咖啡亭 (已結業)

每逢過年總會相約親友們聚在一起過年食番餐。年年中餐，今年卻想轉換口味一嚐自助餐！網上搜尋好幾間，決定於此作開年飯家聚。自餐餐分兩時段，一家有老有嫩不想食至太晚，準時6點入座。取食物環境真的細小，食物種類不多，但也可說該有的也有。此餐廳主打阿拉斯加蟹腳及即開生蠔，蟹腳比坊間自助餐食到的確是比較粗大，鮮味亦足，但也有比較幼少的其他品種蟹腳混在內，但其實味道也不差。其餘凍海鮮有青口、冰螺、龍蝦仔、凍蝦......我個人興趣不大所以沒試。生蠔有兩款，法國較瘦偏鹹、愛爾蘭肥大creamy我至like，所以主力進攻吃了廿多隻！刺身一般大跟貨，三文魚新鮮、甘蝦甜、八爪魚正常、鯛魚無食。壽司也是大路野，有即整手卷味道正常！凍盤當中有一個貌似蛋糕但真係好食，叫蟹肉牛油果木瓜沙律，必食推介！有伊比利火腿鹹香味濃。太太話燒芝士好味，但自己不喜歡芝士所以無食......熱食不多，羊扒、牛尾、銀雪魚不錯，自助餐竟然有羊腩煲......但味道係好嘅。其他食物不過不失......即煎烤肉牛仔骨好鹹、黑毛豬可以一試，即煮意粉親友話OK但我無食。甜品每件細細件味道正常無大驚喜......唯一覺得焦糖燉蛋即燒焦糖幾新鮮。

如果你係抱著任食生蠔，長腳蟹，你會好失望，野食選擇太少，從來未食過咁少野選擇既自助餐，特別係d蟹出得超慢，基本上兩個人已經攞晒，第三個隨時攞d冇人要既部位，而且幾個字都冇人補充返落去，d蠔係網上買蠔個d 10蚊貨色，自己買黎食都冇咁嬲，甜品就係得軟雪糕機，同幾款馬卡龍，佢地送既芝士焗龍蝦，每人得一隻，而且唔係原隻龍蝦，係得個殻，樣左d芝士伴極少龍蝦肉既混合物去焗，然後就比你食，完全食唔到有龍蝦，簡單形容，去過一次冇第二次

早幾日係社交網站睇到有人介紹咖啡亭呢間自助餐，佢講到明話呢間嘢食品款式唔多，但係夠精，亦見佢段片介紹啲長腳蟹幾有水準，仲要3百幾蚊好似幾抵咁，於是就係2月2日，即係小弟生日嗰日同埋老婆同個仔去食下啦，點知一去到，我只係見到一大班人，係一個約三百尺嘅空間係左穿右插咁攞嘢食，當堂打個突，心諗呢次真係中伏多架喇，希望之後啲人飽咁啲會小人啲啦，入到去坐低左，我就去排生蠔啦，每次排隊大約都會有十個八個人，但條隊係圍住張冷盤枱嚟排，生蠔枱係最入，即係張冷盤枱永遠都係有人係道，而啲長腳蟹，你永遠都係見唔到嘅，每次加長腳蟹時，都係加十令隻腳，一放落去，就會即刻比企係隔離啲人一次攞晒，我成晚都攞唔到，好似搶食咁，總之就不知所謂，生蠔有兩款，味道可以，凍蝦完全冇任何味道，刺身有三文魚，甜蝦，八爪魚，味道還可，其他熟食完全唔掂

見到兩人同行7折優惠 決定試下個lunch buffetd款式都幾多 而且好難得蟹 小龍蝦 等等ge冷盤😍好少見lunch都有 可惜蟹肉鹹味不夠 有待改善 不夠勝在蟹肉大大只而且多汁 其他海鮮總算不過不失 不過可惜沒有生蠔d熱盤尚算可以 炸物香口 而且款式尚算多 但可惜忌廉大蝦 蝦味沒有並且難以入口 咬起來像膠一樣 比較失望 至於我友人覺得菠蘿炒飯不錯 可以一試至於沙拉選擇頗多 可瀏覽以下圖片 而且有我摯愛的煙三文魚和薯仔沙拉👍🏻 食了不少 甜品方面 提拉米蘇有香濃的芝士味 但小心食到衣服上有朱古力粉🌝還有就係泡芙 泡芙好多cream 鍾意食甜野ge人一定唔可以放過 至於燕窩燉蛋方面 蛋黃味重 也值得一試 尤其女士 不止如此 還有專人煮生滾粥 而且有自選意粉選擇和刺身 刺身有三文魚 甜蝦 八爪魚等還有一些卷物 多款芝士 但不多 可惜太飽 未能嘗試不僅如此每人包一杯飲料❤本野大大杯 而且服務不錯 好快收左d碟 而且好細心問我地需要d咩 服務態度不錯❤令我地哩一餐整體都很滿意環境方面 燈光柔和 環境較黑 食完有一些睡意😂以星期一至星期五中午十二時食每人218折埋每人170幾 不過若要訂

The food was not bad at all for a buffet style! Was a little to high priced for such a small buffet but other than that was okay! Service was okay and my friend enjoyed the great birthday cake that the cafe provided! My favourite was the oxtail and the lamb as it was so soft and not tough like other meat! Also the ibreico was also very tasty but the crab was a little over cooked!

今日同男朋友拍拖紀念日🎈話說早幾個星期前 我粒傻蛋蛋已經係咁問我訂呢間好唔好但其實我之前已經食過兩次🙊我對呢間野既印象都非常之好所以緊係好啦於是就透過openrice訂枱 好快酒店職員就會打電話確認訂枱資料及提供入數資料先可以作最後確實（每人$100訂金）酒店有兩輪時間6點-8點同8點半-11點由於我既傻蛋蛋6點先可以放工所以我地訂左8點半時間$478一位 兩位做緊7折🎈折完連原價加一$764.8@2 每人$382.4我地8點20分就去列大堂了約25分可以提供入座好準時30分就可以出去拎野食呢一晚係星期四 可能係因為平日嚟 訂枱人數好少現場大約8-10枱 人都好少啊一開始我同男朋友就排隊拎生蠔先 即開嫁今日提供兩款 一款係法國 一款係愛爾蘭個人覺得法國既好食好多味重好多同爽口多肉既 愛爾蘭就比薄身啲好透肉同好''濂濂''既感覺之後我就開始食下刺身 今晚有呢4款天使蝦最好食 其他都不過不失傻蛋蛋就拎長腳蟹食一路食一路話好好食（我唔食所以唔知係咪真係好食 但係呢 食完之後個幾日 粒蛋蛋成日係我耳邊講 好掛住咖啡亭啲蟹腳唔止一次）即煎牛仔骨配燒汁 仲有個係即煎黑毛豬排配燒汁 但忘記了影

這是一間位處尖沙咀的酒店，規模不大，整體感覺OK。中午十二點，自助午餐開始!第一站是海鮮冷盤，那裏有長蟹脚、小龍蝦、青口...，肉質不錯，但長蟹脚的味道略嫌較淡，有點可惜，可以更鮮甜呢。下站仍然是冷盤，沙律菜的選擇及新鮮度都可以，配以半生呑拿魚片、意式薄生牛肉，和咸香火腿甜蜜瓜，幾好。魚生方面，有甘蝦、鯛魚、八爪魚和三文魚。整體解凍做得妥當，甘蝦甜美。熱葷有羊架、燘牛尾、咖喱牛、焗銀雪魚、炒雜菜等。銀雪魚油脂豐富，肉厚白滑，然而其他菜式則普通。另有即叫即煮的粥和意粉，粥底幾綿。倒數第二站是甜品。燕窩燉蛋、麵包布甸、葡撻、馬卡龍、提拉米素、芝士蛋糕、泡芙、生菓撻、生菓，都唔錯。食到最後一站，以各種芝士(camembert、車打、blue stilton)、杏脯干、餅干和黑咖啡作結。今次經Open Rice 網站訂位有折扣，每位盛惠175元(包加一)。

上次第一次黎呢度見到咁細，其實覺得興趣不大，純粹跟朋友黎試試，但原來都係會食唔晒。同埋雖然食物區係細，但係檯既數目亦相對較少，所以就算坐滿人，食物區都唔至於人山人海。服務員收碟既速度亦都好夠快今晚爸爸生日，佢話想食buffet但又唔想太貴，所以又再黎朋友介紹呢間隆堡buffet。今次見openrice做緊大人7折，計落真係好抵。今日係平日，我地食第一輪，計埋我地全場得幾檯客，所以十分舒服。今次我食咗三輪生蠔，每輪每人只可以攞3隻。今晚有法國同愛爾蘭產地既蠔選擇，其實兩款我覺得分別不大，不過都好鮮甜。值得一讚係所有生蠔都係即叫即開，而家已經好少酒店有呢種服務。其他食物我覺得都OK，選擇雖然唔多，但質素都OK。 至於甜品我強烈推薦橙味cream brûlée, 佢地既焦糖係立即係客人面前燒，我未見過其他buffet會咁做，係特別好味。爸爸同媽媽都今次好滿意呢次buffet，不停咁讚ps 可惜原來我唔記得影我推介既生蠔同cream brûlée

我地岩岩結婚週年紀念想去食buffet, 見到呢度有75折coupon, 咪諗住黎試下~我地黎到見到呢間酒店入面有parking, 就諗住泊架車入去, 但個企喺出面既酒店職員話要book枱時同個waitor講個車牌no.先可以泊, 我心諗搞錯呀... 我電話book枱時個waitor又吾問下我先... 你知尖咀ga la, 好難搵到位泊, 結果我地就泊左喺K-11再行過去, 但其實都要行6分鐘左右, 所以如果有老人家既, 最好下次book枱時要同佢講聲有車, 咁佢就會留個車位俾你~入到去, 呢間餐廳好細, 都吾知有無300呎, 只見有十幾張枱左右, 係食過咁多間最細既一間餐廳... 野食款式吾多, 但好在都有蠔食, d蠔的確幾好食既, 但可惜真係吾多野食, 至於甜品吾係自助形式, 下下都要排隊同waitor講要邊件.. 所以好似我呢個愛好甜品既人吾可以自己夾甜品, 係有點失望。總括來說, 我地吾會再光顧呢間餐廳。

而家d buffet花多眼亂揀酒店都揀左好多日！呢間用open rice 優惠2人同行係有7折既而生日都會準備蛋糕上到去比想像中細 冇平時既自助餐咁大型 係有小小失望既唯一食完再食既海鮮係生蠔 即開 都新鮮既其他海鮮食完一輪就冇再拎過了仲有另外一樣食完再食既野就係燕窩dun蛋超級好味我食左5個

揀左cafe express同屋企人同朋友一齊食, 要分2段時間 6至8，8：30至11點，揀左前段時間，但原來2個鐘食自助餐真係有d趕。Book左3號8大2bb,但應該好full要分2張枱，但都係隔離枱所以都無所謂， book完後係網上seach 到hktvmall 團購，正，見條款話前一日book就得，即刻打去問下係咪可以用，問左可以用講番個coupon# 或whatsapp番個coupon #去就ok,原價$458，折左後大約330一位都幾抵。當日去到見到個場真係好細，攞野食同坐既地方都係一眼望晒，野食款式都算多既。但要照顧埋大帝食野所以都無時間食勻全部。原來鵝肝要加$48先有，因為爸媽，細佬弟婦分別有膽固醇同有身孕所以都唔食鵝肝，咁我同老公同另外2個朋友想食，咁我地分左2張枱就問下可唔可以4個人加4個人唔加，但都係唔得，一加要成枱加，咁我地都算數無加，希望酒店可以改改規矩啦，一班人食飯總有d人鍾意食鵝肝有d唔鍾意食或唔食得架麻。凍海鮮有阿拉斯加鱈場蟹腳，長腳蟹腳，青口，蝦，螺，小龍蝦，鱈場蟹腳好受歡迎望左幾次都被人攞晒，每次refill都唔多，最終都係食左1轉2隻腳咁大把，但真

吃自助餐大部分的是都會考慮餐廳菜式的多樣，然後從這方面的談論自助餐的好和壞。雖這是社會上約定俗成的習慣，但想深一層，就算那間餐廳的自助餐擁有多款菜式和甜品，又有誰可以在一次自助餐中是把所有菜式、甜品全都吃過？對我來說，多款式並不是最好，反而是吃到想吃的東西以及在價錢上的比較才是我吃自助餐考慮的因素。Cafe Express位於尖沙咀的麗景酒店上的餐廳，沒有半島、洲際酒店的華麗。但在餐廳上都走著務實路線，地方小小，但著重食物的款式，集中揀選自助餐中一些受歡迎的款式，添加的速度快且絕不浪費。 就算地方稱不上「大」，但勝在包羅萬有。在凍海鮮區，有生蠔、長腳蟹等等的供應。生蠔的位置雖然瑟縮在一角，但每次也是最受歡迎的一部分，他們的生蠔來自愛爾蘭，吃起來鮮甜多汁，而長腳蟹容易拆殻，非常肥美。而現在九至十月期間，每位客人都可以得到一隻大閘蟹，雖然小小一隻，但蟹黃的狀況絕不遜色。 魚生類也是平日香港人的愛吃款，細心留意他的刺身是厚切的，真的很意外！熟食方面，現在是以日、韓為主題，也不乏日、韓式的食物如韓式燒魷魚、日式串燒，或是牛扒等等的選擇。不得不提的是多寶魚和羊架，多寶魚魚質嫩滑，非常美味，有一再

我同老婆去到，第一個反應就係呢問真係自助餐🤔佢位於酒店大堂係啲人等緊上房同時我又係度等緊入去自助餐😅我同老婆入到去坐底，轉頭就出去睇吓有咩嘢食，食物種類唔算多，但真係非常難食，我同老婆結論就係得啲唔洗佢地煮的食物好食，我訂夜晚8:30位時問佢有無生蠔，䳘干同有人切牛肉，佢話一定有，叫我放心😡去到只有生蠔！我同老婆結論就係唔會有第二次😡最後有個開生蠔的後生仔啲態度超唔好😡呢間野可以用四個字形(不知所為)

過了中秋節又到吃大閘蟹的時份，車媽媽巳在上月尾去了我覺得性價比極高的品嚐了我今年的第一蟹自助餐，星期一至四$458/位(用OR Coupon二人同行可享65折)$3XX位便可享受位上大閘蟹，無限生蠔，亞拉斯加蟹腳，燒牛肉及精美冷熱食品，您話抵唔抵先？自助餐內的沙律冷盤質素不下於海鮮架！今次有點韓風，自家醃製泡菜味道香辣，質感恰好入口辣中還帶少許爽口，吃得我好滋味呢。而韓式粉絲味道亦香入口爽滑正喔！！除了伴好的沙律外還有新鮮沙律菜供客人自己創作合心水的口味。小朋友最愛的壽司也有不少款式。車媽媽至愛風乾火腿，仲要這夜有菠蘿，呢次發達了^0^是日兩款芝士Camenbert係我愛吃又吃到的，另一款Blue Stilton對不起！我真的沒可能愛上你了。來到咖啡亭必吃的Raclette Cheese，記得要同侍應Order架呀！刺身有不少選擇立魚，八爪魚，鱆紅，甜蝦和三文魚等！香噴噴的燒牛肉。即煮檔位有水果班戟，喇沙湯麵和即煮意粉。到萬眾期待的海鮮區，有海蝦，青口，珍珠螺雪場蟹腳及亞拉斯加蟹腳~即開生蠔，今天有兩款選擇法國的Fine de Claire和愛爾蘭的Irish Rock，期待ing。是

轉眼又到9月尾，接下來10月值得期待的，除了是重陽假期，相信也離不開大閘蟹吧？是的，上週吃完最後一次奄仔（已變大奄了...），本週開始了第一頓大閘蟹；餐廳是尖沙咀隆堡麗景酒店的 Cafe Express 咖啡亭，除了每位大閘蟹，又有特粗蟹腳、生蠔及超香烤芝士任吃！這裡週一至四收費成人 $458 / 小童 $328（週五至日貴$40），憑 OpenRice 優惠劵，二人同行可享65折，非常抵！這裡分為6:00-8:00pm，以及8:30-11:30pm兩輪用餐時間，週一晚上，當然選首輪入座！作為全晚首位到達的食客，雖然去年尾也介紹過，但有時間也從頭拍一次這裡食物選擇吧～ 首先是外邊的 Sweet Corner，當時保鮮紙還未撕開，但三屠架放著小孩很喜歡的可樂糖、雞蛋糖、曲奇、朱古力片，看著也覺得開心！ 底下甜品凍櫃內選擇超多：雜莓乳酪蛋糕、朱古力鮮果撻、榛子泡芙、藍莓芝士蛋糕、即點即燒的法式香橙焦糖燉蛋、布朗尼蛋糕、熱情果蛋白撻、七彩繽紛的法式杏仁餅、木槺布甸、意大利斑蘭奶凍、菠蘿黑加侖子慕絲、芒果香蕉慕絲，還有意大利芝士餅！ 最後還有已切件的西瓜、菠蘿、蜜瓜及哈蜜瓜。不過甜品並不止此