喜泰味

營業中

休息中

一早起身諗唔到食咩落樓下望下，發現新開既泰喜味出左早餐系列仲要係少見既泰式早餐，一於試下！ 原來都幾好味，價錢又唔貴，香草味既湯底好醒神，仲可以轉金邊粉，食完成個元氣滿滿，值得一試再試！

兩個人眼闊肚窄就叫左咁多野...太好味唔想晒野最後番屋企飽到嘔會導致我食咁多都係因為個沙律勁開胃！呢個軟殼蟹可以唔使叫無咩味、唔香呢杯椰汁必叫！次次九層塔都食晒🤣

聽聞麗閣邨開左d新餐廳今日拉男朋友一齊黎試試😊一人晚餐都有不少選擇，都好吸引晚上8:30後入座全單85折，好似性價比好高免費送的蝦片非常脆口，鹹鹹香香很開胃有驚喜！泰式凍奶茶跟餐唔洗加錢👍🏼👍🏼味道不錯泰式海南雞飯 $68薑黃飯份量很多，男朋友都食到好飽雞肉大大件，美中不足沒有泰式沾醬，稍嫌欠風味濕炒海鮮河粉 $68一上檯被驚艷了擺盤不輸高級餐廳，presentation不錯海鮮份量充足，有齊鮮蝦、魷魚、蠔配菜色彩豐富，菇、芥蘭、椰菜花、蘿蔔、玉米筍河粉即叫即炒，有鍋氣gravy濃稠程度適中，不會搶了河粉的香氣炒河入口都幾滑，調味比較健康，吃完不會口乾木瓜沙律 跟餐$8份量幾多，酸酸甜甜很開胃有泰國街頭的味道冬陰功 細$98足夠2-4個人享用成個銅鍋上，下面熱住蠟燭，保溫一流適合冬天食，熱辣辣不錯配料很豐富，竟然有草菇慢慢都係海鮮😌😌😌👅👅值得一讚，服務員態度很好動作快手有禮貌，一定會再黎🥰

之前已留意到長沙灣麗閣邨有個好似韓國嘅貨櫃商場，原來入面好多美食，今次就嚟試吓佢哋其中一間嘅泰國菜，地點十分方便，一出長沙灣A1出口唔使5分鐘就到！呢度嘢食都有好多選擇，包括有燒烤類，湯品，小食，沙律🥗，海鮮🦞，粉麵飯等等坐低不久，就免費送餐前小食「泰式炸蝦片」，蝦片炸得好香脆，好有蝦味，不油膩👍🏻👍🏻泰式黃咖喱雞飯，雞肉嫩滑，黃咖喱🍛夠哂香濃，不會太辣，除咗雞肉之外，又有好多配菜：青椒和薯仔🥔！泰式炒通菜，通菜青綠爽口，加上泰式醬汁一齊炒，「正」呀😍😍冬蔭公湯，湯料十足，有好多海鮮：青口，蝦仁和魷魚🦑，味道非常之惹味，辣得又不會太搶口👍🏻泰式奶茶，呢個真係要抵讚，好香茶味又唔會太甜👍🏻👍🏻👍🏻👍🏻總結：兩個人食咗咁多嘢，都唔使$300！而且食物水準好正宗，以後唔使專登去九龍城食泰國菜啦！😋😋😋

一場嚟到深水埗 , 呢個麗閣商場轉變好大。有好多嘢食。 今日就嚟食下泰國嘢店長話呢度啲咖哩好出名咁我就叫咗個雞肉青咖哩青咖哩好香口小小辣 最啱香港人口味雞肉好嫩滑略然少咗啲配上伴菜豆角 分量都算可以蛋包金邊粉 呢碟好大兜 個蛋煎得好靚包住啲金邊粉金邊粉甜甜酸酸 配上幾隻生蝦分外惹味金邊粉用料都算幾足夠 大大碟兩個人食已經好夠埋位先嚟一碟蝦片小食 正宗泰國蝦片好香口最後嗌多兩杯珍多冰送飯珍多冰椰子奶味好濃沃 飲落去好順口

因疫情無法出遊 每年一次的泰國之旅泡湯可以泰菜又怎能放棄？約左朋友到她家附近的喜泰味試一試被安排門口附近的位置 位子寬敞舒適每一枱都有一樽水好貼心仲有蝦餅作餐前小吃菜單種類繁多泰菜控一定不會失望如果有選擇困難症仲有兩人餐同四人餐可以選擇 我地叫左四樣野share:黃咖哩牛腩煲($98)香烤薄餅($42)一上枱就香味撲鼻！唔食得辣嘅人都食得 入面有至少六七舊牛肉我地仲叫左酥餅點咖哩汁食 好好食沙嗲串燒雞($58)又點少得我喜歡的串燒！可惜的是沒有雜錦 只可以雞牛豬選一我地揀左雞好有驚喜 唔靭唔乾 配埋沙嗲汁花生嘅香氣真心不錯如果唔係太飽我都想叫多一碟豬串燒粉絲焗蝦煲($188)呢個煲一黎到我係嘩一聲份量太足了吧一大煲惹味嘅粉絲 加上大蝦好惹味！夠哂兩個人食！總的來說 食物質素幾好 性格比高 座位舒適 職員態度好好 餐廳其實仲有泰國啤酒！不過第二日要上班 唯有下次再試會再來的！

麗閣邨轉型後出面商場多了不少食店，今天和朋友試下這間泰國餐廳。環境很好，很融入麗閣商場安靜的氣氛，食物和飲品都不錯，很適合聊天暢談。一坐下便有小食贈送，有濃郁鮮味的蝦片，但不會太鹹，而且到我們吃完主菜後還保持爽脆。泰國餐廳都是賣象啤的，剛好象啤的餐牌很顯眼，朋友便提議點返杯。平時在家或在街蕩蕩下就用罐或樽直接喝，但有咁舒服的座位，當然是用杯喝最有味道。沒想到這個杯就有驚喜，是雪凍過的，能保持杯中的啤酒長期冰凍。很有心思和實用的服務。2個人就叫返適合的份量吧，1個咖喱、1個燒烤和1個炒飯。加上飲品已經很滿足了。咖喱份量很多，配料有雞肉泰國茄和豆角等，很爽脆也吸收了咖喱的味道。雖然是紅咖喱但也不是很辣，如果有白飯就一流。不算太鹹，能直接喝。泰式蝦醬炒飯，味道非常香濃，而且還有臘腸增加不同風格的味道，朋友最滿意這道菜。燒豬頸肉，幾乎每次吃泰國菜都會點。這裡燒得很爽脆，咬下去又彈牙又鮮甜，且有香烤的味道。霑咖喱吃也很不錯。每道菜式都有一些清新的蔬菜，維持均衡營養。2個人374，後來發現openrice訂位可以85折，諗住街坊幫襯所以沒有check左openrice先，但都不算貴~

長沙灣同朋友傾完計之後揾地方晚飯，朋友話有新餐廳🍴開咗，於是齊齊入咗去餐廳食飯，印象中呢個位置以前係老人院，咁快兼突然已經變咗餐廳，勁！入去之後發覺呢度都幾有空間感！同朋友兩條友食得唔好好多，叫咗個馬拉盞炒粉絲($80)、蒜蓉炒雜菜($72)、雪山芒果糯米飯($58)。啲嘢食好快就上枱，馬拉盞炒粉絲上枱時已經聞到香噴噴嘅馬拉盞味道，食落口唔會話有馬拉盞香味，雖然唔係話好燶郁同埋好辣，但係就啱晒我，因為我自己都怕太辣嘅嘢。蒜蓉炒雜菜上枱時都係熱辣辣，真係有好多種蔬菜🥬，同埋夠曬蒜香味，正！因為我自己就非常喜愛食garlic！甜品係雪山芒果糯米飯，有紅同埋白兩種飯，白汁有大量，同埋一個椰子味雪糕球！

麗閣邨附近開咗一個新嘅商場，有好多新嘅平民餐廳，而今次就揀咗間泰國餐廳嚟試吓。點完餐後，店員就送上一小碟嘅蝦片作為前菜。黃咖喱牛腩，特別之處係佢用砂鍋上，所以喺冬天嘅時候咖哩都唔會好快就凍咗。配菜同牛腩嘅份量各一半，個人覺得牛腩嘅份量可以再多少少。不過個牛腩就煮得幾好味，好冧一啲都唔乾柴，肥瘦適中。另外仲叫咗泰式滷水豬手，仲配埋雞蛋一隻。豬手嘅肉質幾好，好軟身。但唯獨是個醬汁有啲奇怪，感覺好似中式嘅菜式，好厚身嘅軒汁。

今日父親去探索附近區域，然後來到麗閣商場。平時都比較少去長沙灣，今日見到呢個商場雖然唔係好大但係都幾靚，見到佢唔係好高。爸爸話佢以前呢度唔係咁，附近嘅屋村多有啲舊。依家地面戶外開咗幾間舖頭都幾型。今日我哋就去試下呢間泰國嘢。首先佢請我地食蝦片。食泰國嘢梗係要試下pad thai, 本人至愛。佢都有幾舊蝦，個味整得唔錯。佢仲有層蛋係表面嘅。其他我哋仲叫咗一個蝦餅。呢個佢雖然寫三件，但係其實佢每件切開咗一半所以總共係有六件， 突然之間覺得都幾抵食。我哋每人食咗三件其實都好多。仲叫左馬拉盞炒通菜，兩個人平均每人百幾蚊。食完就去商場入面行下。佢入面都係食肆。多都有啲連鎖嘅食肆。其他嘢就比較少。都會有電器鋪 不過冷氣就比較凍，不過新開嘅商場都值得兜個圈。下次再去揾下呢度其他餐廳食。

今晚同朋友食晚飯，試左間長沙灣地鐵站旁的泰式餐廳<喜泰味>泰國菜，朋友勁讚抵食夾大件，仲可以飲番杯啤酒relax 一下，啱曬同朋友來聚下。餐廳都幾大間，坐得舒服同吾會好迫。餐廳供應多款不同的泰國菜，亦有晚市套餐供應，價格亦都吾貴。<芋頭焗飯 $98>芋頭焗飯好大煲，用鐵鍋盛着，熱辣辣上枱。焗飯入面材料非常豐富，有芋頭粒、大蝦、青口、冬菇、草菇、魷魚、腰果等等。焗飯飯質綿而不硬，而且吸收曬材料同醬汁嘅味道，飽肚又好食，係必食之選。<鐵板蠔餅 $88>蠔餅本身個蛋餅底好厚，而且蛋餅入面仲有好多蠔仔同芽菜，蠔仔仲吾細隻，隻隻都厚肉又juicy，又夠新鮮，非常好食。<泰式鳳凰雞丸 $58>雞丸吾算好大碟，但炸得金黃香脆，咬落去夠彈牙，配合埋甜酸醬，非常開胃。最後當然吾少得大象生啤同泰式奶茶啦!!~整體來講，餐廳乾淨企理，坐得舒服，而且亦不趕客，餐廳嘅食物質素水平都好好，而且價錢大眾化，抵食又好食，下次想食泰國菜，我哋又多一個平靚正嘅選擇啦!!~

同朋友打機打到肚餓，於是去左佢屋企附近新開既餐廳度食泰國野，我地叫左芋頭焗飯、鮮蝦炒金邊粉同兩杯飲品，留心聆聽之下發現餐廳播緊泰文歌曲，雖然唔知佢唱緊咩，但感覺都幾特別。叫芋頭焗飯既原因係因為用芋頭配飯出面其它地方比較少食到，上枱係用個鐵兜裝住，外層加個滕制既兜，店員都特別提醒個鐵兜好熱唔好點到，飯裡面既芋頭好粉，仲有東菇、肉碎、雜豆，腰果粒，混合埋芹菜的獨有味道，味道夠哂霸道特別，飯面加上炒過既海鮮，份量兩個人享用都夠。鮮蝦炒金邊粉: 中間奇趣地插了枝蔥茅，望落Funny, 外層由雞蛋包住，𠝹開就見到炒好既鮮橙色金邊粉，味道開胃，旁邊仲有炒過既花生碎同青檸比你自行加添調味。飲埋杯咸檸檬七喜，我同朋友就繼續上樓打機。

番工真係忙好攰，放工之後都唔想再番去煮飯，所以都係出去食算喇~ 我地就約埋係長沙灣等，有間新開嘅商場，好似係韓國嘅貨櫃商場，入面都有好多食肆小店，可能仲係好新所以人流唔算好多，唔會有一種壓逼感，我地就揀左間泰式餐廳食，因為職員好NICE咁為我地介紹美食，所以我地最後都入左去食。一入座侍應就送左一碟蝦片比我地食。我地叫左兩杯具泰式風味嘅凍飲。泰式凍奶茶茶底味幾香濃，味道好有係泰國當地飲嘅FEEL，而且煉奶味好香甜，飲落又唔會好膩，幾好飲。唔怪得知咁多人鍾意飲泰式奶茶。菠蘿沙冰口感好細滑，仲有陣陣清新嘅菠蘿味，個味一啲都唔會過甜同假，飲得出用新鮮菠蘿製成。小食拼盤可以一次過食哂四款小食，有鳳凰雞丸、炸蝦餅、炸魚餅、春卷，炸蝦餅同鳳凰雞丸嘅口感都好彈牙，炸蝦餅有好香蝦嘅鮮味。而炸魚餅就有好香濃嘅香茅味，春卷就炸到好脆口，加埋泰式辣醬食，味道好滿足。泰式燒豬頸肉次次去食泰國菜必點就係燒豬頸肉，呢到嘅燒豬頸肉份量都幾足料，外層燒至焦香，食之前點上秘製辣汁，非常之惹味。飛天通菜食落有少少辣辣地，見到用左好多辣椒、泰式黃豆醬，顯得更加香口同惹味，通菜炒得好有鑊氣，而且仲好爽口，好正。雪山芒果糯米飯最

呢日放工之後就同屋企人去左公司附近間泰國餐廳到食dinner。呢間餐廳喺屋村商場入面，呢個商場係用貨櫃整成，幾特別！入面既裝修都幾靚！打開餐牌，有好多唔同既泰國菜可以選擇！呢度會送啲免費既蝦片，幾好食！我地點左個泰式芋頭焗飯，呢個焗飯份量好大，入面有好多海鮮，包括魷魚、青口等等，焗飯好入味，正！我地點左個泰式甜品拼盤。入面有西米糕、千層糕同埋雪山芒果糯米飯，好豐富，又抵食！飲品方面，我地點左椰青同埋珍多冰！

今晚嚟到長沙灣呢邊食晚餐，好近站，出面呢度有好幾間連住嘅餐廳 ，貨櫃造型，好得意！我哋就選擇咗其中一間----喜泰味環境相當唔錯超級多嘢食一坐低，店員就會親切咁送上水同埋一碟蝦片， 以為係送嘅應該都唔會特別好味， 點知，原來真係好好味！沙嗲串燒牛，呢個串燒賣相吸引，肉質鮮嫩，已經醃得好入味， 再配埋特有嘅沙爹醬 ，真係十分好味！椰香青咖哩雞煲， 我真係好鍾意食呢個煲，其實佢有三款選擇嘅 ，有雞煲啦，牛腩煲，或者雜菜煲，由於我已經選擇咗串燒牛，所以呢，就選擇食雞，呢個煲唔單只得肉，亦都有好多蔬菜嘅配搭， 有豆類啦，金針菇，茄子等等。 主要係佢個青咖哩醬汁，實在係太好味啦！ 以往我食開嘅青咖哩，都覺得好辣！但係呢個可能因為有椰汁嘅中和佢就一啲都唔辣，但係味道就啱啱好，我可以用個汁，配送三碗白飯！蛋黃鮮蝦炒金邊粉， 色澤鮮艷 望落就好有食慾， 佢個金邊粉炒得好靚！ 鮮蝦彈牙！味道適中，分量又多！ 簡直係最值得叫嘅一道菜！