唐記粉麵小食

營業中

休息中

🐾 唐記粉麵小食 (屯門) 🐾-牛雜米(加豬紅)✔️$28+5牛雜河✔️$28-牛雜:牛雜滷得好入味，同平時食開嗰啲有啲唔同，係偏甜嘅同埋偏重蠔油味朱紅：完全唔入味可以唔使加😂河粉比米粉好食，因為佢啲河粉好滑米粉就比較普通。要讚嘅係嗰度個姐姐超好！係好貼心嗰隻😂——————————————(非專業,完全跟據個人口味☺)食物:8/10環境:6/10服務:8/10人均消費:$30———————————————▪店舖名稱: 唐記粉麵小食 (屯門)▪店舖地址:🔸 屯門鄉事會路94-110康利中心25A-----------------------

呢間係我由細食到大 最鐘意食嘅車仔面就算依家搬走左都會掛住佢嘅味道 有啲人或者會覺得味道有啲淡 但其實我覺得佢地支蠔油配佢地嘅湯底先係最出色嘅表現 大家不妨一試🥰仲有佢地嘅雞尖都係勁入味 好好食！

話說呢一間車仔麵大大話話都已經食咗超過10年🥰由中學時代$15食到而家$28三餸一麵物價高、食材貴、租金更貴，加價應該都在所難免，始終都仲係好平能好抵食👍🏻今次叫咗豆卜、魚蛋仲有雞腎同埋米粉湯底十年如一日！小小甘甜非常開胃💕啲餸嘅份量好足料！不過環境就真係未必人人接受到，今次我都係叫外賣食😋Keep住都會繼續幫襯！

呢檔嘅車仔麵真係由細食到大，雖然佢係橫巷入面，但係識窿路嘅就會識得去搵去搵嚟食，不過唯一唔鍾意嘅就係佢有啲焗，所以通常我都係冬天先去食嘅，啲阿姐真係好勁，可以記得你叫過啲乜，最鍾意就係食佢啲牛柏葉，超級爽，間唔中當下午茶食都幾好嘅～

話說我箍緊牙，每食一餐都要刷牙，咁我食完杯雪糕就去咗刷牙，然後同朋友去食呢間嘅車仔麵。咁好正常就叫車仔麵食，我就叫咗魷魚牛柏葉生菜加油麵。上菜好快，好似唔使3分鐘就黎到咁樣。一嚟到見到個湯頭勁淡，同埋都幾細碗，27蚊貴左啲，以為係隱世美食一食落口會有驚喜嗰啲。點知一飲第一啖湯好似一滴鼓油溝99%水咁淡，然後再食魷魚嗰啲餸，食落去係冇味齋用滾水六一六佢就擺上台俾人食，所以成碟野係完全冇味，所有餸都係過滾水燙出嚟辣椒油得個辣字，冇味又唔香，魚蛋豆卜有啲牛雜味，總之成碗野係比一啲對食物要求勁低嘅人去食，或者比一啲未食過用心煮車仔麵既人去食🙄$27實在係唔值得呢個價錢， $15我都覺得比多佢。我去泰國食一個船麵又好味份量又夠都係港幣$12，OMG！！！我究竟食咗啲乜嘢？連一半都冇即刻走咗🙄連我啱啱刷牙嗰陣牙膏味都係度😂🔥題外話，食食吓八至九個人嚟食，然後個老闆娘為咗做生意，問都冇問就扯起其他食客嘅書包，然後同個八至九位嘅人講過嚟呢度坐🤣個位食客都呆左！呢間野真係負評到爆‼️‼️‼️‼️‼️‼️‼️‼️‼️環境我唔係好在乎，係平時啲後巷，一路洗地一路食個啲😊

唐記既車仔麵真係好食，雖然係室外，冇冷氣，夏天食既時候會有啲熱，但都值得。今次係夜晚食，冇咁熱。今次叫左豬大腸栢葉魷魚米粉，材料好足，三餸一麵都係二十六蚊炸，真係平過出面好多車仔麵。 黎唐記食，記得記得記得要落蠔油同辣油，大推！落左真係超好食，唔落會後悔嫁。

屯門是從小到大，大家認為的不毛之地。雖然我住了超過廿年，老實好味的不多，但我認為若要吃牛腩、雜、筋、車仔麵類，屯門不少的店比起出面的什麼名店、米芝蓮上榜店都不差。今日就再來食呢間由12歲食到而家的車仔麵檔。呢間的車仔麵係$23三餸麵(以前是$13)，話貴唔貴，佢企理足料。如果叫牛雜、筋、腩麵就單餸$23。都係非常抵食！我最鍾意食這裡的牛筋，好入味，燜得好透，入口即溶但外表仍非常完整，加碗腩汁撈米粉食，無得彈！媽媽叫個碗就係3餸麵(豬腸、豬皮、豆卜)，豬腸唔腥質感爽脆，內帶肥膏非常香味。豬皮厚厚的又入味。豆卜吸引了腩汁同湯汁的味道，自然它都不俗，又是一碗好麵。由12歲至今，除了價錢不一，味道、位置及人事都是一模一樣，開心屯門仍然有空間保留那小店，我那小回憶。

公務繁忙，早上在附近獨挑大樑見完客，正值午飯時候，肚子特別餓，何不來個多餸車仔麵，稿賞一下自己。既然肚子餓，就千萬不可以虐待自己，小人一於狂叫了的多餸：包括了魚蛋、豬紅、豬皮、豆卜、鳳爪和蘿蔔，加腩汁，油麵。魚蛋無雪味，尚可；豬紅豬皮亦不俗。然而豆卜卻不夠入味，只得外層有色，裡面還是白雪雪的，滷汁根本入不到內裡去。鳳爪很腍很肥，出水未足。白蘿蔔沒有渣，卻是不夠甜不夠索汁。救就救在那腩汁，精華所在，和著油麵吃，車仔麵的精髓盡在其中！小人會以精彩絕倫來形容這碗車仔麵。

下著大雨，聽著旁邊鞋鋪所播的老歌，吃著從小吃到大的唐記粉麵小食車仔麵，就好像回到過去的。儘管廿多年，車仔麵的價錢依然貼地，三餸麵，牛雜麵，雜錦麵繼續25元一碗。不過我這個配料狂除吃牛雜麵外，另加蘿蔔，紅腸，豆卜，我整碗麵的配料多到縫隙也看不見。豬腸非常有嚼勁，而且清理好所有多餘得肥油，故吃起來不會有油膩的感覺。平日我很愛的豆卜，今天煮得不夠入味，豆卜看起來仍舊雪白。滑溜的牛筋熬煮得相當軟嫩，微微的膠質在口中完全化開。薄薄的紅腸頗彈牙，亦具肉香。牛肚軟中帶爽口，而且將牛腩汁精華通通吸收，把牛肚香氣發揮得淋漓盡致。不過想不到蘿蔔會是最失色，雖沒有渣滓，但它未去到煮得軟透的程度，而且味帶苦澀。牛腩口口都是牛肉，沒有很多的肥肉，入口軟腍滋味，也充分引發出牛肉本身的濃香。

買了外賣回到家就是這樣 正一垃圾 打電話去連唔好意思都唔識講 一味淨係話換一碗比翻你 叫你自己去攞 咪玩啦 買完坐車翻到屋企 又要坐車黎換再你坐車翻屋企 車錢都夠買多碗啦 仲要浪費時間 態度又唔好 我永遠都會再去食

之前聽聞老闆娘態度差，今日我終於親身經歷。話說我今日叫了碗牛雜麵外賣，以免阻塞通道，我主動企埋一邊等候。這時候，我隔離的電話突然響起來，為了方便老闆娘聽電話，我企出少少讓她行過。但當她聽完電話後，佢第一時間叫我企埋一邊，唔好阻住條路。此時，我火都黎！並跟她理論。我企出少少就是為了方便她聽電話，但她事後不但沒有向我致謝，反而怪責我阻頂，其他食客也目睹此事，老闆娘見勢色不妙，同我道歉。最令我火的事情係，同一時間，有一對MK look的情侶正正企在路中心等候外賣，但老闆娘竟沒有叫佢地企開一邊。簡直是欺善怕惡，對人不對事。就算佢的食物有幾好味幾抵食也沒有用，因為服務態度差已破壞其聲譽，趕走一些守規則的顧客。最後，奉勸EQ低者，慎光顧！

唐記可算屯門家傳戶既車仔麵檔，由出世，番學甚至出黎做野，唐記仍然屹立至今。三餸車仔麵由以前開業十蚊到而家廿三蚊，依然價廉物美。今日lunch食左個難食午餐，今晚要係唐記大食特食彌補我下晝受既罪😣我對自己好唔客氣叫左牛雜粗麵，再加紅腸，豆卜，雞翼尖。牛雜好豐富，有豬腸，牛腩，牛栢葉，金錢肚，牛部份應有盡有。食唐記一定要叫加腩汁，因為用左唔少牛腩燜制而成，所有牛腩精華留哂係湯汁中。豆卜一定要叫，豆卜表面滷汁全滲透，內裡更暗藏滿滿湯汁，非常濃味。牛腩完全冇用梳打粉，全靠時間一分一秒燜煮變得軟腍。金錢肚鮮嫩。豬腸肥美，內裡清潔乾淨。牛栢葉非常爽口。雞翼尖完全無需好困難吸啜先食到皮同肉，因為已經燜到好軟好入味，輕輕一咬就輕易食到。紅腸有成5片咁多架。

店面係開放形式，雖然有冷氣同風扇，但也會感到有一點熱，叫左個什錦面，我唔食腸所以叫左走腸，餸有豆卜、朱紅、豬皮、蘿蔔、魚蛋再加腩汁，腩汁就係精華，一定要加，先至係廿十幾蚊，好抵食。

睇完戲後，友人帶我到附近食地道車仔麵。位置毫不起眼，很容易經過便自然地忽略！店舖地方不大，一眼看見！叫了碗牛雜加紅腸河粉。河粉很好夾，既滑身又不鬆散。牛腩炆得很稔身，索滿了汁味道很濃。豆卜飽滿，內藏湯汁，在咬開時咇了湯汁出來實在十分狼狽呢！生菜很清甜爽口，紅腸則普通~放在桌上的蠔油很鮮味，添加了很多次！餸菜這麽豐富加多包🍈蜜瓜奶都只是三十一蚊~既便宜又美味！

唐記，見到鋪頭地下D 8、90年代既階磚，就知道有番咁上下歷史。好奇怪，去到呢間野我從來來食過車仔面，反而次次得3個選擇，牛腩面，牛筋面，或者雙接。今次我淨叫左牛腩面，麵佢係用上海面朱，易咬，質地新鮮，不過湯同牛腩就真係與眾不同。首先，我覺得佢個湯底直情用浸住牛腩既汁，湯底是黏黏的，充滿膠質，係我人生覺得最好食過既牛腩麵，要知道，平時出去食既牛腩面只係普通清湯加腩汁，加多個麵同牛腩就已經係。但唐記唔同既就係個湯，環境麻麻地，四週都feel到油膩既感覺，非常$22蚊就食得正野，別無強求。