和花亭壽司 (已結業)

好耐之前黎過一次, 但係個次感覺太嘈, 好耐都無再食, 咁岩今次見佢無咩人, 又走左入去啦芥辣八爪魚好味, 八爪魚比元氣的大粒, 唔錯, 但係辣味吞拿魚唔掂, 因為一夾起個sushi就見到一大pat辣椒油係碟上, 油多但係唔辣唔香, 食完口腔好油.....店內依舊好嘈, 因為全場師傅都會不停的叫, 不停的嘈, 令人都係唔錯坐多一陣...

自從和花亭開左之後，已經好少去元氣食喇，我覺得和花亭d野新鮮d，又多d款，價錢都係差唔多!本人最愛食炸蠔&炸蝦壽司，即叫即炸，正!

除夕夜同班朋友去呢度食晚飯。我叫好多款壽司，每款壽司都好新鮮同鮮味。我就特別鍾意帶子壽司同玉子壽司。除此之外，和花亭卷都好好味，裡面有炸蝦、芝士等。雖然有芝士，但塊芝士味道就好，唔會話搶成個壽司味道，淨係食到芝士味。另外，我特別鍾意佢師推介時段。佢推介時候，成個氣氛好熱鬧。我之前都去過尖沙咀分店，相較之下，我覺得尖沙咀分店環境比這間好。

上月頭同朋友去食,等左一粒鐘左右至有位.D 服務都幾好同有禮貌.我坐左吧41號位置,係一個角位,坐下之後循例都係點壽司同清酒.蟹腳略嫌乾左D.其他既食物都好有水準,係間唔錯既餐廳.我好鍾意佢地既special 時間特食,但係同時亦係好嬲.事緣我座位雖然係對住個師傅,響鐘舉手時應該會好快見到我,不過佢將D碟堆到座山咁高,變相仲遮埋我舉手.後面D 服務員姐姐仔又唔夠牙力同我fight.幾次都係咁.試過有次響鐘後我未等佢講就已經舉定，都數唔到我,所以大家以後去食都唔好座呢個位.

去呢間食過幾次, 都覺得唔錯, 帶去既朋友通常都有讚無彈…而且我相信夜晚去氣氛會好d，因為晏畫去無"打鐘"--無特別推介，雖然唔係樣樣o岩。用料好新鮮(除了蟹腳壽司，又乾又唔好食又貴)，好過坊間所有迴轉壽司舖(元mud元物)，而且無峰壽司咁麻煩，要等咁耐位兼坐得唔舒服。服務態度真係幾好，全體上下都唔錯，無話邊個特別唔好。值得一去再去。

同女友去食,始終覺得尖咀個間正d.天婦羅蝦好味道, 叫壽司d蝦係熱同脆既, 不過叫手卷d 蝦就凍既........

和朋友去食lunch, 1.45PM 左右我先去攞位, 裡頭明明大把位, 佢都要留難下你, 問下人齊未先俾你入..兩個人食左:帆立貝壽司: 不錯, 幾厚肉半熟蝦壽司: 麻麻，冇咩味三文魚腩壽司: 不錯, 幾新鮮和風燒三文魚壽司: 味道豐富，好芝士燒三文魚壽司: 味道豐富，好秋葉蟹壽司: 唔得，又乾又細，只係俾蟹柳好dd, 都要成$35八爪魚壽司: 不錯, 幾好口感三文魚子壽司: 不錯, 幾多三文魚子吞拿魚軍艦壽司: OK, 冇咩特別自家製煮蛋: 幾滑，但係冇咩料埋單$225, 其實水準同峰壽司＆板前壽司差不多，各有Ｄ得同唔得.

第一次食呢間, 無什麼特別, 不過起碼好食過元氣. (第一次感覺)之後去食峰壽司及板前壽司, 真係覺得和花亭有水準,同埋整齊d, 乾淨d, 好味d. (以後都轉軑唔去前面個兩間)本來都唔識和花亭, 不過係本過期的飲食男女睇到介紹.話佢地d壽司係日本返, 又話一晚又會推出限量食品. 所以就試下...壽司款式ok多(下面好多人都講,自己睇啦) 味道都幾好同新奇. 我最鬼鍾意依係鹽燒再加埋d柚子粒,好味到不得了. 再加上魚的鮮味, 感覺好正,好秋天. (同女友去都唔錯: 食物ok + 環境幾有情調.)另注意:- 7, 8點去要等好耐, 餓死個隻. - 一定要坐迴轉bar. 多d0野睇. 唔駛等人幫你加水,叫野食

Hello everyone,The Food are rubbish and expensive. The sushi are not fresh, and the Chef tends to give you the "left-over" from the moving belt before they make new one. I would never border going there again! I have spent 370 for 2 persons, It's just not worth...so think twice.

今日(星期四)同朋友2個人6:30嚟到, 好好呀唔駛等位, 而且仲可以有窗口位坐...裝修都幾雅致架...頭頂又有射燈,至於食物呢都唔錯bor最主要係夠新鮮, 而且d紫菜勁脆, 我地食左7種壽司, 軟殼蟹手卷同三色刺身......其中印象最深刻就係軟殼蟹手卷,紫菜勁脆配仲熱既軟殼蟹, 而且軟殼蟹份量剛好, 仲有軟殼蟹既香味...服務都ok, 我地食完坐係度傾計,佢都無出聲叫我地埋單.

打完波走左黎醫肚...九點幾..兩位唔洗等...兩個人食左:三文魚壽司X3...半熟蝦壽司...響螺壽司...帶子壽司...山葵甜蝦壽司....炸蝦壽司...軟殼蟹手卷X2...同埋一罐蜜桃果汁....壽司味道好好...多數都係即叫即做...D紫菜勁脆...而且材料新鮮有份量...半熟蝦同響螺都好爽口...炸蝦壽司勁好味...埋單$180...如果以後都唔洗排隊...我一定會揀呢間而棄峰壽司....哈哈...如果...P.S. 原本想食厚燒玉子&象拔蚌壽司..但係已經賣哂...P.S. 店員&壽司師傅們都好冇禮貌...

想試埋呢間好耐, 睇完裝修野就去左試~我地坐果個位係最後,有柱block住左,攪到我睇得唔清楚...一坐低就take左帶子,麻麻地厚肉,個人認為不及峰壽司同羽壽司.咖哩鹽燒三文魚好正,三文魚好肥美呀~個加州手卷好多料,玉子大大舊,仲有我最愛既牛油果.個是日推介湯好大碗,雜菇味增湯,好多料最後個vanilla甜薯雪糕好特別,甜薯都有成五,六舊應該會有下次,但係如果唔駛坐係最後咁就好喇

朋友成日話和花亭好好味...尋晚終於有機會試~夜晚8點去...都見到成條人龍...原來果條人龍係排隊等攞飛...-o-排左幾個字先攞到籌,入到去仲要等...結果等左9個字呀...不過都總算冇失望而回,d魚生真係好新鮮好肥美~可惜我地來遲左...所有尤魚都賣晒...過多半個鐘,連三文魚都冇晒...有冇咁好賣呀???最鍾意係食佢一款特別製法o既三文魚壽司三文魚煙燻熟左表面,一半熟一半生,加埋d沙律醬...好軟滑...我愛上了那種口感~v~不過友人則喜歡食original多d~仲有d甜蝦壽司都超鮮甜......劍魚腩都唔錯...友人極力推薦炸蝦,但係由於我太飽冇試到~下次一定要帶埋男朋友去食先~^^

未食過峰壽司,唔知係咪咁好.第一次食呢間,好食過元氣等其他.款唔係特別又唔係特別多,但係味道無咁機械式,幾鮮幾甜.可能坐order反而即整.order都幾舒服,彌敦道境.卡位仲闊.不過戇居囉,orderd壽司一板咁o黎,但又擺一疊碟你面用o黎計數.好阻.魷魚最好味.

約了朋友吃在太子吃晚飯, 朋友OT搞到夜一夜.又有D私人問題, 而且又無端端落大雨, 所以還是找間非常就腳的.都已經九時都仲要拎飛.壽司$10-$35不等, 款式都幾多下, 而且同色吃夠五碟收四碟錢, 相信吸引不少年青一族.先來一碟在迴轉帶上的碟壽司卷, 紫菜諗哂...睇黎都係直接order 好.大約再點了七八碟, 有:特大天婦羅壽司特大鰻魚天婦羅壽司劍魚腩三文魚沙律壽司海螺壽司三文魚卷熟蝦壽司等論件頭當然那些特大壽司勁, 一件天婦羅已經蓋住睇唔到舊飯. 但粉較多.壽司飯雖然唔係暖但較爛,而且一夾有些飯仍沾在碟上.普遍味道唔錯, 而且飯唔係用機啤出黎. 但新鮮仍不及峰壽司.埋單$154, 張單俾人爭住俾, 話幫左佢解決問題.旺角區吃壽司這間還可以試試, 不過不值等得太久.