喜泰味

營業中

休息中

90s👦🐥情侶吃貨|😚飲食著數|🇭🇰hkfoodie🍽️(👦)自稱三星米芝蓮食評家(🐥)自稱拉麵沾麵專家👉 主打不專業食評🍽️👉 快閃飲食著數🤑____________👉 不專業食評🍽️.【二人套餐】HK$188【雪山芒果糯米飯】HK$58.(🐥) 首先要大讚呢間餐廳價錢親民，食物質素好，CP值高！一入座仲會先送上一籃泰式蝦片👍 今次揀嘅呢個$188 二人套餐真係好抵食！先講泰式咖哩牛腩煲，黃咖哩好有椰汁香同偏甜，唔算好辣，牛腩炆得好淋而且好夠多🤤 CP值係最高！套餐仲包咗馬拉盞炒通菜，配埋每人一碗白飯，仲有兩杯飲品！唔夠飽嘅話，可以嗌埋佢嘅招牌雪山芒果糯米飯，特別在於放咗椰子雪糕喺上面，加埋黑白糯米飯同椰子汁，仲有好甜嘅芒果🥭 成口都係奶味，但又唔會覺得膩，值得一試😋.🐥總分評價：⭐⭐⭐⭐(5/5)--- 食物：⭐⭐⭐⭐(4/5)--- 性價比：⭐⭐⭐⭐(4/5)--- 服務：⭐⭐⭐⭐(4/5)--- 環境：⭐⭐⭐⭐(4/5).(👦) 麗閣商場對👦黎講確實係一個好少去既地方，經過見到有芒果糯米飯已經好快決定左晚餐係邊度食啦☺️☺️ 見到餐廳有提供懶人選擇，就直接叫左個二人套餐！二人套餐可以揀個

收工來到附近的海麗邨新建的貨櫃商場朝聖一下，順便食個晚飯。呢間喜泰味，裝修環境都好舒服，播住柔和的泰國歌。我地坐低一陣，店員好nice咁送上蝦和水，蝦片鹹鹹香香，唔算好脆，但蝦味十足，好味。泰式海南雞 特價$48 (原價$128) 上菜速度好快。擺放得好靚，份量好多，雞肉質唔算好鮮嫩，但隔離個泰式醬好正，酸酸辣辣帶有蒜香味，送飯一流。泰式咖哩炒蜆 $108黃咖哩醬一流， 好有椰香味，個汁有少少稀，用來送飯食都唔覺得膩。蜆肉大大隻， 有鮮甜味。配料加入洋蔥，青椒，薑絲，爆香，好味。泰式奶茶 $22茶香味濃，有回甘味，比港式奶茶更甜，好飲。鮮椰青 $38清甜好好飲，椰肉容易刮開， 熟到啱啱好。

兩個人懶又唔想煮飯天氣咁熱最啱就係食東南亞菜見到依家泰國菜好似好抵食咁一於唔好諗咁多 入去試吓佢嗰$188嘅二人餐🌟炸蝦餅一坐低店員就立刻送上炸蝦餅蝦餅炸得非常乾爽唔油膩入口先是蝦的鮮味 後有胡椒後勁非常香口惹味🌟三色冰食泰國菜我都一定會叫三色冰一黎夠哂泰國feel😛二黎又可以解辣依度嘅三色冰真係要讚 非常地道每粒粉糰都包左馬蹄係入面 爽口彈牙飲完真係夠晒透心涼🌟芒果沙冰依家芒果當造當然要飲芒果沙冰夠哂解渴又唔會太甜 不錯🌟泰式黃咖哩煲上菜嘅時候我嘩左一聲🤣因為真係好大煲而且舀起上嚟牛腩都有好多件薯仔亦煮得入味而嗰咖哩亦充滿椰奶香又甜又辣再加上白飯令人吃不停🌟馬拉盞炒通菜馬拉盞炒通菜 重點當然係馬拉盞醬的紅色小蝦🦐呢度落足料 每次都一定夾到蝦仔而且落左唔少薑蔥蒜一齊炒咸咸香香非常惹味🌟椰汁千層糕食飯梗係要叫埋嗰甜品獎勵自己😎千層糕顏色唔浮誇 絕對唔係螢光綠色食得放心而且好香班蘭味 口感煙韌-餐廳坐位寬敞 叫多幾碟野食都擺得落最抵食嘅係8點半後入座除左套餐之外都有85折簡直係夜收工人士嘅恩物😍

趕得切係6點前入黎食，可以試到$28下午茶🥰老實講，呢個價錢我冇咩要求。但上枱時成碗麵present得好用心，完全冇因為價錢而hea整，非常唔錯👍🏻🐔泰式海南雞船麵（金邊粉）🍜湯底甜甜地，食完冇口渴已經有60分。海南雞有4件，肉都多，係雞胸同雞翼，質素以價錢而言及格。麵煮得爽滑，炸豬皮切了小塊放入麵，雖然冇平時食有成條炸豬皮咁正，但尚算炸得唔錯，對得住價錢😀😀跟餐仲有杯飲品，熱飲仲唔駛加錢，好抵！

🍴泰式生蝦刺身 HKD98生蝦本身肥美新鮮就好好食 好睇點嘅汁係點🙈今次個泰式酸辣汁好ok 辣度好夠帶有少少酸味 生蝦搭埋蒜粒同辣椒🌶️用黎做前菜好開胃😍 (如果唔食得辣建議唔好連辣椒食啦😚)🍴泰式咖哩炒蜆 HKD108一碟都幾多隻蜆 蜆肉都好肥美😋咖哩汁好香仲有蛋絲 用黎撈飯食都好好味🤪🍴蛋網鮮蝦炒金邊粉 HKD98呢個雖然個蛋網外表失敗左變蛋餅🤣但係入面嘅金邊粉比左驚喜我😍炒得唔會好乾帶有少少濕度 味道濃得黎又唔咸 但又好惹味😳入面嘅蝦仁亦都好彈牙 推薦‼️🍴沙嗲串燒 (牛+雞) HKD88串燒燒得好香口 配埋沙嗲醬都唔會唔好食👅不過牛就稍為韌左少少🤭🍴雪山芒果糯米飯 HKD58好少呢個甜品會有埋雪糕🍦🧜🏻‍♀️本身都好中意食呢個甜品 椰汁味道都好香 不過芒果可能因為雪糕比較甜而令佢有嘅遜色🥭🍴椰青 HKD38 + 龍眼冰 HKD33椰青甜度唔太夠🙈 龍眼冰正正常常 不過粒龍眼幾甜🤣另外送左蝦餅 香口得黎脆卜卜 仲有椰子果凍 質感好似大菜糕 味道偏淡🙈-✾味道覺醒指數: 3.8/5 抵食指數: 3.7/5服務指數: 3/

唔知開咗幾耐，服務很好，食物喜出望外，比我在香港食泰國餐廳最滿意的一次，而且價錢非常實惠, 會介紹給朋友，最出色係燒豬頸肉，香茅雞翼及蒜蓉包香脆帶軟，口感非常之好,下次必定再來

去深水埗附近買野，咁岩想食泰菜🇹🇭search到呢間泰菜餐廳喺附近好近長沙灣地鐵站 行唔洗5分鐘就到附近都比較多屋 估計主要做街坊生意☺️6點幾黎到，仲有位揀7點幾就開始多人早少少黎有好處👍😇餐廳裝修得唔錯，環境舒服😌👍一坐低，店員就拎左碟蝦片俾我地🤩好香脆好味，可以一路食一路睇餐牌🤓不知不覺就食晒😂✨蛋網鮮蝦炒金邊粉 $98外面有一層薄薄既煎蛋包住金邊粉 好特別🤣切開後，入面金邊粉熱辣辣♨️蝦肉多，金邊粉煙刃，味道酸酸甜甜，好醒胃👍✨泰式燒豬頸肉 $98豬頸肉食落不肥不膩❤️‍🔥特別欣賞佢個醬汁，同豬頸肉味道好夾，食落更加惹味！✨椰汁芒果糯米飯 $58推介❤️❤️❤️送上來時熱辣辣，有黑糯米、白糯米，椰汁好香，撈埋糯米食好好味🥰芒果好鮮甜，正😋✨龍眼冰 $33冰涼解渴之選🥳充滿龍眼味，甜度好適中，仲有埋龍眼果肉食，Good!!好難得屋邨入面有cp值高既泰菜餐廳😌入面環境都坐得舒服，空間感足夠，適合同朋友傾下計，或者一家大細落黎食餐飯😝👍👍

去友和攞嘢所以又去到麗閣邨唔想次次都係食food court，就試下出面啲舖頭仔， 唔想食連鎖摩斯同埋pepper lunch所以就揀咗喜泰味一入到去就已經聽到係播緊泰國歌坐低未叫嘢就已經送咗一盤蝦片兩個人食飯簡簡單單叫咗個菠蘿炒飯、4串牛肉串燒，同埋生菜包菠蘿炒飯真係用個菠蘿放， 味道偏甜但係， 因為落咗提子乾所以都唔會覺得好油，海鮮份量都好多，有兩隻青口同埋有好多魷魚， 略嫌菠蘿唔係好夠，如果多啲菠蘿就好啲腰果同埋肉鬆冇放埋落去個菠蘿炒飯到，對於啲唔係好鍾意食堅果嘅人，唔使花時間撥佢走 另外好鍾意食肉鬆嘅人又可以九秒九搶食牛肉串燒 ，牛肉有少少乾，但係點埋嗰啲沙嗲醬就好惹味生菜包係一定叫嘅， 首先嚟到嘅生菜放得好整齊又唔會濕立立，生菜邊又唔會梅達達咁樣，感覺生菜非常新鮮; 肉碎係食到有辣味勁正;唔辣唔好食， 呢個係少少辣咁樣樣，令人會想追食到最尾走嗰陣又送咗兩件椰青大菜糕今次兩個人食咗二百幾蚊之前行過見到下午茶都好抵食，下次經過應該會再食多次

同朋友行完西九🕺，行去附近翻新咗嘅麗閣商場行下順便食嘢，就見到呢間係商場對面嘅餐廳，咁就試吓呢間🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽我地叫咗嗰2人餐$188 (馬拉盞炒通菜、青咖喱牛腩煲、兩杯野飲），再加串燒+$38，再單點一個椰青$33。蝦片：一開頭叫完嘢食就送咗碟蝦片我哋食，蝦片相當脆口好食馬拉盞炒通菜：每次見到都必叫，我自己就好鐘意馬拉盞，貪佢夠香口又有蝦米粒可以咬下，不過又好怕餐廳將通菜炒到通菜淋哂，呢間餐廳炒夠惹味，通菜都好爽脆，好快就俾我哋清哂碟。青咖喱牛腩煲：青咖喱嘅味道香氣濃郁，加入椰奶令到青辣椒降低，對於我呢啲唔係好食得辣又鐘意食泰式咖哩嘅香料感嘅人係好選擇。牛腩都煮得好淋入味，另外當然唔少得我鐘意食嘅泰式圓茄子，多汁又爽口，份量都好多，青咖喱送飯一流呀串燒：有4件串燒，我哋就叫咗兩牛兩豬，沾上隻沙嗲醬好食😋泰式奶茶：比平時飲開嘅港式奶茶更橘紅，茶味更濃郁，好飲珍多冰：唔會好啖唔夠奶味椰青：今次個椰青好好飲，鮮甜大菜糕：餐廳仲送個甜品我哋食，唔錯嘅作結。🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽餐廳嘅環境都舒服，亦都見到應該係附近街坊叫埋啤酒，吹下水，唔錯~另外值得一讚

今日去到麗閣商場嘅呢間泰國菜食飯 七點嚟到冇乜人 😗一坐低店員就拎咗一碟炸蝦片 話送俾我哋食 有嘢送特別開心🥳 蝦片好脆 調味足夠 三兩下就食晒兩個人叫咗三碟嘢 首先嚟嘅係蠔仔煎蛋餅 豪仔脹卜卜 雖然細細粒但係好飽滿♥️ 仲要一讚仔得好乾淨一粒沙都冇 食落唔會好多油 蛋餅夠厚身燒牛肉串燒 個沙嗲醬好正 仲有花生粒🥜🥜辣醬香葉炒河粉 我哋揀咗雞肉 佢仲有其他配料 草菇青紅椒等等 夠晒入味 小小辣 🌶不過個人覺得咸咗啲 臨走叫完埋單 送咗一個椰子大菜糕 呢個超好味 係用椰青水整嘅 好清新 啱晒夏天食

之前見到網上推介長沙灣呢個貨櫃新商場做打卡點相當有特色,所以就拉埋朋友一齊去睇下順便睇下有咩特色餐廳可以試下.店內既泰國人姐姐好nice,送上餐前小食帶脆炸蝦片比我同朋友一邊食一邊考慮點咩菜式.蝦片香脆鬆化,鹹鹹香香.手打炸蝦餅炸得一d都唔油膩,外層鬆脆香口而內裏爽彈富蝦香.內裏帶淡淡魚露及麻油香提鮮,令蝦味更香而且唔會麵粉多過蝦肉,相當惹味.泰式濕炒河粉炒河粉底令河粉吸汁力更強亦帶一陣陣獲氣,一送上枱已經聞到爆炒既香味.濕炒河粉既醬汁用上豆醬製成,黃豆香味濃郁亦唔會過鹹膩.同時醇上大量雜菜及嫩滑既雞肉令味道唔會寡,泰式風味濃郁及正宗.河粉唔會黏埋一舊舊,亦唔會好鬆散,入口彈牙香滑.椰汁千層糕以一層斑蘭一層椰汁疊合而成既千層糕相信好味.千層糕內既斑蘭味清香濃厚,同時亦能帶一陣椰香甜味.口感煙韌軟綿唔會過硬或過軟腍.用叉子拮起仍然保持彈性,可以稱得上係我食過咁咁多千層糕既top3之一.珍多冰新甜解渴又帶濃郁既椰奶汁甜味.配上斑蘭啫喱條瞬間變式泰國style既珍珠奶茶.

之前有位住長沙灣嘅友人話我知佢屋企附近有間泰國野幾好食 今日約咗佢食飯就嚟咗試試😋一坐低 店員就放低咗免費嘅蝦片俾我地 一邊食蝦片一邊諗食咩 唔覺唔覺就食晒啲蝦片 蝦片好脆卜卜 加上陣辣好惹味 一食就唔停口 見到佢門口有呢啲蝦片賣 搞到我都有衝動買返屋企食😚最後我地揀咗食二人餐 有個菜 咖喱同兩個飯馬拉盞炒通菜 呢碟菜份量都唔少 馬拉盞辣辣地 好惹味 好好送飯 通菜都炒得夠晒林 泰式黃咖喱牛腩煲 咖喱成煲上夠晒架勢 咖喱唔係好辣 鹹味比較多 牛腩肉質好好 又有牛味 配料嘅洋蔥好爽甜 好有驚喜 咖喱如果椰奶味再多啲就好😛沙爹串燒雞 啲串燒即燒嘅 非常夠熱 雞肉都醃製得好入味 唔駛點醬食都ok 雞肉夠嫩滑 唯一係個沙爹醬係凍嘅就有啲失望😮估唔到仲有甜品送 係大菜糕嚟嘅 分量啱啱好 可以一啖食晒😬飲品方面我地嗌咗特飲 珍多冰 唔算好甜 如果椰汁味重啲就好喇 另外一杯係凍檸茶🍋

Hey Thaimate ~~~~今日約咗朋友嚟到長沙灣。見到翻新後嘅麗閣邨，好有文青feel呀！商場都用鮮豔顏色嘅貨櫃打造成，去咗其中一間泰國嘢食晚飯。本來覺得喜泰味呢個名好翹口  XDD 原來係有Hey, Thai Mate! 嘅意思又幾有趣喎 入面嘅環境都幾唔錯，裝修雅緻，空間感都okay. 臺與臺距離唔會太近，同朋友食咗兩個半鐘Girls' Talk，staff都冇話我哋呀每枱人客一坐低就送蝦片。睇落個樣唔錯，食落都ok，有幾塊特別重味精味。最好因為就快啲食，如果唔係好易淋。 今日嗌咗個二人餐 加38蚊4串串燒，另外再用+16蚊追加特飲。食泰國嘢梗係要heavy啲㗎喇  XD 芒果西米特飲好似食咗成個芒果糖水咁，咸檸七 就可以中和番啲辣味，同埋七喜太甜嘅味。 二人餐包一碟炒菜。今次試下馬拉盞炒芥蘭，味道都幾好，唔會太辣。芥蘭有剪過，容易啲食。同埋用左好多薑絲闢腥。 個飯份量都幾多下 主菜今次嗌咗黃咖哩牛腩煲。牛腩份量都好多，有好香濃嘅牛味，同埋椰汁香味，好味道。 串燒都好有驚喜呀！叫咗四串豬肉串燒，非常juicy. 咬落有啖啖肉口感。條邊仲有微微焦香味，唔使點醬都好正好好味。

放工約咗朋友食飯 先知道原來長沙灣有個新嘅貨櫃商場😯 我哋就搵咗一間泰國嘢嚟食～坐低之後比咗一碟蝦餅比我哋 蝦餅好脆搞到忍唔住係咁食😆 我哋就叫咗一個二人套餐 $188 包兩個餸 配埋白飯兩碗同嘢飲兩杯 好抵食😋🥢馬拉盞炒通菜馬拉盞鹹香嘅味道令人好開胃😜 通菜好新鮮口感爽脆 仲吸晒馬拉盞嘅醬汁🤤仲好大碟🙈🥢椰香青咖喱雞一上到枱就已經聞到好香青咖喱味☺️ 個煲仲熱辣辣 超級足料 雞唔會太鞋 蔬菜仲吸收晒青咖喱嘅醬汁❤️ 超好送飯😊🥢串燒二人套餐可以加$38 就有4串串燒～ 沙嗲醬汁味道溫和 有滿滿嘅香料味🤩 配埋串燒好夾 豬肉唔會太肥仲有香烤嘅味道😘🧉三色冰🍹泰式咸檸梳打三色冰好香椰奶味亦都好足料 咸檸梳打嘅咸檸味唔太重 會想加多啲最後老闆仲好好人咁送咗兩舊椰汁糕比我哋🤩椰汁清甜仲有少少果肉

好耐無食過泰菜啦🙈今日見到呢間餐廳有唔少人幫襯，決定試下！🔖泰式明爐烏頭魚💰168烏頭魚味道鮮甜，肉質紮實🐟配料方面亦都相當豐富，有香茅、紅蘿蔔絲、肉碎同粉絲等等，酸酸辣辣，開胃又好味😆由於有火烘住嘅關係，由頭食到尾都係熱辣辣㗎😍💫推薦指數: 8/10​🔖沙嗲串燒牛及雞💰58/4串串燒燒到有少少焦香，但一啲都唔會乾身😚串燒牛牛味香濃，至於串燒雞肉質就夠結實👏🏼加上花生沙嗲醬，非常惹味🤗💫推薦指數: 8.5/10​🔖金柚子鮮蝦沙律💰88呢個沙律望落去顏色偏紅，而且仲有唔少辣椒碎，但其實食落去一啲都唔辣😌鮮蝦都算大隻，而金柚子就幾清甜😇整體嚟講都幾開胃，係前菜嘅好選擇😉💫推薦指數: 7.5/10​-溫馨提示👉🏼去到會有蝦片食，食過鐘意嘅話仲可以現場買添🤗👉🏼食完有甜品送，係椰子大菜糕🥥超冰涼~椰子味好濃郁🥰