喜來稀肉 (瓊華中心)

營業中

休息中

9月5日星期一 喜來稀肉好耐無食過韓式烤肉了，今次終於去喜來稀肉旺角分店食返餐。旺角分店都好方便，就係瓊華樓上七樓，原來地方勁大，係lift 口也有超多座位俾客人等位。不過今日星期一無乜人，我地有book 枱，所以好快就可以入座。佢地方好寬落，走廊又寬，又有好多sofa位，坐得舒服~~ 我地一來到，侍應就幫我地準備好架步個鐵板，入面有D 蛋液，我地可以一邊落單，再去沙律吧任拎泡菜，慢慢等D 蛋熟。我地第一時間就就掃QR落單。我地點左一個五花肉, 一個牛護心肉, 同埋海鮮牛肉大醬湯, 仲有一個海鮮泡菜餅。有好多野都想試，但又怕食唔晒浪費食物，因為仲有免費任食泡菜。泡菜有幾款：青瓜，大豆芽，蘿蔔，新鮮生菜，仲有葱絲！！我最愛大豆芽，因為佢唔會好咸，所以我都食左好多。另外都拎左D葱絲用黎包燒肉。 豬五花同牛護心黎到個樣都幾好，只要你睇實個爐, 記得翻下D 肉，就應該不會燒焦，兩款肉都好好食！ 原來就咁食肉同食泡菜都已經飽，最後個海鮮泡菜餅我地只係食左少少，因為我地無想像到佢塊餅咁大咁厚，佢味道都OK，我之後打包返屋企做燒夜，焗返熱都好食。我地略嫌海鮮牛肉大醬湯咸左少少，唔知係咪因為其實要用黎

一直想食喜來稀肉好耐，今日終於約到閨蜜陪我食。餐廳入面環境都唔錯，空間感十足，每枱都有獨立抽油煙機，唔怕食到一身油煙味。門外張貼咗告示，係講如何免費享用沙律吧嘅方法，都幾搞笑。所講嘅沙律吧其實係韓式泡菜沙律。既然任食，而且泡菜又有益，即刻夾一大盤返番埋位慢慢品嚐。最鍾意食韓燒烤爐邊嘅雞蛋，呢度預設咗純雞蛋同芝士雞蛋，店員仲建議我哋可以自己加泡菜落去變泡菜蛋。最鍾意佢無限追加，我哋都refill咗幾次。朋友話唔想食太多肉，最後決定叫濟州五花肉，係兩大條五花腩。五花肉燒起上嚟味道更甘香，而且經過燒烤後嘅五花肉可以去除多餘油脂，食起上嚟卜卜脆。除咗燒肉，我哋仲叫咗幾款主食，海鮮泡菜餅鋪滿一隻大圓碟，入面有好豐富嘅海鮮，而且味道都唔錯，點埋佢嘅秘製醬汁就更好味。牛排骨湯上枱嘅時候熱辣辣。牛排骨份量相當多，入面仲有大葱同粉絲，湯底帶有胡椒香，都幾醒胃。最後食埋個甜品，韓式雪花冰Bingsu係牛奶味嘅棉花冰，上面就灑上黃豆粉、穀物片、花生、麻糬粒、紅豆蓉等，無論賣相同味道都攞滿分，下次再嚟一定要encore。

估唔到旺角依間燒肉店咁抵食！配菜同蛋任拎任食！佢配菜有生菜，泡菜，芽菜，青瓜等，而且亦有不同調味料👍只要你夠厚臉皮，咁就可以叫一碗12蚊嘅白飯然後任食蛋同菜啦，係咪好抵食呢🤪但如果你唔夠厚臉皮，咁就同我一樣咁正正經經咁食肉啦～😆我叫左一碟牛五花($158)，味道都OK，但唔知點解佢再送左一碟蛋伴生牛肉($160)比我,不過食左再諗（噓）個人覺得蛋伴生牛肉好食好多然後我再叫左個蟹籽紫菜飯團去配肉食，點知佢比左一碗蟹籽紫菜飯，蛋黃醬，手套。。。原來係要我自己包，笑左，所以懶人如我就決定當正常嘅一碗飯咁食另外我仲叫左韓國米汁飲品，聽落咁伏嘅野居然意外地好飲，唔錯唔錯😋😋

今晚去了喜來稀肉食晚餐，地址在旺角瓊華中心，前往交通非常方便。坐下後感覺餐枱餐具很乾淨和很精美，我地點了 一個真雪花牛肉，一個護心肉，一個泡菜海鮮餅。真雪花牛肉雪花均勻，肉質近乎入口即溶好有牛味。護心肉第一次聽護心肉呢個豬肉部位，一試有驚喜，肉質爽滑又彈牙，美中不足係分量少咗啲。泡菜海鮮煎餅煎餅分量大，海鮮配料也很足料，配合自家製醬汁好醒胃自助配菜吧另外還有自助配菜吧，有泡菜，大豆芽菜，醃蘿蔔，生菜，特別一提泡菜好好食。總括嚟講環境，食物，侍應服務態度都好好，值得推薦。

今晚應男仔約會，佢話旺角有間避靜打卡熱點喎，咁我ㄧ心去睇下咩料啦！地點就非常方便，喺正港鐵站旁邊行半條街👍開lift 見到韓式經曲藍色配少少幼金邊，有ㄧ種高貴優雅嘅感覺，地方很寬敞舒服😘服務員招呼有禮帶我坐窗邊，正呀！可以慢慢影靚相💕燒烤爐兩邊已準備好蛋液，真細心。肚餓食住烤蛋先，yeah 🎉這時，朋友已急不及待scan QR code 自助落單了。我就去自助沙律吧選菜，有醃製白蘿蔔、醃青瓜泡菜、芽菜仔蔥絲、仲有一盤盤生菜，非常多選擇。返回枱時，食物已到了，服務員效率好快喎👍朋友先燒溶豬油起鍋，再燒香牛肉五成熟，不費牙力，好正呀！而我最喜歡食海鮮蔥餅啦！配自家製嘅醬汁真係好開胃啊！食多D再努力減肥吧！🤣🤣仲有嗰豬肉呀夾生菜包ㄧ齊食好有幸福感，簡直絕配💕食飽發現食肆好細心大方，每枱都有ㄧ個小櫃子放紙巾，濕紙巾等用品🤜🤛

經過幾個月之後小編又黎到旺角食喜來稀肉，估唔到已經搬咗舖😂新舖喺瓊華上面，位置更加方便😽新裝修比以前更加乾淨舒適，完全冇油煙感，座位比之前闊落，光線充足，總之成個感覺都high class咗好多😍呢間店舖一向都係大家食韓燒嘅熱門之選，價錢同食物質素成正比，係值得黎多幾次嘅😝新店有提供自助區，方便客人任添小菜同醬料👍🏻另外應該好多人都唔知係到食完燒肉係可以任食雪條😎.🐮牛舌 $148每次食燒肉，牛舌係必須的🥳有個特別嘅地方就係佢仲有分埋牛舌嘅唔同部份，有薄切，有厚切，調味適中😚.🐷喜來五花肉 $158呢到嘅五花腩肥瘦均勻，配上唔同嘅醬料依然食得出肉質嘅鮮甜同油香，份量都夠2個人食😋感覺上韓燒啲豬肉都係比牛肉高質😗.🐥蔘雞湯 $125呢個價錢飲到高質嘅蔘雞湯真係物超所值🥳呢個湯有半隻雞，同小編係韓國飲到過嘅有9成相似，非常清甜，完全無平時雞湯嘅油膩感，飲得出係真材實料嘅🙌🏻.💰人均消費～$300.🍽味道：3.5/5🏙環境：4/5👨🏼‍🍳服務：4/5💧衛生：4/5💰價錢：3/5

每個月一次既姊妹聚會，今日揀左好出名既韓國餐廳，我地兩個都冇食過，今次好好彩俾我地約到。呢度裝修雖然簡約，但原來花左唔少心思，櫈底可以收埋個袋，唔怕吸左啲油煙味，每一枱都有抽油煙機，枱夠大，放到成枱餸都夠位。我地叫左濟州五花肉，海鮮泡菜餅，牛排骨湯同甜品Bingsu，我地兩個都食到好飽。因為除左自己點既食物之外，仲可以任食蛋同前菜。免費任食既沙律吧-其實係韓式前菜吧先啱，淨係泡菜都有兩款，另外仲有涼拌芽菜，醃白蘿蔔，仲有韓國生菜用黎包住啲燒肉食既。調味料都係自助，有多款選擇。爐邊有兩格倒上蛋汁，蛋有三個食法，可以淨落蛋汁，可以加芝士，仲可以落泡菜做泡菜蛋，另外一隔係放蒜片，啲五花肉燒緊嗰陣流左啲豬油落去，勁香口。濟州五花肉-韓式燒肉我自己一向鍾情五花豬肉，燒到金黃色，再沾少少韓國麵豉醬，再加埋泡菜同蒜片，用生菜包住黎食，勁有韓國feel。海鮮泡菜餅-好好食，啖啖海鮮又足料，仲要係脆邊架，記住要趁熱食。牛排骨湯-材料非常簡單，只有牛排骨，蔥同粗粉絲，個湯望落清清地，但飲落一啲都唔清，仲有淡淡胡椒味，好暖胃。Bingsu-呢個係韓色雪花冰，用左滑滑既牛奶棉棉冰做底，上面灑上綠豆粉，煙韌既麻

朋友話旺角都開咗喜來稀肉帶我去食🤣第一次食所以都係睇到咩想食話叫～朋友叫咗燒肉我就叫咗個石鍋牛肉拌飯～黎到個飯好夠熱！食到底有飯焦的！超正！而且佢啲配菜都唔少～有煎蛋，蘿蔔絲，菠菜，芽菜等等～BTW如果覺得配料唔夠可以去喺自助區到任fill 添🤣超正！但我覺得撈埋爐邊啲芝士蛋先係一流～自創新食法xd 埋單每人200左右覺得幾抵，嘢食好食又冇限時間可以慢慢食，而且佢哋服務態度超好！塊鐵板就算我哋無要求都幫我哋換咗幾次～Must encore again!

近排好鍾意食燒肉但又驚食放題食少少唔抵食🤣朋友就建議試下呢間～老實講一開始見到Menu覺得有啲貴～好似放題抵食啲🙈但黎到原來好大碟好夠食！黎到喜來稀肉點可以唔叫喜來烤肉🤣其實唔知係咩肉黎～但覺得拎得自己名黎命名應該都唔會差得去邊就叫咗🤣黎到啲牛肉砌到成朵花咁勁靚～而且佢係調過味所以直接燒完食已經好夠味～呢個勁好食！牛肉入味又嫩～冇根唔un又有牛味～這個我很愛！夾埋側邊啲芝士蛋又係另一種風味！另外男朋友好鍾意食牛舌就叫咗碟～勁大碟勁誇張😂佢切到好薄所以燒一陣就食得～油脂味好香好重～呢個都唔錯～Overall牛肉質素唔錯～而且佢哋Service都唔錯～有機會一定再食過！

呢間人氣燒肉旺角分店新開張，座位闊落景觀開揚，有卡位坐！因為新分店，所以環境比較企理乾淨，冇乜油煙，唔會有油笠笠嘅感覺！有任食爐邊蛋，就算瘋狂加芝士都唔使加錢；有個自助泡菜吧，泡菜同醬汁都係自己拎，連生菜🥬都係任拎！------------------------------🥓◖喜來稀肉◗ $158呢個係佢哋嘅招牌菜式，整到成朵花咁，打卡一流！牛肉片已經醃好，個汁甜甜地，切得夠薄燒一陣就食得，濃郁嘅牛味又Juicy！🐂◖牛護心肉◗ $160護心肉其實係牛嘅橫膈膜，係比較罕有嘅部位，有少少油花，入口個下甘香嘅牛油香會爆發，因為呢個部位纖維比較多，會比較有咬口！🍙◖蟹籽紫菜飯團◗ $50一大盤飯咁上，上面放咗好多芝麻紫菜飯素，要自己撈勻佢握飯團，一盤可以飯到五大個飯團！飯團甜甜地，好香紫菜同埋麻油味，米粒煙韌有咬口，有少少糯米飯嘅口感！🥘◖石鍋牛肉拌飯◗ $85石鍋飯夠熱，飯上面鋪滿紫菜條，仲有好多牛肉片、菠菜、蘿蔔絲、芽菜、椰菜，拌飯醬另上，好豐富！食嗰陣篤穿中間個流心煎蛋，蛋黃同醬撈飯，仲會食到片片嘅飯焦！🌟Encore指數：8.5/10------------------------

好耐無食韓燒🇰🇷🔥今次同朋友揀左位於旺角嘅「喜來稀肉」☺️🥢 牛五花（$158）油花豐富 肥瘦適中啲肉餣得好入味加上蔥絲包生菜食口感好fresh😇係pick of the day🥰🥢 喜來烤肉（$158）牛肉薄切 配上喜來稀肉嘅獨特醬汁卷到好似一朵花🌹賣相精緻唔好睇佢好似好細嚿 其實份量都幾多兩個女仔絕對夠食😂😂🥢 護心肉🐷（$158）肉質好淋鍾意開中大火燒到香口啲😍食落爽嫩 唔會好油膩最鍾意韓燒嘅爐邊蛋🥚尤其係芝士🧀味店員好主動refill👍🏻想食泡菜爐邊蛋 可以係出邊自助區加落去🤣出面自助區可以拎泡菜、荳芽、醃蘿蔔、生菜🥬、醬料食燒肉最鍾意配醃蘿蔔酸酸甜甜勁解膩😋員工態度好好、有禮貌會主動加蛋、換烤盤讚👍🏻

之前食尖沙咀喜來稀肉嘅經驗話我知，一定要book位😆今次去旺角分店好彩都有book👏🏻👏🏻平日未到7點嚟到已經好多人食物都係keep到有質素👍🏻除咗爐邊蛋可以無限refill，仲有沙律吧可以自取生菜藍🥗、醬同泡菜等前菜值得一提職員好主動，服務好好👍🏻見到燒肉板有少少燶就即刻幫我地換又主動幫我地refill 爐邊蛋😋🥢喜來烤肉🐮 ($158)牛肉捲到好似朵花咁，啱晒打卡 📸用秘製醬汁醃製，肉質嫩滑，咬落肉汁好juicy👍🏻🥢牛五花🐮 ($158)肉同脂肪瘦比例平均，輕輕燒吓就得最啱加埋蒜片🧄、泡菜，用生菜包住一齊食👍🏻🥢護心肉🐷 ($158)肉質彈牙，燒耐咗都唔韌👍🏻用生菜包住食係perfect match🤩

早幾日約朋友出來傾計聚舊👥諗起我地之前一齊去韓國旅行🇰🇷（十萬個懷念😭）就決定食韓燒懷念一下❤️之前食過一次【喜來稀肉】銅鑼灣分店，印象好好，搵一搵先發現原來旺角都開左分店，對我地d新界人黎講更加方便😬🫶🏼餐廳環境乾淨企理，大部分都係卡位，座位好寬敞，而且唔會好大陣油煙味，抽風系統做得好好👍餐廳係用QR Code落單，出面既自助區可以自取前菜同醬料🤭前菜包括泡菜、涼拌芽菜、醃蘿蔔等😆另外仲有生菜同邊爐蛋都可以無限refill❤️❥ 喜來烤肉 $158必叫‼️見到每枱都叫呢個，就知係好野😋牛肉薄切，用秘製醬汁醃製，捲成花狀，賣相精緻🌺輕輕一燒已經好juicy入味！唔好睇佢細細碟，份量其實都幾足，兩個女仔食覺得岩岩好☺️❥ 護心肉 $158護心肉係豬稀有部位🐷燒起黎唔會好油膩，食落爽嫩有嚼勁，唔嚡口😚我地用生菜包起佢點醬汁一齊食，味道好match，口感更加正🥬❥ 炒年糕 $75年糕煙韌軟糯，配埋濃稠既醬汁，香甜得黎仲好有辣度，非常惹味！❥ Bingsu $58超級推介呢款韓式雪花冰❄️💕食完燒肉，食返個清甜涼快既雪花冰就岩晒🥹雪花冰口感綿密，面頭有甜甜地既紅豆蓉、煙煙韌韌既麻薯、黃豆粉同餅乾碎，口感

好耐無食燒肉，但係唔想食自助燒肉太肥膩，就揀單點個喜來稀肉。旺角新開店，全卡位，坐落十分舒適而且檯與檯之間間隔有一定距離，可以放心傾計。旺角店嘅小菜全部都係自助形式，可以隨意拎自己想食嘅小菜。小菜種類選擇頗多（韓國泡菜 喜來泡菜 酸青瓜 青瓜沙律 專門包少肉嘅生菜）我哋啱啱坐低，店員已經好快手幫我哋準備開爐 蛋漿喜來五花肉配特製醬汁 💰150肥瘦適中，容易燒 可以配搭韓國泡菜一齊食辣魷魚 💰150唔算特別辣，魷魚比較爽口去。蟹籽紫菜飯團💰50材料貌似好簡單我，但係食落有淡淡嘅麻香味，一碗份量足夠兩個人食護心肉 💰158需要放係烤盤邊邊慢慢烤 ，如果放中間容易烤濃，味道比較談，可以蘸醬油帶出肉本身嘅香味

早1-2 年係銅鑼灣食過一次之後 香港實在太多韓式燒肉店 恰巧最近見到旺角都有間分店就決定二訪 😆餐廳位置都方便 係瓊華樓上 7 樓 位置都乾淨闊落 比起傳統韓燒店少一種油膩感👍🏻 亦都相對傾計輕鬆d😎朋友話自己節食緊😂所以淨係叫左兩款肉🥩一碗年糕同埋一份甜品🍮 - 護心肉 喜來稀肉必點系列✅肉質嫩滑 賣相都幾靚 睇得出肉的色澤 配上生菜🥬夾入口的感覺好滿足 都幾入味 一讚❗️- 喜來烤肉 分量以兩個女仔黎講都ok 如果大胃王可能就要叫多款野食 😆點完醬料有微辣的感覺 🤣最喜歡韓國燒肉就為左試佢的爐邊蛋💕另外店員的態度都唔錯 過程中都勤力換左幾次爐 😊 年糕方面都非常入味和彈牙😆同埋除左年糕仲有少少魚肉伴襯 都係飽肚之選✅甜品🍮都有小驚喜 糯米麻薯冰再加配黃豆粉 冰冰涼涼🌀係夏日甜品之選