喜泰味

營業中

休息中

朋友話有間好抵食又高質既泰國餐廳, 今日一於試試佢!一入到餐廳 店員就送上蝦片小食, 食左咁多次泰國野真係第一次食泰國野有蝦片送 好好見到個二人餐好抵食 有一款菜, 3款主食(選一款), 包兩碗白飯及兩杯飲品, 二人套餐只係$188+1! 優惠價仲可以加$38簡多款小食, 非常之抵食!我地簡左馬拉盞炒通菜, 新鮮熱辣炒起 好足料 十分之大份!通菜亦都好爽口另外要左椰香青咖哩雞煲同蒜蓉包一黎到已經好香 食落去唔會好辣, 配埋飯岩岩好!同埋真係好足料! 我地2個人都食唔哂!蒜蓉包既份量都好多, 有6塊 好香蒜味同好脆, 正!!餐飲我地就嗌左杯芒果沙冰 唔好會甜 味道岩岩好黎到長沙灣想食泰國野真係可以黎試下 非常足料抵食, 地點又就腳 好近地鐵站, 長沙灣地鐘站A1出口行一分鐘左右就到.

星期六，再次光顧水準依然。店舖面積不大，但一般泰國菜式應有盡有，環境還算可以。咖哩炒蜆味道一流👍海南雞水準有點飄忽，下午茶價錢十分抵，湯河好好味。其他菜式如炒飯，炒河都掂。

最近先知道原來麗閣商場大裝修，外觀改建成箱一樣嘅商場，入面嘅裝飾好有文青風格，有唔少打卡熱點之餘，仲進駐左唔少新餐廳！呢間泰國餐廳位於外圍，唔使入商場就到，望落似新開，仲做緊唔少嘅優惠🤣一坐低店員就送上蝦片😋😋泰式海南雞 半隻 ($48) (晚市堂食優惠，原價$128)半隻嘅份量比想像中多，每一件雞都已經去晒骨，雞下面仲有菜心添！雞肉肉質嫩滑，食落去唔會好乾，點埋個汁非常惹味，再配埋旁邊嘅生蘿蔔絲，又健康又好食，推薦！蝦頭油鮮蝦炒飯 ($88)用咗蝦頭油嚟炒飯，食落其實蝦頭味唔算好重，但係真心好食，炒得好乾爽之餘，亦都唔會太鹹，配料都好豐富，包括咗好多隻蝦🦐旁邊仲有幾條菜同埋青瓜，感覺健康晒🤩雪山芒果糯米飯 ($58)好耐冇食過芒果糯米飯，而呢款最特別就係加埋椰子雪糕，張椰子汁、椰子雪糕撈埋黑白糯米一齊食，成個口都係奶味，完全唔會覺得膩🤣芒果沙冰 ($30)泰式芒椰西米 ($30)喺椰奶入邊加咗啲芒果糖漿，都埋一齊好飲唔會太甜，仲有太大粒嘅西米添，都算係第一次食咁大粒嘅西米🤣

今晚同屋企人嚟到長沙灣嘅喜泰味食dinner餐廳唔係喺商場入面，而係喺商場對出一啲好似貨櫃嘅建築物入面，好有特色夜晚7點半去到都接近滿座，而且好似有好多街坊喺度買外賣啲餐具碗碟擺到好整齊，感覺都幾衛生企理未叫嘢食之前已經會有免費嘅蝦片送上咁我哋就決定試吓個二人餐($188+1)，然後再用套餐優惠價加咗4串串燒($38+1)首先嚟嘅係牛肉串燒，啲牛肉上枱嗰陣仲係熱辣辣同埋好香。啲牛肉唔會乾，配埋個沙爹花生醬真係好唔錯我哋揀嘅係馬拉盞炒通菜，啲菜嘅份量比想像中多，大大碟我哋另外一個揀嘅係椰香青咖喱牛腩煲，青咖喱有好香濃嘅椰奶味，食落去啲甜味會中和咗啲辣味，好啱我呢啲唔係好食得辣嘅人個二人餐都會跟兩碗白飯餐飲我哋就揀咗唔使額外加錢嘅凍檸蜜，飲落去感覺好滋潤啊雖然二人餐得兩個餸，唔係可以食到好多唔同嘅嘢，但係因為佢份量都好足，同埋計返應該比較抵食，所以我都幾推介呢個二人餐嘅

坐低嗌完嘢食之後，店員就會喂我哋掃上一碟蝦片作為餐前小食，個蝦片都幾新鮮幾脆，而且餐廳入邊亦都有得單買一包蝦片作為零食，應該係蝦片係餐廳自己炸嘅。叫咗個二人套餐，$188有一個青菜一個肉類，兩個白飯同埋兩杯嘢飲，其實都幾抵食。青菜要咗馬拉盞炒椰菜仔，味道唔錯，唔會太油膩，但略嫌烹調時間不足，所以啲菜有啲硬。肉類要咗黃咖喱牛腩，牛腩煮得好林好入味，配料有好多三色椒同埋洋蔥，本人比較鍾意茄子同埋青豆多啲。仲叫咗四串串燒，豬肉雞肉各兩串，燒得幾惹味，個醬汁都唔味。

今晚約左朋友去長沙灣個頭食泰式野！嗰到環境真係好靚，坐得好舒服好舒適！係呢個屋村商場設計亦都非常之靚！入到去店員服務好好，幫我哋安排好晒咗位，準備晒所有嘅餐具，亦都會介紹餐廳人咩主打菜式。事不宜遲，非常之肚餓，等我哋睇一睇個餐單有咩先！有海南雞，有泰式炒菜，湯飲同烤肉等等，亦都有一啲泰式嘅飲品！於是我哋嗌左個二人套餐！主菜想嚟之前店員送咗一碟蝦片比我地食，好鬆脆好好食，卜卜脆。馬拉盞炒通菜好味指數：10/10新鮮熱辣，炒到啱啱好，啲汁炒都入晒味，通菜亦都新鮮爽脆！非常之好食好味！我同朋友食到停唔到口！椰香青咖喱煲（牛腩）好味指數：10/10非常之香甜，椰香味好重，唔會好辣，啲汁送飯非常之一流，一啲都唔覺得油膩！牛腩亦都非常之好食，索晒啲青咖喱汁，一啲都唔會太硬。泰式肉碎菜包好味指數：10/10泰式餐廳必食既菜式之一！百試不厭！肉碎嘅脂肪比例好平均，食落去入味彈牙，包埋啲生菜🥬，完全唔會覺得油膩！非常好食！飲品：泰式奶茶同青檸梳打好飲指數：10/10泰式奶茶同香港奶茶唔一樣，茶味唔太濃，但非常之香滑；青檸梳打，食完咁多嘢，飲翻啖，成個人清爽晒！最後餐廳在送咗一碟小甜品。成個服務態度非常之

喺麗閣商場搵到呢間食泰國菜嘅餐廳裝修都幾別緻入座率都幾爆，想食的話早少少度可能會比較好佢哋有個抵食二人套餐，$188就會有兩個主菜兩個白飯同埋兩杯嘢飲另外仲可以加$38配薄餅或者串燒而其他菜式嘅選擇種類亦都非常之多價錢亦都唔算太貴坐低咗之後店員就會主動提供嗰啲蝦片俾我哋試吓係今次呢個套餐入邊我哋揀咗半隻海南雞佢嘅海南雞係屬於無骨肉質都相當鮮嫩有雞味配搭埋海南雞嘅酸辣醬送飯一流份量都幾多下而令一個就叫咗泰式炒通菜通菜本身亦都幾飽滿火侯時間控制亦都唔錯調味亦都啱啱好飲品方面我哋分別加咗$8升級做三色冰同埋芒果西米冰飲品味道都唔錯唔會有死甜感覺三色冰嘅口感幾得意值得一讚係佢上菜嘅速度好快另外我哋仲追加左個串燒由於有選擇困難症嘅關係我哋主動詢問職員叫邊一款會比較好食佢哋都主動推介豬結果都冇令我哋失望肉汁好多之餘仲保留住豬肉嘅彈性，唔會因為燒而令到啲汁乾晒❤️最後仲會送個甜品

今日同男朋友喺長沙灣行街，上網見喜味泰依間餐廳嘅嘢食好似幾吸引，就一心諗住去試吓啦，咁佢嘅裝修都幾正常反而有啲似普通茶餐廳咁，咁我哋一坐低佢就擺低咗一盤蝦片俾我哋食，咁我哋就叫咗海南雞，因為佢晚市做緊特價，海南雞好滑肉質夠嫩，之後仲有叫左泰式炒椰菜苗，椰菜苗都係第一次食，菜炒得好香而且菜本身帶有甜味，好吸引人胃口，之後仲有叫咗四串串燒，佢好好人幫我可以兩串豬肉兩串牛肉甘配，串燒上面有少少椰漿味，夾埋都幾吸引，而且咬落唔韌，而主食方面就叫咗菠蘿海鮮炒飯，佢好特別地係用一個菠蘿裝住，賣相十分吸引，成個炒飯都好濃郁嘅菠蘿味，而且海鮮都好大隻成個飯都好好食，最後佢仲送咗個椰汁大菜糕俾我哋食，整體而言我覺得依間餐廳係好抵食嘅，價錢唔貴嘢食絕對值得一試。

今晚行過翻新咗嘅麗閣商場，成個裝修唔同哂，又見到開咗好多餐廳。近排天氣開始熱，食東南亞嘢好似幾啱feel，見到有泰式餐廳就行咗入去喇。一坐低，店員就攞咗一兜蝦片俾我哋。蝦片微辣，雖然係一般嘅泰式蝦片，但作為前菜都幾適合。我哋睇完餐牌，見到星期一至五有個二人套餐，有兩道餸、兩碗飯、兩杯飲品，比散叫抵好多呀！而且選擇都啱口味，所以就決定叫套餐啦。-牛肉串燒二人套餐加$38就可以加配原價$58嘅串燒。我哋揀咗牛肉。牛肉串燒燒得香噴噴，配上沙嗲醬，淡淡花生香味，等人未食都流哂口水！-泰式炒通菜泰國菜有樣好出名嘅飛天通菜。我哋碟通菜唔知有冇飛過天啦，但都好合乎泰式口味，係辣嘅😂蒜蓉，辣椒等嘅配搭好夾，好惹味。-黃咖哩牛腩煲咖哩望落好似麻麻地，不過食落就有驚喜！咖哩好重椰香，濃稠度適中，送飯一流。牛腩煮得入味，又唔會過火，咬落唔會過淋或者乾柴，唔錯。-飯後甜品 (送)-飲品:套餐可以加$8轉特飲或者加$11轉沙冰。我哋揀咗三色冰同泰式芒椰西米。兩杯飲品都由椰汁調配，充滿東南亞風味，飲落透心涼，令人回味去泰國旅行嘅回憶👍🏻

今天放工與媽媽到長沙灣泰國餐館用膳，因為很久沒有去泰國和食泰國菜。所以想食泰國菜。看到餐牌，忍不住打開甜品餐牌，看到泰國特色芒果糯米飯，很開心。我們最後點了二人餐，呢個餐很抵食。落完單，職員為我們送上蝦片，蝦片很脆，好好食。海南雞半隻，很香滑，肉質彈牙，很新鮮美味，再配上秘製醬汁，絕配。我們叫了泰或珍珠奶茶和絕泰色奶茶，唔會太甜，甜度適中，珍珠很彈牙。馬拉盞炒芥蘭，很爽，很脆，味道一流。食材很新鮮野味。泰式串燒，肉汁鮮味，很有口感，配上沙爹醬，又係絕配，燒烤嘅火力適中，肉汁唔會太乾。店員為我們送上椰子絲大菜糕，甜度適中，很爽口，冰涼度十足，最岩熱天食用。我們很滿意這餐，尋回泰國風味。可以再回來食。

疫情下放鬆少少, 終於可以去house warming, 之後到新屋附近的麗閣商場用餐。 麗閣商場在19年11月番新後走工業風， 以貨櫃及塗鴉作為主題， 係IG亦見到不少打卡靚相, 參觀完一輪之後我哋就搵咗間泰國餐廳用餐。餐廳裏面嘅二人套餐價錢ok，入座後尚未點餐就送上了一客炸蝦片，相當體貼。我們點了一個二人套餐，另加炸蝦餅同沙嗲牛肉串燒，食完好飽，好滿足，另外如果等到8點半后才入座，會有85折。二人餐188蚊，唔算好抵，有一碟炒菜( 我選擇咗泰式炒椰菜苗)， 主菜我選擇咗咖哩牛腩， 另外兩碗飯同飲品， 另外加38蚊有4條串燒, 同埋order咗一個熱氣到爆炸嘅炸蝦餅印像中好似係78蚊。炒椰菜苗好食， 唔淋，表面有油光但又不會感覺油膩，最重要是沒有腥草味。 只得白飯選擇，所以我只係order咗一碗， 咖哩牛腩夠淋入味,好多薯仔， 但薯仔切得太大粒， 咖哩味入唔到去。串燒最出色， 燒到表面有啲焦香，但肉質保持鮮嫩， 配搭沙嗲醬一流。 蝦餅都算大分， 啖啖蝦肉，脆卜卜， 配搭泰式雞醬， 好適合配啤酒。

係deliveroo叫左兩個午餐分別係馬拉盞雞肉炒河同埋青咖喱雞飯，每個餐要六十幾元。雞肉炒河入面只得3舊雞，青咖喱雞入面只得4-5舊雞，極度厄錢！完全唔值呢個價錢呀！我第一次食青咖喱雞入面係得咁少雞，大部分時間只可以青咖喱汁撈飯食，而青咖喱汁亦唔係特別好食，呢間絕對要blacklist，冇下次！午餐收得呢個價錢又唔係平，開門做生意會唔會過分左d？就咁比幾舊雞就算，唔明點解呢間餐廳仲會有人寫好評，完全係伏😡

今天和朋友一起到了這間長沙灣的泰國菜餐廳食晚飯，她推介這裡的pad thai好食。首先餐廳位置方便，長沙灣地鐵站A1出口行一分鐘就到了，而且空間也很闊落，不會人迫人，現在疫情期間也感覺安全。我們一到埗店家變送了免費的蝦片給我們食，點著青咖哩食十分不錯。我們點了一個二人晚餐，有馬拉盞炒通菜，青咖哩牛腩煲和兩碗白飯及飲品，整體飯菜不過不失。而且最後我們亦點了泰式甜品拼盤，芒果鮮甜好食，搭配雪糕及椰子糕十分好食。下次會再和朋友來吃

呢到位置好方便，地鐵站一出就係。呢到選擇都幾多下，同埋一開始會上蝦片。我同朋友叫左個蛋網鮮蝦炒金邊粉。平時食親PAD THAI都會辣辣地，呢個唔會辣，岩曬唔食得辣既我地。份量都幾多，鮮蝦大大隻，蛋皮煎得好薄。側邊有D花生碎，可以由自己簡要唔要撈埋落去食，個人覺得撈埋落去會香口D。另外，我地都叫左沙嗲雞肉串燒，有4 串，雞肉好大件，好厚肉，入面仲係嫩的。沙嗲醬夠濃郁，好香花生味。甜品就食左必食的芒果糯米飯，好驚喜! 芒果超級甜 ! 糯米飯一白一紫，上台時仲係熱辣辣。野飲就叫左杯泰式芒椰西米，椰汁味好重，同樣都係芒果好甜好滿足。咁樣一餐都係200幾，性價比幾高，而且位置又方便，下次黎開都會再食!

地點方便，長沙灣地鐵站一岀就到，活化後的商場特具特色，外牆好多街頭打卡位📸餐廳位置多，坐位都舒適😌點完食物，店員立刻送上蝦片🦐十分香脆可口，蝦味十足，而且不會死咸，帶少少甜味，免費小食加分👍🏻🆓二人套餐泰式黃咖喱牛腩🐮🍛牛腩份量都幾多，二人完全肉量十分足夠不過女仔食略嫌好大舊，如果細塊啲會細心啲😍牛腩部位十分冧，肥瘦適中，肉不會太蘇，吸收咖喱味道，很入味泰式黃咖哩落了少少椰汁🥥汁底稀了少少🤏送飯一流😚但如果配薄餅類就結身啲較好加了少少洋蔥🧅紅青椒🫑令味道更香🤩味道貼近港人口味🥸亦加了幾舊薯仔🥔十分飽肚馬拉盞炒通菜😋🥬味道重口味，少少辣🌶個人十分喜歡味道💕芒果沙冰🥭