品越越式料理 (雅蘭中心) (已結業)

真係極鍾意食越南菜，今日黎到位於雅蘭中心二期嘅品越試下😍 我地book左位，咁啱分配到窗口位，望到彌敦道嘅景，而且座位非常舒服，好適合同朋友食個飯傾下計。 香茅燒豬頸肉串撈檬 豬頸肉微辣，充滿住炭燒味，非常惹味同juicy。檬粉配上魚露，酸酸甜甜，仲有生菜絲、青瓜絲、蘿蔔絲，十分開胃，食到停唔到口。 燒大虎蝦米紙卷米紙卷一碟六件，本身expect米紙卷嘅size會大舊d，同埋蝦肉份量會多d，不過整體配上青瓜、米粉等材料都算幾豐富，而且非常米紙卷非常結實，唔會一咬開就散哂。 香芒軟殼蟹炒飯 軟殼蟹炸得啱啱好卜卜脆，唔會話太厚太多粉漿，而且香芒令充滿鹹香嘅炒飯添上少少甜味，仲可以balance番炸軟殼蟹嘅油炸感，成個炒飯好有驚喜! 越式炒金邊粉侍應送呢碟炒金邊粉上黎果時真係標緊勁多煙，完全feel到係充滿鍋氣! 食落又唔會覺得好油，出面好多餐廳嘅炒金邊粉都會落太多油，令人覺得太肥膩，但呢碟反而剛剛好。 法式焦糖燉蛋 燉蛋非常滑，甜而不膩，唔錯呀! 即製窩夫配雪糕窩夫有兩件，其中有一件好似圈狀嘅雞蛋仔咁，幾得意。窩夫食落外脆內軟，充滿蛋香。雪糕方面我地揀左乳酪味，感覺好似食緊froyo咁

不知何時起，變了經常來... 原因當然是試過好味才又再幫襯啦 ! 也介紹給了朋友而後來反應也不錯。今次是訂座的，帶幾個朋友來吃，點了紙米卷、雞湯、燒豬、鐵板魷魚、炒菜和時令的凍飲 (店員說，士多啤梨沙冰「要問才有」，菜單沒有...)。基本上，樣樣也不錯，當中有感燒豬太肥，店員不單為我們退了它，之後再送上布甸甜點，令服務加分。

放假出左食越南野, 已經唔係第一次食, 因為覺得幾有水準, 價錢又唔太貴, 地方坐得幾舒服,所以再返去食~越式炒金邊粉有少少蝦醬味道, 炒金邊粉來講唔算太油, 味道偏咸但可以接受。香芒軟殼蟹米紙卷軟殼蟹+芒果的配搭一流,加上青瓜令軟殼蟹油炸而不膩, 口感非常豐富。而米紙卷顧名思意就會包住米粉, 所以都幾飽肚, 岩哂幾個人share一齊食。香茅燒豬頸肉串撈檬燒豬頸肉串幾重炭燒味, 檬粉無太大驚喜, 但分量都幾大碗。個人覺得以呢個價錢($68)來講算抵食!河内扎肉湯河粉扎肉數量比我想像中多而且幾厚, 扎肉中間會夾住一些軟骨。牛肉湯底味道偏濃, 岩哂中意牛肉味嘅人!串燒拼盤 (豬肉串、鷄肉串及牛肉串)串燒不過不失, 個人推介豬肉串, 加上沙嗲汁非常惹味。當日的雞肉稍嫌燒得過燶。香芒黑糯米最後梗係要食返個甜品, 心型賣相十分驚喜, 黑糯米幾香同煙韌, 當日嘅芒果好甜, 用佢來做呢餐飯嘅總結真係非常合適!

同同事食晏，想食些比較輕食的粉麵，於是就去左品越食越南粉。同事揀了雞絲扎肉湯河粉，我就揀左米春卷撈檬。米春卷撈檬- 春卷有好多條，好豐富。春卷好酥脆，不油膩，餡料是芋頭蓉，炸得很香口，外脆內軟。撈檬爽，加上生菜絲、青瓜絲、芽菜、紅羅蔔絲的配料，清新爽口。我最愛淋上撈檬的必備蒜頭醋汁，開胃又好味。雞絲扎肉湯河- 同事話雞絲不鞋口，不似是雞胸肉，而且都有d雞味，唔錯。扎肉好似有三塊薄薄的。同事話湯底清得黎不淡，河粉滑溜溜，好食。

隨著朋友圈子 愈來愈多新成員加入 對於食飯的地點 要求會愈來愈高 當然依然要抵食 好食為重點啦 但同樣環境舒適 有服務先得發掘到旺角一個新飯點 - La'taste Vietnamese Cuisine 品越越式料理 位於雅蘭中心 不過個入口係山東街個邊 記得唔好行錯1行4人 2名孕婦 所以要坐得舒服D 品越越式料理 符合我地要求 環境夠寬敞 而且唔會噪 坐得舒服開心Fresh Coconut 新鮮椰青 $38Grapefruit & Wildberry Soda 西柚野莓梳打 $32King Prawns with Avocado Salad 海虎蝦仁牛油果沙律 $88 牛油果揀得岩岩好 而且有4隻大蝦 Salad 夠凍夠新鮮Soft Shell Crab with Fresh Mango (6pcs) 香芒軟殼蟹米紙卷 $78 微微酸酸甜甜既芒果 配上煙韌既米紙Beef Brisket 咖哩牛腩煲 $88 牛腩煮得夠淋 而且汁很多 識食就必須配埋1) Garlic Bread $35 or2)薄餅 Thin Pancake (2pcs) $35唔食PHO 就好似無食越式料理 所以是

我鐘意食香口野，越南菜是我喜歡的菜式之一。來旺角行街，想食越南菜就想起朋友推介：品越今日來食lunch，假日lunch人流都ok，不用等，好快就可以入坐，我想平日應該會較full吧。今次我們食了：凰爪~~先開一開胃：紫蘿牛肉米紙卷(6件) ($72)賣相好吸引，牛肉味好出，愛牛者必食，米紙口感厚薄也適中，加上酸甜汁，清新又開胃。串燒感覺較一般，還是食碳燒的感覺較香口。推介：黃金椒鹽軟殻蟹 $88原隻軟殻蟹加入鹹蛋黃炸，上枱時已聞到好香，一咬開不得了，香脆咸香，軟殻蟹內有蟹膏，新鮮好味！推介：鮮茄石斑魚片湯檬 $88這個也很好味！我要用「鮮咸香」來形容！蕃茄湯底酸甜適中，加入海鮮，湯底也有鮮味，入面有少少蟹肉，同埋大大塊厚肉無骨的石斑魚片，我同友人都食得好滋味。叫了兩杯特飲：菠蘿熱情果：薄荷葉鮮青檸蘇打~~推介！清新，可以中和食物濃郁和辣味。坐得舒服，食物大多香口好味，很合我胃口，下次會再來。

最近返咗一份新工， 忙到隻積咁！ 好不容易才約到一餐聚舊餐， 今晚點都要食盡佢！ 先來的大蝦柚子沙律，grill完的大蝦散發出陣陣烤香，再來清新的柚子肉和木瓜絲，特別加入的腰果果仁爽脆口感亦豐富了層次~ 那遠遠都望得見猶如滅火筒的顏色⋯⋯竟然在這個大頭蝦湯上岀現，大鑊啦！點飲？而且仲要一大煱成三人份量。。。。 點知原來微辣架咋，仲超好飲！ 之所以紅色原來是茄糕來的，所以個湯會帶點微酸，但又有海鮮的甜，個味道層次勁豐富！ 而且隻大頭蝦大隻到以為食緊澳洲龍蝦，爽口質感果然是由新鮮蝦現制才有的！啖啖肉令滋味滿瀉~ 從來都無想過原來簡簡單單的用洋蔥絲加芝士焗岀來的帆立貝會好食得貢緊要！ d洋蔥多到好似平時食蒜香粉絲嗰d粉絲咁大堆，加埋芝士焗完甜到呢⋯⋯隻帆立貝又大隻喎，連我最鍾意食嗰個肚腩都係king size 架！像粉團般軟糯的質感和帶子的爽實鮮甜形成了強烈的反差美。 主食類我無叫到平時會食的炒金邊粉，因為見到有羊架選擇，就試羊架好了。 兩支骨的羊架百一蚊，價錢還可以，而且有配菜伴碟，賣相也很是吸引！ 羊肉羶味是淡淡然那種，所以平時少食羊的也肯定接受到，不過對羶味有追求的就可能會嫌不

今日去左雅蘭上面間品越， 叫左個皇牌河粉， 有雞絲， 生牛肉， 牛腩等等， 都幾好味， 但粉既粉量唔算太多， 但係原來可以加底， 個湯味道都幾好， 但感覺好似有啲食完會口渴， 啲肉都淋， 幾好味。

又同爸爸去搵食，今次出左旺角，朋友介紹呢間越式餐廳，特登去試下6點幾上到去，無訂位但好彩仲有位都幾多枱，又有卡位，仲可以望街添玩小遊戲有甜品送，幾好喎食物種類都幾多，好多都想食，但得兩個人又唔敢點咁多。。。最後揀左呢幾樣香芒軟殼蟹米紙卷一碟6件，軟殼蟹脆脆地，加埋芒果酸酸甜甜，同平時食既米紙卷差不多，都OK！呢個串燒拼盤真係絕不欺場。。。D串燒大條到呢。。。平時D串燒係細細條，呢個每條都大到好似半塊扒咁 XD拼盤有豬、雞、牛各2串加1串菠蘿，菠蘿好甜好juicy呀燒虎蝦柚子沙律兩隻蝦都燒得幾香，柚子好好味，如果再多D就好啦～法式蕃茄蟹肉大頭蝦湯係用一個細煲裝住，兩個人每人都分到兩碗幾三碗湯～呢個好好味呀～～燒羊架一份有2件，雖然燒得香，但有D肥同燒得耐左少少最後梗係要點甜品啦～呢知芒果糯米飯仲係心形架～So sweet~~ haha呢個餐廳都幾好，野食同服務都唔錯，不過閒日食都幾多人，下次黎都係訂定位好D～

早前與友人係旺角行完街後, 便係附近揾地方食嘢, 最後去了品越越式料理食嘢. 坐位幾寬闊和舒服. 我地先點了串燒牛肉. 肉質相當嫩滑, 完全唔覺得硬和乾身. 不論就咁食或是點醬也同樣好味. 蜆港焗扇貝. 扇貝幾大隻. 加上洋蒽等配料一齊食, 幾夾. 再來係法式蕃茄蟹肉大頭蝦湯. 上枱時已被龍蝦所吸引. 這個湯足夠兩個人飲用. 湯夠熱, 這是最基本要求. 入口有香濃的蕃茄味道. 龍蝦肉夠鮮甜, 又爽口彈牙. 仲有其他配料如肉料, 感覺相當滿足. 甜品當然不少得, 點了即製窩夫配紅豆和忌廉和乳酪. 賣相精緻. 窩夫的外型和質感和我平日食的有所不同, 這質感我也幾鍾意食, 甜度適中. 紅豆幾大粒, 較有口感, 再配上忌廉和雪糕, 多重口感. 飲品我點了熱的越南滴漏咖啡. 等待時, 聞到淡淡的咖啡香味, 特別醒神. 而咖啡甜度適中, 啱我口味.

老媽同姨媽參加了社區中心的中秋晚會，又有遊戲又有表演，仲有豐富晚餐，節目咁豐富，點解老爸唔一齊去？見他無人陪，我就扮乖乖女，陪他吃飯啦！今次揀咗吃越南菜，是他甚少吃的菜式。店名招牌高高掛在店中央，好令人注目。餐廳以白色和我最喜歡的湖水藍為主調, 近門擺放了一架湖水藍的綿羊仔，可否騎上去拍照？ 當然不能……而另一吸引我之處是牆上的La’taste 4「不」，「不」失水準、「不」偷工減料、「不」怠慢服務和「不」設最低消費，真有意思。內裏地方闊敞，環境光猛，仲播放着輕柔的音樂，幾舒服。左邊是一個大型的水吧枱，中間是一排沙發位配四人枱，座位寬闊舒適。近大型的落地玻璃窗設有數張兩人枱和四人卡座，而最入位置則有幾張六人枱，座位數目不少。翻閱餐牌，設計清晰精美，分有十大類，包括沙律、頭盤小食、米紙卷、湯、西貢咖喱、蔬菜、濱海、越式撈檬、招牌湯河和炒粉飯，仲有新推出的火焰燒春雞飯，好多選擇。*****************************先來一客沙律清新一下，在七款沙律中選了海虎蝦仁牛油果沙律 King Prawns with Avocado Salad ($88)，單睇佢賣相已令人胃口大開

旺角周圍都人擠人，但係就真係好方便，約朋友大家都鍾意喺雅蘭老地方等。已經第二次幫襯品越，一般店員服務都很好有笑容。而且我鍾意佢裝修有啲特色同埋座位夠晒闊落。每一次睇Menu都有新鮮嘅感覺，今次我一定要試吓招牌菜式 火焰燒春雞配秘製香橙酒 $188。限量供應㗎！製作需時請耐心等候！用心做嘅食物真係要啲時間，原隻春雞上枱，由 經理 serve 我哋，經理好搞笑問我地準備好手機影相未？！首先淋上香橙酒，然後點火，說時遲那時快火燃燒着春雞，然後有一陣香氣撲鼻。經理再幫我地切開隻雞，原來內藏玄機。燒春雞裏面有黃姜飯，飯吸收晒雞裏嘅精華，有雞油香味所以更加惹味。皮脆肉嫩又多汁，係我嘅好味推介！就算普普通通一個馬拉盞炒芥蘭，辣得特別惹味，顏色翠綠，食落又唔會話好油膩。峴港焗扇貝煮法有越南特色，外層金黃色嘅醬汁包裹着大大粒嘅帶子，厚厚實實，肥美多汁。三色冰夠特別，顏色靚之餘又唔會太甜。 最後嘅香芒糯米飯，見到心心嘅外型，心都被溶化了，加上芒果夠晒甜，perfect ending 。

去唔到越南，就食下越南菜望梅止渴啦。今日去咗位於旺角雅蘭中心一樓嘅品越食飯。牛油雞翼賣相幾精緻，一客四件，雞翼大大隻，外層炸到漲卜卜，有啲似天婦羅咁。一咬，個心炸到熱騰騰，出曬煙，雞肉亦都好滑，作餐前小食係不錯嘅選擇。牛油果大蝦沙律日日都講圴衡飲食，菜類又點少得。身為牛油果控嘅我，即時點個牛油果沙律開開胃先。如圖所示，沙律一邊放滿大蝦，另一邊放滿切粒嘅牛油果。蔬菜都幾好鮮，配個酸味味嘅汁，感覺清新，大蝦精營通透，口感爽脆鮮味。生牛肉湯河$70食越南菜又點小得一碗生牛肉湯河。有大量牛肉舖係面頭，睇住佢慢慢被湯浸熟，真係好令人期待。先湯啖湯，再食一口河粉，大滿足。咖哩牛腩 $88 咖喱牛腩好難輸。餐廳好有心地用爐火一直 heat 住個咖哩，咁就唔食到甘上下就凍曬，瓊埋。牛腩切到一啖一件，肥瘦都好平圴。咖哩香氣撲鼻，令人欲罷不能，無論送白飯定麵包都好夾。蒜蓉包一客四件，主要攞嚟送咖哩。薄餅同樣地攞嚟送咖喱，個薄餅幾鬆軟，不錯不錯。牛油果奶昔沙冰 $35又係牛油果啊。目測色水幾靚，淡淡嘅湖水綠色。個奶昔打到好好，一塊冰粒都飲唔到，所以個口感好滑。味道上有陣陣牛油果香味，同時飲得出有啲煉奶味，甜

呢輪越南又成為旅遊熱點, 未有出發日子, 先係度食住越南菜先呢度食物選擇都幾多樣化, 有沙律, 頭盤小食, 西貢咖喱, 湯河, 撈檬, 炒粉飯, 燒物, 米紙卷, 湯類, 蔬菜等點了簡簡單單嘅牙車快沙律 ($78)作為今餐打頭陣, 爽口椰菜絲, 青瓜絲及甘荀絲配上惹味鷄絲, 再灑上香口花生粒, 撈勻酸汁一齊食, 清新得黎又開胃! 久違了嘅順化蔗蝦 ($36)今晚要再會一會佢鬆軟彈牙嘅蝦膠包住甜美嘅蔗棒,  加埋酸甜醬汁, 啖啖好滋味, 性價比相當高!法式牛油鷄翼 ($62)係我"飛佛", 一客4大隻內藏於籃子入面, 放低後香味四飄炸至金黃色入口脆卜卜, 咬落去肉嫩又多汁, 雖然牛油味唔算好出, 但我都覺好好味!  趁佢熱辣辣要快D食晒佢...............哈..哈....! 香芒軟殼蟹米紙卷 ($78)無論擺盤及顏色都吸引略帶煙韌嘅米紙卷及生菜包住甜美芒果, 爽脆青瓜及香脆炸軟殼蟹, 驚喜嘅係炸軟殼蟹仲有熱度, 咬落唔會成口油, 一舊包含多種味道及口感, 底下嘅沙律醬再加添幼滑香味, 一啖一舊好滋味!香芧豬扒撈檬 ($72), 一大塊豬扒切成細條, 就咁單食都食到有少少香芧味

星期五既梗係同班朋友出去食飯有朋友介紹之下簡左呢間野食越南野咪試下點知有驚喜我地用左openrice 既優惠二人餐$298三個人叫左個二人餐分別有札肉沙律 配上沙律醫有新口感蕃茄蟹肉湯 好飲 但過後幾口渴 可能味精重左少少拼盤 不過不失另外有四款粉麵飯可以簡 我地簡左炒金邊粉炒飯本身以為會唔夠 所以另外叫多樣小食芒果牛油果米紙卷其實二人餐份量已經夠我地食 唔洗另外叫多樣小食我覺得整體味道濃味 而且夠味 值得一試