喜來稀肉 (瓊華中心)

營業中

休息中

食店: 喜來稀肉@旺角張梁點餐👦🏻👧🏻正所謂NO BEEF NO LIFE! 成日都掛住燒牛肉嗰陣油香味，諗起都流晒口水！嚟到呢一間食韓燒好出名嘅喜來稀肉，環境唔錯唔會好大油煙，前菜任食，有喜來泡菜、韓國酸泡菜、涼拌芽菜、蔥絲、青瓜、酸蘿蔔同埋包燒肉嘅生菜！1）$228《真雪花牛肉》評分（10分滿分）：8️⃣食評💬：油脂分布均勻，食落好有牛味，有唔同嘅醬汁點，再用生菜包住食，超正！2）$158《牛五花》評分（10分滿分）：8️⃣食評💬：已經醃過嘅牛五花，脂肪比例較多，而啊張就係鍾意佢夠肥！啲汁juicy juicy唔洗點醬都夠晒味！P.S 爐邊烤蛋都好出色！可以將泡菜放入其中一格蛋漿，仲有一格仲有烤蒜頭，連肉同生菜包埋一齊食，昇華晒！

喜來稀肉 (旺角)再訪喜來稀肉😍之前去過嘅尖沙咀分店裝修似傳統韓燒店，旺角分店裝修比較新淨，座位亦更加舒服！餐廳設有自助吧，可以自助無限量添加配菜及醬汁，另外爐邊芝士蛋同蒜頭都係無限量供應！我哋叫咗壹頭牛套餐，套餐包括喜來烤肉(150g)、牛五花(80g)、牛頸(80g)、牛肋骨肉(80g)、調味牛排骨(80g)。套餐嘅份量兩個人食非常足夠，亦都包括唔同嘅部位，啱晒咩都想試啲嘅朋友！我最鍾意就係喜來烤肉，除咗擺盤擺到好似玫瑰花咁靚之外，薄切嘅牛烤得焦香，味道帶有牛香外，仲有油脂溢出，口感一流！人蔘雞湯非常鮮甜，雞嘅口感比想像中滑，份量非常滿意。另外有提供鹽可以自行調味。飲品大麥茶、檸檬汽水可以解膩，檸檬汽水比想像中甜，但非常清爽！

很久沒吃過喜來稀肉 一直以為還在廣華街才發現原來已經搬去瓊華中心了位置更方便而且寬敞明亮得多這裡的各款前菜都是免費自助的像我這種超愛吃泡菜芽菜的就可以一直吃也不用一直找店員 很方便還有爐邊蛋和包肉的生菜也是免費所以基本點三份肉已經好飽好飽了喜來烤肉卷成花型的薄切牛肉片醃得很入味 醬汁鹹甜鹹甜的這個烤個5秒已經可以吃了 肉質很嫩護心肉這個是喜來烤肉的招牌 每次來都必吃每隻豬大概只能產出一份的稀有部位肉質柔軟有彈性 而且不肥膩最適合和泡菜生菜包著一起吃牛肉眼薄薄的肉眼扒 嫩滑又有油香雖然餐牌有寫著用餐時間限90分鐘但好像沒嚴格執行 不會覺得吃得很趕服務也不錯的 會主動幫換烤盤

13/6/2023好耐冇幫襯 喜來稀肉，想當年喺尖沙咀要等成粒鐘都照等🤪🤪 之後就開始越來越多韓式燒烤餐廳湧入香港，我都少咗幫襯喜來稀肉了。喜來稀肉比我最大印象係kimchi好食、牛肉肉大塊又吾貴。現在d前菜可以自己出去任拎（雖然好多食店都可以任refill , 但係自己攞嗰種感覺又有啲唔同。自己鍾意食邊款可以攞多啲）以前冇爐邊蛋，現在有。以前最鍾意食佢嘅牛肉眼，size 大厚身都係$150 ，現在都係$158 ， 都size 大、但薄身咗🫠🫠 豬五花有2條，但又係比較薄身，我都係鐘意食厚切多啲😝牛護心肉都幾好食，牛味好濃。旺角分店地方大、坐位多。（但地下有少少滑，要行得比較小心）service 都幾好，後生仔多，有講中文的、亦有講韓文的。

ʚ 喜來稀肉 ɞ好耐無食一樣咁有質素👍多款前菜都係免費自助的，生菜都以任食，仲有最愛嘅爐邊蛋。ஐ —-ஐ —-ஐ —-ஐ —-ஐ —-ஐ —-ஐ —-ஐ❀牛五花份量好多，肥瘦分佈均勻，入口幾嫩，好香👍配上韓式醬料、蒜同泡菜一齊食更清爽，唔會膩🤤❀韓豚五花唔少得要食五花肉，肉質較為緊實，肥瘦相間，油脂令佢更香口，無論就咁搭配醬料食或者包住生菜食都一樣咁好味😋❀ 水冷麵可自己加芥末醬同醋，味道酸酸甜甜好清爽開胃，面質煙韌，好岩食燒肉可以解膩。❀ 海鮮牛胸肉大醬湯配料好足，有蟹，牛肉，豆腐泡菜等，辣辣地好入味，略為偏鹹。

今日同朋友去左旺角食韓燒，好耐無食燒肉。好掛住生菜包爐邊蛋燒肉既美味。我地叫左兩碟肉，Han-don五花肉和牛五花肉。兩款肉都好嫩滑，肉質鮮美，入口即化。在經燒烤後，口感有些微焦的口感，但仍然保持了肉質的柔軟度。更配有多種醬料，例如辣椒醬、烤肉醬和韓國泡菜，增添肉類的風味。石鍋豬肉拌飯。這是一道包含豬肉、煎蛋和蘿蔔絲紫菜的石鍋料理。當它被端上桌時，你可以看到它的米飯已經煮得香氣四溢，豬肉則是被切成小塊，色澤金黃。攪拌它時，米飯和蔬菜會和豬肉混合在一起，使每一口都非常美味。豬肉的口感嫩滑，米飯香濃，口感豐富。爐邊蛋加上芝士。蛋黃的香濃味道和芝士的濃郁味道，這些味道融合在一起，令人難以抗拒。

今天去咗位於旺角瓊華中心，主打韓式燒肉嘅餐廳「喜來稀肉」😍。呢度設有自助前菜和醬料區，有唔少選擇。而座位都好寛闊，坐得舒服，爐邊蛋🍳＆爐邊芝士蛋🧀🍳都係無限添加呀！🔹️牛五花🐄牛五花嘅肥瘦適中，大約有三分之一係脂肪🐄，係燒烤完後大概熔咗一半，入口非常香軟，仲可以係自助區度拎生菜🥬去包著啲燒肉食。🔹️牛肋骨肉🐄牛肋肉好重牛味，好厚身，食落好有口感。🔹️辣魷魚🦑辣魷魚非常大隻呀，調味一流，燒完好好惹味，而且好爽口。

之前食過喜來稀肉都係有免費韓式配菜同無限追加生菜，今次再訪已經變左自助區，任拎好似仲開心啲添🥳 有幾款泡菜、青瓜、蘿蔔、芽菜同生菜🥬青瓜同喜來稀肉泡菜都好爽脆開胃👌爐邊蛋都係一如既往無限添加，只需掃QR code按加蛋便可，好方便雪花牛肉每邊燒一陣就已經好好味，加啲爐邊蒜再用生菜包住食更香口，又唔會太膩，呢個配搭啱每口味😙💕仲叫左護心肉同魷魚🦑燒魷魚時要小心，因為魷魚有醬汁醃過，擺上鐵板好易燶，最好換塊板先燒。護心肉係喜來稀肉嘅招牌肉，比較有咬口，油分唔多但爽滑彈牙，就咁食唔加配菜更加品嚐到濃濃肉味。同泡菜一齊食更加爽脆呢！每碟肉都有附上幾片蔬菜，所以唔會只得肉肉，有雞脾菇同翠肉瓜食下，當然唔少得爐邊蛋！熱辣辣嘅爐邊蛋，又香又滑，食完仲可以無限添加😆

成日都見到呢間喜來希肉但從來未試過，今日終於會一會🤭餐廳座位好闊落，坐得舒服又可以盡情嗌嘢食唔怕張枱唔夠大😆😆，外面仲有配菜吧可以自助拎啱食嘅配菜同調味料👍🏻👍🏻喜來烤肉 $158招牌烤肉，連擺盤都好有心思，見到都覺得吸精😍，烤肉中間有條筋，但成塊肉質地好淋，牛味夠濃，夾埋蒜片食真係好香口牛五花 $158邪惡又吸引嘅油脂層層分明🤤，個肉腌到甜甜地，基本上唔使點任何醬汁都好好味牛舌 $158太子妃鍾意食薄切牛舌，呢度成大碟就啱晒😍，每面燒幾下就食得，一d都唔臊豬頸肉 $150粗條狀嘅豬頸肉，開頭仲擔心會靭，但竟然有入口即溶嘅效果，而且份量都唔少，燒極都有，性價比好高👍🏻當然仲有韓燒唔少得嘅芝士蛋，又香又滑，員工都細心留意每枱客人嘅情況，好快就refill同主動換板，服務非常好❤️連埋白飯同飲品，兩個人食咗$763，捧住個肚走🫶🏻🫶🏻🫶🏻🫶🏻🫶🏻

好記得以前一想食韓燒, 就會諗起喜來稀肉, 依家愈開愈多韓式餐廳, 真係依幾年都無再黎食過, 早幾日突然其想諗起, 特登唔返屋企食飯都要拉家姐一齊黎食韓燒, 原來以前食開煙廠街分店已經無左, 開左係瓊華中心依度, 靚好多又寬敞好多以前啲前菜係會一碟碟放哂係枱, 依家有個前菜自助區, 有多款前菜包括辣泡菜, 大豆芽, 青瓜同醃蘿蔔片都係自助區任食, 最正既係連包燒肉食既生菜都係任食, 每盆啲生菜都大塊新鮮, 而醬料都係自助區自取最開心係我第一次係度食既爐邊蛋依然仲有存在, 有兩種唔同既爐邊蛋, 一邊係原味蛋, 一邊係芝士蛋, 開爐一陣好快就煮熟, 我鍾意食啱啱好熟既口感, 帶少許嫩滑, 蛋香味有夠出, 芝士蛋一樣咁正, 有少少拉絲, 食完仲可以Refill, 開心!牛五花黎到必叫既牛五花, 本身已經用醬汁醃好哂, 醃得濃郁又唔會過份咸, 仲帶少少甜味, 只係輕燒20秒左右就食得, 牛油香味突出, 點醬料加泡菜同生蒜用生菜包住食, 好好味, 即刻減左牛五花個油膩感, 自己食一碟都仲得啊!原味護心肉因為有醬料可以點黎食, 所以我地揀左原味, 護心肉燒要耐少少時間, 食落軟熟得黎帶咬勁, 燒得

吃韓燒比起吃很多肉，更吸引我的是多多的菜，感覺沒那麼罪惡感！🍽️前菜泡菜自助Bar店員一來介紹這個部分我已經表示心心眼，泡菜也有兩款，喜來泡菜比較味道平衡，韓國酸泡菜顧名思義比較酸，另外還有涼拌豆芽，蔥絲，青瓜和酸蘿蔔，全部都是烤肉好朋友。🍽️韓豚五花肉 五花肉肥瘦相間，先原片烤熟再剪開，慢慢烤至喜歡的焦香程度。🍽️真雪花牛肉油脂分布平均，輕輕每面幾烤幾秒已經可以了，肉質軟有種入口溶化的感覺。🍽️牛護心肉這款肉味更濃，雖然厚度比剛剛的厚，但仍然軟嫩，最喜歡這款！店員經常留意幫助換烤板，的確新烤板油煙更少，我也偷看到火爐外有一圈水，當油滴落下層，也不容易引起更大油煙，很細心。呀，別忘記還有一圈芝士爐邊蛋和蒜片，吃完可以再點！

黎開旺角想食韓式燒肉，就揀咗喜來稀肉餐廳位置闊落，而且抽風系統做得好好，一啲油煙都冇我哋大約6:00到，陸陸續續開始多人餐廳食物種類選擇多，而且採用手機落單，十分方便前菜方面，可以喺自助bar到選擇,仲可以refill，抵食！餐廳亦都準備咗爐邊蛋，一邊係加芝士，一邊係純蛋液，而我就最鍾意將泡菜加埋落去爐邊蛋到，十分惹味😋終於到主角上場，餐廳嘅五花肉肥瘦雙間，五花肉嘅油脂令五花肉燒得更香脆，用生菜包住五花肉同泡菜食口感更佳！嚟得韓國餐廳當然要食下韓牛，我哋揀咗真雪花牛肉，牛味十足食咗咁多肉就想飲番啖湯，我哋叫咗一份嫩豆腐湯，湯底好香泡菜同韓式辣醬嘅味道，加上嫩豆腐一齊食，可以中和返辣味最後叫咗一份韓式海鮮蔥餅，蔥餅外皮煎得好香脆，而且海鮮嘅份量都好多，啖啖都食到海鮮👍🏻

喜來稀肉嘅韓式燒肉一直都係我想去嘅韓國餐廳，因為佢地嘅肉有保證之餘又唔會太貴，加上佢嘅前菜有6款任食，仲有生菜包都任攞，相比其他餐廳要每碟計，所以喜來稀肉性價比好高。當然要叫五花肉（$158），燒香之後肉質好咬口哨，配埋泡菜生蒜好好味。仲有值得一讚係服務生你每燒完一碟肉，佢一定會主動帮你換燒板，非常貼心同服務好好。另外一定要嗌喜來烤肉，係招牌菜，用特別材料醃製嘅牛肉，油脂分佈均勻，又有少少果香味，好味之餘只需幾秒就可以食，好嫰滑又有肉味。再叫多個牛肉眼扒（$158）雖然唔太厚身，但都肉味濃郁。兩個人叫三份肉已經好飽，再想試其他都要等下次。值得一提係佢嘅爐邊芝士蛋，同淨蛋卷都好好味，又可以refill相當抵食，我地無refill都已經好飽，最讚係佢地嘅蒜片一直係爐邊燒，烤到軟身超好食。

係香港食韓式燒肉通常都食放題式嘅多，比較少食逐碟叫既，但係相對黎講逐碟叫既肉雖然貴啲，但係品質上比較有保證，食落都好味啲。 今次係第一次黎喜來稀食燒肉，店舖既氣氛吾錯，吾知點解比較容易見到其他客人既火焰燒肉show😂😂店員既態度好好，服務態度好好，有問必答，好和善。坐低比左落單qrcode 我哋之後仲提醒我哋隔離有自助既沙律吧，可以拎醬料同埋我超鍾意既泡菜們！點解叫泡菜們呢！因為真係好多款式揀！除了我哋食開既泡菜，仲有酸泡菜、蔥絲與生菜絲、小黃瓜、白蘿蔔！係我之前去開既韓燒餐廳沒有見過甘多既泡菜種類！通常都係隨便上一碟半碟比你食下就算🫠🫠但係人一多果碟泡菜就吾夠分，我成日都食吾過癮，今次終於可以食泡菜都食個過癮！真係又開心又興奮！！！不得不提既係佢哋連包肉生菜都係自取！生菜品質有簡過，吾會係又黃又殘既生菜！包起肉黎好好味，我哋兩個人食左三兜生菜😂😂 醬料方面，有普通鹽、香草鹽、麻油、烤肉醬……見到麻油果一刻我就知道可以整麻油鹽醬了😂風味更佳。 爐邊蛋有原味同埋芝士蛋，基本上要食一陣肉，蛋先熟，個人比較喜歡芝士蛋，食落味道更豐富，今次夠曬飽所以無refill,見到隔離枱有refil

韓國菜的價位往往偏貴，但係如果你識得食，其實少少錢都可以食個飽例如今次呢一間，佢有四五款前菜係自己去拎，任食，尤其欣賞佢個泡菜，有勁多醬汁，非常脆口。仲有泡菜蛋同埋芝士蛋都係任添，所以只要你嗌一樣嘢食，就可以勁食配菜，少資都肯定夠飽。今次點了……喜來燒肉醬油烤韓國豚肉調味醬油雞肉蟹籽紫菜飯團兩個人食非常夠，另外有意外驚喜的……竟然是雞肉，肉質很好，甜甜地……值得推介#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant