 兩隻蠔既蠔水完全唔同顏色一隻係乳白色 另一隻鴨屎綠色 🤢問店主係咪正常 店員都表示唔清楚 我哋都唔知食好唔食好嗌左碗海帶湯 成碗湯都係滿滿既麻油點“畢“都仲有好多油 😰飲半碗都應該柯成餐飯基本唔知自己食緊咩咁 好在店員既服務係好的 都好友善 但食物質素同環境衛生 真係不佳食過一次就夠了 😖

好耐冇出去食嘢，朋友係一個鐘燒肉怪今次就有質素又好味嘅燒肉店，大家一起放題任食|一係唔食一食就梗係要食燒和牛基本上喺銅鑼灣一出口就可以見到大大間舖！而環境都好大，坐得幾舒服，乾淨企理，朋友兩個人舒服服坐喺卡位唔覺得有乜嘢油煙味感覺都係行高檔路線/|飲品係自助攞有好多特別嘢飲可以自己選擇其中我真係好推介，呢個甘筍蘋果美人水唔會勁甜，加上解渴同埋一啲肥膩感覺都無食住燒肉飲住啲咁健康嘅飲品，一啲都唔會罪惡感咁講完一定係要講吓啲燒肉我地嗌左 Set B 可以食唔同嘅豬雞海鮮之外最緊要有特選牛＋嚴選牛特選薄炙牛肋骨嚟到個樣已經非常靚仔紋路非常之靚輕輕一燒加上少少岩鹽牛肉味，非常濃郁好食到停唔到口仲可以加埋隻雞蛋|更加香滑另外我哋再鍾意嘅係有蒜味同埋蔥味嘅牛舌非常之香其實佢仲有好多海鮮豬，雞都好正下次再去再食過

今日收工去咗銅鑼灣嗰邊搵嘢食，成日經過呢一間食燒肉嘅餐廳，今日就決定上去試一試！餐廳位置喺地鐵站對面，非常方便餐廳嘅牛肉質素都非常高，我就比較推介佢嘅牛舌，咬落去口感十足，加埋佢嘅醬汁食非常好味！牛肉嘅種類，佢都有好多種！牛肋肉嘅牛味非常濃郁，口感味道幾好 佢亦都可以叫唔同嘅小食，我就叫咗佢嘅日式炸雞！佢嘅炸雞係即叫即炸，嚟到嘅時候仲係熱辣辣！點沙律醬食卜卜脆非常好味！我都叫咗個芝麻撈烏冬！味道不過不失！食物種類都幾多，總括用餐愉快

🐽 日本產黑毛和牛有好幾款唔同既部位，包括左牛肋條、里脊肉、牛肋肉、西冷同肉眼都係最極品既和牛級數。燒起上黎d油脂好香口，肉質鮮嫩，入口即溶🫶🏻🐽 夏多布里昂牛呢個牛肉質量都唔錯，肉質細緻，食落燒得剛剛好，食落口好林滑🐽 燒海鰻海鰻非常肥美，上枱前已經預先燒到半熟，自己再燒既時候燒得d魚油好香口，好適合同飯一齊食🐽 海膽壽司配燒和牛卷壽司好有創意，海膽好新鮮一d都唔腥，將燒得好香既和牛包住一齊食，食落好有層次感🐽 和牛壽司係黎到食到呢個質素既和牛壽司絕對係一個驚喜！和牛肉質好高好，d油脂分布亦都好平均，完美配合壽司飯🤣🐽 明太子薯仔沙律、紫菜湯、沙律明太子薯仔沙律好開胃，明太子味偏重，好有日本便利店食到d沙律既感覺紫菜湯味道鮮美，沙律新鮮爽口，好適合做前菜🐽 海鮮（蝦、帶子）蝦肉彈牙，帶子好新鮮，兩樣都燒得好香濃，食落好滿足

我們地揀左嚴選牛肉放題及盛合，連加一每人HKD463，menu可以選擇既肉非常多，除左肉類仲有沙律、壽司、湯、其他飯同麵食，menu每一個page都好多野揀，2個人尼真係試唔晒咁多！出面仲有飲品、沙律bar，另外有甜品、雪條任食～嘢食方面，我哋叫咗以下依幾款：牛肉：極上厚切牛舌特上牛舌棒特選牛肋條特選牛肋肉薄炙蔥花牛舌鹽味特選薄炙牛肋肉一口牛特選牛里脊肉牛里脊肉牛肋肉牛肋條海鮮：帶子蝦小食：韓式菠菜牛油雜菌甜品：石板街牛奶布甸特別推介大家試極上厚切牛舌、薄炙蔥花牛舌鹽味特選薄炙牛肋肉，基本上都唔使點太多調味料我自己就淨係點少少鹽來調味，已經好好食，牛肉味好濃，肉質好好～如果怕太膩可以配埋牛油雜菌一齊食，牛油味好香濃。依度嘅食品種類選擇真係好多完全唔需要擔心成餐淨係食肉，除咗牛肉之外雞肉帶子同埋海蝦都好好食。另外一定要叫佢嘅紫菜雞蛋飯，配埋牛肉食冇咁膩，雞蛋同紫菜撈埋啲飯一齊非常好食，雖然食緊放題，但我忍唔住食咗一碗飯，真係好好食～甜品真係太多，淨係試咗石板街同牛奶布甸兩個都好鍾意～

近排輕左, 今晚比人捉左去銅鑼灣<和牛燒肉一郎>增磅😆, 呢度環境寬敞企理, 光線充足！我哋揀選左Course B 餐, $448有102款食物可以任選, 舟盛盒內已經有海鮮, 牛豚雞 , 魷魚和野菜, 仲有個桶盛盒加埋已經有38款食物, 啲肉🥩多到燒唔停手！場面壯觀絕對啱晒影相打卡！佢哋肉質比起一般肉類更加優雅柔軟，鮮嫩多汁，非常美味。絕對是肉類愛好者不能錯過的極品佳餚, 食到捧住個肚大滿足。 仲有要提下呢度既甜品, 係入口收銀處隔離有個雪櫃, 入面好多明治雪條, 一定要留肚。地址 : 銅鑼灣波斯富街24-30號寶漢大厦2樓

<銅鑼灣高質燒肉放題>🤩別以為食放題既燒肉會好普通, 其實係可以好高質又好味架🤩 位於銅鑼灣這間燒肉店以放題為主, 環境乾淨寬敞, 而且食物種類選擇多, 絕對係值得回頭再食.我今次揀選左Course B 餐, $448再加一. 呢款餐有102款食物可以任選, 而且仲有舟盛盒 & 桶盛盒, 又有120分鐘時間俾大家慢慢燒慢慢食, 正😋舟盛盒內已經有海鮮, 牛豚雞 , 大大條魷魚& 蔬菜😍 桶盛盒亦有牛雞豚. 擺盤已經好靚, 絕對好啱打卡影靚相.每一款牛既部位, 肉質非常高. 好有鮮味, 而且入口爽口, 一點也不鞋, 絕對可以encore. 呢度既甜品& 飲品亦都有好多選擇, 正✌🥩餐廳 : 和牛燒肉一郎🥓地址 : 銅鑼灣波斯富街24-30號寶漢大厦2樓

放工之後同同事一齊去一間叫🐮和牛燒肉一郎食燒肉，叫左有得燒和牛嘅餐😋🐮套餐有和牛嘅唔同部位食，肉質鬆軟易咬、而牛舌嘅口感非常特別又彈牙😋另外仲有海鮮及熟食任叫👍🏻🍹店內有各款飲品可以飲，而甜品以雪條及乳酪雪糕為主，當中雪糕好似係日本直送，味道豐富有層次唔單一👍🏻

朋友話好耐冇食燒肉，搵咗呢間和牛燒肉一郎。一入到去，環境唔錯，座位好闊落，坐得好舒服。我地今次揀咗Couse B，係中位價格。價錢係$448加一，星期五六日及公眾假期$498再加一。餐廳掃QR code落單，我地揀既Couse B有102款嘢食任點+舟·盛合+桶·盛合，有120分鐘可以慢慢燒。舟·盛合：有牛雞豚+海鮮+肉+蔬菜桶·盛合：有牛有雞有豚+蔬菜兩個盛合擺盤都好靚，非常適合打卡，同埋好味，加埋蔬菜，葷素搭配好正。我地叫咗個黑松露薯條，真係好好味🤤贏過晒出面個d，有驚喜到！黑松露醬超級無敵香搭配啱啱新鮮炸起既薯條，正呀！😍食到停唔到，真心推薦鍾意黑松露薯條的朋友試一試。除咗手機QR code落單之外，門口位置都有好多野食可以隨便拎隨便食隨便飲。沙律菜可以自己搭配唔同蔬菜同醬汁。出面有好多罐裝飲品可以拎，唔鍾意罐裝嘢飲既話，仲有好多特別既飲品可以自己斟，仲有啤酒搭配燒肉。門口位仲有爆谷機玩下，超級得意😆爆谷機隔離仲有棉花糖，可以拎返埋位烤棉花糖，好玩又好食🤤食飽千其唔好miss咗甜品，甜品係各種杯裝蛋糕在，肉桂青蘋果芝士餅，石板街，檸檬忌廉杯。不過最正既都係日本雪糕，有好多唔同味可

朋友說想吃日式燒牛，所以找了一家放題燒肉店各適其適。和牛燒肉一郎在很多地區也有店，今天來到就腳的銅鑼灣分店，就在SOGO附近。格局走年青路線，以提供高性價比之燒肉套餐見稱。.放題套餐有幾款選擇，主要是牛肉質素的分別。有網上下單送上的肉品或料理項目，也有簡單自取的沙津、飲品及甜品區。地方雖不算太大但勝在用餐空間闊落，基本上是以特大的卡座為主，私隱度高亦有充足的用餐空間。.選了B餐閒日每位 $448，星期五及周末假期價格會再高一點。限時120分鐘，套餐包括了不同款式的牛刺身、日本豚、雞、海鮮、野菜等燒物及熟食料理，另有經常轉換款式的特色舟盛合和桶盛合，打卡辨識度高。.B餐套餐內容：包括一個舟盛合、桶盛合＋102款燒或熟的美食、自助區有多款沙律、飲品、甜品及雪糕、雪條✿ 精選牛肉25款✿ 牛肉刺身3款✿ 日本豚肉6款✿ 豚肉8款✿ 雞肉4款✿ 海鮮8款✿ 野菜10款✿ 其他38款.先來到的是舟盛合和桶盛合，以靚靚打卡度高的舟和日式木桶送上的精選燒物。舟盛合的項目以海鮮為主，有燒帆立貝、魷魚等。來燒肉店主打當然是牛肉，大路的款式應有盡有，不能一一細數。 .燒肉今天試了很多不同的肉類，特選牛肋肉

高質燒肉放題去邊搵，原來銅鑼灣有得食，$500左右，可以食到過百款高質和牛，真心正待應會首先送上是日寶箱和牛西冷，冷藏冰噴霧好吸晴西冷油脂分佈好均勻，雪花紋好靚，牛味純香牛里脊薄切大大塊易燒D肉質比較瘦，但牛味重，食落會健康D小食炸物選擇都唔少，叫左拉麵同薯條都幾好薯條幼身配左黑松露醬，拉麵細細碗食完唔會好飽可以繼續燒肉雪條櫃好有驚喜，有五、六款明治雪條，平時食放題好少見，試左荔枝同波子汽水味都幾清新

✨銅鑼灣、佐敦、荃灣、將軍澳都有分店✨🐮ᴄᴏᴜʀsᴇ ʙ 嚴選牛肉放題及盛合 $𝟺𝟺𝟾ᴄᴏᴜʀsᴇ ʙ 放題包括多款精選牛肉、牛肉刺身、豚肉、雞肉及海鮮等。另外也有小食、壽司、一人份的飯麵，還有自助吧供應多款沙律、飲品及甜品，應有盡有。-甫坐下先送上兩份頭盤，一是舟·盛合，放上了海鮮、蔬菜、肉類；二是桶·盛合，放上了肉類、蔬菜數款，試過合心意的部分可以再追加。海鮮類雖然只係試咗頭盤送上嗰幾款，不過3款都很不錯～大蝦肉質彈牙，魷魚超級大條，好厚肉又有咬口，仲有魷魚鬚燒完都仲好爽口🦑-ᴄᴏᴜʀsᴇ ʙ 供應的牛肉未到和牛級別，油脂感不會太重，多吃幾片也ok!! 個人最喜歡薄切的大判壽喜燒牛里脊肉，肉味較濃且脂肪比例較少，燒兩燒就食得～豚肉相對上油脂量就會高返啲，整體較香口不過都唔會有成口油感覺。壽司試咗福岡明太子卷同烤和牛卷，兩款都幾特別值得一試。另外炸物水準也不錯，私心推介可樂餅同黑松露薯條🤓最後飲品同甜品選擇都好多，飲品除咗一罐罐較特別嘅仲有西班牙特飲、柑桔美人水，連橙汁、白桃汁、利賓納都有😂甜品則有軟雪糕、雪條，仲可以自己燒棉花糖😛

係我食過最豪華嘅一次日式燒肉餐廳，好食到返唔到轉頭！同朋友兩個人嗌咗最貴嘅D餐，呢度除咗有主要嘅肉類同小食之外，餐廳出面亦都有多款嘅沙律、飲品、甜品等等！舟盛合有牛肉、豚肉、雞肉、海鮮同埋野菜，啲食材新鮮，燒得啱啱好。肉質鮮嫩多汁，海鮮更係鮮味十足。桶盛有牛肋肉、牛里脊肉、豚肉同埋雞肉。牛肋肉脂肪分佈均勻，味道濃郁；牛里脊肉則瘦身但依然口感滑嫩。豚肉鮮美，雞肉味道香濃，經過火候控制得宜嘅燒烤，每一口都令人感到滿足。極上花盛合包括和牛牛肋肉、和牛里脊肉、里脊肉、牛外橫隔膜、豚肋肉、牛舌同蔬菜。和牛肉質極佳，脂肪同肉質完美結合，入口即化。牛舌呢一款食材，口感獨特，同蔬菜一齊食，更添風味。是日寶箱有和牛西冷，肉質無得輸，經過店員嘅巧手烹調，令人難以忘懷。4天梯有四款黑毛和牛，每款都具特色，味道絕佳。極上和牛夏多布里昂部位，肉嘅口感更加豐富多姿。生牛大腹肉壽司同香蔥生牛腹肉碎壽司，兩款壽司都係用生牛腹肉做成，生牛腹肉係一種好鮮嫩嘅肉質，味道都好濃郁，同時唔會太膩口，加上壽司飯同香蔥嘅配搭，令味道更加豐富，個人覺得好好食！炙燒壽喜燒壽司配雞蛋，味道更加豐富，壽司上面放咗一啲燒過嘅壽喜燒燒肉同埋生

位於銅鑼灣嘅呢一間日式燒肉餐廳，見到佢有四個放題餐俾大家揀，我同朋友就揀咗最貴嘅D餐，試晒佢哋唔同嘅肉類，價錢雖然貴，但係性價比絕對高！呢度除咗有唔同肉類選擇之外，亦都有壽司、小食、沙律等等，比起出面食自助餐，個人認為呢一間日式燒肉店都係唔錯嘅選擇！我哋揀嘅D餐，有得食日本餐黑毛和牛放題同埋九款唔同種類嘅海鮮，而喺點菜之前，餐廳已經會送上各種肉類同唔同部位俾我哋試晒咁多款肉先！舟盛合舟盛合真係一個好豐富嘅選擇，有牛、豚、雞、海鮮同埋野菜，應有盡有！桶盛桶盛係一個好適合肉食愛好者嘅選擇，牛肋肉、牛里脊肉、豚肉同埋雞肉都非常美味。炭香撲鼻，口感美妙，肉食愛好者唔可以錯過。極上花盛合極上花盛合真係極品中嘅極品，和牛牛肋肉同和牛里脊肉肉質極佳，每一口都充滿濃厚嘅肉香。牛舌如果加上蔬菜，又鹹又香又脆口，味道絕佳！是日寶箱是日寶箱嘅和牛西冷質量一流，肉質豐滿，口感絲滑。4天梯（和牛4種）4天梯嘅黑毛和牛選擇豐富，四款不同嘅和牛部位，每一款都有獨特嘅風味同口感。打卡都一流，真係一個好享受嘅選擇！極上和牛夏多布里昂部位真係令人驚艷，肉質香滑，完全有入口即溶嘅感覺！除咗一開始送上嘅肉類之外，個人認為有幾

高質和牛燒肉放題和牛一朗燒肉放題位於銅鑼灣，交通非常便利，鄰近地鐵站，而且餐廳內部寬敞明亮，環境舒適，是一個非常適合與家人和朋友聚餐的地方。我們選擇了course C套餐，這個套餐已經包括了三個拼盤，包括了和牛各部位、海鮮、豬肉和雞肉等。每一塊和牛肉都入口即溶，非常鮮美，而且其他配料也非常新鮮，口感豐富，讓人吃了非常滿足。除了套餐之外，和牛一朗還提供了無限添加的和牛刺身、和牛壽司和手卷，讓人可以盡情品嘗到各種不同口味的美食。此外，他們還提供了沙律吧、新鮮健康果汁、棉花糖和爆谷等，讓人可以在享受美食的同時，也能夠享受到健康的飲食體驗。總體來說，我非常推薦和牛一朗燒肉放題，這裡不僅提供了高品質的和牛肉和其他美食，而且還提供了豐富的配套服務和舒適的用餐環境，是一個非常適合與家人和朋友聚餐的地方。如果你想品嘗到最好的和牛肉和其他美食，那麼你絕對不能錯過這家餐廳。