喜相逢 (砵蘭街)

營業中

休息中

星期六一早起身上網見到華潤堂有口罩套裝出售，所以專登出咗去排隊，排完隊之後心血來潮好想食餃子🥟 於是就去咗太子，因為知道太子區有好多餃子店！😍 一出地鐵站之後就見到呢間四川手工餃子專門店，見到佢門面裝修幾特別🤩所以就入去試吓，叫咗三樣嘢食🥢🍴白菜豬肉餃拼香菇芫西豬肉餃🐷🍴重慶小麵🍜🍴醉雞🐔第一樣嚟嘅係醉雞，除咗有酒味之外，仲有少少的藥材味，感覺特別，同之前食的唔同！重慶小麵我哋叫咗小辣，好大碟，好足料，有啲青瓜雞絲花生撈埋一齊，唔錯唔錯👍🏻👍🏻最後就到主角餃子出場芫西豬肉餃好足料有好多芫西，夠晒香味，而白菜豬肉餃味道亦不錯，最緊要係皮薄👍🏻👍🏻，因為好怕餃子皮太厚，呢間d餃子皮啱啱好！整體來講，簡單一個午餐相當不錯！非常滿足😋😋員工又禮貌，招呼又好，有機會下次想黎試埋煎餃！

好耐都無出去食飯了。都要吸下新鮮空氣。今日去左太子食呢間好有個人風格既餐廳。入到去就好似進入另一個古代既平行時空。環境真係好靓好復古感覺。肚餓啦。叫左個秘制醉雞。一上菜就聞到好香既酒味，隔住口罩都聞到。真係好香。食一啖雞。好冰鎮爽口既感覺。雞皮好清爽。鍾意濃郁酒味既人實會鍾意呢個醉雞。口感好好。之後叫左個白菜豬肉水餃同韭菜豬肉水餃。水餃估唔到整得好出色。好甜而且好新鮮。同平時食開其他舖頭既水餃唔同，呢個真係有豬肉！好足料。加左辣醬，更惹味！呢個辣醬我鍾意。會上癮。菜補又過癮，少少辣加鹹香味，好好味！再叫多個麻辣水晶涼皮。呢個真係好刺激。越食越開胃。酸酸辣辣。又有花生等等既材料，口感豐富。好正！好味既餐廳！下次再黎。

今日近近地同朋友嚟太子覓食，行下行下見到間裝修同佈置都古色古香既餐廳，由餐廳門口已經感受到入面既獨有氛圍，最特別係門口掛住兩間餐廳既名牌。一入正門就彷似置身於歐洲小鎮既唐人餐館，有着濃烈既中華文化色彩，亦有暗紅既燈光襯托住傳統紅燈籠同中式椅子，不得不提既係尼間餐廳仲有個小型卡啦ok既地方，比客人揸咪唱k，好有feel。餐廳同時供應中餐同西餐，由於我同朋友都唔太肚餓，所以淨係叫咗一碟醉雞同兩碗中式地道湯餃share。秘製醉雞（例牌）（$78）餐廳有三款雞選擇，分別係葱油雞，醉雞同口水雞，店員推薦我地食醉雞，話唔少客人都會點。一上菜已經有陣陣既酒味，食落酒香味濃郁之餘但亦唔會搶走咗雞味，果然唔錯！例牌份量唔會太多，兩個人食啱啱好。除咗必食之選同小食外，仲有唔同既餃子配搭，可以選擇兩款一共八隻，啱哂想試唔同餃子款式既人！鴛鴦戲水（8隻）（小辣）（$40）朋友叫咗韮菜豬肉餃配雲耳椰菜豬肉餃，本身我唔太食得辣，不過呢碗小辣我都接受到，帶麻香多過辣味，係不錯既選擇。餃子餡料好足，而個人最中意就係韮菜豬肉餃既回香。湯餃（8隻）（唔辣）（$40）我就叫咗清湯韮菜豬肉餃配白菜豬肉餃，個人尼講會比較鐘意小

這兩天又下雨轉涼，過海拿完N2的成績單，想吃點能讓身體溫暖的東西，便在太子下車找到這間餃子專門店。雖然門口很像中式餐廳，但一踏進門竟然是酒吧一樣的西式裝修。就像我平時去Happy Hour那些地方一樣。馬上有親切的店員來招呼了，但竟然是隻貓XD 很親近人，招手會過來被我摸靠著真皮墻身的座位坐，餐桌是木製的，中西糅合的感覺頗特別。主要是想吃暖胃的湯餃，但看到有煎餃又想嘗那種香脆的滋味，反正最近少出街食，就叫齊2款了。煎餃是雲耳椰菜豬肉餡。從中間咬開可以同時感覺到很薄的餃子皮沒有煎那邊嫩滑煙韌的口感和煎過那邊香脆的口感。餡料肉汁清甜，加入雲耳有爽脆的口感。口味比較輕，這時候中間的醬料便派上用場了。用上多款新鮮調味蔬菜的特製辣椒油咸、香、微辣，能把餃子的鮮味進一步帶出來。非常推薦和餃子一起吃。然後是湯餃。筆者對辣的承受能力較低，但又成日想吃，於是叫了個小辣的湯底。看到表面一片紅色、又有花椒和蒜蓉等佐料本來有點驚，但喝一口後卻又沒有問題，這辣度正好是筆者想要的，喝下去很暖胃很舒服。（辣度大概像3_米線的10小辣）還有幾片翠綠的生菜，索了湯非常美味。湯餃有兩款，其中一款是香菇元西豬肉餡。兩種蔬菜

估唔到呢間會係餃子店！個門牌裝修完全吾似係食餃子🥟古色古香既裝修，又有bar枱，古老加新潮既組合。我地經過見到個易拉架餐牌，所以就入去試下😂原來入面有個好大既角位，小型聚會都幾岩。。餐牌好平民，食餃子🥟，食四川麻辣小食，仲有麵食。選擇吾算超多，但貴精不貴多，好食就得啦煎韮菜豬肉餃粒粒脹卜卜，好多材料，包到好令！煎餃要襯熱食！咬入口吾會成口油。不過覺得餡料吾夠味，所以可以沾麻辣豉油，係餐廳親自整既，配合煎餡食吾同哂，好食😋芹菜豬肉餃+雲耳椰菜豬肉餃呢款我地點左湯餃。餃子皮好QQ，材料一樣好多，咬入口好多肉汁，好食麻辣水晶粉皮呢個好好食！類似雞絲粉皮甘。不過佢係四川版🤣個粉皮又滑又香，啲配料有芫茜，花生，芝麻，蒜蓉，仲應該加左小小醋！拌勻食真係好正重慶小麵我覺得個口感似幼拉麵。食入口吾係淋patpat，乾身爽口好食。個麻辣醬汁我點左小辣，都食到出哂汗😆但越食越想食，辣到好正麻辣雞腎店主切到啲雞腎一小粒，令到啲雞腎吸哂啲麻辣汁味。一樣加左好多芫茜，蒜，芝麻。令到個風味好吸引，食到吾停口我諗食得辣既人應該會覺得好正，我就覺得啲小食有好多芫茜蒜好正😝好惹味

太子一向出名多餃子店，今次決定試一間餃子小店。一睇門面裝修已經覺得古色古香😂木門加木招牌～細心一睇原來係兩間餐廳合併，日頭做餃子，夜晚做西餐，有諗頭👍🏻入到去就見到老闆娘默默包餃子交貨😂除咗餃子之外仲有唔少特色小食同湯麵韭菜煎餃，連擺盤都有心思過人🌸底面煎到金黃香脆，韭菜好香，仲有肉汁保持住，加上完全唔油膩👍🏻配埋麻辣油食好正白菜西洋菜湯餃，雙拼竟然唔使加錢，仲要有幾條生菜送😍湯底清甜，飲完唔頸渴白菜其實係高麗菜，清甜多汁西洋菜餃唔係度度有，仲要係季節限定，想食就要襯早！湯餃同辣菜甫一齊食最夾同行朋友怕辣同熱氣，就嗌左個雞絲湯麵🍜雞絲份量唔少，都幾嫩滑；麵條彈牙有咬口呢個蒜蓉萵荀絲不得了，除咗即叫即切蒜頭炒之外😂，份量真係好大，相當抵食！

我叫左 雙拼湯餃子。 事頭婆介紹咗我食季節限定嘅西洋菜豬肉餃， 另外我叫咗芹菜豬肉餃。總共有八粒，每樣四粒，總共收40蚊，價錢合理。佢仲畀咗啲辣椒油同埋一啲 酸菜畀我伴餃子食。好細心。我覺得個西洋菜豬肉餃好好食！😋😋😋 佢嘅調味幾好，西洋菜同肉各半，好足料，皮唔會過厚 ，唔會皮多過送😎😎😎 推介！ 麻辣水晶涼皮：你可以揀小中大辣😎麻辣我叫左小辣。唔食得辣嘅我覺得有啲辣。涼皮好薄好滑👍👍 另有啲青瓜絲同雞絲。配料好豐富，有 芫茜,蔥，好似仲有芝麻,花生。呢碟小菜係誠意小作，用料中上，值得一試！順帶一提， 鋪頭係酒吧格局。有啲梳化坐位。位同位之間都幾闊落！ 而且舖頭好近地鐵站，地鐵站一出轉右行幾分鐘就到喇！我會再嚟食。人多去嘅話，特別係想試下佢個口水雞！

係太子成日想食餃子都係食好多人排隊果間唔想排隊又食到悶悶地想轉場好耐但又唔知邊到食好行過見到呢間門面好中國風就走去望望餐牌食咩有餃子！唔使諗就入左去呢到比起其他餃子舖多好多餃子以外既選擇，唔使淨係食餃子咁ｄｒｙ食餃子緊係要有菜脯韭菜豬肉煎餃　６隻　（＄３３）煎餃送的辣油少少辣加上少少麻煎得金黃韭菜夠熟食完都唔會好口臭湯餃　８隻　（＄４０）湯餃可以雙拼揀左西洋菜豬肉餃，同埋雲耳椰菜豬肉餃西洋菜唔苦，幾好味雲耳椰菜兩樣食落都爽口鴛鴦戲水　８隻　（＄４０）同湯餃一樣可以雙拼揀左韭菜豬肉餃，同埋香菇芫茜豬肉餃個湯係酸酸地辣辣地，幾開胃可能因為個酸辣湯本身有芫茜，所以香菇芫茜豬肉餃唔係幾食到芫茜味雞絲湯麵（＄３６）最後加多個雞絲湯麵，好飽！！

星期六中午 放假日當然要出去搵下好野食行話路口見到有間馳名手功餃子既小店呢間鋪頭應該係合作店酒吧既格局 但食既係中式野呢重反差幾特別除左手功餃 仲有麵類 川類主食同小食先黎既係飲品 豆漿店內亦有水提供人客開始愈坐愈多鴛鴦戲水雙拼水餃🥟（小辣湯）香菇元茜豬肉餃 有啖啖芫荽味 唔會太搶豬肉唔會實的的 餃皮薄 餡料豐富雲耳椰菜豬肉餃雲耳爽口 同椰菜好夾口水雞（例牌）比我想像中大碟 而且唔會話只有骨位無肉位個辣味同外面唔同 呢隻辣味係酸酸地既酸辣唔會得死麻死辣雞既骨係好硬既 証明餐廳用既雞唔係普通冰鮮 芝麻雞食落都有肉味麻辣水晶涼皮啖啖既麻辣味 唔會令索晒汁既涼皮過辣涼皮係大塊既 加埋雞絲 麻辣配料 令人想一食再食停唔到口

而家都好少出街為妙，但有時都心癮起都想出去同朋友食下飯傾下計，於是放假就同左朋友去食下野。太子不嬲都有好多好野食，我地就去左一間餃子店到食野，一開始入去個樣真係唔知佢係餃子店，佢嘅感覺好古色古香，但見到佢放左易拉架寫有啲咩野食，見到幾吸引就入去試下，唔通呢個就係我地嘅緣份。食野之前飲下豆漿先秘製醉雞(例)我地點左一個例牌秘製醉雞，入口充斥住好香嘅花雕酒味，係香港好難得食到肉質彈牙又有雞味嘅雞，例牌嘅份量一啲都唔少，而且件件都肉多骨少，真材實料，而家天氣忽冷忽熱，熱嘅時候食下醉雞呢啲涼食都幾正。雙拼湯餃(西洋菜豬肉餃+芹菜豬肉餃)湯餃有六款口味可以揀，我就揀左雙拼(西洋菜豬肉餃+芹菜豬肉餃)，湯底幾清，飲得出係無落味道，就算成碗飲哂都唔會覺得口渴口乾，佢仲加左蔥粒同生菜，而且呢到餃子係每日人手包製，即叫即煮，所以KEEP到水準，皮滑。西洋菜豬肉餃呢款係季節限定，餡料好豐富，有好多人都好怕西洋菜有一陣草青味，但呢到嘅西洋菜口感清爽之餘又唔會有草青味，平時好少食過呢種口味，今日試都幾有驚喜。芹菜豬肉餃加左芹菜粒粒，口感好爽口而且仲可以吊出豬肉嘅鮮甜味，個人黎講幾鍾意食呢種口味。白菜豬肉煎餃用

同事家住太子，附近開了一間新店，於是今日放工一起去試試，一出地鐵站不用1分鐘就見到一間很有格調的霓虹燈招牌的店舖，裝修格局有點似酒吧，真有點懷疑是不是同事搞錯了，原來呢間餐廳本是酒吧，現有西餐，有餃子吃坐近門口位，一看餐牌，價錢很平民化，大部份都是三四十元，通常這些平民價格的餃子店，裝修比較簡單，所以感覺跟餐廳裝修有點格格不入既然餐牌上必食推介醉雞，蔥油雞，口水雞，於是就揀一款試試，最終朋友想試醉雞，賣相不錯，咬一口， 十分有驚喜，花雕香味充滿口腔，但一點也不辛辣，醃製時間拿捏得剛剛好，雞肉弾牙爽口，充滿花雕香味，但不會過苦，很多時吃醉雞，最怕就是酒的份量太多而令雞肉變得苦，此醉雞甚有大餐廳的水準，果然係必食之品再點了一碗西洋菜豬肉餃拼雲耳椰菜豬肉餃，可選辣的程度，就揀了中辣，不過辣度不太濃，嗜辣的朋友最好點大辣，餃子包得一點也不馬虎，甚有功架，隻隻大小一樣， 十分工整，包得紮實，一點也不鬆散，吃得出外皮也是自家製的，滑得來一點也不厚，兩者的餡料份量比例也很均勻，加上麻辣的湯底， 好惹味最後再來一個重慶小麵，麵條食落煙韌，混上香濃的芫荽蔥，麻辣醬、雞絲、食落開胃惹味這裏坐得舒服，食物有

一間中西合璧餐廳  讓客人可以有雙重選擇，點下西菜又可以同時吃到餃子、四川小食等， 仲唔係一次過滿足晒兩個願望，而今晚我們主要來吃中式晚餐。餐廳裝潢也頗有趣，又中又西， 以西式現代掛畫、真皮啡色沙化 配上很有壓場感又有份量的石牆 ， 同時亦掛上排扁，頗多ELEMENTS結合一起， 但感覺點兒突兀也沒有 。我們也喜歡吃餃子， 點了 $40全統北方餃子手功，簡撲、外皮厚薄適中， 口感滑； 豬肉錎肉汁充足，錎料切得十分細緻，像老媽的手藝。 但個人而言較喜歡 其香菇芳香撲鼻，不會輸給松露香，加了小許元茜點綴， 亦令味道更豐富。 醉雞(例牌) $78 賣相不太吸引，雞件有點瘦削，份量也略小。 但味道比賣相好， 花雕酒味十足， 香濃入味， 雞肉唔夠滑，有點兒不足。 以下兩款冷盤則份量十足， 分別是 $32 和   $36兩者也十足四川風味，雖然點了小辣， 也同樣先辣後麻， 勁度十足。  味道是超正的， 水晶涼皮非常滑溜可口， 伴以芝麻、雞絲、芫荽、青瓜、蒜粒， 惹味得令人追著吃!  溫馨提示；不太吃到辣的朋友， 記得要點小小小辣。 離開時口唇還是火燒一樣，麻麻的感覺很久不散。  

今晚約左朋友係附近，所以係到食左個早飯!去到的時候岩岩6點鐘，入面一個客都冇~環境靜靜地幾好!入到去睇一睇個餐牌，選擇唔算好多，但都有的特色野試下!最後叫左兩款餃子，香菇元茜豬肉餃同雲耳椰菜餃子。上到台個樣都唔錯，飲一啖湯，冇咩味精，清清地，幾好飲!香菇元茜豬肉餃，有驚喜!! 因為元茜味好香，但又唔算好濃，就算唔食元茜的人應該都可以接受! 佢味道比芹菜再濃小小，但真係好好食!!!!雲耳椰菜餃子，呢個就正常味道，裡面都有肉汁。兩款餃子味道都係以清淡為主，同個湯好夾，兩樣野相輔相成，最後我係成碗湯飲曬!!!個醬汁都唔錯，酸酸辣辣，點小小同個餃子一齊食超好食!!!除左餃子之外仲叫左兩款小食，涼拌木耳同麻辣水晶涼皮~涼皮入面有青瓜，花生，雞皮同涼皮，叫左小辣，係一個可以接受的辣度，將全部料撈埋一齊食，好食~木耳就有蔥，生蒜，花椒，都係小辣~ 呢個如果鐘意食辣的可以叫中辣，我就覺得小辣岩岩好，但應該有人會鐘意食中辣多的! 最欣賞係佢有生蒜，同木耳一齊食有口感又有味道!!同場加映~鋪頭入面有一隻好痂人但係唔鐘意望鏡頭的黑貓~ 入去個陣因為全鋪得我一個，貓貓係咁痂埋黎，超親近! 但係你只要一拿手機對

雖然在冠狀病毒肆虐下，大家都減少外出食飯，但因與朋友有要事相量，大家都決定出來食飯見見面。朋友選了太子砵蘭街的「喜相逢」食餃子，這間店舖裝修得很古色古香，行中國風，播著普通話的舊歌。簡單的一張餐牌，寫了各式各樣的餃子和小食。《芹菜蝦餃》$40 老板話這是新出的口味，推薦我們試下，鮮蝦和芹菜味很夾，湯也很鮮甜。《雲耳椰菜豬肉餃》《香菇元茜豬肉餃》各款4隻，共8隻 $40 這兩款我都很喜歡，味道各有特色，餃子皮薄，隻隻都包得很飽滿，真材實料。《雞絲湯麵》$36 餐牌上唯一的一款麵，想不到$36有咁大碗，味道偏淡，如果覺得唔夠味，可以加辣椒醬油。《蒜蓉萵荀絲》$68 萵荀絲又爽又軟，很清甜，加上蒜蓉的香味，不知不覺就食晒一大碟了。

<好味既四川水餃涼皮>🌶️呢間喜相逢 係同晉家門 share同一間鋪 初頭見到西餐裝修以為行錯😆原來入面有得點喜相逢既食物 menu川菜為主 有各式粉麵涼皮水餃等 全部自家包 十分出色 值得一試！🍴麻辣水晶涼皮中辣36 蚊🌶️凍食既水晶涼皮 芝麻 花生 葱花 青瓜等等 🌶️🥒夠香又有口感 水晶涼皮晶瑩剔透 闊身十分有口感😍 爽口又煙靭 醬汁 夠麻香 辣得黎惹味 亦帶有 d酸味 十分開胃 推介🍴重慶小麵 中辣 36 蚊🌶️🍜都係四川式撈麵 麵身都係凍食 麵類似粗上海麵甘 夠爽口 芝麻青瓜 仲有煙靭肉味濃既雞肉🐤 雞肉切成絲好有口感 佢既醬汁夠酸辣香 食到尾就帶有少少麻味 十分入味🌶️🍴雙拼餃🥟韭菜豬肉餃 西洋菜豬肉餃 🐷中辣既湯底 充滿葱同辣椒香 酸辣入味🌶️ 餃皮夠爽彈厚度適中 韭菜豬肉既豬肉 juicy夠新鮮🌿 而西洋菜嗰款佢既菜夠香甜 十好正🍴雙拼餃 🥟香菇芫西豬肉餃🌿🍄 雲耳椰菜豬肉餃🌿湯底係充滿辣香同葱既麻辣湯 香菇芫西既芫西味唔算勁 但佢個菇切成碎好有口感 juicy夠新鮮🍄 雲耳椰菜除左豬肉 juicy外 佢既 椰菜都好香甜 雲耳令到 餃更爽口 都好味#涼皮 #粉皮 #