和茶房鐮倉夢見屋 (已結業)

諗住日式西餐廳都唔會太差，點知質素仲差過食快餐店，啲侍應個個都夢遊，簡直係離譜加上食物賣相奇差，完全感覺唔到係日式餐廳，唔講仲以為自己食緊人地食剩嘅下欄食物奉勸大家唔好浪費金錢去呢間咁差啲店舖

午飯行經愉景新城想食甜品, 見呢間夢見屋有癲噹限定甜品, 所以就去試下週末都幾多人排隊, 等左15分鐘先有位點左個蛋糕雪糕套餐 (HK$58) :可自選一款蛋糕及杯裝軟雪糕因為是意大利西紅柿集團, 蛋糕也是同它們同款的, 選了一件栗子蛋糕~雪糕當然選我最喜歡的綠茶味~ 綠茶都味都夠雪糕的包裝很可愛2樣甜品同時享受很滿足~

主題餐廳好可愛~ 食飽都想入去坐下飲杯野😝晚上十時無軟雪糕供應食唔到吐司~ 唯有改食 pan cake~ 好可愛~ 熱熱的好有蛋香~ 綠茶丸子飲品~ 茶味重比較苦澀~ 服務都唔錯~ 員工都有禮有笑容😁

早上11:30 要趕吃午餐 (應該是brunch), 又跑到我的大飯堂愉景新城，走了數間餐廳查看餐牌後，終於決定再去夢見屋，探望顛噹！午市套餐的選擇一共有七款飯或意粉，我揀選了菠菜煙三文魚蟹子意粉 ($74)，配以湯和咖啡。 忌廉湯普普通通，裡面只有一片蘑菇，沒甚麼味道，飲了一半便放棄。原來咖啡是有機咖啡，更意外的是附上熱的淡奶，不怕溝凍了熱咖啡的溫度，通常比較高級的餐廳才會有熱的淡奶，今次真是有小小驚喜！有機咖啡有淡淡香味和少許苦味。咖啡上枱時有少少油漬浮面，未知是否咖啡豆的油，還是杯的污跡。幸好溝均了糖和奶後，油漬亦消失了！等了11分鐘，菠菜煙三文魚蟹子意粉上枱了。煙三文魚份量唔多，碎碎的，但煙熏味和鹹味剛剛好，菠菜亦只有少許，份量如果多一些就更感健康。蟹子雖少但很脆，加上有小小海水鹹味，跟意粉混在一起吃有多重口感，令我吃不停口。另外，意粉上還加了一些蔥粒做點綴，令到整碟意粉的顏色沒那麼單調。最後要提的是汁的濃度和份量調教得宜，汁掛在每條意粉上，吃到最後並沒有剩餘的汁留在碟上，真的是剛剛好！最後，要多謝顛噹一路坐在我旁邊陪我吃午餐，雖然它默默無言，但它真的很可愛，最重要是沒有打擾我

餐廳主題及環境都不錯，令人感興趣會嘗試。但當你嘗試，就會後悔。叫左個凍雪糕抹茶及蜜糖pan cake凍雪糕抹茶；　　感覺不到有任何味道，連抹茶香都感覺不到，抹茶（水）一杯收差不多50$蜜糖pan cake ;　　凍pan cake 第一次試，呢個pan cake 口感硬

琴日晚上9點去用餐見到一間幾突別既用貓主題既日本料理餐廳本人對貓特別喜愛又見到冇太多人又有空位咁好開心諗住唔洗等入去行入去突比個員工叫停叫等出返去等 但係有幾個空位你叫我行返出去等聽到都想轉身就走但係未試過想食下好唔好終於坐低左 開始點餐我點左3樣野 一樣套餐 一個主題餐 一樣甜品套餐一個車厘茄香腸意粉 我加多左10蚊轉特飲忌廉牛奶抹茶 跟個例湯 之後上個湯先 味道普通 到個意粉 感覺意粉同其他野係分開煮 因為真係冇咩味道 之後杯特飲真係好恐怖 好似食緊抹茶粉咁 苦到一個點 其他2個都係普普通通 同埋d水味道勁怪 令人想嘔 我諗都唔會食多次

叫了幾樣野, 不是等半個鐘就是無. 最cheap 是 pancake 就無. 士多啤莉pancake 就有. 慢到死, 無人都樣樣等半個鐘.野食亦一般. 服務都好一般. 黎過就算無下一次.

平時真係好少寫食評，今次都真係忍唔住。。。。點菜時侍應已經冇笑容，甚至其實係有d 黑面，急急寫了一個甜品就走，但其實我地仲未講完，叫番佢轉頭塊面仲黑，講埋要咩，佢就唔出聲企係度，其實係咪應該問句"仲有咩想要？"咁呢？我地呆左望住佢，要話"冇喇！"先識走。。。。。應走時唔走，唔應走嗰陣就走。想order 蜜糖牛油pamcake,佢話冇，但有其他士多啤梨同香蕉pancake, 吓。。。。平$9嘅就話冇，貴d 嘅就有。。。。其實都一樣係件pancake 上面淋野。。。。唔係連牛油同蜜糖都冇牙？成間餐廳仲有好多吉位，但出面都要d 人等好耐，我覺得係好冇道德囉。。。。。。唔放人入黎都算，但上菜奇慢！不過，平心而論佢d 野食ok 嘅。

落左單過左成10分鐘，個女員工先走過來話：無晒飯喇，你轉麵啦！我話：下！我落左單成10分鐘你先同我講無？個女員工又話：岩岩先收到order無喎！(態度不好咁講！）好喇，無計之下揀左烏東，再叫個人來，問他兒童餐除左飯個部分轉意粉，其它照番原來個d得唔得，佢又要問，又等等，返來話唔得，咁我話是但啦，咁要另一個兒童餐，落埋個烏東，點知佢突然又話：而家有番飯喇！我：……，咁我要番晒我之前落order全部d野啦！好，等左一個鐘頭有多，個飯仲未到，追問之下，員工話：部機無落個飯，而家幫你落仲要唔要？我：唔要！呢間野想點！我想爆粗！blacklist ~~~~~~

首先真係為左癲噹而嚟蜜糖雪糕吐司造型實在太可愛喇，麵包，牌同個碟都有癲噹個樣。麵包好脆，有甜甜地既蜜糖味。雪糕都係蜜糖雪糕，有驚喜，唔係太甜，但係有濃濃既蜜糖味。連d sauce都係蜜糖，夠曬甜。配合埋d cream加杏仁片，就甜到入心

用餐環境是這裡最大特色， 用心設計，部份四人枱椅，如三人入座的話，有大公仔陪同用餐， 往往成為拍攝焦點。少女及兒童一定最開心。主要咖哩牛肉飯， 味道不錯， 咖哩帶點甜味，不會太辣，而且牛肉好嫩與咖喱好夾。 但其份量較少，男士的話，一個飯應該不夠飽肚。

因為籌備婚事來到荃灣不知不覺走到愉景新城雖然距離晚餐時間很接近不過老婆仔看到這間餐廳就被癲噹吸引著所以不管晚餐時間多接近也要來試一下簡簡單單點了一個甜品作為下午茶65元的士多啤梨蜜糖吐司不過落單時店員表示雪糕機壞了換成了雪糕球等了很久還未送來追查下才知道原來製作時間要30分鐘肚餓時不要點否則餓扁了還未送來賣相非常吸引癲噹的造型配合環境氣氛老婆仔很興奮地不停拍照味道方面雪糕球用的應該是某幾個大牌子的雪糕所以也很不錯再配合士多啤梨也很新鮮不過製作了30分鐘的吐司麵包感覺就似是未切開的生命麵包不太香脆反而有點硬還好有醬汁搭救但仍然覺得普通了點純粹靠其外表加分

呢間係一間好有特式的餐廳，內裡有許多公仔擺設都幾得意。我點左一碟咖喱炸豬扒飯，係厚切既炸豬扒，外層炸得鬆脆，內層肉質嫩滑，咖喱汁有甜不太濃的味道，份量夠多吃飯一流啊，正合我心意。

我同囡囡都係貓癡，所以趁放假黎探下呢隻得意貓，講真對呢D主題餐廳既出品唔會抱太大期望，係為左小朋友食得開心、環境同食物賣相夠可愛而黎~黎到梗係要相機食先，唔擺上網放閃真係對唔住自己~搗蛋奄列伴貓咖哩飯定食 $75：超可愛的貓樣飯，真係唔捨得食，奄列都幾大件，食落都幾嫩滑，但可以熱少少更理想，mix埋香濃咖哩同飯一齊食，味道算合格有餘~阿囡個定食就有奄列、茄汁雞肉飯、雞尾腸沙律、曲奇同棉花糖，勝在色彩繽紛好吸引，小朋友自然乖乖放晒入口~

同行朋友有小朋友, 所以行完商場佢地就話黎呢度食, 呢度既公仔真係有作用.餐牌分正常野同埋用呢個公司既野食, 仲有兒童餐, 都幾得意.要個滑蛋吉列豬扒癲DOM定食$78, 滑蛋都幾滑既, 正常野. 吉列豬就唔脆, 而且豬扒比較乾, 硬硬地, 飯係珍珠米. 定食仲有個碎蛋沙律, 碎蛋都好正常, 不過D沙律菜好似唔多新鮮, 有D黃.