哥登堡餐廳

營業中

休息中

這間舖頭，我已經幫襯20幾年，佢啲食品一向保持水準，尤其是牛扒，特別出位，平民價錢高質享受，其他出品味道都幾好，特別係炒公仔麵，咖喱雖然係一般，但係已經好過好多茶餐廳，嚟到呢間餐廳，我會推介T骨扒餐，非常巨型，肉眼扒，炒公仔麵，懷舊紅豆冰，是這間公司必食，基本上一家四口，拿着$500已經夠埋單，本人覺得唯一改善空間，引入多幾款牛扒，增設三文魚扒，或者其他魚扒，這樣就完美.！

點左個晚餐，前菜要沙律，羅宋湯，自選二款要吉烈魚，牛扒跟飯要黑椒汁，餐飲熱奶茶，首先個湯都好咸吓，飲左一半就投降了，跟住個沙律好酸，生果又唔新鮮，魚同牛扒普通貨式，但個黑椒汁又係好咸，最後杯奶茶好淡，總括黎講食物質素唔值95元

哥登堡餐廳，在中學時期每月也會去一兩次，但長大後就冇去過了😅今晚難得經過，就入去回憶一下🤪店內環境冇乜改變，或是我已經記不起那時是怎樣了🤣🤣晚餐$95，免加一！除了主菜，還有前菜，餐湯，餐飲，餐飽和甜品...也算抵！前菜有7款可以選擇，田螺焗薯，不過不失..羅宋湯夠濃，配料亦多但略嫌茄膏多一點..少一點會好好多！主菜吉列魚和煎豬扒，豬扒韌度適中，吉列魚口感有啲實和鞋口😅鐵板西冷牛扒七成熟$125，薯條配菜少了d, 牛扒應該係醃過和調味過龍😩椰汁紅豆冰，不用額外收費！多紅豆又夠淋,椰汁味濃👍🏻甜品是經典啫喱，花奶足！熱奶茶夠滑！總括來說，味道已經改變了.....

男友第二次帶我黎呢間餐廳食牛扒，真係好好味，又有懷念之情，兒時回憶返哂黎。羅宋湯夠哂酸辣開胃，好醒神，超多蔬菜同有件牛肉。配埋熱辣辣軟綿小餐包，完美。T骨牛扒五成熟，煎得剛剛好。一邊好軟腍好多肉汁，另一邊爽口有咬口，牛味濃郁，又多肉汁。蒜蓉汁好香，波浪粗薯無腍到，沾茄汁好味。羊扒有少少羊羶味，好正。羊味幾重，肉質嫩腍多汁，非常好味。另外加個蕃汁意粉，雖然意粉好腍又重茄汁味，但仍然係個種好懷念的味道。餐飲可揀椰汁紅豆冰，好多紅豆好粉綿香甜。啫喱，勁懷念，今次早左黎終於食到，加花奶最正。滿分的晚餐。

第一次寫食評就係為咗⋯第一次的哥登堡呢間餐廳開咗成40年 次次都係坐車經過見到 從來冇入過去 今日終於試到港式西餐入面嘅裝修真係非常懷舊好似70年代咁 雖然冇拍2046金雀咁靚 但講真呢度價錢平好多 今日叫咗套餐有餐湯餐包 牛扒 法式焗田螺 啫喱同餐飲 非常豐富羅宋湯🥘好足料 夠晒香濃 入面仲好多牛肉粒牛扒我要左T骨扒朋友要咗牛柳 講真我覺得T骨扒好食好多 😂法式焗田螺係由細食到大嘅味道 都唔知點形容 總之好味啫喱🍮而家都仲有呢啲綠色嘅啫喱 真係好耐冇見過 飲品當然要飲椰汁紅豆冰🤩懷舊到不得了食晒成餐飯全部都好滿意 包括入邊嘅侍應全部都係叔叔嚟 可能你哋會覺得佢哋粗聲粗氣 但係非常細心🥰其實好nice

第一次來到這裡試扒餐。梳打扒唔係第一次食，我都係好喜歡這種比較易入口的口感。本人特別喜歡牛柳。所以見這裡有牛柳鐵板扒餐。就想試一次。雖然我係下午茶時間嚟。但都係下次先試下午茶☕️一個餐包括：一開始上的係紅湯和港式餐包羅宋湯超好飲很足料好夠味道🈵還有一些胡椒味餐包就不過不失合格收貨。主角上場。大大塊牛柳。這個價錢都算合格。薯菜唔算太多。但因為當下午茶食，對我自己嚟講都算足夠。這個餐沒有飯麵供應。男士就唔太建議試這個餐。雖然這個扒又厚又夠大。但這個扒餐太少汁。燒完後更加無咩汁留低。下次可能要提早講定比職員聽，叫佢哋多汁。有個開心位。就係特飲唔需要加錢。點了這個紅豆冰。其實就不過不失都算合格。因為當日都很熱。所以我飲得很開心。紅豆都算多。但奶就唔太足夠。但放心！餐廳有水供應。你問佢加水。佢哋都無黑面。朋友之後來到點了下午茶餐。西多士再加熱檸水。西多士炸得很差。一點賣相都沒有。價錢又唔算平。都要接近$40。普通茶餐廳根本唔需要這個價錢。本人建議去這間餐廳都係點扒餐高質。

每次搭巴士都經過呢間餐廳，可惜土瓜灣一直都未開地鐵，總係會覺得有啲唔就腳唔方便， 不過今日甘岩搭巴士經過又無乜人等於是入去試下。裝修嘅風格依然都係keep住上世紀嘅style，仍然係香港生存嘅舊式扒房之一，我古味道點都應該有保證卦😂😂我哋叫咗個雜扒同＋西冷都係蒜蓉汁加羅宋湯仲有個麥餐包添，再跟餐飲，都係around百二三，價錢都ok個麥餐包仲係暖暖哋，軟熟嘅好味😋😋羅宋湯係勁傳統個款，料多，酸酸哋，小辣都唔錯餐飲有雜果賓治同椰汁紅豆冰，呢两樣依家出面都好小有，紅豆冰真係有椰汁沖， 唔係而家出面嗰啲加淡奶同水，真係好有椰汁味，而啲紅豆冰都粒粒分明，又軟又糯😋😋雜扒餐－有薯條，雜菜，蛋，牛扒x1,豬扒x1雞扒x1，塊塊都有一隻手掌甘，大大份，份量十足，只係個汁偏鹹，為咗要冚走陣雪腥味😂😂不過西冷扒餐就無甘好彩嗱，五成熟係做到嘅，唔會太熟，不過唔知點解塊扒就食落有啲梅同近厚肉個面有雪腥味，係啲汁都冚唔到，應該係溶雪溶得唔夠，因為什扒餐個度係無事😂😂而全晚最好味嘅係嗰意粉🥰🥰，係傳統嘅味道，佢真係用茄膏炒過，有香味，加5蚊，一人份量囉，都幾多下，食哂應該飽飽🤗🤗相對於其他傳統扒房，我覺得佢味道

呢日黎到土瓜灣行下，緊係要食開左四十幾年嘅哥登堡餐廳啦～搭車成日都會經過哥登堡，一直以黎都好想試😻今次同男友一齊就當然要食下「豉油西餐」浪漫下啦～💕土瓜灣係舊區，這些年附近已經起得越來越多高尚住宅，而架仲起緊地鐵，不過唯一無變嘅就係呢間 哥登堡～仲係七十年代嘅裝修、門面，門面懷舊嘅字體、手寫嘅餐牌，比人嘅感覺好似時光倒流左咁🔙呢度有好多唔同嘅餐，最抵四十幾蚊就可以食到啦～普通午餐都有成十幾款選擇、又有唔同嘅鐵板餐，任君選擇，花多眼亂😆實有款你想食嘅～而我地呢次就緊係試下“最豪華”嘅鐵板套餐啦～首先就會送上每人一個整熱左嘅餐包🥰暖笠笠咁，配牛油食係正嘅～羅宋湯(紅湯)有濃濃嘅番茄味，酸得黎有啲啲辣，個味道調得啱啱好👍🏻我仲食到啲原粒嘅黑椒😹😹😹暫時佢係我飲過最好飲嘅紅湯😹😆👆🏻羊扒🐏鐵板套餐(圖右) 羊扒有成四舊咁多，“大食”嘅朋友一定夠！而我就食唔晒啦～最後男友包底😹😅羊扒唔會好酥，但有羊個種香味🥰而且唔un😆啖啖肉夠juicy😻聽講呢度嘅黑椒汁係唔錯，所以兩個套餐都配左黑椒汁👍🏻又係幾香又辣辣地牛柳🐮鐵板套餐(圖左) 牛柳都有兩大舊😻叫左7成熟都仲係幾鬆軟👍🏻又有肉味👍🏻名符其實

今日放學諗下去邊度醫肚，上星期放學食咗個唔多掂嘅扒餐，抬頭望到哥登堡，心諗「係你啦！」入去裡面嘅裝潢都是80、90年代的西餐廳格局，可以話有點懷舊風味。餐湯餐包好快送到，羅宋湯真係保留住傳統嘅方法，每碗湯都有一舊牛尾肉放在湯內，而羅宋湯嘅味道都係好濃郁，唔會得茄膏味又或者得啲酸味，又或者溝咗水。湯係好足料，味道保持傳統水準，呢款餐包都買少見少，响呢度又可以食到！T骨牛扒鐵板，塊T骨係大過個鐵板🙈🙈，份量唔洗講都知一定夠啦！而味道方面我好滿意，雖然有用醃料醃過塊扒，但係好有牛味，T骨係一邊牛味濃啲 一邊無甘濃嘅！佢完全食到兩邊牛味分別！如果佢無醃過可能仲好味！最好嘅係凍飲唔洗加錢！凍飲唔洗加錢！凍飲唔洗加錢！重要嘢要講三次！又無加一添！

午餐點了個鐵板羊扒煎蛋飯配黑椒汁，跟餐有羅宋湯和紅豆冰。餐廳環境是經典舊式西餐館，通道不算寬，有點舊、細，但因限聚令坐得都算舒服，但若人多肯定會好迫。而食物今次點了羊扒煎蛋飯配黑椒汁，跟餐有羅宋湯和餐飲，我選了紅豆冰。先上的是羅宋湯，舀上來看出湯夠濃，但料少和鹹，幸好侍應很快遞來紅豆冰。而紅豆冰的奶夠滑，冰、奶和紅豆份量剛剛好，但可惜紅豆有點硬和沒有紅豆味，最後選擇搞勻飲算。之後主角上場-鐵板羊扒煎蛋飯配黑椒汁，雖然點的是飯，但有配上少量薯條和栗米青豆，感覺豐富。羊要五成熟，但出來接近七成，這就是鐵板的奧妙！所以羊架算是煮得剛剛好，調味也不錯，只是羊味有點不足。看在平民價，算吧。但最失敗是隻蛋，咬落個半熟蛋，隻蛋內餡凍的，有點溫度都好，凍就真有點難接受。就當用七十個大洋買個體驗吧！

上星期到土瓜灣做野，之後同同事喺附近搵食，見到哥登堡餐廳門口嘅餐牌，午市套餐好平，大約$45至$48，超值鐵板餐套餐$75，另外有一個鐵板套餐$120，下午茶時段仲平。哥登堡餐廳係一間舊式西餐廳，我好耐冇食過舊式嘅鐵板餐，所以入去試吓。裡面裝飾好古舊，係傳統嘅港式西餐廳。我哋點左以下套餐： 鐵板套餐牛扒$120，相對起佢哋好平嘅午餐，我係期望$120嘅鐵板餐一樣超值，可惜，無驚喜，牛扒尚算腍身，但冇乜牛味，好彩有佢個黑椒汁調吓味。吉列豬扒配楊州炒飯$45， 吉列豬扒係幾好食，但係個楊州炒飯就唔係咁掂，求求其其，當然一分錢一分貨，唔可以要求太高。 羅宋湯係一般港式西餐廳嘅味道，係我鍾意嘅味道，所以我覺得好飲。另外佢哋啲套餐可以選擇紅豆冰唔使加錢，如果無乜要求，喺香港能夠用$45-$50 嘅價錢食到咁多野真係好抵，好過去快餐店食啲一早煮好嘅食物。

慕名而來，但是食物質素強差人意，雞扒硬得像豬肉一樣，蒜蓉汁太鹹，凍飲底部是熱的，而且服務員下單、傳菜、收拾時好像趕著投胎一樣，明明很多時候都閒著沒事幹，彼此在聊天。有焗田螺，不是很多地方吃到。套餐算是經濟超值，九十五元有餐湯、餐飽、兩款扒、飲品、飯或意粉、甜品。不過食物水準不值得這個價錢。Quite disappointed. I will not visit again anymore in the future.

點了個晚餐，雞扒，牛扒，跟餐的意大利粉係有1980年代舊屋村的味道，好耐無食過，飯後仲有甜品，一杯啫喱，好食抵食，食物質素中上，價錢合理，下次有機會一定會再食過。

很久沒吃港式西餐，專程和太太二人去土瓜灣的哥登堡餐廳，慕名一試。這餐廳開業三十多年，6点半已要排隊一會才入坐，希望出品不會另人失望。點了兩客晚餐- 牛柳，牛扒。套餐很港式有牛油餐麭，湯，主菜，甜品，餐飲。上菜很快，5分鐘牛油餐包，紅白湯已上桌，麭暖暖的很軟熟，湯一般。主菜十分鐘內也到，牛柳5乘，牛扒七乘熟，煎得剛好，肉沒有一般連鎖快餐店或茶餐廳般很重的食粉和雪藏味，以一佰多元的套餐已是不錯了。伙計建議汁另上，可以嚐到肉的原味，可見他們對食材的自信。甜品有雪米糍和啫喱，一見啫喱便有回到小朋友年代的感覺。餐飲有椰汁紅豆冰，柚子蜜也不用收附加費。匆匆的一頓港式西餐，沒有失望，堪可回味。

<屹立不倒·哥登堡>哥登堡-雞扒豬扒意粉套餐$98 _位於舊區土瓜灣嘅哥登堡，$98可以食到全set -餐湯、餐包、餐前小食雜果沙律、雞扒豬扒意粉、青檸味啫喱、餐飲，全set大份到🤣，老闆set依個價完全喺佛心價🤓，而且依度可以話喺包包食過待應哥哥最有禮貌100分嘅豉油式西餐廳👏🏻。_至於食物方面，羅宋湯完全打入我心，酸味同辣度平衡，入面可以話喺啖啖蔬菜，餐包亦夠熱，配合埋牛油食，正☺️，至於雜果沙律方面，生果好新鮮，口味傳統。另外，另一份套餐餐前小食試咗焗田螺，薯蓉夠綿滑同田螺焗得岩岩好😋，至於主菜方面，雞扒同豬扒亦不錯，唔會鞋口，肉亦冇雪味，配埋黑椒味食，正☺️，最尾配埋兒童至愛青檸啫喱，重點喺加埋花奶，只能說正。餐杯椰汁紅豆冰亦喺用心之作，椰汁味濃紅豆起沙，另一杯熱檸茶，紅茶底，茶味剛好，配埋6塊鮮檸檬🍋，亦只能再次說老闆完全喺佛心地用心經營。_願「哥登堡·屹立不倒·繼續有溫度下去」