和花亭壽司 (已結業)

(26/6)排隊是為了那籌號，取得籌號後還要等？看事物的角度要從多方面，引述排隊者中的對話，另眼相看。甲興奮地說：「好多人排隊啊！」乙不斷流汗，喘著氣說：「還要等？」甲急不及待回應：「不要緊，這麼多人排隊，必然好吃，耐性一點吧。」乙懇切地說：「不如去別間吧！」甲失望地說：「沒關係，若你不喜歡，便去別間！」乙言聽計從，唯有說：「繼續排隊吧！」照邏輯思維推論，那過百食評的某知名食店，必然好吃，耐性需要多一點。林林總總的壽司，據引述是來自北海道，看那北海道壽司盛合，本人膚淺，不懂分辨是來自北海道與否，只是吃下去，新鮮不算得，紫菜不太脆，飯還是沒有散開，還可接受。海膽壽司，那些海膽是不完整，水汪汪，咸得很，請問我吃了甚麼？大拖羅壽司，吃了一塊橡皮擦，韌口不在講，沒有味道還是令人疑惑，何解？較年前吃了那特大帶子壽司，新鮮美味，現在它的身材窈窕，沒有那肥大的身驅，味道當然截然不同。若非用了那些現金券，真的會來？可能我沒有那耐性，不能從那邏輯推斷，小弟耐性尚需磨練。

今日一個人非繁忙時間食壽司,一共5 碟：三文魚—水準很好。三文魚上的紋理平均，一層薄薄的魚油，色澤新鮮。放入口，肉質結實爽口有鮮味，頓時加分不少。( 食過坊間有d 三文魚色澤睇落好似好靚，但鮮味欠奉)xxxx 三文魚—唔記得叫咩名。有d 似”Ｏ氣”嗰款辣味三文魚粒咁，不過呢度呢款唔係辣，係撈咗芝麻，個汁底似平時撈螺肉嗰啲咁呢！坦白講，呢隻汁唔多夾三文魚( 我覺得蓋晒三文魚的味道)鮮帶子—呢隻真係好好味喎！厚肉鮮甜….海膽—很新鮮，入口即溶咁話喎！good ~睇住師傅手握壽司，感覺良好。自問廿幾歲人揸筷子唔多得。今日d 壽司我竟然一件都冇夾散，真的太好了！服務態度很好。希望繼續Keep 住~元乜元物的時代過去了…

同另一六月之星補慶生日...友人話想試依度..咁就試下啦.佢d service都幾好,好快就安排我地坐到卡位..食0左鰻魚(個鰻魚唔special,but入面個cheese cube好正,香cheese味同溶溶地),蟹籽(個紫菜唔脆),火脊(幾香口,亦arm arm好,唔會太生or熟),冷烏冬(好凍,麵滑,不過個汁冇咩味),三文魚(唔special,ok fresh),個芝士卷(都可以ignore佢,因為佢係麵包卷cheese,冇味咁囉)仲食0左其他野..不過唔記得lu...

一向都想找個機會到和花亭試一試，適逢昨日和太太行經太子，於是我們就把握機會入去幫襯，一入店內，侍應們又係例牌咁講句234、234，坐上壽司台後，一女侍應走埋來一輪咀好像開機關槍般，快速而不清楚地講了一大堆說話，大確意思係宣傳是日的特別食品，但一堆說話當中我只聽到「龍蝦麵鼓渴」五個字，其他的無法聽得明白，眼見她無心推介，求其點頭當明白作罷！此店以吃壽司為主，價錢大概分為5-6種，由最平的$9至最貴的$35，但整條流水帶上面只得一款腐皮壽司係$9之外，其餘的款式大都是唔係$25就係$35，經營手法有點逼人食貴價貨的感覺。話雖如此，但其水準倒不差，魚生塊切得厚身有口感，用料範圍甚廣，款式也多，好像較少見的喜寧魚和明太子也能吃得到，加州卷內加入芝士，口感頗為新鮮。我們兩人吃了四碟，結帳七十多元，好食歸好食，價錢畢竟略貴，以吃壽司來說唔多抵，試想像二三十元一碟兩件，一人一啖就往肚裡去，這價錢食碟炒粉麵夠飽一整天。

睇完戲差唔多9點半，估唔到仲要等位..(注意:呢度收十點半..)上次食過好食，所以再黎，今次就普通左，可能就收鋪有d野唔係即刻整..有樣野唔係好掂既就係嗌十碟野有三、四碟都黎錯野，不過d waiter 幾好禮貌就算..整體不錯, 下次黎就最好早d 黎

講味道, 我有以下排名峰壽司> 板前壽司> 和花亭> 一壽司> 元氣雖然用料都新鮮, 但壽司賣相不太討好, 比起峰壽司差太遠, 影響我既食慾, 壽司飯較散及唔夠醋味, 失分, 豉油偏salty破壞味道, 失望。另外, 最奇怪係火灸壽司燒好晒放係回轉帶度, 慳番d gas唔燒好過。比較有印象係柚子鯖魚壽司, 經醃製既鯖魚同柚子味出奇地夾, 味道幾特別。這間壽司店最特別係會定時有推介壽司, 以先舉手型式來order, 幾得意, 我建議一定要order, 起碼佢即刻製, 個感覺都新鮮d。最後, 我和女友喜愛的薑片都不好食, 再失望一次。如果要我等了近一個鍾來吃, 係好唔值得。

星期六夜晚去到,門口約十多人排隊,吃了幾款壽司,件件都好厚肉,好新鮮,佢比其他兩間的分店質素好好多,唔知係咪成日都Keep到呢個水準呢?

今日去開太子,見有壽司食上去睇吓咩環境!要等位,想唔等,不過唔喺太多人等,可能落雨等咗15分鐘到有位,食物都有D水準似番間壽司店有D款未見過,突然有個師傅打鐘我以為走火警!!原來喺特別推介,好似超市咁叫買厨師推介呀!好嘢!咁都比佢哋諗到!創意滿分!!今次一個人食咗8碟嘢!$200算ok啦!下次叫埋女朋友一齊先!

之前去過尖咀店, 知道始創開了後就兩了這間兩次! 試過不少sushi 味道都幾好, 魚生又幾fresh, 蒸蛋都幾滑! 經常會有d 新款口味無咁悶, 試過雞軟骨餃子幾好味又有口感! 4 人卡位幾好坐! 普通bar 就例牌比較迫, 總體黎講幾好咁, 不過值唔值排隊等咁耐就見仁見智了, 因我對她迫客人罰企等位法有點不滿的!

前個星期幾去始創(係平日來既), 剛剛係留下睇電話,心大心細下, 不如食住諗... 就去成日都要排長龍既壽司店睇下, 男朋友話要等就一定走, 好, 就去博下, 又好好彩, 有位即入!!首先我地聞到一d海水味, 唔知係咩來架, 不過都好似幾香, 是日佢有推介唔知咩凍蟹, 咁咪試下啦, 都係$78(o者), 結果唔錯, ok 好味, 不過就食得好論盡囉, 食緊時, 佢地突然開咪講左什麼廚師推介, 我同男友即時眼望眼, 都未有反應, 就不停聽到d人係度叫自己檯號, 下, 咩要咁玩架, 鄉下妹唔知添, 咁, 我咪係咁裝下人地叫左咩囉, 好似係什麼牛油果軟殼蟹卷, 好彩, 我唔食既, haha!! 不過睇番價錢牌, 都冇平既, 男友話廚師推介, 唔係平比你呀, ok 明白晒!!是日食左5-6碟壽司, 一隻蟹, 海膽壽司, 海螺刺身2隻..食食下, 我地聞唔到d海水味, 可能係食左隻蟹, 蓋左d味lu, 食了$220左右, 算ok了!!p.s. 後來才發現是和魚一丁同一集團的

今晚係旺角行街行到夜晚9點9.. 諗住o黎到唔駛等位啦.. 哇.. 去到見到都有人等緊位.. 待應姐姐仲話last order 係10 點半添.. 好彩等左10 分鐘就有位喇..一坐低... 飲啖綠茶先.. 好味~ ^^2個人order 左:1) 2客today's special: 三文魚壽司.. 上面有三文魚子.. 又有蔥花粒仔.. 好好食呀!! 最鍾意三文魚呢2樣陪搭..2) 八爪魚壽司: 好un 呀.. 咬極都咬唔到咁.. 3) 三文魚手卷.. 炸蝦手卷: 我就食三文魚.. 朋友仔就食炸蝦.. 三文魚真係好味呀.. 放滿唒係手卷裡面.. 食到最底都有o架!! 4) 腐皮壽司: 我冇食呢個呀.. 所以no comment!5) 火炙三文魚: 呢個仲好食.. 佢係將三文魚用火燒一燒.. 半生熟咁.. 哎落去出左d 油.. 但係又唔會太油喎.. 軟林林.. 又香又正!6) 芝士縵魚壽司: 呢個就普普通通.. 7) 火炙左口魚: 好爽.. 好新鮮..8) 三文魚石狩湯: 呢個湯好好飲.. 裡面d 料都好豐富呀.. 有熟三文魚.. 紅/白蘿蔔.. 黃芽白.. 個湯唔似味噌湯咁咸.. 好飲

最初去就幾好的不過食食下就開始有d唔得d野食不是最新鮮本來很好食的, 現在都變得麻麻如左口魚, 劍魚有點失望, 因為我以為終於在旺角都有好野食,唉...

星期五(3月3日), 我約左個朋友出旺角和花亭食dinner. 我因早放工, 其實可以6點幾出門既, 不過因約左個friend7點在門口等, 所以攪到要last mins先上到去. 大煲, 當一去到時已有10幾20人在排隊...我地最終等左45分鐘先可以坐低, 算快lor,因有次我同亞媽及男友去食, 我地足足等左成兩個鐘先入到去呀, 吾係亞媽死都要食壽司, 一早走左la?!今次慶幸早左d入坐, 所以都幾開心. 由於佢地既price比以前平左, 所以d cheap cheap$9 items 都絕少出場...所以我一坐低就叫左兩碟三文魚壽司頂肚先. 以下係我對有關食品既意見: -1) 三文魚壽司- 可能從來吾會克意擺出來, d魚仲係好"雪"凍的, 雖然新鮮, 但我好覺得自己在食緊d arm arm從雪櫃取出既食物lor?! 要改進lor.2) 軟殼蟹手卷- d蟹炸左一段時間, 吾熱. 而且d炸粉太多, 蓋過晒d蟹既味, 我覺得自己在食緊炸粉多d. 吾係幾得!3) 炸大蝦壽司- 吾知係吾係d炸粉既問題, 我次次食呢隻壽司都會有d類似"簡"水味. 苦苦地. 不過d 蝦就幾爽口. 味道都吾錯既

前晚同個Friend 七點幾去試o下昵間,d壽司真係好食過元氣, 價錢又差唔多, 加上時不時又有廚師推介, 各顧客爭相競投, 氣氛一流, 不過衛生方面就麻麻啦, d廚師們又唔戴口罩之餘, 又成日係咁對住自製壽司嘖口水, 又見佢地將d跌落地o既執番上碟俾客人食,真係前面誇啦啦, 後面小喇叭. 希望佢可以加以改善啦

一行三人約下午二時到達太子始創分店輪候, 當時已有4-5對男女在店內等候, 但身穿黑色套裙的女店員聲稱:"好快到你,已經執緊枱", 誰不知事隔十五分鐘仍未能入座, 但期間發現該名女店員卻不停安排每兩個一組的客戶入座, 於是追問究竟有無枱, 她又改口說:"下一張到你", 如事者再過了十分鐘, 仍然無枱...其實出名的壽司店都要等, 來得幫趁的人都預左, 取飛通常都會問要等幾多張枱來評估值唔值得等落去,但用藉口令個客錯誤預計輪候時間而呆等, 實在太卑鄙!