和田日本料理 (已結業)

一早book左位,即刻可以入座,只不過~門口冇人排隊~首先要贊一贊"car"位,夠大~唔似之前去開d放題咁逼...個人認為,刺身ok~壽司可以接受,但燒物差,炸物都可以接受,不過天婦羅冇搭配醬汁!!第一輪刺身,虎蝦沒有評論咁正,有小小失望,三文魚口感不太好,其他都ok.好香口,不過要即刻食,如果唔係會"淋"曬.一般,火焰差!!迷你花之戀~之前睇過相,所以對佢期望不大.吉列元貝差!吉列蠔還可接受,芝士年糕好好味!!我忍唔住食左2個!!沒有醬汁,一直認為d粉好厚!好味~我鐘意味濃的汁!(不過,個賣相唔係幾好,因為d汁o既關係=..=)最後是我最最最愛的雪糕~呢2碗都係我架!!哈哈哈,綠茶同紅豆大愛,芝麻好鬼難食!!另外,海膽手卷令人失望,花之戀因為之前見過評論,所以冇太大期望.記得對他的爐端燒不要太大期望...!!應該唔會有下次,試下就算喇~

一早book定枱一到就入得有成7-8張order紙不但款式多..又熱又新鮮一開始就黎一大碟刺生放題難得有咁肥美新鮮三文魚串燒...壽司...小食都不錯值得再去～

因為老公今日下午已致電訂檯，所以不用花時間等檯，我哋坐的是卡位，所以都覺得好舒服。食物質素都ok，今晚所食的三文魚都算新鮮肥美，所以我和老公都食了三轉。虎蝦、甜蝦、馬刀及貝劍魚都算不過不失。令我有驚喜的是芝士年糕，因為我是第一次食的，食落都好鬆脆、好好味、味道特別。羊架又夠大件、夠香口、有羊味。炸生蠔就夠新鮮、即叫即炸，上檯時還熱辣辣，值得一試。不過，花之戀就令我比較失望，因為貌相唔好、睇落有d散。牛柳就過咗火，有d濃。飲料的選擇不算多、酒精飲品亦要另計(如果啤酒都可以任飲就會更加理想)，不過，總括整餐質素都值得一讚。

本人老公生曰book左枱8：30食兩個鐘頭放題。其實嗰曰都full哂位上到餐廳不用等好彩有留位。食物水準和服務都ok。但食左有幾樣不好吃（例如綠茶雪糕味道怪怪地，羊架無味得個蘇字，牛串燒又係無味，海老串得個咸味。最好食係三文魚，馬刀貝，劍魚厚到成1cm新鮮肥美紅豆雪榚ok

琴晚做完野好夜，老公話想吃放題，醒起上次同friend去創興打邊爐，有間放題，所以就即刻坐的士去旺角。上到去，見到好多人，諗住應該好吃啦，但因爲已經11點50分，所以問個waitor仲有無得吃，個waitor話有仲一路講一路帶我地去坐低。因爲已經好肚餓，同老公係甘tick野吃，5洗5分鐘，已經order左好多野同清酒。但係野吃都未來淨係來左個花之戀，有個類似部長ge女仕已經走過來話，12點半last order，望下個電話，5係吖，12點08分蘿wor，即係話d 野未來齊都已經要叫啦，我地已經坐低左order左野又吃左個花之戀，米通依傢話走咩 跟住問其實和田幾點收，她講1點，甘我地入來個時又5出聲。跟住ge野都5想多講啦，d 野吃無味，只是知道輕微腌過，即係最普通個d 用糖鹽醬油腌，5好吃。12點半個位女仕又返來話last order啦，仲需不需要d 咩野，我地話5要啦，張單5洗1秒就放左係我面前，她又知我會5叫野，預先print定張單？ 吃得甘趕又5開心，過左幾分鐘，我同老公就走左 P.s. 12:40 我地未走，就已經係我隔離掃地！有甘多地方5掃，係都要係我隔離掃，擺明係想我地走

"不高興的一餐"初時見呢間野好似幾好味咁...又唔貴.....入去食完先知原來咁...入到去間店明明冇乜人，有成一半空位，兩個人去食話想住四人枱都唔得。食放題呀，張枱咁細點擺呀.....三文魚好似變左咁.....D蜆又淡而冇味....希靈魚仲衰....筆墨難以形容....款已經唔多~~又唔好味....最過份 o既就係話食淨要收錢...放題間間都話要收錢，真係未試過真係收你錢囉...每件要收10蚊...仲有...d staff service好差!!!我唔會再去食囉!

食物質素差，刺身好唔新鮮，尤其希靈魚（林晒又無希靈魚嘅味），出菜極慢，完全無效率，運作好亂，兩個鐘任食，確實到你想食都無得食！金菇牛肉卷勁鹹，麵豉湯（希）到水咁，清酒煮蜆似清水煮蜆，最緊要嘅係，以日本放題嚟講算選擇勁小。不過有彈都有讚，唯一燒羊架係可以。今次去喱間食，皆因朋友約，我以為佢地食過，所以無睇食評，誰不知個個都第一次，不過真係無下次！

第1次試呢間刺身同壽司類種比起其他旺角同局的確係少d選擇刺身唔夠鮮....食落口仲刺身仲好似暖暖地咁...唔知係咪放得耐..之前上黎OPENRICE呢到見到D食評大讚D虎蝦好正..我就抱住好爽既心態叫黎食..點知完全有小小中伏feel...食唔到蝦味無味..不特止..仲好似有小小怪怪地味....可能我怪雞d中意刺身凍d....但係都長氣講多次..真係全部好似放暖左咁....唔知係我地去果日質數咁o岩下降左定係點..熟食...都ok ga...又唔係太差..炸野(炸豪.天婦羅)果到都幾爽~唯一可以讚係d壽司..d飯無其他放題咁差..唔會痴埋晒一pet野咁~幾好食下....希望間野會有d改善

趁住放easter約左班friend出黎大拆一餐, 揀左旺角嘅和田日式料理,事前已經做足功課~ 睇左openrice 嘅朋友介紹,佢地講果幾樣必食嘅野都有叫黎食, 果然無介紹錯野食種類算唔少，飲品無咩特別，不過我幾鍾意日本麥茶，都幾甘香我地果晚本來約左6個人，最後2個甩底，得番4個人所以第1 round都唔敢叫太多壽司，廢事食到飽晒個肚無位剩不過我地叫左果D都幾好味，尤其係火灸類壽司，老實講我覺得無黎果ｄ人係走寶哈哈跟住就order左d刺身d刺身種類雖然唔算多，勝左夠抵食尤其係d三文魚，夠晒厚清螺片夠鮮甜，至於希靈魚我自己就一向都唔好第3 round就叫左d串燒D串燒size又係好大帶子同燒蝦都大大粒，岩晒大胃王不過最重要係ｄ野熱辣辣咁上，夠惹味第4第5不過想講一句，千其唔好一開頭就掛住食三文魚刺身食到飽晒，因為佢d一品料理，鍋物同天婦羅好值得試~

雖然無book 檯. 但一去到都即有位. 7 點鐘去到, 8:30 要交檯, okay 呀無問題. 環境仲幾好.其實原本打算去食松屋. 但朋友試過呢間話呢間ok, 所以就跟左佢地黎試下. 超白痴地, 入去之前唔記得問價錢.食左咁多樣野叫做好味既有: 炸香蕉, 甜蝦sushi, 同埋和牛sushi. 叫左好多sashimi, 軟殼蟹手卷, 花之戀, 炸雞軟骨等等......overall 黎講都係3個字....唔好味. 羊架好油, 叫左個芝士年糕...成口粉...好似食緊炸薯波咁..食左大半舊先有d 芝士見下.......@.@埋單仲要差唔多成200 蚊個.....心入面暗罵......

是日HAPPY FRIDAY，約埋班同事收工食放題8點幾放工，去到旺角岩岩好9點由於其中一位同事話之前去過和田都幾抵食所以我地就決定去幫襯宵夜時段我地9點半就有位，唔駛等，入座開始食兩個半鐘都只係$138，價錢幾ok而度環境唔錯，周圍好乾淨，坐得幾舒服，仲有電視睇串燒蝦脹卜卜，好多肉，少少咸，幾惹味另外唔識分雞軟骨同雞軟骨棒，所以兩樣都叫哂原來雞軟骨棒串係一塊肉餅咁，雞軟骨串就係普通既燒雞軟骨天婦羅無呃秤，因為佢唔會全部都係炸粉，而且隻蝦亦都相當大另外仲有蕃薯、南瓜、冬菇等等唔好睇佢個樣好似唔太吸引咁，其實個醬甜甜地好好味！除左罐裝飲品，仲有自家製既如麥茶同菜蜜但係如果想飲啤酒清酒o個d就要另外再收錢～不過我同同事都並非好酒之人所以未能同各位分享$138黎講，呢餐質素算係好好下次宵夜時段再黎過～

自己一向極少食放題! 因為冇次掂....已經失去信心 是日友人生日...1X多人行....就由朋友話事! 食咩都好啦...小女子都奉陪!這裡的款式算多, 先order了N多三文魚...刺身&壽司等~ 怪人!!! 我唔食三文魚的!所以野飲方面都幾齊全!好多都有~其他小食,如羊架,茄子,豆腐,清酒煮蜆,天婦羅,炸蠔&貝類刺身都OK!最後發現狂order的帶子,竟然一粒冇黎 最後的紅豆+綠茶雪糕 都還好...

今日帶埋爸爸媽媽一齊去食日本放題，因為朋友話食過呢間ok，所以就稔住帶埋屋企人黎試下~ 環境好好，有d似高級西餐廳既feel，企企理理而且呢度仲有projector播電視，可以一路食一路睇我老豆食野不嬲好奄尖，黎之前又話驚d魚生唔新鮮，又話驚d野太細份，呢樣o個樣咁好彩最尾佢食得幾津津有味個鍋一到我先知原來清酒煮蜆係咁濃味，我以前食o個d好似變左清水煮蜆咁… 呢個真係酒味好濃，可能要咁樣先食倒蜆既鮮味特登咬一半比大家睇下入面既芝士，佢出面o個層炸脆左，入面係煙韌係白年糕，最入面係有芝士汁流出黎~ 呢個真係超好味八爪魚就同出面食果D無咩分別，前菜我地仲試左蟹籽沙律、豆腐同埋茄子 食到中途叫左個枝豆，成班人一邊剝一邊傾偈飲野，其實兩個半鐘時間都幾充裕，就趁呢d時間試多d唔同既小食，順便食少d肉，健康d大家黎到記住試下炸物，因為每一款水準都唔錯而且大家都見倒佢個炸漿唔會好厚，想食得健康d可以揀蔬菜類天婦羅，反正係任食，唔怕嗌菜蝕底~佢黎到要快d食，如果唔係粒餃子個皮會浸林晒最後食埋三色雪糕，真係滿足晒 爸爸媽媽對呢間餐廳既評語都不錯，特別係讚佢既刺身同埋天婦羅，o係呢度真係要讚下佢既師傅

價廉物美嘅放題真係唔係唔易搵, 就似呢間咁。第一, 就係佢雖然宵夜係收$138(未計加一), 都食倒同晚市時正價嘅野食, 如爽滑刺身, 入口鮮甜。其中醋錆魚更有本身帶鹼肉的味道。但可惜北角店冇。寿司方面, 雖然選擇較少, 但質素同專門店差唔多。至於其他如羊架,比預期的好吃。炸蟂、芝士年糕等也鬆脆, 入口良佳, 但天婦羅則一般。

終於完成左兩個星期嘅mid term, 本來約左幾個同學想去樓上嘅德興打邊爐不過實在太多人喇! 要等到9點先有得入去到樓下嘅和田發現唔係太多人, 所以決定入去試一試~呢度裝修唔錯, 好多卡位我地岩岩好四個人, 可以坐一個卡位~一坐低就即刻叫野喇~ 因為我地都餓以下逐樣野食介紹下喇刺身：三文魚新鮮, 八爪魚有咬口, 虎蝦大大條壽司：除左最普通果D壽司之外, 仲有D特色嘅例如鮑片, 龍蝦沙律同埋火炙類嘅壽司, 不過無凡立貝係一大敗筆!珍味小食：螺肉ok, 份量幾多~ 蟹籽沙律幾新鮮, 蟹籽夠多卷物：花之戀好味, 櫻花卷就第一次試, 甜甜地幾得意! 黃金蟹卷上面片芝士有D溜 手卷：淨係試左軟殼蟹, 不過都幾易散.. 食落有D麻煩一品料理：金菇牛肉卷D牛肉唔老! 蒜香茄子好好味, D茄子因為炒過所以唔會太林, 睇得出廚師有花過心機~ 日式炸豆腐都係我的最愛, 夠晒滑!炒物：鐵板牛柳有少少乾, 不過都唔會UN, 而且鐵板上所以好香! 清酒煮蜆d蜆D酒就濃左d，有d苦 >_<鍋物：日式海鮮鍋D料夠多夠大件, 豬骨餃子鍋既餃子咬開有肉汁,不錯! 同埋湯底有泡菜既辣味, Good~炸物