品川日本料理 (已結業)

食物飲品種類繁多，食物新鮮，服務員態度非常非常親切主動、熱誠。仲附上壽司生日蛋糕！環境清靜！絕對推介！非常適合一班朋友食飯。環境舒適冷氣足夠。刺身及熟食質素一流！

諗住試下個放題，好後悔一向都沒有寫食評的習慣，今次上openrice寫食評，只係唔想再有人中伏跟本全部都唔好食只有飲品和杯裝雪糕是可以，都要成280元一位💸💸💸魚生本身唔新鮮燒物也是冇一樣好食，個燒汁跟本跟食物唔夾，都唔知點解的醬汁同燒物全部都唔夾全部食物都唔新鮮所有野都唔好食，不知所謂.千祈唔好去食、、其唔好去食、、千祈唔好去食、、、、、、、、、、、、、、、、、、、、、重要的事，最少講三次

前排突然好有胃口想食純日式放題 見到如心廣場地下有間要book先可以入場 就拿拿臨check openrice有冇第二間 點知海之戀又真係有間海景餐廳！晚市放題（1人）💰268一入到去見到環境已經覺得抵晒！場夠大 有好多卡位望海 仲可以坐出平台嘆海風😆出面都有唔少熟食 甜品 飲品等等任攞哦！熟食有好多炒菜 例如炒萵筍 四季豆 牛脷 西蘭花等等😆 唔係清炒 所以特別開胃同有味 另外都有唔少炸食 例如炸雞翼、咖哩角等等 全部堆滿曬 超吸引😘仲有特別嘅日式蒸蛋！不過會偏老嘢飲方面有泡菜湯可以任添 飲品櫃都有好多種類嘅汽水、少見嘢飲例如仙草凍等等 甜品就有幾種自製蛋糕同淨係可以攞一客嘅haagen dazs雪糕 超推薦嘅係紫薯芝士蛋糕！超級濃厚嘅芝士口感係嘴入面化開 攞左兩隻係兩種口感 一隻係消化餅底 一隻係蕃薯口感😻全場以QR code落單喔 全部係電話到嗌好方便！唔使員工不斷走來走去同埋落漏單！🍣刺身：有好多種類 三文魚 象拔蚌 北極貝 甜蝦應有盡有🍣壽司：有軍艦（飛魚籽 吞拿魚蓉 八爪魚等）炙燒壽司（燒和牛 三文魚 芝士蟹柳等）仲有好多特別種類 例如 芒果軟殼蟹 龍捲風 辣三文魚碎等等！

去這一間餐廳之前睇過食評，見有好多劣評。但被一個損友對我說不要理會劣評，叫我試一試。今天星期日一行四人，book了2pm去試了一次。雖然話$250一位不要期望有山珍海味給你吃，但其實換另外一個角度睇， $250可以食到一個很高質素嘅set lunch。整體用餐經驗是，食物質素一般到不能再一般。茶碗蒸食了一啖已經唔想再食第二啖。燒羊架是乾水的，牛仔肉是超銀的。侍應好像沒有train過。食放題但從來是沒有人會來你張枱收碗碟的，直至要求侍應收碗碟，他居然把一個大型的碗碟盤放正在你枱前面對住你，叫你將所有要收的碗碟和廚餘放在盤裏面，直到放滿後才收。我忍唔住對他說怎能將放廚餘的盤放在我們枱前面？我們在食緊野！話完他先將個盤攞走。如果你是對侍應服務有少少要求，你就要諗清楚先去這間餐廳。如果你對日本料理食物都有少少要求，你更加要再諗多諗。現在不是饑荒年代，用$250塞飽自己個肚，不論食物質素，你覺得值得就去吧！

唔知點解最近有咁多負評，本着一試無妨嘅心態嚟試，又有驚喜喎。我哋今次揀咗食放題，一早book定枱所以有個好似包廂嘅海景位，啲嘢食都唔錯喎，尤其是比目魚燒得好好食，出面食都賣得好貴，其他刺身壽司都ok，係天婦羅有有啲麻麻哋，其他炸物同埋串燒都好食，又有免費Häagen-Dazs雪糕，仲有梅酒飲，啲嘢食都算上得快，二百零蚊仲想點。最緊要係環境好，坐得好舒服又有海景，我哋一家人都好滿意。所以我覺得係可以再嚟㗎。

上一次寫評論很好的侍應，今次竟然是寫垃圾的侍應，端午節前諗住上次感覺好好，再來這間餐廳，老人家上次也說過下次可以再去，點知今次去到，上次個侍應我沒看到，正常的，這樣的餐廳怎麼可能有人才會留低，入到門口見到一個很高的中年男人，十問九唔應咁，之後有一個女人走過來完全唔知佢講乜嘢，喺度講啲都唔知咩話，入門口感覺已經覺得今次死了，又去返之前一樣入到去，哇，好似地獄，咁大個場，我只見到四個侍應，一直舉手完全冇人理我哋，完全唔知點形容，總之入到去，氣氛，所有侍應個樣，你都唔會再有胃口食嘢，任食兩小時，我同兩位老人家食咗半小時，埋單走人，之後我同兩位老人家講其實見到門口嗰兩隻野，就已經要走，做咩仲要入去？上次嗰個侍應呢？我以後都唔會再踏入呢間餐廳。

某一天去到荃灣行街，突然間想食放題，結果搜尋OpenRice，就睇到呢一間野，惡評如潮，不過我又想食放題，咁啱我位置又係海之戀附近，好啦，死就死啦，首先打電話，問咗價錢佢話埋單268，上到去，我大概應該記得係差不多6:00左右，由我食到走，入左率都尚算可以，首先講環境，佢真係唔錯，有類似日式餐廳嘅VIP房，海景卡位，望海一流，之後會有個露天室外座位，如果天氣舒服，成個環境真係好正硬件就冇問題，咁食物質素如何呢首先講吓佢選擇多唔多先啦，其實我cap咗好多張圖，但係由於有限制所以放唔到咁多上嚟，我覺得佢選擇性唔係太多，食物方面尚算合格，不過有款壽司真係喺出邊都食唔到呢個醬燒壽司🍣，我真係不能忘記你，食落去好似食牛油一樣，最後嗰兩點就係，佢同我講我買單㗎 268原來仲係要比加一，我就唔介意比多26.8，不過如果呢個放題成三舊水，真係一啲都唔抵食囉！

平時超懶打字嘅我都比呢間野激到我要出post😂 只有刺身可接受，三文魚子只有鹹味完全冇鮮味，海膽係霉既。炸物品質比佳寶仲差，全部好似係度食炸麵粉，炸虎蝦呢就比甜蝦仲幼。炸蠔入面係好似唔見咗隻蠔咁。燒物全部overcook, 第一次食120%熟既羊架！牛舌好似喺度食橡筋咁. 清酒煮蜆=清水煮蜆。我同我老婆兩個人只係食一半飽，望住個餐單完全都唔知仲可以叫啲咩，算數！走人！278加一/位 。 食完覺得只值150/位。只有一個加分位，就係如果你坐窗口嘅話可以享受無敵海景。 所以話呢個景真係貴呀！

今天和幾個朋友到品川大吃大喝，先飲日式清酒，味道咁大眾口味，先吃油甘魚和生蠔，呢間啲刺身切得比較厚，吃落好有口感，啲生蠔夠大隻和新鮮，之後落單叫廚房燒烤，比目魚是我的最愛，烤得啱啱好，味道不過不失，呢道地方夠大，早啲訂位有海景，晚上可以看到日落，和朋友到此聚會，價錢合理，其他食物也不錯，值得再來。

一係未熟一係窿你要邊樣？行入坐已經一陣味一坐低老闆串串貢話 q r code用唔到， 佢發板畀嘢食我地當然拒絕啦，之後就叫左個講國語既女人，又聽唔明又落得慢，唔通係到畫緊畫？野食一到就如下圖，好想請反個老闆食，叫佢食落口， 又腥又未熟透，刺身仲有沙咩玩法？ 蒸蛋無蛋味， 串燒一陣蘇咪， 豬仔骨食落去梅既仲有腥味點解會咁既？想食鰻魚又話無？即點要叫個？星洲炒米 最好笑日本餐餐有台灣腸食？（可惜無影相）成間野最好食係炒西蘭花，比278就食佢？

首先我要稱讚一位姓盧的侍應，這間餐廳我來過幾次每一次都不太愉快，食物質素啦，侍應態度啦，今次母親節同母親過來原本母親一直都說不想來，但所有餐廳都滿，初初行入餐廳感覺有一點不同，好似同以前相比有一點改變，多了選擇，之後坐低同之前一樣係漏單啦，點了好久沒有來之類，但問題已改善了很多，不斷找侍應催單都沒心理會，之後有一位姓盧的侍應，同佢講點了刺身很久都沒有來，佢第一時間就講對唔住之後立刻到廚房親手拿出來俾我哋，這個是我在其他餐廳完全見唔到嘅，初初見他是在門口帶位之後入嚟做傳菜，前幾次來都是亂晒籠，好嘈，今次大有改善，母親大人今次非常開心感覺到食客有被尊重，之前都係其他餐廳冇位所以先會來，經過今次，下次父親節品川會係我哋第一個訂枱食飯嘅選擇，仲有我左右隔離枱嘅人其實全部已等了很久，都已經開始發脾氣，都被這位侍應一一解決，敬業樂業的侍應💪💪💪👍👍👍

100%自費 今日星期六去咗荃灣西上面海之戀商場 品川食放題 一句講曬垃圾 沒有下次 數數手指香港所有嘅 日式放題餐廳 差不多光顧過 作為食客可以負責任客觀地同大家講呢間餐廳食物質素超級差 雖然之前都有睇過網上嘅一啲食評 但係因為自己未親身光顧過 所以對餐廳未必太公平 但係今次幫襯過後 我都忍唔住要寫負評 應該係我近三四年來香港日式放題質素最差嘅一間 禮拜六中午價錢每位平均三百元 呢個價錢絕對可以喺銅鑼灣 食到高質素嘅放題 呢度唯一嘅優點就係有個海景 不過中午好曬 可以望到青衣 同埋呢間餐廳面積都好大 中午時分第一個入去 成間餐廳都冇食客 這種感覺好奇怪 呢度都係手機自助點餐 出面冇自助BAR 熟食小食 只有羅宋湯 冇錯係只有羅宋湯問你服未 有冇搞錯 連咖啡奶茶機都冇 雖然飲料選擇都唔少 但係大部分都係罐裝產品 呢度所有出品食物都好鹹同埋好多油 中午第一台食客點餐竟然甜蝦顯示賣曬 (一個鐘前之前打電話問佢有冇甜蝦刺身佢話有) 刺身淨係得三文魚嗰啲 質素都係十分之普通 坐咗接近一個鐘 因為成個場太靜關係 仲要係星期六中午只有總共三台食客 但係佢哋都唔係食放題只係嗌一個普通嘅午餐 佢哋亦都

這間品川之前去過一次，貪佢地方大又冇乜人唔駛等位，因為假日中午在海之戀商場揾食都比較難揾位，貪呢間不用等位就試吓，那次食物價錢都一般般，尚可接受。今日再去食真係差到極點，刺身不新鮮，魚肉霉的，甜蝦個頭霉霉爛爛好似中輻射咁，只蝦一邊眼是黑色扁扁一塊，另一邊已脱落，蝦頭爛的，咁都上得碟。蠔仔粥似嘔吐物，啲蠔不新鮮扁曬爛曬兼有異味，跟本不是粥。甜品櫃只有三兩種選擇，其他食物都是一般。每人要$248/位，仲要加一，人均消費$272.8。此店差到這樣，唔會再去。

請我都唔會再去D野都唔係人食從未食過甜蝦d肉係白色架囉好似阿馬遜河d腐屍D田螺有屎味個蠔仔粥咸到爭d爆腎我而家個腎仲有d痛緊天婦羅係用d好 cheap既蟹柳 當係長蟹腳甘黎炸

叫左一個壽司定食，一個天婦羅定食，2百幾數蚊。份量唔夠。我地2母子食到媽媽聲食物賣相（有圖），味道，份量同價錢不成正比，如果同價錢，同區其他選擇多的是，沒有下次，極後悔！