哥登堡餐廳

營業中

休息中

經過很多次，但卻第一次食。最近係土瓜灣做野，見到呢間舊式扒房準備結業，所以約左女友去試。今日好好彩，人唔多唔駛排隊就有得入餐廳坐係到點餐，入餐廳滿眼舊情懷，燈光較暗，侍應熱情，未叫野食，先問要咩湯。女友叫左牛扒意粉，我叫左個豬扒鐵板。先來兩個羅宋湯加餐包，湯足料有微胡椒味，餐包暖，落牛油時會慢慢容，唔係凍冰冰的。主菜來了，牛扒意粉，意粉多同有炒過，唔係就咁用水煮熟，牛扒有肉味，薄牛扒，都有肉味。意粉同出面好多地方唔同有炒過先上來。豬扒兩大塊，厚身煎到燶邊，有口感。吃到一半，侍應來問餐飲，叫了紅豆冰及蔘蜜，紅豆冰係用椰子水，同連鎖的大大分別，真無椰汁味重，蔘蜜有蔘你底，但唔知真假，飲落味唔似即沖的化學飲品。最後，侍應送上兩粒糯米糍，唔係維記，好好食。以200蚊唔到的價錢食上咁豐富的晚餐，性價比好高。

考試肥佬都要食番餐好😌落哥登堡食番個鮮茄牛脷飯，再飲番杯涼粉雜果冰🍹，唔係咳緊，衣度既黑椒牛柳絲炒麵真心好食，不過有牛脷食都ok，午市套餐只係60元，有餐湯，主菜，配埋特飲，認真超值，衣度羅宋湯好足料架！😋 可惜連哥登堡餐廳都捱唔住了，做到3月尾租約期滿就結業，又小一間由細食到大既餐廳了。

細個係土瓜灣讀書既我經常都去哥登堡餐廳食飯，一來比其他餐廳近啲，二來西餐黎講佢算抵食，算係學生哥都負擔到。款式種類都好多選擇，今日重遊舊地就揀返我以前經常食既鐵板牛扒餐。餐包鬆軟，唔會硬挖挖，配埋牛油陣味簡直無得彈。羅宋湯味道適中，而且牛肉味都突出，唔會好似飲緊啖而無味既蔬菜湯咁。最後到主角出場，一淋上黑椒汁，鐵板隨即揸揸聲，香味撲入鼻內，令人食指大動。當然牛扒質素比唔上果啲A5和牛咁高級，但肉質都嫩滑，成個牛扒餐既性價比都非常高。

今日朝早起身諗住食咩，郁吓肚都聽到有隻牛喺度moo🐄，所以決定去間人氣牛扒鋪歎返個平民價錢既牛扒！一入到去，裝修有啲老土，但滿有昔日港式茶餐廳feel，令人有種時光倒流既感覺。跟味蕾嘅指引，揀咗一份香煎牛扒，煎到表面焦香得嚟入面軟熟得剛剛好，肉汁一切開就流晒出嚟，香到隔離檯都聞到😋！牛扒香噴噴嘅，拎起塊嚟一啖咬落去，咔嚓咔嚓，肉質彈牙但又唔使食到汗珠子直冒。黑椒汁夠晒kick，個辣勁刺激到口腔個每一吋角落，唔湯水，正🔥！至於隔籬嗰份燒汁牛仔骨，睇樣就知肥瘦相間，吸引晒我啲目光，口水都流一地。卜卜脆嘅餐包配埋濃郁嘅羅宋湯，喺冷冷嘅天氣裡暖笠笠心口。正所謂細細鋪，驚喜多多，今次食得唔止飽肚，仲飽足咗我渴求美味嘅小小心靈。下次有牛扒癮嗌，我知道邊度揾啦👍！

黑椒牛柳粒炒麵一上枱，就見到炒麵上嘅黑椒粒非常誘人。炒麵嘅麵條非常彈牙，牛柳粒嘅肉質非常嫩滑。黑椒嘅味道非常惹味，非常刺激食慾。牛柳粒嘅肉質非常嫩滑，入口即化。黑椒嘅味道非常惹味，非常刺激食慾。薯條嘅酥脆，令我諗起咗小時候同朋友去遊樂場玩嘅時候，食嘅薯條。嗰陣嘅薯條，熱辣辣，酥脆可口，真係好正！羅宋湯嘅濃郁，令我諗起咗寒冬嘅夜晚，同家人圍坐喺爐邊，食緊熱騰騰嘅羅宋湯。嗰種溫暖嘅感覺，真係好難忘！黑椒牛柳粒炒麵嘅美味，令我諗起咗第一次去西餐廳食飯嘅時候，食嘅黑椒牛柳粒炒麵。嗰陣嘅牛柳粒，肉質嫩滑，黑椒味道濃郁，真係好難忘！

叫咗2個午餐，一個炸魚蝦沙律，一個芝士肉醬意粉， 個炸魚好新鮮，包兩隻炸蝦，沙律份量豐富，芝士肉醬意粉，味道剛剛好，而且好大碟。仲包兩個湯，叫埋特飲，兩杯雜果冰，啲雜果有一半杯，唔使加錢，又冇加一 ，呢個價錢，大家X都做唔到！懷舊餐廳，餐具足夠，調味料齊全，張枱有磨樽形的胡椒粒！侍應服務態度好好，我哋倒瀉咗個湯，即刻有兩個人過嚟幫手清理，仲問你有冇整親，不時會走過來問你叫咗嘢飲未，加油加油，會再嚟幫襯！

大份抵食好味，價錢化算，食完好滿足。薯條唔多但嗰餐好大份，所以食得好飽，牛扒大份好厚又夠熱。職員哥哥好有禮貌而且快捷。午餐多種類。牛扒走汁上都覺得好味。土瓜灣唔錯嘅選擇。冷氣強勁。服務好、上餐快、味道夠。

懷舊扒房🥩哥登堡🍽經過唔知裡面都幾好環境！好似置身另一空間咁HK$75 full set✨牛油餐包、餐湯、主食、特飲、甜品💖特飲都唔使加錢，有紅豆冰、花旗蔘蜜、涼粉雜果冰牛扒2大塊😲😲懷疑一日食呢一餐都得大份到比海賊食咁！😝老公食焗豬扒飯都好大碟，佢都話好飽！甜品係雪米糍朱古力味一口份量，還好唔會太多！鐵板牛柳餐就HK$170，遲啲再食😁呢間係我細佬介紹我去😃😗終於一試環境真係好有格調，氣氛浪漫🌹

呢間舊式扒房「哥登堡餐廳」係我公司附近，一路都好想試因為我真係好鍾意食雜扒餐，樣樣都可以試勻晒又夠晒飽肚😆今日終於約埋同事過去食lunch，好彩預早少少黎，一陣間已經full晒✌🏻哥登堡雜扒份量十足，有齊晒豬扒、牛扒、雞翼、腸仔、煙肉、剪蛋，豬扒煎得夠香口，牛扒亦冇乜鬆肉粉口感，雞翼就係炸過嘅雞全翼，樣樣水準都不錯👍🏻底下仲有大量粗身波浪薯條同三色豆，我揀咗黑椒汁，辣辣地又夠晒濃味，食肉獸最愛😋黑椒牛柳粒炒麵呢個係我同事點嘅，佢分咗好多牛柳粒比我食😂炒麵係煎過嘅脆麵，淋上黑椒汁特別惹味，牛柳粒份量亦係超多，而且一啲都唔韌，質素遠勝價錢🉐📍哥登堡餐廳 (土瓜灣)土瓜灣馬頭圍道440號地舖人均消費：$100-150食物：⭐️⭐️⭐️⭐️環境：⭐️⭐️⭐️回頭率：⭐️⭐️⭐️⭐️⭐

今晚經過土瓜灣朋友話想鋸扒🥩一直都有聽過哥登堡餐廳嘅大名就一於決定入黎試試🤩一入到黎間餐廳好有懷舊扒房嘅feel😳今晚人唔算好多所以侍應都好好安排左張6人枱比我地3個人坐👍🏻仲有一坐低未叫野食就上埋湯同餐包比我地🤩今次叫左煎蛋羊扒鐵板餐食🤤首先佢個羅宋湯辣辣地又酸酸地都幾好飲👍🏻餐包叮熱左就正常啦🤫至於佢個羊略嫌肥左少少同埋落多左粉醃佢🤏份量黎講都算合格😝仲會有少少啱炸好嘅薯條同埋我跟嘅白飯😎食曬都夠飽嘅😋overall黎講$95都ok嘅☺️加上仲可以叫佢d特飲唔洗加錢🤑同埋會食到呢到嘅人情味🤫佢會主動同街坊傾下計😬最後佢仲好好送埋雪米糍比我地食😍呢間算係間平民扒房👍🏻住附近嘅與其去d連鎖快餐店食不如黎呢到仲好👍🏻

今次去到土瓜灣哥登堡餐廳，有人嗎極力推介，我哋就試吓😙可惜太失望，有啲似背嘅傳統鋸扒，完全冇牛肉味 😅不過份量都幾多，個人覺得如果過去食，千祈唔好食雜扒，啲質量好差😅😅好hea…連隻雞翼都鞋過人…我哋另外叫咗個牛扒餐，其實都係麻麻哋，但係相對雜扒好啲，佢價錢都唔算平，$160，感覺有更加多餐廳同樣價錢質素更好….

昔日少年時代還存在的懷舊餐廳，價錢實惠，兩個人來吃，午餐只需60元已經包了餐湯及特飲，我們點了咖喱牛舌飯，牛舌很厚身，份量很多，咖喱帶上椰汁，非常香滑而不太辣。黑椒牛柳粒炒麵，鐵板上，牛柳份量同樣十分多，牛柳非常嫩滑，炒麵底脆卜卜很好吃。

星期日晚市唔洗等位，店內保留懷舊扒房風味，侍應哥哥落單仲好爽手。未落orde已經上餐湯餐包.叫左兩個鐵板餐，貪佢會咋咋聲。牛扒餐 $160牛扒大塊同厚身，完全對得住呢個價錢。order左5成熟，信得過佢牛扒嘅質素。 食落幾有口感，但比我想像中熟。哥登堡什扒 $135肉類大雜燴，有齊豬扒、牛扒、腸仔、雞翼、煙肉。質素比唔上牛扒餐，但以量取勝。特飲涼粉雜果冰，雜果糖水嘅甜加上涼粉微甘。甜品有啫哩或者雪米糍揀，我見好多人都揀雪米糍，但其實啫哩先係正野。啫哩入面係有雜果架！

Check out Goteborg restaurant in To Kwa Wan. This cozy and intimate spot has been serving up traditional Hong Kong Old style Western cuisine for over 30 years, and it's a must-visit for anyone who loves classic comfort food and a nostalgic atmosphere.I had the mixed grills on the sizzling plate for my main course, and it was absolutely amazing. The plate arrived at the table sizzling and smoking, with a generous portion of juicy chicken, beef, and sausage. The meats were perfectly seasoned and i

一直以為自己到餐廳無數，身經百戰。但經歷了這個“奇跡焗芝士肉醬意粉”後，才發現原來是自已少年太年輕，對食太無知，仍在萌芽階段。今日下午想吃意粉就遠遠少走去一間看似很傳統的鐵板扒房吃午餐。這間哥登堡餐廳不但外觀傳統，內裡的食物以致侍應招呼客人的方式都很傳統，一入來就先問你紅定白湯。我是來食意粉的，當然點意粉，考慮了一會，見午餐有焗芝士肉醬意粉就點啦。我曾經是一個肉醬意粉的粉絲，粗略計算自己起碼到過300間不同餐吃不同廚師做的肉醬意粉。沒想到仍有肉醬意粉給我如火星撞地球的衝擊。他們的羅宋湯味道是正常的，辣椒仔味偏重。凍檸茶超深色，感覺超甜，飲落真的超甜。到主菜肉醬意粉，見點餐後不到5分鐘就到已非常擔心。侍應一放下直情懷疑自己眼睛是否看錯餐牌或甚麼。餐牌寫焗芝士肉醬意粉即是焗啦。為何我這個焗芝士肉醬意粉是用膠碟盛載的？我認知的焗芝士肉醬意粉要放入焗爐，器皿就一定要耐高溫，用這膠碟沒有問題？當然有些餐廳為了加快出餐會用曬爐的方法，只用上邊的發熱線將芝士曬溶，但都不會用膠碟如此過份吧，現在有些可入焗爐的膠碟，但這隻又不像。而看這碟肉醬上面真的有溶了的芝士，我又摸摸這膠碟，微暖。我推測：1.這焗芝