喜來稀肉 (瓊華中心)

營業中

休息中

旺角食韓燒我就會想起喜來😍瓊華中心7樓，地點好，正😄一坐下店員就開始幫你準備好蛋，再加蒜片，爐邊蛋有2款，原味及芝士，食完可加，另外自助區有流茶，芽菜，酸羅白及醃青瓜。任食先正護心肉-豬最珍貴部位，燒烤後肉味香濃，口感豐富，我就會加上生菜及蒜片同韓式辣醬，無咁熱氣之外，咬口更爽脆👍🏻喜來烤肉-牛肉好簿身，醃咗甜甜地燒肉汁，每邊大約十秒左右，唔鞋身，好好味，必點蟹籽紫菜飯團-白飯入面有紫菜，蟹籽，自行拌匀後可做出不同形狀，再沾上沙律醬，每啖都好滋味，不知不覺咗吃清豬肉泡菜湯-材料非常足，泡菜，豆腐，大蒜及豬肉，辣辣地，好開胃整體來講真的不錯，地方大，乾淨，店員快手，最緊要食物佳👍🏻

入到去餐廳唔會好大陣燒肉味! 環境同座位都好闊落，2個人定成班人聚會都岩哂!😎🥰佢地有個無限量自助吧自己溝唔同醬料 同 生菜俾你夾住燒肉食，食起上黎唔會咁滯。仲有多款醃製小食 泡菜 芽菜 酸蘿蔔等等，食幾多夾幾多。我自己最中意既係喜來泡菜唔會太辣仲有小小清甜，辣芽菜夠哂爽口，同酸蘿蔔夠開胃!一坐低，個鍋邊有原味蛋 芝士蛋 同 蒜片， 食完唔夠喉仲可以refill。😋海鮮蒽餅，蒽餅好香脆大大份，點埋佢地個醬汁仲惹味😎蟹籽紫菜飯團😋真係好大份仲會提供手套，俾你自己將飯搓成飯團，但一黎到已經覺得好香，直接用匙"不"黎食石鍋牛肉拌飯🤤牛肉 蔬菜 飯 再撈埋佢地個辣醬，味道同口感豐富!!而且仲有飯焦!!2個人share就岩岩好!豬護心肉 味道濃郁仲好有咬口+ 調味醬油雞肉就夠哂嫩口❤

今晚嚟到瓊華中心食燒肉 以為應該有好多後生仔嚟食 咁新潮嘅韓式燒肉啦 點知真係大開眼界好多阿豬媽坐喺隔離 幾台人 中年大嬸 咁樣齊齊嚟食飯真係好窩心呀 可能佢哋都受韓流吸引啦 呢度嘅客源真係好廣闊 另外都有啲後生靚仔靚女嘅 呢度嘅裝修寬敞好多卡位 7月嘅裝飾已經滿滿感受到嚟緊12月聖誕嘅氣氛 牆上佈置嘅都係merry christmas呀 鹿仔薑餅人嘅特色掛喺餐廳度 真係心口不覺抽一口涼氣 呢度前菜係自助餐形式 攞嘅有泡菜蔥 芽菜 醬料等等自助式 食到咁多菜都好健康. 我今日就專嚟食 韓團五花腩 我本來都唔捨得食㗎 但係五花腩好好食 呢$180蚊呢得兩塊咋 煎完剪開佢之後其實得返六舊 仲貴過我喺大家樂食燒味呀 不過叫佢見佢脂肪分佈咁平均 咁好味 咁就算啦 另外點咗個平平哋嘅 蟹子紫菜飯糰之前見咗條肥妹 以用手撕咗個好大又靚嘅飯團 咁我就挑戰下啦 首先將沙律醬撈埋啲紫菜紅蟹仔度 跟住將啲飯"揸到一個波" 咁就成為飯糰啦 唔知點解我個飯團都唔係好靚咁事實證明我對煮野食真係冇乜天份 我淨係識得食㗎咋 今日嘅燒肉呀啲火打到就嚟辣親我啦 真係好火候 加上食嗰啲沙律下菜包 都幾健康喇 仲有好多

終於都試到喜來稀肉啦！一直都久仰大名！聽到身邊唔少朋友都話依間好食果然無令我失望！首先佢個自家醃製泡菜真係好出色！令我都忍唔住要食多幾轉另外佢有得任拎生菜🥬真係好好可以令我食得健康啲，有菜包肉無咁滯!仲有爐邊蛋真係好好食！記得要好好控制火候！啖啖滑蛋😋🩷牛五花 $158牛五花肉質柔軟，本身亦都醃好醬料！兩面輕輕一燒就可以，配合生菜非常開胃惹味🩵真雪花牛肉 $228牛肉雪花分布平均！一上枱已經覺得好靚！食落果然無失望！好食！牛肉味濃！🩷豬護心肉 $ 158第一次食護心肉，上網搵資料先知護心肉是阻隔豬肚子的橫膈膜和肝之間的肌肉肌腱部分，食落去都幾有咬口！不錯👍🏻值得回訪嘅燒肉店！同埋呢間分店都坐得比較舒服，好多卡座！適合同三五知己一齊食！

食燒肉係我最鍾意嘅活動之一，可以一邊促膝詳談💕一邊等食物燒好😋餐廳環境闊落，座位間隔成一個小空間，非常適合朋友聚會🍻 當日兩人去，獲安排坐4人枱😆 自助吧除咗有醬料同生菜，仲有泡菜、芽菜及醃蘿蔔等小食，款式及份量悉隨尊便，唔怕造成浪費😉餐廳用手機落單📲 上菜好快，如果想慢慢上菜，建議分開落單小食🦑海鮮蒽餅($90)，蒽餅好脆，海鮮份量都唔少，點埋帶辣嘅醬汁更好味食燒肉想配飯，點咗🍙蟹籽紫菜飯團($50)😎 餐廳有手套提供，可將飯搓成小飯團，有得玩有得食😆 不過我比較懶，直接𢳂嚟食🙈 味道好好，加咗蟹籽令味道更豐富👍🏽 入座時，店員已經喺爐邊倒入蛋汁，一邊係爐邊蛋，另一邊係芝士爐邊蛋，仲有蒜片，可以當蒜片乾食🧄 好韓式嘅體驗豬肉揀咗🐷醬油烤韓豚($150)，味道幾好，大大片薄切，脂肉均勻唔肥膩牛肉揀咗🐮真雪花牛肉($228)，牛肉有雪花紋理，不過牛味偏淡，同期望有段距離

食後真是讓我大呼過癮！店鋪位於旺角區中心地帶，裝潢簡潔舒適。鍋邊蛋有兩款，分別是原味和加了芝士的， 食完可以加添。另外還可以在自助區拿取泡菜和醬汁。我點了不同的食品，其中包括了牛護心肉、牛五花肉和石鍋豬肉拌飯。首先上桌的是牛護心肉，這種肉質鮮嫩多汁，入口即化。店家將肉切成薄片，讓我們可以輕鬆地在燒烤爐上烤熟。經過短暫的燒烤，牛護心肉變得微焦外酥內嫩，真是美味極了！接著，我嘗試了牛五花肉。這種肉有著豐富的油脂，口感更加豐潤。烤熟後，肉質變得更加軟嫩，油脂也融化在口中，讓人愛不釋口。我還將牛五花肉夾在生菜葉子中，搭配著韓國辣醬一起食用，味道更加豐富多樣。最後，我品嚐了石鍋豬肉拌飯。這道菜以石鍋為基底，將烤熟的豬肉、蔬菜和米飯混合在一起，再加上特製的醬汁拌勻。這道菜不僅色香味俱全，而且口感豐富。米飯在石鍋中經過燒烤，底部形成了一層酥脆的焦糖，讓整道菜更加美味。整體而言，這間韓國燒肉店給我留下了深刻的印象。食材新鮮，服務態度親切周到，讓我感受到了熱情好客。如果你也是燒肉愛好者，強烈推薦你來一試。

很久冇食韓燒，諗起喜來稀肉，原來旺角都有，好方便，即刻約埋朋友一起食。一坐下店員就準備烤盤邊的蛋漿同埋蒜片。外面有調味醬料、泡菜和生菜可自取。其中，白菜泡菜都有兩款，有喜來泡菜和酸味泡菜。兩款都唔錯，前者再添上淡淡的人參清香，好食得黎幾特別。我愛肉肉，一口氣嗌左三款肉肉：醬油烤韓豚、牛肋骨肉、牛護心肉。牛肋肉較淋身，富有牛香 。 烤韓豚有點像五花肉，雖然話係醬油，但唔算濃味，反而幾喜歡，食得番豬肉的原味道。叧外叫左石頭鍋飯，最冇期望，反而好驚喜，好足料好惹味。份量都唔少。盤邊的芝士蛋和淨蛋都好食，但都係芝士蛋香d。食完可以再加，不過已經開始飽，第二round只加淨芝士，一樣咁好味。

📍喜來稀肉地址：旺角彌敦道628號瓊華中心7樓喜來稀肉係香港韓式燒肉嘅始祖能夠屹立不倒咁多年 當然食物質素都唔錯今晚就約咗朋友嚟呢度食飯呢度嘅前菜係自助形式鍾意食幾多自己拎款式都有好多選擇特別鍾意泡菜 辣芽菜 都refill咗好多次呢度既爐邊蛋加咗芝士 🧀️特別好味食晒仲可以叫店員refill🐮牛肋骨肉$150幾有牛肉味 切到細細塊 要燒好容易加少少鹽 包住生菜食已經唔錯👅牛舌$158以薄切嘅形式上所以好快就燒熟 心急嘅朋友最岩用咗牛脷芯位都比較彈牙爽口🐷特殊背花肉$188呢款幾特別 於是揀咗嚟試吓 豬味好濃郁而且又油花均勻 靚到差啲以為係和牛

提到韓燒，一定要提韓國過江龍嘅喜來稀肉，喺尖沙咀、銅鑼灣、旺角都有分店。旺角瓊華分店裝橫以藍色為主調，走韓式古樸家庭風，以寬敞闊落嘅卡位為主，環境舒適，無論係家庭或者係朋友聚會都非常合適。喜來烤肉韓燒嘅食物質素都好高，供應多款肉類部位，包括大熱嘅牛五花、護心肉、真雪花牛肉等。店內仲設有自助沙律吧，每日有多達六款韓式小菜供應、包括泡菜、生菜、醃青瓜、芽菜、蒜片、醃蘿蔔片及多款韓式醬料選擇，全部都係自助無限添加，另外仲有爐邊蛋提供，有原味、芝士味選擇，雞蛋嫩滑，蛋香十足。牛五花牛嘅胸腹肉，呢個部位油脂飽滿，油筋較多，燒烤過後散發出濃郁嘅香氣，令人食指大動。牛五花肉質柔軟，牛味濃郁，兩面輕輕一燒就可以，配合爽口嘅生菜、微辣嘅泡菜、香蒜片同埋韓式醬料一齊食，開胃惹味，生菜色澤翠綠好新鮮，夾埋牛肉嚟食清爽唔會油膩，係正宗嘅韓國味道。護心肉護心肉係豬既珍貴部位，亦係韓式烤肉必點嘅一道肉類，經燒烤後肉味濃郁，口感豐厚，用生菜包住再加埋韓式辣醬嚟食，好美味。人蔘雞湯上台後保持住滾燙，冒煙熱辣辣，裹面有成隻雞嘅份量，雞肉肉質軟腍，有入口即溶嘅感覺，可以加鹽去自行調節口味。人蔘雞湯底好清徹，用咗原條人蔘去

📍喜來稀肉（旺角）好耐無燒肉 口痕想食下～去左呢間前菜可以任夾嘅韓國餐廳 我地夾左好多泡菜同芽菜 呢兩樣我都好中意食😋食落好開胃～ 仲有一份份嘅生菜任拎，可以比大家夾燒肉食👍🏻▫️ 生牛肉拌飯好多配料 有菠菜、紅蘿蔔絲、菇、芽菜等 撈埋佢地一齊食 口感好豐富 生牛肉好滑 我下次黎一定都叫呢個食！😋▫石鍋牛肉拌飯上到枱熱辣辣☺️ 鍋底仲食到有飯焦 仲有好多配料 食完好滿足▫牛五花入口好嫩好香！配上佢嘅韓式醬料 咩都唔洗點已經好好食～▫海鮮泡菜煎餅食得出好足料 👍🏻 泡菜味重 好多墨魚粒 同埋好香脆～兩條友食到好飽😋

好耐冇食燒肉🔥今日收工去咗旺角瓊華中心食喜來稀肉旺角分店大部份都系卡位，環境寬敞，而且燒烤店都好乾淨啊自助形式可以拎泡菜、芽菜、青瓜、生菜等，用生菜包牛肉冇咁油膩店員預先倒蛋漿，一邊有芝士一邊冇芝士，慢慢烤熟都幾滑溜！喜來烤肉 $158牛肉鮮嫩，醃咗甜甜地嘅燒肉汁牛肉好薄，燒幾秒即熟，口感嫩滑一啲都唔鞋口呢款一定要叫，必食之選😋牛護心肉 $160喺橫隔膜同肝之間嘅部分，每只牛只只幾百克，比較珍貴😌牛肉有豐富纖維帶點油花肉質口感軟腍，肉味濃郁😋食落好香油脂嘅甘香海鮮蔥餅 $90將肉、海鮮、蔬菜等切成小塊，拌上面糊同雞蛋煎海鮮份量較多，加入章魚🐙口感比較豐富蟹籽紫菜飯團🍙 $50估唔到咁好味😋白飯鋪滿紫菜碎、蟹籽，再自行加入沙律醬拌勻拌勻後，全部米飯會沾住沙律醬、蟹籽同紫菜，每啖都滋味，咸咸哋好開胃🤩喜來稀肉 旺角彌敦道628號瓊華中心7樓

肥仔睇完韓劇有啲掛住oops,唯有食個韓燒止下癮。之前食過喜來銅鑼灣十分不錯，今日放工試吓旺角分店。🔥🔥牛護心肉護心肉係橫隔膜與肝之間嘅部分，每隻牛只隻有幾百克護心肉供應，十分珍貴。食落口有一股非常特別嘅肉香，肉質又很有咬頭，但唔會硬，燒起上嚟十分香口！🔥🔥豬五花肉花紋好靚之外，佢嘅油脂亦都超級旺盛！一食落口就淡淡油花湧出嚟！燒起嚟搶晒火，卜卜脆，十分滋味！🔥🔥蟹籽紫菜飯團蟹籽不但美味而且入口脆卜卜， 俾埋手套你DIY一起邊玩邊吃，好開心。放上烤爐烤更香，仲有飯焦喺面，更添層次。🔥🔥水冷麵高溫下，食慾不振，食返碗水冷麵降下火，開下胃。而麵質煙韌彈牙，又掛湯，好好味。湯底唔仲有水梨嘅清甜。🔥🔥Orion 啤酒有花香味，入口清甜，配搭烤肉十分之match!!總結，泡菜仼加，食物的質素、服務和環境舒適程度，都讓人感到滿意。如果你喜愛韓燒，肥仔推薦你來這家餐廳一試。絕對唔會讓你失望。

又來到搵嘢食嘅時間啦，就去咗質素有保證價錢又大眾化嘅喜來稀肉，位於旺角瓊華中心7樓，地點方便，上到去裝修都唔錯，私隱度高，😉呢間醬汁同埋前菜係open area自己攞，梗係攞返最想食嘅泡菜，佢哋泡菜都有兩款，我哋就鍾意喜來泡菜多啲。今次就嗌咗高質小小嘅真雪花牛肉，牛肉雪花分布均勻，點埋佢哋醬汁，味道一流。另外嗌咗個韓豚五花肉，燒好點埋啲韓式辣醬，再用生菜包住食，減輕油膩😊 另外嗌咗個蟹籽紫菜飯團，飯團自己撈埋，裏邊有大量紫菜同埋蟹籽，食落口感一流。最後當然唔少得無限添加嘅芝士蛋，今次都食咗2 round🥳🥳

韓國過江龍很早期已經係香港開店，小妹第一次來旺角分店，原來跟其他分店不同，此店是全卡位，坐得好舒適，地方頗大👍🏻自助區有免費任添的多款前菜：生菜🥬，泡菜，青瓜🥒，芽菜 等等，仲有幾款不同醬料可選。2個妹子點了3款肉肉🥓，真係超飽飽！肉質嫩滑，又不會太肥美，燒烤後有少許微焦時入口十分惹味。 建議可以再夾入🥬生菜和泡菜,起品嚐，增添口感和減少油膩感。✨喜來烤肉 $158✨特級牛頸🐮 $218✨韓式烤豬皮🐷$150✨醬油烤韓豚🐷 $150值得一提是小妹念念不忘的韓烤🐷皮，因為食過很多韓燒都無呢個，不知有幾多人同我一樣，勁鍾意食呢？將🐷皮剪開幾件，烤到少許燶邊，入口脆脆地又有軟綿綿的脂肪口感，好煙韌🤭 不怕肥既你 不妨一試， 一定有驚喜♥️📍喜來稀肉 (旺角) 旺角彌敦道628號瓊華中心7樓

都應該好幾年沒食過喜來稀肉，畢竟現在韓燒選擇太多，今次選這間因為位於旺角瓊華中心，方便就腳。預先電話booking去到不用等，店舖面積都幾大，座位舒適且寬敞，尤其檯面位置夠大可多放幾碟食材。先到外面的冷盤挑選喜歡食的泡菜及醃菜，泡菜亦有分原味或酸味，芽菜都好爽口，生菜亦可以無限自取。其實韓燒之中有一個極吸引我的就是爐邊蛋，一邊烤純蛋另一邊加了芝士粒，熟透了時還可以見到「拉絲」而且是免費任加。跟朋友二人點了份「一頭牛」套餐，包括了五款不同部位的牛肉：喜來烤肉、牛五花、牛頸、牛肋骨肉、調味牛排骨。先講喜來烤肉，其實就是一片片薄切牛肉卷成花狀，輕輕燒一燒即熟透，油脂香氣仍在；牛五花則油脂較多，燒時要注意，燒得好就外脆內軟，最好加蒜片和醬料包生菜食；牛頸肉有濃郁牛味，好軟淋；牛肋骨肉及調味牛排骨食入口有嚼勁，再蘸點醬料調味就很好味。因為朋友比較大食，所以亦有點了石鍋豬肉拌飯，趁還熱騰騰的時候將伴菜、肉及雞蛋等配料連白飯攪拌均勻後品嚐，還不錯。