喜惶點心專門店

營業中

休息中

今日無咩胃口出面又落雨於是叫左個外賣套餐,  選擇非常多,而且可以whatsapp落單非常方便而且外賣少有唔使加錢, 效率亦非常之高, 落單後20分鐘左右已經送到蒸飯套餐 A+B+C $54 皮蛋瘦肉粥+京城蜜汁叉燒包 + 白灼菜心 送 是日老火湯今日老火湯係冬瓜豬骨好夠味之餘感覺到係無味精, 皮蛋瘦肉粥好足料,  叉燒包仲要係煎嘅,  好有誠意, 白灼菜跟一個蠔油食曬幾樣野已經好飽, 非常抵食下次會再幫襯, 良心企業💛

其實piggy都好鍾意食點心，不過放假又唔想咁早起身，平日晏晝又好難搵腳，所以一見到呢個“一個人的浪漫”點心拼盤就梗係要試下佢啦😬 8樣點心樣樣都足料好食，香片茶都好飲，加埋茶錢都係六十幾蚊好抵👍

炸鮮奶真係由細食到大 每一次去茶樓見到有 都一定會嗌🥳呢一度最特別係佢有蜜瓜炸鮮奶🍈🥛外皮炸到金黃香脆 內餡非常之軟滑 仲有淡淡嘅蜜瓜清甜味😍食落唔會好油膩 甜而不溜 真係好正！！

有咩開心得過仲有幾個鐘就打八號風球，而你啲朋友仲特登搭車出來同你飲茶，仲要係💛店🦋燒汁牛肉蝴蝶餅$35呢個係小店嘅「招牌」之一🐮塊牛肉有口感得來架入味，配夾餅同青瓜好滋味😋🦐晶瑩鮮蝦餃$35
咬入去全部都係彈牙嘅鮮蝦，口感好爽呀🥰🍞竹炭熔岩奶黃包$26雖然個樣好似比人打左一拳咁😅但真係好似「熔岩🌋」咁持續流心🫢🍖醬皇金錢肚$30呢個一樣係飲茶必食🫖入味又有咬勁，係個蘿蔔爭啲🫔蜜汁叉燒腸粉$28每一條小腸粉都好飽滿，好足料！🐟芥末沙汁三文魚春卷$32芥末沙律醬唔會太刺激，酸酸地配香脆唔油膩嘅春卷就絕配🤤🍈蜜瓜炸鮮奶$30食幾多次都覺得係維他蜜瓜奶嘅味道🥛脆漿超薄，口感奇妙🍠紫薯南瓜小丸子$21今次嘅新嘗試！個皮有啲似鹹水角，餡料幾mushy，encore!

𝕄𝕠𝕟𝕘 𝕂𝕠𝕜 • 喜惶點心專門店 🐂📍九龍旺角通菜街𝟙𝟟號地鋪:::::::::::::::::::::::::::::: 有「牛肉世家」之稱的喜惶點心專門店，選址熙來攘往的女人街，不時大排長龍！原來店家是一個四代的牛肉家族，九龍城最出名的李輝記牛欄是由爺爺創立，保證百份百新鮮牛肉製造，真材實料。點心選擇創新吸引，款款都值得推介，是旺角首選的高質點心好去處✨🦋燒汁牛肉蝴蝶餅 $35🌽栗米煎牛餅 $28🐂免治牛肉腸 $30👅XO醬炆牛脷 $32🧆乾蒸牛肉燒賣皇 $32牛肉點心是這裹的主角，肉味香濃，栗米煎牛餅是以粟米漿包著牛肉餡去煎，香口脆卜卜！燒汁牛肉蝴蝶餅也是鎮店之寶，將蒸過的白麵餅夾著牛肉餅，很特別的配搭😮🦀蟹肉菜苗燒賣 $32🍤鮮蝦腐皮卷 $30🗞芥末沙汁三文魚春卷 $32🐟尋味沙汁墨魚餅🏔酥皮焗叉燒包 $29 🌋竹炭熔岩奶皇包 $26燒賣加入蟹肉、蝦肉及菜苗，相當飽滿！推介三文魚春卷及鮮蝦腐皮卷，蝦肉新鮮彈牙，不過炸物會較為油膩。包類正常發揮～🥭芒果布甸 $21🌸桂花糕 $21甜品也有驚喜，芒果布甸裡有粒粒芒果，與花奶絕配 🥛🥣是日老火湯 $10滿碗都是湯渣的老火湯，無味精

經過路過咪特登入去買外賣試吓囉。。。咁我咪落單囉。。點知有位侍應幫我落單嘅時候。。。我就明明落咗叉燒包。。。返到屋企開嚟睇嘅時候發現俾咗叉燒腸。。。跟住當然拎返落去換啦。。。我就同侍應講明明我落叉燒包。。。你俾咗叉燒腸啊。。。跟住侍應就話你冇落到叉燒包落咗叉燒腸。。。個侍應仲有覆單係講叉燒包。重點係佢覆單嘅時候係講叉燒包。。。個侍應仲要我拎多21蚊出嚟買籠叉燒包。唔係21蚊嘅問題係。。係個侍應屈我。因為間餐廳有幾個客人食緊嘢。所以不想和他爭執。態度極差。。不會再返轉頭😡😡😡😡😡😡😡😡😡😡

以前飲茶食點心都係日間既活動，但隨住點心專門店🫖相繼開張，夜晚都可以一盅兩件，慢慢飲茶吹水。蟹肉菜苗燒賣 $32蟹肉🦀用左蟹柳，咬開入面係🐷豬肉蝦肉燒賣，餡料都好實在。晶瑩鮮蝦餃 $35蝦餃外皮好薄，🦐蝦肉都好飽滿，上台時熱辣辣。醬皇金錢肚 $30佢個醬係好入味，但啲🐮肚唔係平時茶樓咁淋，係爽同少少韌。底下既白蘿蔔都係普通。蔥花炸兩腸粉 $26腸粉皮厚薄適中，入口好軟糯，唔會好粉好實。包裹住既炸兩都算脆口，係略嫌有少少凍左😣。同埋唔知點解搭左兩條甜豆。籠仔荷葉北菇蒸雞飯 $40望落啲米好濕，初初都好驚會糊口，攪拌完之後其實一啲都唔會，尚算粒粒分明🍚，吸收哂北菇雞🐤同荷葉🌿既香味。而雞件入味得黎，肉質都好滑，整體有驚喜。

叫左外賣套餐，點知職員話以為我散叫收左我正價，打去叫佢改返，又話改唔到🤬🤬🤬反到去，一打開個飯，有小強😠😠😠🤬🤬🤬真係無下次好彩得一個飯有，其他點心無事

真係好似好耐無同朋友飲茶咁！今次小編同一位老友走過來油尖旺試吓食好嘢先！今次真係無令小編失望！首先嚟到就唔使等位嘅！我哋叫咗六款點心嘅！表現都相當好！首先有牛柏葉，佢嗰陣都唔錯㗎，鹹鹹地！而且都煮得幾林嘅！好容易咬得開嘅！鳳爪個醬汁都唔錯嘅，唔好話太重味精，都幾林，而且啲花生都有啲脆跟住講吓山竹牛肉，山竹牛肉係非常之好食，直頭可以話一定要叫佢，佢又唔係蒸到全熟，而且都幾大粒，仲要幾有牛肉味，完全搵唔到瑕疵！加上喼汁，直頭係完美之後蝦餃都算大粒，雖然皮厚左少少少少，但係啲蝦仁都好大隻！咬落佢度幾鮮，口感都唔錯！之後有個黑色既流沙包！個涵都幾甜嘅，而且都好鬆化！最後金錢肚，表現就比起其他五個點心係差少少，金錢肚個醬汁就OK嘅，唔好話太鹹，如果再林啲就會更加好啦！服務態度都好好嘅，坐得都幾舒服

女朋女openrice左呢間係旺角好多好評既點心鋪，於是我返完夜就同佢食個點心早餐先再返屋企休息~鋪頭係女人街，有上下兩層，我地叫左推介既乾蒸牛肉賣、粟米煎牛餅、酥皮焗叉燒包同埋柴魚花生豬骨粥乾蒸牛肉賣呢個好好食，出面都好少點心鋪/茶樓有得食，牛肉配芫茜，正！粟米煎牛餅煎牛餅香脆，仲有粒粒粟米增加口感，不過不失酥皮焗叉燒包酥皮有d鬆散，唔夠脆同厚，包既味道ok!柴魚花生豬骨粥個粥熱度唔均匀，面凍入面又熱，似叮熱😵‍💫整體食物唔算太有驚喜，價錢都唔算平，大概$30一碟，仲有個侍應叔叔個口罩長期拉左去下巴度..疫情下唔太建議食下次再試其他點心！

我地兒時會陪屋企人假日去酒樓食傳統點心，但近年小編留意到多咗好多新式點心專門店，更加迎合到現時年輕人口味同有新鮮感，點心既材料同賣相亦同以往有所唔同😋。 而且依家飲茶既文化普及咗，唔洗一定要去酒樓，靜靜地去點心專門店都可以嘆到一盅兩件🥡。✦✦✦✦✦✦✦✦✦✦✦✦✦✦🎈粟米煎牛餅 $25呢款粟米煎牛餅係呢間餐廳必食之選，外層炸得非常香脆✨，香口食物大人細路都鍾意食，而內層包咗好多餡，尤其栗米粒，卜卜脆。而賣相整體脹卜卜咁，記得一定要襯熱食呀🔥。✦✦✦✦✦✦✦✦✦✦✦✦✦✦🎈乾蒸牛肉燒賣皇 $29平時既燒賣都係用蝦、冬菇同豬肉為主🍖，而呢款牛肉燒賣肉味都好濃郁，亦能保持燒賣應有既水準，彈牙口感，鮮味十足👍。✦✦✦✦✦✦✦✦✦✦✦✦✦✦🎈竹炭熔岩流奶皇包 $24賣相唔錯， 餡料杰身咗少少，仲食到奶皇一粒粒既材料，唔算太滑身，會流出嚟既質感，但勝在外貌吸引，適合打卡🍞。✦✦✦✦✦✦✦✦✦✦✦✦✦✦🎈香煎沙嗲牛肉包 $34小編覺得呢款係新嘗試，味道都幾夾，包皮比較厚身，而入面沙嗲牛肉係香港人茶記常見，都可以加入係包之中，夠哂港式🤗。香煎過既包皮更為脆口啲，味道仲無咁寡👀。✦✦✦✦✦✦✦✦✦✦✦✦

呢個星期日同屋企人去旺角食點心💖喜惶已經食過好幾次啦😇次次黎到都要排半個鐘左右隊😚呢度聲稱自己係牛肉世家🐮所以今次嗌左兩樣牛肉嘅點心食😉粟米煎牛餅✨牛肉味幾濃😋仲有啲肉汁添💓煎得又香脆🫶不過唔食芫荽嘅朋友要注意啦🤣佢落咗少少芫荽嘅😆荷菜黑椒牛仔骨飯牛仔骨整得唔硬 易咬口👌黑椒落得都幾重手不過可接受😗但可惜個荷葉飯好濕🥲早知就就咁叫個黑椒牛仔骨算🫣蔥花炸兩腸粉✨炸兩雖然俾腸粉包住同比豉油浸過😜但都仲係好脆身😋好味到好快就俾我地清晒😝酥皮焗叉燒包✨個包幾軟熟🍞上面嘅墨西哥皮好酥脆😉入邊叉燒餡多啲會更好😎咁就更加唔使食添x運啦😌鮮蝦炸雲吞✨兒時回憶～細個係酒樓飲茶必嗌🤩呢度嘅炸雲吞都幾好味😋炸得唔油膩～雲吞皮脆卜卜🤩蝦都幾大舊🤓鮮蝦腐皮卷豆腐&腐皮控每次飲茶都會嗌腐皮卷😜呢度嘅腐皮卷啲蝦都落得都幾多🍤但煎得偏油～味道中規中矩🫶晶瑩鮮蝦餃今餐食左好多蝦🍤叫埋飲茶必嗌嘅蝦餃～就放過啲蝦啦😛蝦餃個皮都幾薄幾煙靭👍味道不過不失😊海苔香煎蘿蔔糕係出邊食嘅蘿蔔糕都預左係粉多過蘿蔔🫣但佢係蘿蔔糕面上加咗啲紫菜👍煎得都幾香口🤓好食得過嘅👌行開旺角油麻地嗰頭💖如果又咁岩想食點心😚喜惶都係一個好好嘅選擇🤓價錢一

喜惶點心專門店朋友話想食點心，前排就食咗呢間旺角都幾出名嘅點心，整體嚟講都幾好食☺️下午茶點心套餐42蚊會有2款，茶芥4蚊一位海苔香煎蘿蔔糕~$21蘿蔔糕有六細塊，好香口而不膩，而且加埋紫菜，食落口感好豐富竹炭熔岩奶皇包~$21一籠會有三個，奶皇包新鮮熱辣，一搣開，好多流心奶黃啊，正，而且又唔會太甜，必食推介蟹肉菜苗燒賣~$21呢個反而一般般，入面嘅蟹肉其實係蟹柳😂，勝在抵食，不過不失啦鮮肉灌湯小籠包~$21呢個反而令我最驚喜，小籠包充滿湯汁，點埋少少醋食，一流芥末沙汁三文魚春卷~$32三文魚春卷入邊有少少芥末沙汁，食落仲好香口添，芥末加埋青瓜有種好清新嘅感覺，少咗炸春卷嘅油膩感覺👍🏻喜惶點心專門店🏠：旺角通菜街17號地下☎️：28821683

無啦啦有日朝早好想飲茶，又唔想入中式酒樓，所以就揀咗呢間食第二次既點心餐廳。呢間餐廳喺旺角通菜街地舖。一入到去坐低無耐，侍應好好人，直接問我哋想飲鐵觀音定係普洱茶。有樣嘢同普通酒樓唔同嘅係呢間餐廳叫點心唔係tick點心紙，佢哋係用一張過咗膠嘅點心牌同一支紅筆比客人叫點心。我都幾欣賞呢間餐廳用咁有環保意識嘅idea比我地去叫點心，而唔係用無限張紙叫點心。同埋呢間餐廳主打其實係牛肉系列點心，但係因為友人唔太愛牛肉，就簡左牛肉以外既點心。竹炭熔岩流心奶黃包❤️我諗呢款真係我最愛黎，雖然今次奶皇包有啲賣相唔係幾好，可能樓上既蒸籠漏咗啲奶黃汁落黎，但係真係好好食，每一啖都感受到奶黃係個口入面，絕對有驚喜！！😍😍XO醬炒蘿蔔糕呢款點心都幾有驚喜，仲要有埋芽菜。啲芽菜係底，然後索曬啲XO醬，好好味🥰蟹肉菜苗燒賣、名醬蒸美國鳳爪、晶瑩鮮蝦餃呢三款同平時係中式酒樓飲茶既點心都無咩分別，但係可以試下其他特別啲嘅點心。

有時夜晚會突然間好想飲茶🫖不過夜麻麻邊有酒樓仲有點心食咁啱比我係旺角揾到間點心店仲主打食牛肉點心🐮所有點心即叫即蒸有啲款係岀面都未見過添啊😯——————————————————🍴乾蒸牛肉燒賣皇($32)牛肉燒賣真係唔係到到都有最多平時食叮叮點心先見到🤣難得仲要係新鮮牛肉整🤤當然要食下燒賣包到勁大粒😆啲牛肉多到要爆岀嚟咁勁熱辣辣♨️仲幾有肉汁添咬落唔會好實👍🏼值得一試——————————————————🍴陳皮山竹牛肉球($28)陳皮味都幾岀下牛肉球用筷子🥢好易就分開到👍🏼證明唔係勁實個啲加埋啲馬蹄一齊食 增加口感🤟🏼不過喼汁唔算好酸🤣可以叫姐姐加多啲——————————————————🍴晶瑩蝦餃($35)睇相都知佢有幾晶瑩😆食落都叫皮薄餡靚👍🏼一粒蝦餃入面都幾多蝦下🦐蝦餃真係飲茶必叫啊😉——————————————————🍴沙嗲牛肉包($28)蒸沙嗲牛肉包都係第一次聽😂平時去飲茶都係食叉燒包同奶皇包食落沙嗲味唔算勁濃 啲汁同牛肉都算多不過唔算好大驚喜貪得意試一次都無妨😝——————————————————🍴蒜蓉南瓜蒸排骨($24)唔好以為佢睇落咁白會無乜味😂食落蒜味超重 絕對夠味👍🏼底個到