品坊 (已結業)

一進酒店大堂就聞到怪味道了！食物質素平平，唯有生蠔無限量供應，這個價錢值得一試。其他炸的食物都像從氣炸鍋出來的一樣，明顯是冷藏食品。壽司更不用說了，直接把飯冰到硬硬的，吃了一口便不想再吃。飲料很差，所有飲品味道都很淡，像混了水似的。唯一可取的甜點是雪糕，有4款口味。其他甜點都像設計給糖尿病患者吃似的，淡而無味。最讓人摸不著頭腦的是焦糖燉蛋，只是死甜死甜的，根本吃不到甚麼味兒來。我們一家4人去吃，這價錢去別的餐廳吃好吃的也能吃飽。試試就好，不用再去。

從來自助餐我都唔會有咩要求，由其係lunch…點知黎左一間真係好劣下既lunch buffet.我明大部分人（包括我自己）都會講，你俾咩價錢，就咩質素啦！呢個真係明。不過今次有d難受。食物選擇少，我明。環境唔係咁好，我都明。但係食物唔新鮮，d 蜆有沙重有d臭，真係忍唔到。海鮮類唔再講啦….講下熟食，連雞翼都唔入味….唔好講個d 牛柳啦…最好食只係個白汁龍利柳。 甜品，咩都有試下。其實都唔使諗，食多兩杯 Haagen Dazs 埋單走人。不可一，不可再。

回本必食：1. 封門柳：牛肉味濃！七成熟，香嫩多肉汁！極品！2. 哈根達斯雪糕：四種味道任揀任食，朱古力、士多啤梨、曲奇、雲呢拿其他推介：1.煙三文魚：新鮮，口感肥美豐滿，味道恰到好處2.刺身種類多，包括三文魚、吞拿魚、北寄貝、希靈魚等，但沒有甜蝦3.沙律：火箭菜，羅馬生菜，紅菜頭….種類多不勝數，非常新鮮，簡單的薯仔沙律亦很好吃4. 甜品：tiramisu 非常好，還有楊枝甘露，麵包布丁， 藍莓芝士蛋糕，熱情果慕絲雪糕，朱古力慕絲杯，士多啤梨慕絲杯，桂花糕，啫喱，整體滿意服務：廚師勤力添加食物，從冇冷場。切肉的廚師伯伯非常有禮。服務員非常資深，敬業樂業，非常勤快，收碟速度快，態度殷勤有禮，值得嘉許。沒太多相，要照顧小孩子，相片可參考其他食評！推介推介！

Novotel嘅buffet出名抵食，所以耐唔耐都會同朋友去吓。雖然款式唔係好多，不過百零蚊，仲想點🤣通常等一樣係食刺身，一大盤隨便夾，去得快上菜都上得好快，三文魚同希靈魚都ok嘅。之後就會食牛同少少熱菜，因為選擇唔多，所以食少少就ok啦，今日嘅牛燒得ok喎，太熟就唔好味。食完肉就會食啲菜，沙律菜唔錯，好新鮮，食多少少都ok，可以隔一隔啲甜品，好似冇咁肥。最後梗係雪糕同甜品啦，今日除咗tiramisu，其餘都麻麻地，食兩啖已經想放棄。。。都係轉戰雪糕，穩穩陣陣食返幾個哈根達斯，最後整杯咖啡，就拜拜啦😆

今次係第二次去Novotel食自助餐，記得第一次對佢嘅印象唔錯，印象中係性價比高嘅自助餐， $300左右，平靚正！但係失望的是今次加咗價$344，仲同網站所描述的有所出入🥲，好似蟹腳、釀蟹蓋、羊肉咖喱配薄餅，呢幾樣都係我哋好想食而去都係冇嘅😔可能今次主題係星馬菜，菜式上冇咁吸引，而朋友最期待嘅一樣——生蠔，亦都細隻咗好多，入口冇一種好鮮甜嘅感覺！生蠔每次每人可以拎兩隻，記得上次去要排隊先至可以拎，今次食自助餐好冷清，師傅不停開蠔，反而係擺晒啲蠔喺度等人去拎。不過不得不讚嘅係，佢哋啲甜品都幾出色！其中我同朋友都十分喜歡Tiramisu 同Cream Brûlée ！提拉米蘇夠濕潤，二法式焦糖燉蛋入面好Creqmy！總結係佢啲甜品出色過主菜！我哋每人都食咗幾杯😋

選擇品坊酒店嘅自助餐第一原因緊係超值啦，仲可以用埋餐飲卷優惠，相信很難可以這樣超值，食身質素雖然一般，賣相不是太好但不過不失，海鮮選擇比較少，只有蜆，蝦同埋青口，沒有蟹腳的確令人有點失望，但係飲品選擇酒店自助午餐嚟就好多，有好多種咖啡，果汁，罐裝飲品，而且職員服務態度非常好，執碟執得很快，平日有很多酒店都會有唔夠位放食物嘅情況出現但呢間就唔會，值得一讚，小籠包值得一試，味道相當出色，沒有油膩感覺，鮮甜，比平日酒樓吃的更好，值得再去。

本身咁既價錢都唔expect 會太多野食。但真係完全無諗過無野食同埋真係唔好食全場最好食既得haagen Dazs 雪糕，甜品都無咩特別野揀，所以只此一次。環境一般，如果再揀寧願俾多錢食返平時既buffet

👉喺OpenRice碌碌吓，發現呢個《九龍諾富特酒店》自助午餐，假期都只需實付$218，就試吓佢啦！.☝️平時去開灣仔諾富特，第一次嚟佐敦諾富特，地點都好方便。不過佢就坐落於內街，都揾咗一陣！.✋早15分鐘到達，諗住早少少影吓相，在場一男一女員工主要在內忙着，遇然行出接待處依然無視我哋⋯⋯ok 繼續等⋯⋯11:55終於開放入座😐❌12點 - 自助餐開始時間，但食物依然凖備中，㕑房直至12:15還在施施然出菜⋯⋯😰真係同一般酒店自助餐有啲距離😔.📌冷盤海鮮：蜆、凍蝦、青口、各式刺身、壽司都好新鮮!📌沙律菜🥗翠綠款色多，仲有好多冷盤前菜，啱晒炎炎夏日🧊📌熱盤：點心、小籠包、菠蘿咕嚕肉、魚柳、咖喱、燒牛肉⋯樣樣都做得唔錯，咕嚕肉仲外脆內軟，酥香酸甜好好味😋 Encore👏❌「青紅蘿蔔湯」差🤮過茶餐廳嘅「例水」好多，係我酒店飲過最差嘅，稀淡冇味。賣晒就算啦，不停加水冇意思😒 ❌「粟米忌廉湯」都唔好🉐️去邊，凈係得忌廉，偶然🈶️2⃣️粒粟米飄過⋯⋯我認知嘅栗米忌廉湯唔係咁嘅👎。開個YouTube大把教學啦，唔使出啲咁嘅嘢😔📌甜點款式多，如果減啲糖會好啲！仲🈶️Haagen Dazs小杯裝雪糕。📌果汁、即磨咖

係openrice買餐飲卷，用BOC再減，比walk in及訂位再平！講真，以百幾蚊既價錢，確實無咩挑剔，坐得舒舒服服食足兩個半鐘，就算所有野唔好食，淨係食HD雪糕、果汁、咖啡任飲，都比去cafe更抵更經濟HD雪糕有四款，大路既士多啤梨、朱古力、雲呢拿同較少見但近期既雜霉甜品方面講真就無嘜邊款覺得特別好食多款果汁同茶水沙律吧唔錯，芝士碎煙肉粒都有，重有少許其他配料。不過無凱撒醬薯仔沙律好味除左果汁重有罐裝汽水茶咖啡唔錯熟食方面呢碟尖椒我覺得最好食重有碟翠玉瓜炒魚片都好食，但油左少少！蝦好新鮮好爽彈，刺身就一般正常咁壽司飯有d硬魚柳都可以，牛肉生得滯整體舒舒服服，可以食得飽，都唔錯！一分錢一分貨，不能貴價既buffet比較

2021-6-14 晚上食放題 有即開生蠔 食完即可嘔出黎發臭 兩隻生蠔一隻臭 黑名單 返到屋企 all 左成晚 冇聽過 下次真係要叫食環處上門檢查 嚴重差評差評差評差評大家小心啦 考慮清楚先去食師父開生蠔期間 五六隻鬥雞開到一隻 有味道，即可dum左佢 成批 生蠔大家聽落前面都知道有問題啦 最過分連刺身 壽司 都可以食到有臭味 真係俾錢食難受 瞬間咩mood 都冇 食物選擇少 呢個價錢絕對唔值得黎呢間食 食名將都好過食呢間品坊大家除非想排毒唔會唔係唔好去呢間

超抵食嘅自助午餐，感覺隨便食都會回本🤣朋友咁啱見到有半價券，於是乎就買埋我個份，請埋我去食，問咗下價錢，174一位已包加一，咁嘅價錢以為會冇嘢食，點知有厚切三文魚、蝦、牛扒同Haagen dasz 嘅杯裝雪糕，係咪好抵先🤣於是乎我食咗兩輪三文魚🤫好厚身同埋係好味嘅，另一隻白sai sai嘅魚就唔好食，唔需要攞，希靈魚都ok甜。。有個炙燒三文魚腩壽司都好好食，不過d飯就硬咗啲，所以我食淨一半飯。。凍海鮮除咗蝦其他我冇試，因為本身就唔鍾意青口。同埋我見好細隻，就放棄咗。熱盤唔算多，有蒸魚、炒鴨肉、菜，主要試咗牛扒，你想要幾多佢就切幾多俾你，一d都唔姑寒😂不過食得落幾多呀，我食咗兩細塊已經夠，都燒得幾冧，幾香。最後當然要留肚食甜品，種類都ok多，cheese cake, chocolate cake，chocolate tart, tiramisu 都有，仲有一個榴連斑斕蛋糕，一d都唔甜，幾好，適合做第一個甜品，最後先食好朱嘅朱古力撻。最後嘅最後，當然唔少得係至少2杯雪糕🤣唔知係咪因為平，所以食得都幾滿意同放鬆，唔會覺得要食好多先回本。

疫情之後，好似都未食過堅既自助餐，今次就襯住母親節，而且又放寬左少少就去放縱一下以前因為成日團購，所以呢間都食過幾次，質素不錯，款式算多，性價比高先來一轉生蠔，味道不錯（可惜之後攞既質素較差），有海水味之後就襯甜品最完整既時候食甜品，款式不多，味道ok，食完一轉不用encore 冷盤，沙律，餐湯，餐包都係一般，跟返個次序食，燒牛肉都幾好唔韌，凍海鮮全部都幾好，蟹腳同凍蝦有翻啅熱葷就不太好，海南雞幾韌，舊和牛包好韌個包超硬，不要試，鴨胸也是超韌，咬唔開，直接放棄，其他也不好吃，只有咖喱羊同黑椒蟹食得過最後食多2杯Haagen Dazs 收工3百幾一個頭算幾抵，質素也不錯，我阿媽直頭讚不絕口，幾啱一家人黎食

原本以為這個價格應該會沒有什麼好吃，結果超乎意料之外，食物款式種類很多，味道還很不錯呢！最高興的是有無限量的Häagen-Dazs雪糕供應！我覺得這一家自助餐是平價之選！！！

首先要講這是平食遊記， $717 的二大人二小童的復活節假日dinner buffet， 當然唔會預有款式多 和 貴價的食物！當然，都有吸引之處，就是平！價錢雖然平，但都有即開生蠔！ 另外， 比較特出的食物就有黑毛豬叉燒，我就專挑選3成肥7成瘦的黑毛豬叉燒，肉質很諗，加上肥肉的肉汁，真的很美味！至於雪糕則是Haagen Dazs，有四款味道！ 值得一提的是，餐廳本身不太大，加上限制部份位置不能坐人，所以取食物是不需大排長龍，食物都算refill得快！

我們一家人，一共八個，準時十二時進入餐廳。 一直用餐直至下午2時45分，收拾檯面的情況十分有效率，一個字快！員工有禮貌，有效率，安排座位妥。 以這個價錢食到這些食物。算係非常好，還有haagen dazs雪糕你仲想點？ 熱葷都有十幾樣，冷盤亦有十幾樣，雖然地方比較少…但食物的種類在這個價錢方面已經十分充裕。重點推介牛柳馬來西亞蜆什果西米露魚生這個價錢水準以上反而係客人質素非常差改善：增加停車場泊車，要收費也好。