咕嚕咕嚕

營業中

休息中

🕖時段-星期二夜晚7點半經過諾士佛臺都未算好多人 餐廳係樓上 有2 group人係度食野/玩緊桌球_▫️香煎珍寶帶子意式青醬忌廉汁意粉 $128帶子煎完微微焦香 口感鮮嫩青醬忌廉汁好creamy唔乾 好重羅勒同蒜香整體好食 份量岩女仔多D_▫️風沙鹹蛋黃炸雞6件 $88佢係雞塊但無骨啖啖肉!! 好似有差唔多10件(細細塊)😂 唔係平時出面一大pat黃金鹹蛋咁濃 但都夠鹹蛋味 無咁邪惡 送酒一流👍🏻 _WTF歡樂時光串燒 (4:00pm – 9:00pm only!) 平平地嗌來酒好抵食▫️雞皮 $15▫️翠肉瓜 $15▫️秋葵 $15▫️煙肉車厘茄卷 $20▫️日本黑豚腩肉 $25▫️虎蝦 $25

今日介紹嘅呢一間餐廳位於尖沙咀諾士佛台，餐廳係一間樓上舖嚟嘅，分為室內同埋室外嘅用餐區域。 -卡邦尼意粉 $108卡邦尼意粉嘅份量，偏向細分少少，建議配搭小食或者其他食物或飲品一齊叫，質素中規中矩。-巴馬火腿火箭菜薄餅$148薄餅有幾款選擇，而佢嘅餅底非常之特別係由薄批組成，尾部嘅部份有兩層。薄餅上面鋪滿斑馬火腿同埋火箭菜。-香抹辣椒牛肉粒$98牛肉粒份量都算多，上面灑上適量嘅調味料，不過大家要趁早食，好快就凍晒。-燒雞髀菇 $10餐廳另外仲有提供唔同類型嘅串燒選擇，最重要一點就係價錢相對唔貴，$10就有一串。📍咕嚕咕嚕 (尖沙咀)尖沙咀諾士佛臺10號騰龍閣4樓

【粉紅花海少女Bar 🥳！】 今次同朋友覓食，搵到呢間位於諾士佛台的酒吧，可以chill住吹水！一入大門口就係花海，沙發位嘅背景都有乾花，配合埋粉紅色嘅沙發，真係少女心爆棚！💖另外，酒吧內有好多娛樂休閒設施，如酒吧遊戲檯、桌球檯和電視直播球賽⚽️📺，都啱晒一班好「波」之人‼️ 而食物方面，主打西餐及日式串燒，選擇多樣(˶‾᷄ ⁻̫ ‾᷅˵)。.食物🥘：♥️ 香煎珍寶帶子意式青醬忌廉汁意粉 $128Pan Pried Seallop Spagheti witPesto Cream Sance青醬是由新鮮的羅勒葉、松子、帕瑪森芝士、橄欖油和大蒜混合而成，青醬帶來了濃郁的香草味和微妙的辛香。它與帶子的鮮甜味形成了完美的對比，而帶子亦煎得恰到好處，外層金黃酥脆，內部鮮嫩多汁。.♥️慢煮紅酒牛面類肉配薯蓉 $188Slow Cooked Red Wine Beef Cheek withMashed Potato牛肉非常嫩滑多汁，慢煮的過程使牛肉吸收了紅酒和香料的風味，有濃郁的肉香和紅酒味道。配上香濃的薯蓉，薯蓉的綿密口感與牛肉和紅酒醬汁相得益彰。💖.♥️黑松露薯條 $58配合黑松露粒和黑松露醬，啱哂松露控❣️每

朋友之前參加過Gulu Gulu周年慶活動，大讚地點方便，有格調且氣氛好，所以推薦我地上黎玩返晚。升降機門一打開，就見到好搶眼咕嚕吧枱，設計好型格。響飲酒前，先醫左個肚先。估唔到酒吧既食品都唔錯。香辣鲜茄汁虎蝦意粉（$138）茄味好濃好JUICE，２隻虎蝦超級大隻，肉質鮮甜彈牙，新鮮有蝦味，個辣汁有D似冬陰公，好惹味。日式拉麵餐（$138）～札幌叉燒拉面～唐揚炸雞塊湯底係我喜歡既SHOYU，清得黎略帶點甜味，叉燒肉質札實，肥瘦適中，炸雞皮薄香脆。日式芝士蛋糕（$68）濃郁芝士乳酪味，質地軟綿，不會太甜膩。除了食物味道唔錯外，店內有好多打卡位，檯與檯之間幾闊落，氣氛幾舒服, 好適合收工之後同朋友嚟飲飲食食同傾計。

呢間餐廳位於諾士佛臺，呢條係好出名既酒吧街，我地去左樓上既gulu酒吧入面有個好靚既花花牆身，仲有好多玩既設施好似掉乒乓波落酒既膠杯度，桌球遊戲等等，我地叫左杯my favorite,呢杯cocktail好大杯仲要藍色加黃色兩種唔同色彩配合埋一齊好靚好colorful,仲有飲落好易入口菠蘿味好濃郁加埋gin都幾特別，另一杯叫左berry味既飲品飲落酸酸甜甜甘，食物叫左一份慢煮牛脥面配薯蓉，份量都幾大碟。

終於星期四 都已經好夜，舖頭仲人頭湧湧 好多人喺度玩緊酒吧出邊遊戲，好有氣氛😄輕輕叫咗兩杯酒❤️Sex on the beach 呢杯經典嘅Cocktail 實在係經典嘅味道， 有着多變嘅味道，伏特加酒、 Peach Schanpps 、小紅莓汁及橙汁連同冰塊在搖杯搖勻 ❤️Snowball 第一次嗌呢一款，「Snowball」就是「雪球」既意思。所以呢款雞尾酒既成品本身也略帶白色。這是一款餐後酒味道甜甜，含有奶油蛋黃既膩感💚青醬帶子意粉呢個意粉都等咗一段時間，冇計啦，因為即叫即製嚟到超級熱辣辣，青醬醬汁有好多每一條意粉都朔晒啲味道一粒大大粒嘅帶子好新鮮仲有啲蘑菇 同埋芝士點綴😆整體幾好味🤤

踏入尖沙咀諾士佛台嘅樓上酒吧，一眼就被呢個《咕嚕咕嚕》霓虹燈招牌同裝飾吸引住，帶點型格又帶點復古嘅味道。餐廳酒吧嘅中心就係有得玩beer pong、桌球嘅地方，仲有唔少大大小小嘅電視螢幕可以約埋一班人係度睇波，都真係有幾多嘢玩！ 😍除咗飲酒之外，Happy hour（4:00-9:00) 仲可以叫唔同嘅串燒組合送酒。我哋心大心細，揀個種類咩都有啲組合就啱晒：刺身帯子、 日本黑豚腩肉、羊肋串雞中翼、牛舌芯，配上啤酒，簡直一流。🍻🍢主食就叫咗巴馬火腿火箭菜pizza，影完相之後已經凍咗 ，不過呢個雙餅底烤完出嚟keep到餅底煙靭，餅邊脆口既口感，而且餡料豐富！至於水牛城雞翼嘅藍芝士醬較流質，味道濃郁。 整體嚟講係有得食有得飲，又有得玩嘅消遣好地方。

#MC帶你去尖沙咀除了跟朋友相聚吃晚餐，相信唔少香港人閒時都會同朋友飲下兩杯。今次依間Bar 食、玩、飲都集於一身，一次過滿足曬食玩飲嘅你。➖➖➖➖➖➖➖➖➖➖➖➖➖➖➖➖✨ 咕嚕咕嚕 Gulu Gulu餐廳環境寬敞，裝潢亦具格調配以昏暗燈光下，靜謐嘅氣氛令人放鬆心情餐廳設有桌球、Beer Pong、Slap cup枱，啱曬成班frd聚會除各式酒精飲品，更有提供多國菜、串燒、小食、拉麵等➖➖➖➖➖➖➖➖➖➖➖➖➖➖➖➖🥢 牛肉組合 $178 ✨推薦✨組合套餐包一杯飲品，白酒/紅酒/百威/Corona/Mocktail都唔洗加錢，好抵呀~✅ 牛舌芯用簡單嘅調味鹽巴同黑椒醃製，已經好好味肉質厚切，口感超軟腍爽口.✅ 山賊牛肋串肥瘦相稱，咬落軟嫩又充滿濃郁嘅脂香.✅ 牛肉串雖然係普通牛肉串，但肉質都過得去，食落有咬口.✅ 安格斯牛肉串肉厚嫩滑嘅安格斯牛肉，外皮燒得微微焦香咬落牛味香濃多汁，非常Juicy！.✅ Long Island iced tea (Cooktail +$40)長島冰茶絕對係大家最愛嘅調酒之一！利用大約四到五款基底烈酒（伏特加、龍舌蘭酒、氈酒、香橙甜酒、和蘭姆酒），酒精

千萬不要在這裏晚餐，食物質素差差差，湯，薯蓉，牛肉粒，香腸，全部上枱時都係凍嘅，連Pizza上枱都係凍嘅，真係難以想像。意粉係冇味嘅，想叫佢俾啲鹽同黑椒我，連鹽樽都冇。兩個侍應，全晚坐喺餐廳中心傾偈，視線係望住個大門口，完全漠視我哋呢枱大枱，想叫人斟水，根本睇唔到我哋，咁都好評，自己諗吓有幾多係打手。埋單$1700～咁嘅食物質素，咁嘅服務質素，唔怪得香港飲食業一沉不起👎👎👎浪費了一個咁靚環境嘅場！！

（長文，但請大家認真睇，唔好中伏！🙂）我地係星期五7:15pm到，個陣大概只有3-4枱客人。7:30落單，叫左香煎珍寶帶子意式青醬忌廉汁意粉($128）、cold cut($138)、香蒜辣椒牛肉粒($98)同埋4杯cocktail。4杯cocktail大概落單後20分鐘內就到齊晒。8:00pm到左個意粉，因為cold cut貨源唔夠冇得賣，所以我地就叫左個香腸拼盤($128)，但8:40pm先到。係中間個40分鐘因為我地已經等左好耐好肚餓，加上其他遲過我地黎嘅客人都已經有嘢食，所以我地分別問左2次2個唔同waitress追單。第一次個waitress話因為西餐係樓下煮所以要啲時間，佢態度幾好，咁我地就繼續等。又等左20分鐘左右，我地問左另一個waitress。我地問完佢一句答覆都冇就走左去check單😅，但check完單冇返黎同我地講返個情況，已經覺得佢嘅服務態度好差！我地問完你作個合理嘅原因叫我地等下都好，竟然係完全冇答覆係咩事？我地係問左空氣？咁所以我地啲嘢食去左邊？仲煮緊？漏單？定點？一句都冇！等咁耐又冇答覆已經好嬲好谷氣，但咁都算。到左9:00pm我地嘅牛肉粒終於到，但食落口

咕嚕咕嚕🍻有去開諾士佛台飲嘢，應該都聽過gulu gulu 呢間酒吧，佢哋有提供西式食品🥩、日本串燒🍢、各款唔同嘅酒類🍷🍻，以一間酒吧嚟講真係算係包羅萬有！佢哋而家做緊歡樂時光串燒推廣，好多唔同款式嘅串燒都係$10至到$25一串，都幾抵食㗎！🍢🍡我哋就揀咗日本銀杏🍂$10、日本多春魚🐟$20、免治雞肉棒🐔$20、枝豆🫛$48，佢哋嘅串燒質素都幾高，全部都係即叫即整熱辣辣，食得出材料都係新鮮靚料！另外飲嘢傾偈我特別建議叫枝豆，貪佢價錢唔貴，又可以咬好耐抵食呀！嚟得酒吧當然就唔少得飲嘢啦！🍹我哋今次就嗌咗佢兩款signature Cocktail，包括passionate dealer 同埋 my favorite，my Favorite就比較甜一啲，果味重一啲，女仔應該特別啱飲，見到同場都幾多女仔嗌呢一個👧🏻🩷

是日收工同朋友黎尖沙咀酒吧餐廳gulugulu食野呢度適合一大班朋友仔一齊，餐廳有啵檯同疊杯遊戲，氣氛好好因為同朋友當日都唔想飲酒，order了兩杯mocktail，一杯係Tropical Island一杯係Apple tree, 兩杯都係果汁溝梳打，酸甜路線野食方面我地order左串燒(雞軟骨，山賊牛肋肉，日本燒丸子，免治雞肉棒)風沙鹹蛋黃炸雞塊六件同埋香煎珍寶帶子意式青醬忌廉汁意粉炸雞塊是新鮮炸出黎的，裹上鹹蛋黃沙沙的口感，咬下去新鮮熱辣，意粉夠creamy，調味適中食完同大班朋友玩下遊戲，氣氛好好

同事兼朋友明日Last day收工嚟到諾士佛臺既咕嚕咕嚕傾下計飲下野一出𨋢見到十分搶眼既招牌一張超長既bar枱場地非常大好多大電視播緊足球比賽卡位同梳化位都好寬敞可以望住人地篤波又有兩張遊戲枱食物種類都幾多我地叫左$118串燒組合配Mocktail有免治雞肉棒~醬汁適中熱辣辣，咬落有d軟骨唔錯雞皮～脆卜卜好食雞軟骨～唔錯唔會太乾日本厚油揚～第一次咁食法幾特別雞脾菇～少少辣多汁幾惹味Mocktail~粉紅色好靚飲落酸酸地好清新～因為朋友揸車所以揀無酒精飲品朋友幫我揀杯Pina Colada🍍🍹$78菠蘿味好出，幾好飲，酒味濃但都易入口馬里蘭蟹肉餅沙律$108蟹肉餅份量十足，箭菜好新鮮，超鍾意食箭菜，朋友咁啱唔食就食生菜😆大家口味互補最後叫左個香煎珍寶帶子意式青醬忌廉汁$128珍寶帶子真係好大粒，咬落半生熟唔錯醬汁味道幾有驚喜，好多雜菌＆洋蔥，意粉份量比較多，兩位女士share都夠飽。整體食物同環境都唔錯，店員親切有禮～好啱收工落嚟放鬆一下～

📍 咕嚕咕嚕 ＧＵＬＵ ＧＵＬＵ🌍尖沙咀諾士佛臺10號騰龍閣4樓4/F, Knutsford, 10 Knutsford Terrace, Tsim Sha Tsui📝整體評分：７／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝藝術與少女感嘅酒吧，以粉色同花添飾，設Beer Pong同桌球檯，除左光線光左啲，帶女黎實滿意～ＨＡＰＰＹ ＨＯＵＲ串燒組合（4:00 pm - 9:00 pm）套餐送一杯飲品▸ 牛肉組合◂＄１７８✿ 安格斯牛肉串✿ 牛肉串✿ 山賊牛肋串✿ 牛舌芯▸串燒組合◂＄１７８✿ 燒刺身帶子✿ 羊肋串✿ 日本豚腩肉✿ 雞中翼✿ 牛舌芯即叫即燒，一上枱勁香燒烤味～ 推薦要點安格斯牛肉、帶子、豚腩肉同埋雞中翼！▸Lonely Walker & Passionate Dealer ◂ Coctail+＄40 ✿Lonely walker 為女士而設咁，勁有果味✿ Passionate Dealer 酸中帶果香

餐廳位於尖沙咀諾士佛臺上樓鋪 地方好大 裝修好有心思 一入去係好大型既bar枱 而場內既霓虹燈非常搶眼 打卡一流👍🏻 仲有桌球、Beer Pong枱等等既設備 約埋一大班朋友玩下都唔錯喔 環境又唔太嘈 想2個人傾下計都係一個幾好既地方🔸西班牙辣肉腸薄餅個Pizza用左我最鐘意既薄批底😍香脆既口感 + 鹹香既辣肉腸 + 個拉絲的芝士 食落去口感好豐富 😚🔸串燒: 雞皮 翠肉瓜 雞軟骨 秋葵 日本厚油揚 墨魚香腸 串燒送酒真係冇得輸🤩 而家仲做緊優惠 平均都係$10-$25就有一串😳😳 佢仲有埋優惠組合都係百零蚊有找 好抵食😱🔸Apple Tree 用左Giffard Mango syrup, Apple Juice, Cirtrus, Soda 入口Fresh得黎又唔會太甜 夠晒解膩👍🏻