喜來稀肉 (瓊華中心)

營業中

休息中

🔹旺角//喜來稀肉🔹人均約$350🔹▫️喜來五花肉配特製醬汁 $150超級多汁，食落去好好味🤓，燒出嚟特別入味，配埋韓式辣醬超正！▪️豬頸肉 $150係冇乜醃過，要落少少鹽同埋點醬會較好！肉係咬落去係比較爽😝▫️牛護心肉 $160幾好食！唔知係咪最近好少食牛，佢呢隻好大浸牛味🤣▪️豬肉泡菜湯 $80泡菜湯麻麻哋，豬肉唔好食😂😂▫️海鮮泡菜餅 $90好食！好大份，食一件已經好飽🤣🤣，點埋個汁好夾☺️🔹好飽評語見到好似已經有好多間分店結業，其實大致上質素都係中上以上，但係價錢比較貴，而且泡菜前菜等等都轉晒自助吧，比較想要service多啲🥹🧠回頭指數：7️⃣🧏🏻‍♀️打卡港女：7️⃣🌬冷氣溫度：8️⃣🚽廁所評價：⏹🧾性價比呢：7️⃣

同友人一行五人一早卜左枱，早一星期卜都卜到，只有7:00 / 8:30 選擇，限時90分鐘。不過其實食燒肉佢又話係仼食，5人都係得一個爐，食得勁趕。8:05想再加單已經唔比加，話我地燒唔切。。。。。。牛護心肉-$160(3.5/5)8件左右，牛味好濃，味道不錯，不過性價比不高🫢壹頭牛（2人拼盤套餐)-$520(3.5/5) 佢大部份肉都係好食既，係份量小左啲同貴左啲。海鮮泡菜餅-$90(1.5/5)個邊濃左，所以脆，中間勁水好似唔熟咁，拎左落個爐到自己再燒下先食得。😗石鍋牛肉拌飯-$85(2/5)啲飯一 pat pat，勁濕，再拌埋啲拌飯材料，濕上加濕，味道正常既，唔特別好食/難食，好普通，係啲飯咁濕真係扣哂分。總結: 生菜，調味料要自己出出面拎，落單就用qr code ，不過都係要照收加一的😳其實佢燒肉味道係不錯，不過熟食就真係不太推薦。佢性價比唔算高，下次未必會再黎。

呢間 #喜來稀肉長期都full既燒肉店 究竟有啲咩來頭？😏入到去枱同枱既距離好闊 燒肉店都會有好大浸油煙感但呢到只係好小油煙味 抽風都做得唔錯👍🏻呢到有自助前菜 自己可以出去夾想食嘅前菜有喜來泡菜 涼拌芽菜 蔥絲 青瓜等 🥒其實真係好抵食👍🏻👍🏻出面細細份前菜都要$20up真雪花牛肉 $228 🐄呢到既真雪花牛肉真係好高質 你會見到牛既脂肪花紋分佈平衡 真係好似雪花既條紋❄️所以燒出嚟牛肉味好香濃 🥳牛肋骨肉 $150🐮油脂感好香 肉質鮮嫩 一啲都唔韌 又富有牛味燒到帶焦脆 好好味☺️石鍋牛肉拌飯 $85🥘食韓國菜我都會必點石鍋飯 新鮮熱辣石鍋飯好香 仲有少少飯焦係底配料又多 有蛋 牛肉 芽菜 蘿蔔絲等等 自己會再加啲泡菜落去 撈醬汁就好野味☺️烤蛋 🍳蛋漿入面加有芝士 食落去好滑又有芝士味 好邪惡呀🙈🙈幫你食晒嗰陣 侍應幫你再加蛋漿靜靜雞話你知原來好多侍應都係韓國人 感覺你真係好似去咗韓國咁🙌🏻🙌🏻🤗

今日朋友死都話要食 #喜來稀肉話貪個到多韓國靚仔🙈 係真唔係呀🤗食店環境枱同枱之間距離闊，抽風都做得幾好！晚市有自助前菜（唔知午市係咪都有呢）前菜有我最愛食既泡菜&涼拌芽菜等🤤真雪花牛肉 $228 肥瘦相間既雪花牛肉，燒落去個陣會滋滋聲😍 我鍾意煎香兩邊，加小小蒜&泡菜配埋落個生菜包到，食落好滿足☺️牛肋骨肉 $150牛肋骨肉肉質相當地厚，牛肉質地較腍、牛肉味都十分濃郁，仲帶點油脂🥰石鍋牛肉拌飯 $85我係飯桶之人，一定叫石鍋飯之一。石鍋牛肉飯再加啲泡菜落去，撈埋個醬汁好開胃👍🏻烤蛋 佢係無限任添嘅爐邊蛋 鍾意食蛋嘅一定要去🙌🏻最後又真係幾多靚仔靚女 服務都真係好好😆☺️

成日睇啲韓劇入面嘅男女主角，逢親去食燒肉，都食得好好味咁嘅樣，受呢個韓劇影響之下又買唔到機票之際，唯有去食吓韓燒止下咳…. 먹고싶어🥹!!! 우리는가자요~😋其實呢間喜來稀肉我已經食過好多次，今次去試吓旺角店，之前每一次都係食牛，所以今次叫咗一個豬嘅set 🐷🐽豬set 有護心肉，五花肉，豬頸肉，豬大腸同豬皮🐽五花肉同豬頸肉都好出色，仲可以好似啲韓國人咁加蒜頭，kimchi 辣醬包落個生菜度然後一野塞落口🥬😍😍 咁樣食法可以冇咁漏，其他配料亦都可以帶出肉嘅味道😝 매우좋아요！❤️除咗食主菜之外 亦都配有無限添加嘅爐邊蛋，我就自己加咗啲泡菜落去😋😋果到個環境都好好，雖然一入去已經聞到好香，但係出返嚟都無乜油煙味，所以啲抽風系統做得都唔錯❤️

今晚突然想食燒肉，但好多地方都已經book唔切，決定6點試吓walkin睇下有冇位，好好彩仲有位😍😍😍 雖然限時90分鐘，但都夠食🥰🥰我哋兩個人分別叫咗4款肉類同埋一個石鍋牛肉拌飯～ 最後當然食唔晒仲打包走🤣🤣 首先叫完嘢食可以係出面自助區拎前菜/醬汁/生菜/沙律等等，自己想拎就拎幾多，又可以出去refill，感覺都幾好😆😆 而且佢泡菜都有兩款選擇，一款係酸味重啲，另一款係重甜辣味，啱晒唔同口味嘅我哋😍😍😍一嚟到佢就會淋上爐邊蛋先，有原味同芝士味😍😍 而燒肉最好食必定係佢呢個signature喜來烤肉，基本上每枱都係必點，見佢捲咗花花形狀但份量都唔細㗎～ 仲叫咗牛五花，五花腩同豬頸肉～ 豬肉都完全唔鞋👍🏻👍🏻 包住生菜食最正😍😍👍🏻個拌飯份量好大，食完燒肉後其實食兩啖飯就已經食唔落😂😂 所以打包咗個飯第二日做午餐🤣🤣 食飽見到隔離枱食緊雪條，但又唔見餐牌有～ 原本係出面自助區有得拎😍😍 食完燒肉再食條雪條解膩十分不錯🥰🥰總結嚟講雖然價錢少少貴，但絕對值得再次到訪🥰🥰

一入場我已經比門口任拎嘅配菜buffet吸引咗目光，狂拎泡菜、醃黃瓜、醃蘿蔔同大蔥絲，質素同韓國餐廳嘅八小碟真係平分秋色，泡菜亦都食得出係高質唔頹，仲有多款醬料，令烤肉味道更上一層樓。 生菜包都已經一兜兜咁放好晒，唔使睇人面色又唔使等，輕鬆拎定幾碟返位慢慢食。可以話提起喜來稀肉就會諗起護心肉，亦都係認識韓燒嘅起點，所以第一碟就係佢。 護心肉好軟腍，唔算好肥，我覺得肉味就好似豬展肉咁濃味，感覺幾健康。五花肉邪惡得黎唔會成口肥膏咁，燒得夠香口之餘，只係半肥瘦偏瘦咁，岩哂我呢d鐘意油香又怕太肥膩嘅人。唔使叫好多肉都一定飽到爆，爐邊蛋短短時間內一定食到兩round，店員仲好主動refill芝士爐邊蛋同蒜片，仲要好奇蹟地俾人追住問要唔要換網，感覺幾良好。

近幾年都冇幫襯過連鎖韓燒店，印象中經常中伏冇味唔知自己食緊咩，今晚冇期望之下，食到難得滿足嘅一餐，慳水慳力過自己買料係屋企整。濟州五花肉 ($180)非常新鮮，色澤直頭係媲美街市新鮮豬肉。 尤其鍾意佢厚度啱啱好，感覺到肉感得黎，燒嘅時間唔需要好長就已經熟透金黃色。 習慣用生菜加泡菜蒜頭等各樣配料，但肉汁同肉味依然好突出，食得好滿足。調味牛排骨 ($228)可以話係滄海遺珠，近乎所有食評都唔見有人叫，冒險試吓真係全晚嘅亮點。 雖然份量唔算好大堆頭，但真係超級入味，韓式甜甜地既醬汁，燒到少少焦香真係好惹味，完全超出左我對韓燒嘅期許咁好食。護心肉 ($158)應該係三款入面最厚，燒完都好嫩滑，但對比之下冇前兩款咁驚艷，如果偏好豬肉味較濃嘅話會係幾好嘅選擇。

今日黎到旺角呢間食喜來稀肉！呢間同尖沙咀果間裝修唔同～坐位比較寬闊，坐得舒服啲～同埋呢度有自助吧，可以自己出去拎配菜醬料，有4款韓式醃物可供選擇！我鐘意食佢既喜來泡菜！辣得黎甜甜地又酸酸地，大白菜都係偏爽口😋今次都係黎過下燒肉癮，所以一樣叫左喜來烤肉-牛同牛五花！🥰 真係幾時食都咁正～牛五花落鐵板烤時好搶火，好有燒烤既感覺！😍肉質都係好軟腍～食既時候都係會包埋生菜同泡菜一齊食會冇咁熱氣🥰至於喜來牛肉都係我至愛～所以唔洗多講～😋上次飲完個牛骨湯粉絲煲一路心思思想再飲！所以今日都係決定飲多次！ 真係好好飲，好滾好濃郁既牛味～一股暖流直流心中🥰喜來稀肉依然係我想食烤肉時會選擇既其中一間！ 會再黎食～！

好耐冇食韓燒，想去間好坐少少嘅，就揀咗喜來稀肉旺角新分店去食。作為韓國過江龍嘅喜來稀肉口碑不嬲都唔錯。新店用咗藍金配色裝修，更加elegant。點了豬拼盤同埋一定要食嘅牛肋骨，泡菜同鍋邊蛋都係無限添加。座位都闊落可以慢慢傾計慢慢食。壹頭豬拼盤有豬五花、豬頸肉、護心肉、豬皮、豬腸。五花肉最啱包蒜頭泡菜一齊食。護心肉就係肝同橫隔膜中間的肉，又嫩又濃味。豬皮可以點黃豆粉一齊食，煙靭又好味豬腸煎到脆卜卜，油香十足。另外牛排骨醃得非常入味，切斷曬D筋位，好淋。我本身都鍾意高質韓燒，呢度俾到我。

心思思想食燒肉，想搵有質素嘅韓燒就諗起呢間。成個環境都刻意營造到好似喺韓國，連部分店員都係韓國人嚟。旺角呢一間比較特別係可以自己出去拎配菜同醬料。推薦大家食喜來泡菜，係長條形啲個款，食落去鮮甜開胃😋😋喜來烤肉同牛五花肉都係每次必食，肉質非常之軟綿綿，肉汁多到一個點！兩個嘅分別係牛五花多啲油脂，會燒到搶火個種😋 鍾意食肥瘦均勻嘅可以食呢款！牛排骨湯都係必叫，暖胃又健康！啲牛骨好正好好味！個底仲有少少彈牙粉絲，真係好正🥹冬天會多啲嚟食🤤Overall呢間真係好高質，推薦👍🏻👍🏻

今天與友人相約食飯，忽然想食重口味，幸好揾到呢間店walkin有位，十分幸運。頭round緊係order一堆牛肉喇！壹頭牛燒肉拼盤件件十分大隻，淡淡肉十分滿足，牛肉亦好新鮮惹味，肉質嫩滑重牛味，值得一讚！拌冷麵的賣相一般，食落味道出奇不錯，不過好易飽，人多先好叫嚟share。水冷麵夠晒冰鎮，個人覺得不適合自己口味，不予置評喇。沙律吧啲配菜水準平平，不過去食燒肉應該都冇人會重視呢啲配菜質素係咪，不過不失啦。

旺角喜來稀肉搬咗去瓊華中心，✅環境好咗好多，✅座位好闊落又乾淨好多前菜有自助吧包括泡菜、芽菜、生菜等等同芝士蛋邊一樣可以無限添加😍😍烤肉方面最推介 - 喜來烤肉🐮係有醬汁既一款牛，烤完唔會乾，滿滿濃郁肉汁香👍🏻！另外牛肉眼同牛肋骨肉，原本都係無醃製過 ，烤完沾上喜來稀肉既燒肉汁，配合生菜蒜頭食一流🤤😍！除咗韓牛之外，豬皮係我每次去喜來稀肉都會叫，入口即溶，豬皮燒焦少少就可以冇咁油膩👍🏻！喜來稀肉仲有好多食物選擇，例如豬肉泡菜湯，水冷面，配埋韓牛一齊食好夾！😍

係香港食韓燒嚟講，喜來稀肉一直都係我嘅頭三甲😌雖然唔係任食，但質素又好又穩陣🙌🏻室內環境乾淨，唔會好大油煙，位置闊落！-呢間旺角分店設有自助吧，泡菜蘿蔔等韓式前菜就放係自助吧，唔會浪費👍🏻而醬汁同生菜都可因應個人喜好選擇！-食物方面，除咗肉類我最愛嘅就係喜來稀肉既”豬皮”🐷❤️呢度嘅豬皮份量多又新鮮，燒香咗之後煙煙靭靭配上黃豆粉，真係好有韓國風味!！🇰🇷另外牛肉方面叫左3款，特別推介喜來烤肉！調味唔錯！-最後就係泡菜湯啦！足料又好味！有腩肉，豆腐等材料配上香濃嘅泡菜湯☺️建議叫一碗飯配湯食👍🏻

唔經唔覺已經幾年無去韓國旅行啦，今日就就同好朋友黎到喜來稀肉食下燒肉，懷愈一下韓國有趣事。🥰 今次一場黎到仲點曬我地最愛既韓國菜😌最鐘意呢到前菜同用黎包燒肉既生菜🥬係任食，而且味道一啲都唔唔會因為係任食馬虎，最愛係佢哋嘅泡菜。菜式方面我地就叫左招牌🐖五花肉, 必點既🐂護心肉,🦐海鮮牛肉大醬湯同🌮海鮮泡菜餅。招牌五花肉充滿層次感，而且口感，包住生菜同泡菜一齊好好味👍🏻 而來自牛既護心肉係我每次必點，用特製醬汁醃製，入口即溶。最欣賞係餐廳闊落，同每一張嘅枱嘅距離都夠遠，同朋友邊燒邊傾一晚坐得好舒服。🍽喜來稀肉 (旺角)📍旺角彌敦道628號瓊華中心7樓