品川日本料理 (已結業)

是咁的，我尋晚見得閒去海之戀商場食晚飯兼行吓。我見呢間“品川日本料理”門口餐牌介紹除咗放題仲有晚餐，因為唔想食太耐，加上我老婆同阿女唔食生野，所以打算入去食晚餐啦，門口MK仔部長安排我地入座，初頭都覺得無乜野既。點知坐低個肥妹仔女侍應話晚餐製作可能需時30分鐘，咁我就惗住叫少少A la carte ，叫個晚餐，邊食A La carte邊等晚餐，三個人啱啱好。好啦落單啦，換咗個新仔黎落單，A la carte佢都落曬單，但係晚餐佢竟然話無，我就話頭先肥妹仔話有個播，跟住肥妹仔黎幫我落單，但係當中有個中年阿叔侍應走過黎好晦氣話晚餐宜家做唔到俾你架！但係我再問肥妹仔，佢答應我可以落到，照樣需時30分鐘，我ok，因為同佢之前講既相符。之後我見阿肥妹仔落單入機時，中年阿叔係度狂鬧肥妹仔，但係肥妹仔無理佢。過左一陣個MK仔部長過黎調停，佢唔係問其他侍應我點左乜，而係直接過黎問我，佢第一句就屈我：“你頭先入黎果時唔係話食放題既咩？”我即刻火都黎就話：“我幾時有講過我要食放題啊！”就算我有講過，我唔可以改變主意架？跟住佢問我點左乜，我已經好火啦，點知佢宜家連我點既A la carte都話要煮1個鐘，我

荃灣西站有新商場海之戀, 今日去donki行街街，順便試下日式放題品川。在海旁行一陣, 附近環境好清幽, 綠油油加好有空間感。 品川店內環境寬敞，坐近窗邊仲有海景睇,人多既話可以坐和包廂, 今次有海景可以輕鬆自在嘆放題 order用手機QR code落單, 上菜速度幾快，全晚既order冇漏過, 值得讚 刺身有三文魚、象拔蚌、油甘魚、赤貝、帆立貝、甜蝦、劍魚腩等, 刺身質素不錯，最喜愛三文魚，夠新鮮油香。除左用電話點餐, 外面有吧枱可以取冷盤,薯格.飲品, 雪櫃有10+款選擇, 最開心亦sake同梅酒任飲 壽司細細件等我可以食多點其他熟食, 當中試左清酒煮蜆、燒比目魚、燒菠蘿。Encore再encore比目魚因為煎得香脆。熟食都算好味, 尤其係炸物, 炸得夠脆唔會過乾。

海之戀商場出名多野食，今日就book左品川日本料理食放題黎到既時間係12點，剛剛開始午市放題。店既地方十分寬敞，d位好好坐，而且仲睇到海景，比起一般放題，呢個環境真係無得輸!而家好多放題店都係用QR code落單，真係方便又環保。好肚餓，放題既選擇種類算幾多，可以大飽口腹了飲品區同埋甜品區都有好多選擇，甜品區仲有生果食，隔離仲有d前菜熟食可以自己夾首先上場既係刺身，我第一件一定係試三文魚先。三文魚食落好鮮味，而且肥美，一啖咬落去好滿足。其他刺身都好新鮮，岩晒鐘意食刺身既狂迷。牛油炒帶子，真係食一舊已經心心眼，帶子juicy得黎好重牛油味，呢個我再重覆點左幾次，實在太正了。牛柳粒都吾錯，入味之餘肉吾會死實平時去譚仔就食得土匪雞翼多，估吾到呢到都食到。雞翼整得好香，而且好多肉汁。比目魚亦係必食，魚肉滑溜，再加上沙律醬令個味道再提升呢個我覺得係今餐既亮點，芝士帆立貝一放上枱已經聞到好香，面層金黃色，芝士同沙律醬配合得十分好，帆立貝吸收晒醬料既味道，而且煮既時間剛好，吾會韌真係必食呢到既壽司都十分出色，壽司飯細舊而且吾鬆散，我最鐘意係芝士玉子壽司，甜甜既玉子配上半溶芝士，再加上少少火炙既味道，

荃灣都有不少的放題店，朋友之前來過這間講不錯我就和朋友再來吃，來到七點鐘都有少人來吃飯，坐下見到出面有小食和原來這裡用電話落單方便，而且仲有清單可以知道自已叫的食物款式。來到當然第一時間叫了刺身，每款都叫了一點來吃，都十分新鮮又鮮甜，三文魚忍不住再叫了多一碟。壽司種類都分十分好，和牛壽司必叫好味牛肉濃又軟熟，海膽都幾新鮮，龍蝦沙律壽司都幾特別，紫菜好脆口，飯份量細細岩岩好可以食多幾件。香芒之戀香芒甜配三文魚好味，黑松露款式都不少而味又不會太濃配魚令到更鮮甜。熱食都有叫了不少串燒，最愛吃雞軟骨又熱又脆口不太油身。香芋，榴槤不太油味道都濃又香，芝士年糕必點，好軟熟又濃芝士味。天婦羅好脆又熱不太油，入面的南瓜同蝦都保持到爽口。蠔仔粥幾特別，蠔十分大隻，有櫻花蝦令到個粥味香不少。軟殼蟹手卷夠熱又大件，配沙律醬和飯好味道。蒜香牛肉粒的牛肉軟熟有肉味又入味不會太咸幾惹味。比目魚份量剛好不太多，甜甜的魚肉又夠滑身。最後仲要了鹽燒平目魚裙壽司，有燒焦的香味再有點魚油不錯。出面仲有不少甜品和雪糕雪條，飲品選擇多又有汽水，茶，啤酒和清酒，整體都滿意而且坐得十分舒服不會感到迫。

好耐沒有食放題啦，今日心癮起，打開Open Rice點吓周圍餐廳，見到『品川日本料理』，標榜係海景餐廳，諗吓都開心，喺處吃嘢見到對面海的灝景灣，盈翠半島，汀九大橋，似乎幾正吖。來到『品川日本料理』，量度體溫係常態，地方好大好光猛好整潔，係少有的咁大間放題餐廳，因此喺咁大地方又隔住藍巴勒海望住對岸的靚橋，靚樓，加埋任飲嘅梅酒實在嘆，就咁享用了一餐美妙的lunch放題。和宜家很多新嘅餐廳一樣，都係掃描QR Code點餐，首先來一碟刺身，有虎蝦，甜蝦，三文魚，鱆紅魚，北寄貝，玉子，帆立貝，好新鮮美味，北寄貝係我鍾意之物，爽，滑，鮮，食完繼續第二碟，吞拿魚，榮螺鮑魚片，希靈魚，馬刀貝等美味進入我的胃，好满足。除咗刺身亦有壽司，天婦羅，燒物，炸物……炸物嗌咗芋頭波波，榴蓮波波，炸年糕，而燒菠蘿更加juice到不得了，好想食多幾件，但要留肚為了一樣不可以任食嘅Häagen-Dazs雪糕，食完呢餐超開心

Can’t imagine that there is such a wonderful Japanese restaurant in TW. 日式放題 just cost $200 something for dinner and with super beautiful night view😍Just feel free to order. We are very full hahaDessert 🍮 box, we ate much, yummy and sweet , can’t wait to the end la.Our favorite dishes, decorated with beautiful flowers 💐 nice Cheese 🧀 fried 帶子， must try~ the taste of cheese is strong, delicious 😋 Some bbq 🍗 food, yummy 😋 as well, we already very full 😥Sushi 🍣 some raw fish, fresh~ With little ric

見食評好似唔錯，試完就後悔了。放題嚟講款式好少，落完order等起碼半個鐘先到（餐廳入座只一半人），食物味道亦唔吸引，賣相亦好求其，刺身都唔新鮮。以咁嘅收費，不值，唔會再去。

7pm左右walk in, 入到去個哥哥帶我地入去坐低就走左，一句野都冇講過。我同朋友r哂頭，menu又唔比，餐具又冇，後尾問另一位waitress攞menu,先知原來要掃QR code落單，話埋比我地聽wasabi要自己出去攞。咁點解一帶我地坐低果個waiter唔講呢？不過服務生唔係冇禮貌，只係欠缺主動性service爭d然後冷氣凍到好似入左凍櫃咁，成餐一路食一路震，洗唔洗咁大冷氣呀....野食方面，款式少。味道黎講，好一般，星期一夜晚食，$277+10%九折但唔值依個價，出面依個價錢有更多好食既選擇。佢話係海景餐廳，但室內燈光太光啦，反哂光睇唔到夜景，浪費左個景色。總結：唔好食，唔會再食第二次、出面依個價錢有更多更好食既選擇，未食既我勸你唔洗試，真係唔值 、再講多次 冷氣好那凍！

放題嚟講，最重要係唔好漏單，如果每次叫十碟野只黎兩至三碟，咁就唔係放題啦😅落單自己scan QR code揀,選擇唔多，每個分類預10款以內特色卷物叫咗好多次都冇黎，手卷冇黎。海膽,三文魚子軍艦4個人order左五次，共叫左30粒，但最後都係黎左十粒🤦🏻‍♂️串燒翠玉瓜，牛舌鹹到飛起白酒煮蜆卜卜聲，喺滿口沙嘅卜卜聲😣水煮魚同蠔仔粥全部味精湯，飲唔到唯一好食嘅就係吉列蠔，同埋芝士年糕...呢啲嘢全部現成冷藏嘢,屋企氣炸鍋都做到😂黑松露壽司系列都唔差刺身冇驚喜，但係都算新鮮總括來講，真係唔推介😣

行完Donki特別肚餓 喺海之戀入邊兜咗一個圈 發現原來呢度有放題 所以就試下啦!入到去先發現環境好大~~裝修都好日式🇯🇵!!餐廳以海景為賣點本身想坐窗邊位 但當日full哂 需要預先book先坐到~~出街食飯當然要留意衛生問題⚠️✔️我地被安排既位置都ok~~因為枱與枱之間都闊落!✔️用電子點餐~~環保d! 點餐個陣只會掂到自己部電話 安心d! ✔️wasabi唔係一罐罐公用既放喺枱 而係用獨立包裝!👉🏼整體感覺都係幾衛生 可以食得安心!講下食物先💁🏽‍♀️放題當然要食刺身 呢度既刺身種類幾齊!我仲會欣賞下刺身個擺盤🤣 呢度既擺盤絕對合格啊👍🏽另外想讚下呢度既餐具都好靚好日系! 👇🏽(我印象中放題既碟都係黑色既膠碟🤣)食物質素都唔錯~~講幾樣我覺得特別要試既👇🏽西京燒比目魚 記得一個鍾意食西京燒既朋友講過話出街食西京燒一定好貴💸放題竟然有西京燒食 幾有驚喜🤩味道甜甜的 燒得焦香! 👍🏽黃金芝士燒帆立貝芝士份量好夠 非常邪惡🤭而且仲混合左一d蟹籽 令到口感再豐富d!芝士鰻魚卷(左三)冇幫襯元x壽司年幾兩年 食完呢件壽司特別令我諗翻起元x!!因為實在做得好似 特別係入面舊cream cheese☺️

最近因疫情減少外出用餐的次數，現在外出多為了購買日常用品，上星期到了荃灣廣場購物後，便到海之戀品川日本料理吃個放題才回家。下單方式是掃瞄微訊QR CODE下單的。外面有不同的小食、甜品和飲品自取，還有清酒、梅酒等。帶子與甜蝦刺身，沒有雪味，入口鮮甜，如果芥末辣一點更佳。海葡萄蝦壽司黑松露帆立貝壽司，兩者配合比我想像中好，黑松露味道不會太搶帆立貝的鮮甜，海葡萄令蝦的口感更加爽彈，要多叫幾碟。燒比目魚是我另一款最愛，肉質非常嫰滑。最後再點土匪雞翼、燒帶子、燒菠蘿、鹽燒蝦配上清酒、黑啤，令人回想台灣的風味。

品川日本料理 (荃灣)-行完Donki平時就會直接走人，今日見得閒就順便兜下海之戀呢個商場，跟住就見到間放題店咁抵梗係去試吓啦！入到去真係超驚喜😍 入面環境好闊落，最重要嘅係望住個海景chill着食返個dinner 呢🤪😍 環境又闊落，而且張枱又大😍 起碼唔使好似平時食放題嗰啲店咁，張枱又細，你嗌好多嘢嘅時候張枱就會搞到勁迫... 呢度唔迫之餘，仲有位俾你慢慢將啲嘢食擺得靚一靚影相打下卡添🤪 首先去到睇咗嘢飲先，嘢飲算好多款，而且仲有梅酒，望住個海慢慢嘆，chill爆😍 嘢食來得好快，刺身方面好多選擇，好新鮮而且肥美😋 特別係三文魚同吞拿魚刺身有驚喜😍 厚切得來啖啖肉好鮮味🤪 熟食亦都好多款式，大愛土匪雞翼😍 夠晒入味😋食多幾隻都仲得！👍🏻 跟住仲有各種嘅天婦羅，同埋壽司等等勁多款式。天婦羅仲有天婦羅香蕉！勁新奇有趣🤣串燒方面亦都好吸引，特別牛舌啖啖肉，大滿足🤤仲有芝士焗扇貝，牛油帶子好吸引！好耐冇食放題，仲要二百幾蚊環境又正，今日真係大滿足！😍-📍 品川日本料理 (荃灣)荃灣大河道100號海之戀商場3樓3013號舖

疫情終於有回落，決定去荃灣行下街，加上長期WFH，需要去donki掃一掃貨。掃完日本野，當然要食埋日本餐，慰藉一下去不到日本旅行的心！咁啱就發現了海之戀商場原來有間日本餐廳食放題，價錢跟出面的放題相若，於是決定試試餐廳面積很大，環境寬敞舒適，而且服務員還安排一個海景位置給我，真的太幸運了！至於點餐方面，餐廳沿用手機自助點餐，又環保又方便。餐廳的飲品種類特別多，除了一般常見的汽水外，仲有薑母茶及啤酒，連我最愛的梅酒都有！手機點餐不久，食物就陸續送上，十分有效率。味道方面，壽司非常新鮮，我最怕的是很大舊的壽司飯配上很細片的魚生，幸好，這裡的壽司飯和魚生比例配合得剛好。刺身更加不用多說，味道鮮甜，入口即溶。而串燒我大力推介鹽燒牛舌，非常爽口彈牙，我一人前後吃了五串！另一樣我都喜愛的，是燒芝士帆立貝，香濃的芝士配上鮮甜的帆立貝，一咬溶入口中，正最後，值得一讚的是沒有漏單情況出現。今餐的放題價錢合理，淨係海景呢一點，都已經值回票價

一心諗住同朋友去新開六商場行下兼食野，點知去到中哂伏，刺身有腥味，天婦羅勁多粉漿去炸都算，同埋炸物都唔掂，仲聞到有啲油膱味，叫左個雙皮牛奶片，點知嚟左嘅係方包浸牛片，完全係油浸面包，叫左牛舌完全唔熱同有羶味，雞軟骨太乾，中華沙律有啲怪味，粟米甜到好多似落左好多糖，只係得壽司算係正常嘅，同埋個食野對住少少海景都還可以，因為咁啱有條柱頂住左個view, 不過我應該唔會再有下次去幫襯，食到好無癮，食兩個鐘，結果坐左一個鐘就走，因為真係唔該晒係好掂！

實在太耐無大吃大喝啦自從無左晚市堂食之後，開返緊係要即刻約朋友食放題啦，樓下仲要係donki食飽再去血拼正呀！一路都想試呢間放題個景好靚，窗邊枱望到成個海景好有feel，黃昏既時候仲望到日落添！餐廳提供自助bar有梅酒清酒任添，清清地有熱茶，罐裝飲品種類都幾多。要讚下佢啲刺身好新鮮，唔會有好大陣雪味，三文魚，吞拿魚，榮螺，甜蝦，仲有帶子都好鮮甜，海膽軍艦勁好味，唔會大大舊飯，我起碼食左8件😂炸軟殼蟹手卷蟹肉又大件，中意佢配埋沙律醬食👍大推熟食好味，吉列炸蠔非常香脆可口，雞軟骨串燒大粒又惹味，令人食完想再食，清酒煮蜆有淡淡既酒香蜆肉亦算大粒，最後食既烏冬同牛肉鍋同樣不錯，濃底甜而不膩所以好飲，讚！👍甜品就推介朱古力糯米池，一粒一啖好味道，係個好好既結尾😋