喜喜雞煲

營業中

休息中

凍凍地，我最鍾意食佢嘅胡椒豬肚鍋。坦白講，平日返工邊有時間整，但又想食啲暖胃嘅嘢，我就一定諗起這間的胡椒豬肚鍋，而且佢的邊爐🫕餸都好有心思，同老友黎食，一定會食老友鬼鬼，每次都快閃食晒。佢既職員好友善，服務好好，香港小店吾多，佢比到我「人情味」這個感覺，真心同大集團，冷冰冰係吾同Feel。我有啲朋友就鍾意食雞煲，隻雞好足料，吾知師傅用左咩秘方，好嘢味！加埋配餸，簡直是冬天人間天堂（朋友講😋）吾知限聚有冇外賣鍋底同配餸呢？如果有，我就行去深井一轉，攞番屋企慢慢嘆！下次行過問下老闆先，希望有啦！

第一次光顧呢間雞煲店店員服務幾好，幾friendly 本身唔係特別期待，始終深井出名既黎黎去去都係燒鵝、燒鵝同燒鵝😂💦我地2個人揀左個喜喜雞煲，小辣。雖然佢個香料味道層次唔夠豐富，但都夠濃味、夠麻！雞既肉質都ok既。最有驚喜係個黑松露「這不是餃子」，完全係我喜歡既口味；個雞煲已經好濃味，但食呢粒餃時，仍然食到幾香既黑松露味及香菇味！但如果你追求高品質既黑松露味，就免啦！另外，巧遇到好新鮮、鮮甜既萵筍，加曬分😂😂😂我地仲有叫一碟牛肉及豬潤。肥牛不過不失，豬潤就冇咩特別。總括黎講，主角雞煲雖然不及出面最出名個幾間咁好味，但如果住係深井，或者行完山想近近地食個雞煲，呢到都係個好選擇！

冬瓜乾貝螺頭鮮雞鍋，好鮮甜今日星期五突然想打便爐，就去左喜喜雞煲。門口無左個帳篷差啲唔認得。離遠認得位亞姐先知係同一間。星期五特別湯底「冬瓜乾貝螺頭鮮雞鍋」好鮮甜，一黎我就飲返碗先。鍋內除左有大大片螺頭仲有瑤柱、乾貝。份外鮮。我地叫左沙薑雞腳小食，次次黎都食，好入味。「炸響鈴」之前食過幾好食，但今次炸得耐得制，有啲硬。「皇帝菜」唔夠嫩「三色丸」呢個好食，新鮮自己打既彈牙質感。特別係蝦丸。鮮味滿分。「黑椒牛丸」一般般「墨魚丸」大大粒又彈牙，呢碟正。「美國肥牛」幾款肥牛之前都試過，今次試呢款都唔錯，不過就唔係塊塊都咁嫩，但九成都ok。「雜菇籃」鮮冬菇ok，但份量少「自製韮菜餃」咸到不得了蒜蓉一碟要$8呢間餐廳你話佢好好又唔係，好差又唔係。野食質素唔係碟碟都好食，但大致都ok。環境就差啲，台下好多箱，但都可能因為無左帳篷未有位置暫時放置。職員都是街坊feel，黎慣都同佢好熟。但如果質素唔保持水準，呢一餐兩個人700幾就會貴左d了。

呢間野聽人講話唔錯錯諗住去試下，點知又貴又唔好食 我真心唔明個服務費係比邊個 完全無服務可言 打邊爐黎講實在太唔值喇！ 兩個人六百幾蚊埋單 食放題仲好仲好食啦 大家唔洗特登去試 佢啲牛肉都麻麻 重點係個湯底 百幾蚊諗住都唔會差得去邊 但係個蕃茄蝴蝶腩係淡而無味 唔係好濃郁嘅湯底 好似就咁加左雞湯咁樣 其他配菜叫左半份 每樣試啲 雙拼要加5蚊 但每樣得兩三粒 要50蚊 對比出面打邊爐相對上真係較貴 菊花蜜自己煲嘅應該 但都係較淡相對遜色 真係好失望！

好坦白講深井真係一個好唔方便既地方 要我再黎真係無咩可能如果唔係老爺話食開呢間 真係彩佢有味 相信呢間係小店經營 員工好CASUAL同FRIENDLY 食物既種類都多 而且每日都有唔同既特價食物 又有小食可以嗌不過新年期間無特價是常識吧 都好合理嗌左「炸魚片頭 」一D油味都無 好彈牙！「小辣雞煲 」個汁好好味，掛住係每一舊雞上面 雞肉又好滑相信呢個汁如果撈紅薯粉一定好正！「鱔片 」雖然隻色望落一般，但食落又唔錯渦「手切牛」講唔上好鮮 OK啦..「黑松露蝦膠」黑松露味無乜，不過蝦膠打得幾好 日本廣島蠔,淥完好細隻 都係鐘意美國桐蠔大大隻.竹笙大大條,唔會碎濕濕,吸哂雞煲既汁 識食一定係咁食麻辣豬耳,好多配料 全部都好爽！一啖擺哂入口 

難得來到深井，原本想去食燒鵝，經過呢間火鍋雞煲店好香，一陣陣香味傳中黎，又見餐廳7成滿座，所以就入來試試入到去店員好有善招待，選了個近電視既坐位坐下來，看到餐牌除了有雞煲之外，還有羊腩煲等等，但最後還是選了招牌菜喜喜雞煲，因為兩個人既關係選了半隻雞，微辣，另外加了少少餸，九菜餃，雜菇同生菜，兩支asahi 等了沒多久，雞煲來了，賣相都OK, 份量都正常，可能因為叫了微辣既關係，覺得有點淡，最後叫店員加辣，加辣野味好多，雞味道不錯，可以一試!九菜餃味道就一般，但這裡勝在店員服務態度好有善，會不停幫你調爐既火，加湯，倒酒，是一間好親切既店鋪，下次會再來，試試其他食物!!

今日去了深井探朋友,友人不想去食燒鵝,所以去了這間雞煲店,涷涷地食,正. 叫了個大雞煲,及一些配料.但因為己經晚上9時,很肚餓.想叫個小菜吃,但居然沒有炒小菜,所以,便叫了個小食,頂住肚先.叫了個墨魚滑釀尖椒,雖然賣相好似有啲油,但吃下去尖椒依然很爽,很香的墨魚味,充足的餡料,所以每件尖椒都有料,沒有偷工減料.等了約20分鐘,雞煲終於送上,很多莞茜,加上濃濃的湯底,正好用來撈飯,湯底很香的花生醬香味,所以都蓋過了莞茜的味道.怕莞茜味的朋友都沒問題自製雲吞果然是必吃之選,雖然得6粒,但每粒都很飽滿,滾耐了都不會爛開,餡料只得蝦,沒有其他,足料,很爽口,很新鮮.脆鯇魚片,好大件,望下去都很新鮮,滾一滾便食得,很爽,沒有骨,牛柳粒,內面還是有雪的,所以要滾耐一點,但耐了,肉質又變靭.油墨菜份量就好像小了點.埋單估唔到一般飯店都有加一,好像有點貴.

整體不錯! 用料新鮮，只是胡椒豬肚痴底，煮燶左，因此起初湯底都有陣燶味，之後加湯就好多了! 店員會先端來一鍋湯底，讓你看看那豬肚和雞，再提議為你剪成小塊，讓你方便入口。當她為我們剪細塊時，老爸發現有一塊豬肚燶左，馬上叫她剪掉不要啦! 不過，也難掩痴底的燶味..這個胡椒豬肚半隻雞的份量真夠多，豬肚究竟有幾大呀，我們4人吃到最後都仲見到豬肚!來個近照，用料也真多，有冬瓜，杞子，紅棗等，加埋胡椒，一定極滋補，又可以潤肺、強腎補氣、活血保暖!起筷了!! 順我喜愛的次序介紹吧! 午餐肉是必點的，而且這裡的並不是普通薄薄的，而是一磚磚的!再來一定是蝦丸，本來是要選手打墨丸，不過賣光光了，於是退而求其次，選了這個手打蝦丸，這太爽了! 好想再吃!!美國肥牛也不錯，脂肪分佈算是okay啦! 感覺就不太膩!鮮蝦雲吞也不錯!最後有兩個菜!!最後最後就是這個我忘了名字的，已經煮熟，就咁食又得，放湯灼一灼又得! 不過，味道不怎麼的! 

昨天約了小學同學一起去了已聽聞很久的喜喜雞煲食晚飯, 水準真是神級, 尤其是炸物首次吃這麼好味的魷魚鬚及炸東瓜, 因為是剛炸好即上枱所以口感超正, 而且脆而不油, 真係要比個讚佢! 這些衹是前菜, 之後上主菜: 招牌雞煲未吃先聞到勁香,已經口水流, 食落除雞肉入味湯底足料, 可送四碗飯,  之後再來個特色猪肚雞煲又是另一美味之選, 猪肚爽又入味加埋D湯底有少少微辣真是神級, 之後再用回湯底打邊爐一點也不浪費, 最後來個早一天訂好的荷葉飯, 簡直嘩然如何可以做出這麼好味出來的, 一般吃到的荷葉飯都比較硬, 但小店內做出的飯身很香軟加埋配合得天衣無縫的餸菜簡直無話可說。 服務生也很友善細心寧聽我們的要求, 而且一一做到。 再講個廁所十分乾淨, 是少數乾淨的食市廁所。 

答案當然不是啦！這天山長水遠入深井，不是吃燒鵝，而是來吃雞 - 新開的「喜喜雞煲」小店。小店裝潢走簡約路線，各款菜式及價目就這樣貼在牆上，隨意卻又很方便看。「新鮮鮑魚重慶雞煲」(雞煲$198)鎮店的招牌雞煲，特別加了要了生料鮑魚。鮑魚還是活及會動的！店主透露，醬汁用十三種秘制材料製作，味道辣而不嗆喉，雞肉是雪藏貨，但也不是重點，因為醬汁的惹味已蓋過雞的味道。鮑魚肉竟然出奇地韌，有進步空間，反而炆透了的洋蔥比它還搶手！「咸酸菜花甲雞煲」另一新出的雞煲，比較之下是更對我胃口，因為我本身就很喜歡吃咸酸菜！味道有點像雲南米線，但就多添了一份海鮮鮮味，花甲沒有沙，雞件也嫩滑。若你喜愛胡椒湯，也可一試這「原個胡椒豬肚雞鍋」$258，原隻雞埋進豬肚內。侍應會在人客面前將豬肚剪開，再品嚐內裡的雞肉，也蠻有特色。此店除了有各式雞煲外，還有各式生料如老友鬼鬼(油炸鬼釀蝦膠)、自家制水餃、各式海鮮等，是間選擇蠻多的食店。

終於試左朋友講呢間位於深井既喜喜雞煲, 雖然地點僻遠小小,但當嘗試左佢地出名既雞煲之後, 都覺得直回票價, 雞一d都唔覺得係冰鮮雞, 有雞味之餘, d辣味又剛剛好, 聽老闆介紹, 最近還推出串串燒, 即刻order幾款試下, 原來都有好多撰擇, 我和幾個朋友撰左燒飽魚同生蠔, 全部都好新鮮, 仲有我既至愛燒菠蘿, 味道一流, 好多謝朋友推介呢間雞煲比我, 下次有機會再來!是晚每人平均消費約HK$150-200

一直都想好好的為大家報道於深井的每一間餐廳！但因為工作太忙！所以自從上次寫完發記以後就沒有再寫！而今次這間喜喜雞煲確實激起我再次寫食評的衝動！眼見在深井有很多小店開張，結業！而可以脫穎而出的，小之有小！本人以後會再有詳盡報告！雞煲，在這兩三年可以說大行其道！有雞煲的地方，在冬天可以說必須要排隊吧！弟一次去試這間雞煲是星期六睌的七點四十五分！沒有訂枱的我心諗今次不知又要等多久！因本人是住浪翠苑的，歩行至喜喜雞煲必須路徑其它餐廳！眼見那間在深井打出名堂的火鍋店也大排長龍！心想大鍋了.....點知一去到，𥚃面只有三兩枱客...........記憶中，真的好像沒有試過不用等的雞煲店！但原因很快就出現！我們點了一個雞煲，牛肉（店內聲稱最好的），什麼鬼油條，還有一些火鍋會叫的配料！雞煲：上枱時感覺還可以，顏色同香味也不錯！試吃弟一件，感覺上味道很重！只可以說味道是夾著很濃的味道！很咸，但雞肉卻沒有什麼味道的！差差差！我們大家也同意張D雞夾出來然後加水食其它配料！但很可惜那個濃湯令我們完全分不出食物的味道！那碟招牌手肉也不需要我再加說明白！全晚最好的就要説D啤酒夠凍！這個位已轉手好幾次！睇黎....

星期五晚同HONEY第一次去lei間雞煲食野,之前都見到lei間野逢假期都好多人等,所以每次都食唔到,但今次因為第二日係假期,所以晏d先去食都ok,因我住深井,9點多落去真係開始冇多人,我就即管睇下你有幾咁厲害,我同honey叫左半隻小spicy ge雞煲,仲有菜盬,老友鬼鬼,九菜餃同2支啤酒,個d雞真係嫩到不得了,而我最推介ge係老友鬼鬼,佢係d油炸鬼包住d蝦膠,只係滾幾秒就食得,食落口仲脆卜卜,感覺好得意,服務態度方面,入面員工唔係好多,但個個都好有笑容,仲叫我地唔好叫咁多野住,話驚我地食唔哂,所以覺得lei間野好真心對每位人客,食到有人情味,所以我一定會帶d朋友再黎食.最重要係埋單都係$330到,真係抵到爛,

因搭車經過見到深井新開雞煲，所以星期六同三個朋友去試下，可能因為星期六所以都好多人，嗰到有十幾張枱，我哋七點幾到，要等位，不過等咗十分鐘左右就有位。應該訂枱好D。第一時間叫咗個雞煲中辣，因為話要等十幾廿分鐘，所以叫咗兩個小食，炸雞軟骨。食咗啖炸雞軟骨，好脆，嗱嗱聲叫啤酒！雞煲D雞幾嫩滑，而且雞味難得地冇比辣味搶走，仲食到些許香料味道。入面有洋蔥，唔like，挑晒出黎先，我最鍾意入面有勁多莞茜，好香。仲叫咗個蝦膠釀油炸鬼，可以即食又可以落煲烚一烚，不過烚就正啲，脆脆哋又有湯汁。 食物味道幾好，但真係地方迫D。

早排食過一次「翻層味」，本來想星期想encore再食，但要等位，後來侍應姐姐提議外買回家。哇，真係未試過外賣一個鍋同配料打邊爐。上次試了雞煲，今次改食胡椒豬骨煲，再叫了老友鬼鬼、水餃、同薯粉返屋企。屋企人亦好醒咁去百佳買魚片同菜，因為平ｄ又份量多ｄ。胡椒豬骨煲入面的豬骨好大舊，仲有雞腳，好足料，胡椒味夠濃，但又唔會搶到其他食物的味道，唔錯唔錯。老友鬼鬼上次食過，可能今次改左湯底，無上次用雞煲咁入味同濃郁。本來屋企人唔比叫水餃，因為百佳抵好多，但我堅持要，因為上次食過好味，餡料同餃皮的份量適中，唔會過多或過少。計計數，下次可能都係外買抵ｏ的。