喜來稀肉 (瓊華中心)

營業中

休息中

好耐無食「喜來稀肉」行開旺角發現瓊華都開左新店，無booking 嘅情況下，八點幾嚟到依然需要等位🫠 所以一定要做好booking ~入到去發現同以前好唔同，全部變成卡位，坐得舒服好多，檯與檯之間相隔一定的距離，唔會擔心人哋傾計聲影響到自己👍依家小菜都變成係自助mode,自己鍾意食咩就拎咩唔好浪費就OK😍小菜種類頗多（韓國泡菜、喜來泡菜、酸青瓜、青瓜蔬菜沙律、酸蘿蔔、生菜。喜來泡菜：辣度比較重，但係菜比較少爽口韓式包菜：有啲啲酸，好濃嘅大醬味酸青瓜/酸蘿蔔：都係爽口，好適合用完肉後再食解膩喜來五花肉配特製醬汁💰150五花肉肥瘦相隔，油脂分佈均勻，容易燒，蘸燒肉醬，少許鹽配搭生菜，韓國包菜，好正🥰護心肉💰158第一次食護心肉，距離心臟最近嘅地方😱燒嘅時候比較容易濃，需要放係邊邊慢慢燒，整體口感比較煙韌，配搭將有呀，我覺得係最好食😋蟹籽紫菜飯團💰50可以食可以玩🤭兩個戴住手套包飯糰🍙依個過程都幾開心😂望落去貌似簡單嘅食材，但係真係好好味，魚籽係飯糰裡面有啲脆脆嘅口感辣魷魚 💰150Size真係好大隻，唔算好辣，可以配搭喜來泡菜用生菜包住食

一直都想試既喜來稀肉 提早book定位就最穩陣終於可以試下高質烤肉仲有最中意既邊爐蛋一邊係有芝士 一邊係原味🤭-仲有自助吧可以任拎泡菜同生菜啲菜好新鮮 夾肉食超正～泡菜唔會太辣 酸酸地 味道岩岩好🫶🏻-喜來五花肉配特製醬汁上菜時已切好一片片 方便食用五花肉醃製得好入味 肥瘦相間烤過既五花肉食落好嫩口用生菜包埋泡菜、生蒜一齊食口感就更豐富 亦唔會過於油膩👍🏻-牛五花肉質軟腍油脂好惹味肉味香濃 用黎配白飯真係一級棒

店鋪環境非常寬敞舒適，烤肉時唔會太大油煙，食完個身都唔會話好大陣味👍🏻👍🏻-新增自助區，可任取前菜和生菜，泡菜都有兩款選擇，特別推介辣泡菜，夠辣夠香，令人忍唔住一啖接一啖，另外仲有醃荳芽、蘿白等可免費享用😍生菜色澤翠綠非常新鮮，用黎包肉食口感更清爽😋-原味&芝士爐邊蛋爐邊蛋好嫩滑，配埋芝士更美味更邪惡😈-護心肉原來護心肉係豬既珍貴部位，味道濃郁有咬口，護心肉亦係食韓式烤肉必點既一道肉😻-炒年糕韓式炒年糕，中意食辣味年糕既朋友唔好錯過啦，裏面仲有魚糕，份量亦好多👏🏻

話說喜來稀肉出名左咁耐，我一次都無食過，心諗大把又平又正嘅韓燒喇，但朋友突然即興約我話去，咁我都跟尾試下。出面有個自助的區域，可以自己攞配菜同前菜仲有多款嘅醬料，我覺得好好呀。因為平時去大部分嘅韓燒都係前菜一碟碟再麻煩人refill,叫得多又唔好意思，但又真係好中意食。。自己攞就最好。我哋叫左豬護心肉，份量唔算少，價錢合理。有少許嘅調味，唔太咸用來夾生菜同泡菜食又唔會比泡菜蓋過d味。至於牛呢，叫左個喜來烤肉，係薄切嘅牛，有時唔留意會燒過熟，但儘管係咁，都唔會覺得好乾好老，如果要食熟d嘅人，這個係好選擇。另外又叫多左個牛護心肉，比我想像中大份，小小厚切，口感好好，空口食都食到油脂，但又唔會太膩。😆再加多個蟹籽紫菜飯團，我真係唔明點解咁簡單嘅組合係呢度食咁好食，自己係屋企整永遠整唔到。。。應該係人地用料講究。。。我都係喺度叫仲方便。😅😅總括來說，五百幾元，但係我哋都真係好到好飽，原來一直都對佢又貴又未必好食嘅感覺有偏見。🤣

一早聽聞過呢間燒肉店成日都多人到排哂隊 插針都插唔入!!所以今次專登揀返平日6:00早少少入座😋因為未係高峰時間 侍應畀咗卡位我哋坐🧡好寬敞 好舒服 👍一坐低侍應亦有介紹 配菜同醬汁係自助吧 可以攞😋同埋鐵板上面已經準備好蒜片,芝士雞蛋同 原味雞蛋🔥配菜方面有五至六款但特別想推介大荳芽菜同埋泡菜好好食🤤 泡菜有分兩隻口味! 一隻係酸啲,一隻係正常 個人勁鍾意食正常味泡菜👍 今次兩個人叫咗三款肉 喜來稀肉, 牛護心,豬護心😋😋喜來稀肉(牛)夾埋生菜,泡菜,蒜片,芽菜,一啖擺落口好好食😍 肉質夠曬淋!完全唔鞋! 而且本身醃過 好惹味😋 牛護心 好有牛味亦都好淋好juicy🔥 至於豬護心肉 比較有咬感 有少少韌🙈 個人覺得一般般 ,下次會試另一款🙈 另外再叫咗蟹子紫菜飯團 ,畀埋手套你自己撈,自己搓成一粒粒飯團😂 有得玩又好食 淨係叫呢四樣嘢已經勁飽🤩埋單都係六百蚊有找,,超級抵食!！

同老婆去旺角的喜來稀肉食韓式燒肉，先出去拎前菜，可以無限添加，最鍾意芽菜同埋泡菜，醃得好好味烤盤上面兩旁有蛋漿，其中一面仲加左芝士，一直放喺度烤，d 蛋嘅底部就會慢慢變咗有塊好脆嘅焦，但係又唔會燶，脆脆地口感非常好真雪花牛肉，油脂分佈幾好，配搭埋生菜同其他醬料配菜一齊食，一啲都唔油膩，正！炒年糕，濃濃嘅醬汁，煙煙韌韌嘅年糕，同埋有魚香味嘅魚糕，係老婆嘅最愛嫩豆腐湯，非常之足料好味，除咗有好多豆腐仲有雞蛋、洋蔥、金菇、肉碎、蜆肉，加埋少少辣非常野味飲品方面我哋叫咗個柚子梳打 & 桃味嘅Cool Peace，無論係柚子定係桃味都好出，好好飲～

成日聽朋友講喜來稀肉好好食，今日慶祝出消費券就同朋友過嚟食飯☺️旺角店喺瓊華7樓。入座佢有啲小食係任食，例如泡菜青瓜豆芽，即刻食左碗泡菜同芽菜先☺️出面仲有啲醬汁任君選擇一上台佢有蛋☺️有分原味同芝士味☺️QR code落單，即刻簡自己鐘意既野食☺️叫咗個牛排骨湯，哩個好清好好飲☺️而肉我地叫左喜來烤肉、牛肋骨肉同喜來五花肉配特制醬汁☺️烤肉其中之一係享受個過程，而佢哩三款肉都好好食😋佢個抽風系統都好好👍順帶一提個蛋係可以添加，再加多一個多芝士既蛋☺️好滿足呀

瓊華一向多美食，適逢行行吓旺角勁大雨，就揀咗位於瓊華7樓嘅喜來稀肉嘆住等雨停。呢度嘅服務同環境都幾好，工作人員又勁Nice，啱啱坐低，佢哋已經埋嚟整好個爐同爐邊蛋俾我哋，一邊嘅蛋漿仲加入咗大量芝士！因為唔係太肚餓嘅關係，我哋只係叫咗一款燒肉—真雪花牛肉。揀雪花牛嘅原因係覺得牛肉嘅油脂分佈會平均啲，食落會有啖啖油香味。燒到剛剛好熟，就可以用生菜夾住，加入蒜頭、醬料同少少辣泡菜同大豆，成件事勁清新勁爽脆，夾埋一齊食真係好正。順帶一提，生菜、前菜（包括泡菜、醃蘿蔔、醃青瓜、大荳等等）都係任夾～而醬料亦係俾大家自由斟取。除咗燒肉，我哋仲揀咗嫩豆腐湯同辣炒年糕。嫩豆腐湯啲料好足！入面有金菇、嫩豆腐、蜆肉、大蔥、洋蔥同雞蛋，味道濃郁，少少辣勁好味。而一向鍾意食煙韌嘢嘅我就俾個辣炒年糕10分！出面食嘅辣炒年糕通常都太過濃味或者辣到要狂飲嘢，但呢度整得幾出色，夠滋味之餘唔會得個辣字。我揀嘅柚子汽水甜度剛好，同埋唔知點解覺得柚子飲品本身就同韓國嘢食好夾，而老公叫嘅桃味酷啤斯係我哋第一次飲，會比較甜，但都幾夠桃味～

最近好鍾意食燒肉☺️近近地就去旺角喜來稀肉試下😋夜晚6點9左右黎到好彩人唔多☺️即刻可以入座👍佢啲座位坐得好舒服😌醬料同小食都任簡😘泡菜泡菜同泡菜😙落單方面我地叫左個牛肋骨肉、喜來烤肉同五花肉☺️另外加多個牛肋骨湯！牛肋骨湯好有去韓國飲既味道🥳推介而牛肋骨肉都好好味，加小小鹽，正呀☺️五花肉都係好正，好重油脂，加埋生蒜同生菜無得輸呀☺️而喜來烤肉係薄牛片☺️輕輕一烤就食得☺️佢仲有個爐邊蛋☺️兩款口味☺️芝士好味🥰下次會再黎食呀☺️

環境寬闊 坐得舒適❤️窗邊位置可以望到繁忙既彌敦道😜成個餐廳都好有活力💪餐廳中間有自助既沙律吧 可以任選調味料同埋前菜 如: 韓式泡菜 芽菜 醃蘿蔔 生菜 好豐富🤩叫左1碟護心肉（$158+1）同埋1碟喜來五花肉（$150+1）🥰護心肉係位於肝同橫膈膜之間既肉 而五花肉就係肚腩嘅位置 肉塊紋理分明 好有咬感 配上甜甜嘅醬汁 營養豐富 易入口又美味😋個爐超勁 基本上擺上去冇耐就會熟曬🥳爐邊嘅蛋漿加芝士都好吸引 比較結實 可以成條撈起 而且可以無限refill 😍另外再叫咗海鮮蔥餅（$90+1）非常多蔥配有蝦🦐八爪魚🐙等海鮮 有少量辣椒🌶️但啲蔥食落甜甜地幾好味 其實我平時唔食蔥 但都食晒成個餅 都係果句 唔點醬好食啲😜飲品叫左藍莓梳打 味道唔伏 但記得要攪勻先飲🧐

我好耐無去過食韓燒，最近睇過網上啲人介紹呢度。咁啱又約到朋友，所以就一齊嚟試下。我哋得2個人，食得唔多。所以只叫咗五花腩，護心肉，海鮮葱餅，飲品等……不過都已經食得好飽。首先講下個五花肉，佢一層肥一層瘦，而且肥瘦好均匀兼且帶皮，所以食落有啲咬口，燒烤後啲油脂亦好甘香，夾住生菜，少少蒜片食真係正。而護心肉有少少筋膜，但係食起嚟唔靭，好好食。而送上嚟嘅護心肉有厚有薄，燒烤嘅時候要睇實，唔係好易煮得過咗火，咁就嘥咗喇。而爐邊啲雞蛋，同芝士雞蛋好軟熟，如果唔夠仲可以添加㗎！海鮮葱餅，海鮮我就食到有魷魚，蝦。而且有好多葱！啲葱好甜好好食！！！唯一覺得唔係咁好就係個餅比較厚，食完呢個都已經好飽………搞到都無quota 試下其他嘢………另外，仲可出去夾嗰啲泡菜，酸蘿蔔，芽菜等等……我就好鍾意食酸蘿蔔喇！！啲蘿蔔酸酸哋同好爽，好好食！！我自己就夾咗2轉啦！最後我仲叫咗杯柚子汽水，有好重柚子味。佢送到嚟時，記得搞匀嚟飲呀！！咁先好好飲。仲有樣嘢值得一讚，就係服務員會成日好主動問使唔使換鐵板 棒棒的！

即使係疫情都好，呢度幾乎都係坐滿晒🙈我地叫咗一份好珍貴🫶既豬「護心肉」同一份「壹頭牛 」！基本韓燒配料同醬汁都應有盡有，仲有多款泡菜、生菜任攞嘅🤭 當一口肉配上幾口菜，增加咗口感同埋解膩 👍❤️豬護心肉作為招牌菜真係當之無愧！肉味非常濃郁、口感軟嫩佢原本既醬汁都醃得好入味，包生菜食別有一番風味，✌️一豬二味。我好鍾意呢「一頭牛」🙈牛五花🐂 係我最愛既部位，油花均勻，唔洗燒好耐就可以入口牛肋骨 🐂 就重肉味啲配生菜或者白飯食一絕呀！牛排骨 🐂 原本既醬汁已經非常之入味，入口香嫩有嚼頭🤭今次都食得好開心，有機會會再黎呢度韓燒

喜來稀肉嚟左香港咁多年，一直都係質素保證，就算有好多其他新嘅韓國燒肉舖，久不久都會想嚟呢到再食，尤其是知道旺角瓊華開左間新嘢，就即刻過黎食～以前啲小食同生菜要逐次叫，呢間就用自助形式，自己出去任攞，感覺都幾爽XDD，有芽菜、醃蘿蔔、青瓜，泡菜仲有自家製揀，比現成更新鮮好食去到主菜燒肉，牛肋肉係必點，肉味濃郁，又夠嫩滑腹胸肉油脂好夠，夾住生菜同泡菜食係perfect match薯仔煎餅，第一次試呢款韓式煎餅，比想像之中更加好食，估唔到咁厚身，薯仔絲夠粗身，口感好夠另外仲有韓式拌麵，夏天食一流，麵質彈牙，個汁酸酸地好開胃整體黎講體驗都好好，環境夠大，抽氣都幾好，唔會一燒肉就好大油脂，食物質素樣樣都keep到中上，仲有任食我最愛嘅爐邊蛋～～下次一定會再黎

呢度裝修完冇耐，已經好多人食得上嚟搵食，好受歡迎🙈中間可以自取不同泡菜同配料，我鍾意兩款口味既醃大白菜，酸蘿蔔、芽菜，同埋生菜🥬夾住舊烤肉，真係一啖都好豐富食完再食既爐邊蛋！重點！我同朋友仔叫咗一份🦑辣魷魚同一份🐂BEEF SET魷魚都好大塊同好新鮮，一定要燒一燒佢啲洋蔥☺️🐂🐂🐂你會真係食得出每一個位置有唔同牛味我鍾意「喜來烤肉」 🌹花花擺設好睇，啲肉本身輕輕燒一燒就食得，仲有「牛頸肉 」有咬口又香油脂🤭❤️建議留肚肚，食番條韓國雪條，一定大滿足架姐

今日嚟到食韓國野，餐廳嘅空間感都好大，坐得好舒服，而且時間亦都有幾多選擇，我今日一個人嚟到就食唔到燒肉，其他定食可以選擇😊，定食嘅質素比預期中出色👍🏻小息前菜吧🥬🥒出面嘅前菜可以自助形式咁夾，連泡菜都有兩款選擇🫶🏻，仲有醃蘿蔔青瓜，有助消膩，食幾多夾幾多，唔使浪費烤牛肉定食🐮 （$88）超級精緻🤩，用一個木盒裝住唔同嘅小菜同埋牛肉，賣相💯，佢嘅前菜都有六款咁多仲要係冇Hea，同出面自助嘅款式唔同。黑豆豆味道香濃，泡菜蘿蔔，魚乾仔🐟夠晒鹹香撈飯一流。煎蛋卷🥚調味同蛋都夠香，香煎午餐肉仲要厚切所以啖啖肉，泡菜魷魚🦑，惹味新鮮烤牛肉🐮lunch食呢個夠晒方便，已經幫你烤埋，唔駛自己燒。調味方面適中，夠哂味道又唔會過鹹。而且肉量好多，夠哂食😊西柚梳打🍊 （+$15）顏色上面好靚，有漸變layer效果，西柚酸酸甜甜，口味清新👍🏻