喫茶ちょうぼ

營業中

休息中

我嚟到銅鑼灣世貿中心，試吓呢間近期好多人講嘅日式cafe — 喫茶ちょうぼ (Choubo Kissaten)！裝修走溫馨和室風，有種返到昭和年代嘅感覺😌，打卡一流！前菜小食：月見汁雞皮餃子 🥟一上枱就聞到陣陣雞皮嘅香脆味！個餃子皮炸得金黃酥脆，咬落去卜卜脆，口感一流！蘸上用日本雞蛋所做嘅月見汁，簡直係絕配！主菜：黃咖哩白露蟹肉蛋包飯 🍛🦀呢個蛋包飯個蛋皮煎得滑溜溜💛，賣相一流！白露蟹肉嘅鮮甜味同黃咖哩嘅濃郁香氣完美融合，咖哩唔會太辣，啱晒唔食得辣嘅朋友仔。飯粒粒粒分明，濕潤度適中，整體口感豐富，絕對係必食推介！主菜：焦糖洋蔥鳥取和牛漢堡配薯條 🍔🍟牛肉漢堡扒煎得啱啱好，用咗嚟自烏取嘅和牛，肉汁豐富，唔會太老，好有水準！焦糖洋蔥嘅甜味中和咗牛肉嘅油膩感，配埋香脆嘅薯條，簡直係完美組合！甜品：桂花烏龍布甸戚風蛋糕盛合 🍰🍮桂花烏龍布甸戚風蛋糕盛合真係令人驚喜！戚風蛋糕鬆軟綿密，桂花嘅香味淡淡地滲透喺蛋糕入面，唔會搶咗烏龍茶味，而布甸滑溜香濃，兩種口感嘅配搭好夾，甜度適中，食完唔會覺得膩！飲品：草莓沙冰🍓 & 秋茗柿橘沙冰🍊最後就係飲品啦！草莓沙冰夠晒冰涼解暑，草莓味濃郁，酸酸甜甜啱晒夏天

以淺木色系的裝橫為主調，旋轉樓梯與書架牆的佈置帶來時尚優雅的氣氛，吸引不少食客甚至帶埋寵物前來朝聖打卡。食物賣相精緻，味道甚有水準。黃咖喱白露蟹肉蛋包飯 $165賣相吸引，蛋皮柔軟，配搭香濃的黃咖喱和白露蟹肉。咖喱的香氣與蟹肉鮮甜，每一口都令人陶醉。搭配的米飯也煮得恰到好處，味道層次豐富。焦糖洋蔥鳥取和牛漢堡配薯條 $115以鳥取和牛的鮮嫩肉質為主角，漢堡的麵包外酥內軟，肉味香滑，吸引食欲。薯條金黃酥脆，鹹香可口。整體口感層次分明。十月份的有獎活動：洋式芝士蕃茄香脆雞皮包住蕃茄，濃郁的芝士與新鮮的蕃茄相互交融，香氣四溢。桂花烏龍布甸戚風蛋糕盛合 $115外觀精緻，鬆軟的蛋糕帶淡淡的桂花的香氣。戚風蛋糕鬆軟輕盈搭配濃郁的烏龍茶布甸，讓人感受到茶與花的完美結合，令人心情愉悅。朱古力曲奇黑咖啡 $52朱古力曲奇外脆內軟，搭配一杯香濃的黑咖啡，既能提神又能滿足口腹之慾。二番甜薯牛乳 $58帶有淡淡的甜薯香味，口感順滑。它不僅是一杯飲品，更是一種享受。

不時不吃，秋風起，除了三蛇肥之外，吃蟹都是一個不錯的選擇，今次來到有日本🇯🇵和洋風味道極的餐廳享用蟹🦀膳，享用咗兩個時令午餐，第一個係酥炸軟殼蟹塔塔醬漢堡，上枱時都有點驚喜，隻蟹比漢堡包大，所有蟹腳都伸了出來，薯條也很美味。第二個是大勢蟹黃膏蛋包飯，上枱時跟一般蛋包飯沒有分別，只是上面加了幾粒三文魚子，但將醬汁倒了在飯上就有點驚喜，如同吃蟹粉沒有分別。但是千祈不要小看這幾粒三文魚子，完全能夠提升蟹膏的味道，CP值極高！這間餐廳Pet friendly，好多人會帶狗仔嚟食飯！環境擺設簡單，佈置格局好有和風feel，食物有西洋風，燈光又柔和，有卡位位置，亦有維港海景，讓人有舒適感覺之外，服務也不俗。本人大多數都是來這裏吃午餐，真的是一個不錯的選擇。

銅鑼灣世貿中心呢間日式餐廳裝修環境超靚😍打卡一流👍👍👍星期四晚餐廳唔算多人，同朋友食飯傾計好舒服，環境好好！佢有好多秋季限定食物，今期好多蟹既菜式。有兩碟小前菜，味道都唔錯。紫薯牛乳抹茶麻糬沙冰兩杯都覺得麻麻🥺🥺紫薯牛乳非常淡，完全冇紫薯味、連少少奶味都冇，唔知飲緊咩🥲抹茶麻糬沙冰上面有粒細細嘅麻糬，抹茶同沙冰好似唔係好夾，味道都係偏淡。蟹黃膏蛋包飯$172，未切開時賣相幾靚，但唔記得影🤣蛋香滑、入面係炒飯，個蟹黃味道都係好淡，正正常常，但唔覺得好好食🫣🫣炸軟殼蟹扁意粉$98，軟殼蟹超大隻，熱辣辣脆卜卜，不錯👍仲有兩粒帶子，意粉就係普普通通嘅卡邦尼意粉。桂花烏龍布甸戚風蛋糕成合$115賣相打卡一流，超有秋天嘅感覺😍😍個布甸幾好食，戚風蛋糕就正正常常普通。整體嚟講餐廳環境很好，下次可以試下其他款式既蛋包飯可能會更好。

位於銅鑼灣世貿中心4樓的喫茶ちょうぼ(Choubo Kissaten）是一間日系昭和風餐廳，裝修以木系為主，配上旋轉樓梯，貓貓裝飾等設計，氣氛相當溫暖療癒。焦糖洋蔥鳥取 Ne和牛漢堡配薯條 $115和牛漢堡很Juicy,焦糖洋蔥汁甜味帶起了漢堡扒嘅鹹香，再配上香脆薯條，味道都唔錯。升級套餐（+$38 配飲品及前菜）秋茗柿橘沙冰 小編加了$38升級為套餐，可選擇一些特色飲品。這款秋茗柿橘沙冰帶點秋意嘅感覺，半個小小的柿橘蓋在橙色嘅沙冰上，很優雅，亦帶有微微柿橘香。不過沙冰味道較淡，若果味濃一點，相信味道會更好。明太子蛋包意粉蛋包意粉蛋味濃厚，切開蛋包嘅時候蛋香四溢，感覺特別治癒。 但蛋漿配搭意粉，吃時有點膩嘅感覺，小編覺得蛋包還是配飯會較好。士多啤梨刨冰 $62士多啤梨醬加刨冰，很簡單嘅甜品。刨冰不像棉花冰嘅幼滑，真的有一片片冰嘅感覺。不過賣相甜美，兩個人開心share打打卡，都可以一試。

🥗和風北海道松葉蟹肉沙律 $82 (7/10)冇諗過係蟹肉薯仔沙律，入邊仲有隻糖心蛋，蟹肉都幾多，食落去薯仔口感都幾秘密，加埋糖心蛋一齊食都唔錯！🍴大勢蟹黃膏蛋包飯 $172 (7.5/10)蟹黃醬比想像中少，蟹膏蟹味都唔算好濃，可能用咗新鮮嘅蟹去整？但好嫩滑，個飯係用茄汁蔬菜炒過比較濕潤，都OK的。 🍴香滑忌廉煮青口鍋配香草薯條 $172 (7.5/10)忌廉汁係有輕微嘅香味，食落去鹹鹹地，青口份量都算幾多都幾大隻唔會好腥，配咗個薯條非常之香脆，少少油膩。🍊秋茗柿橘沙冰 $68 (8/10)第一次飲柿嘅沙冰，佢仲有半隻柿放咗喺杯上面裝飾，都幾靚嘅，因為佢真係好似食緊一個真嘅刺一樣，口感比較濃稠一啲，好自然清新嘅甜味，都幾唔錯！推薦指數: 8/10星期五夜晚都幾多人，記得上網book位，嘢食唔錯，不過限時90分鐘，食完就要交枱，不過好彩我哋7:30後先入座就唔使咁急。

同朋友一齊去呢間試下一入去有一種寧靜的感覺環境確實不錯👍很適合坐低傾下嘢但係有時限 最多90分鐘時間到職員會過來埋單趕客（印象中嗰時無客戶排緊隊 感覺少少差 ☹️有好多種類蛋包飯我嘅friend叫了咖喱牛腩賣相好好😙我自己最後叫了漢堡包 味道都唔錯😋跟餐+38蚊有前菜同嘢飲嘢飲可以揀牛奶、茶、咖啡、蘇打、冰沙我地叫左兩杯冰沙一個草莓一個橘子上菜時好有驚喜🤩 賣相靓 味道都好好👍但係前菜就遜色 只係一小碟嘅酸菜😅講真餐廳乜都好唯獨服務人員服務態度好差無論時點餐或者埋單態度都好差點餐叫了3-4次每次都係「等陣啦」 但係等勁耐 職員都無返來上小菜的時候兩碟不一樣問佢有無話邊碟跟邊個餐佢竟然翻白眼🙄好趕客Anyway 有個心理準備的話齋去坐下食嘢都okay嘅

環境靚，食物外觀同質素都幾好唯獨敗於店員服務⋯⋯星期六幫襯都知好忙，但廚房負責拎野出黎個個女仔，放低碗碟似茶記阿叔，勁大聲⋯⋯黑口黑面咁⋯呢一下已經扣哂分，你會覺得自己俾過百蚊坐呢到，究竟食緊日式餐廳？定普通茶記？！？同一個伙記，再拎飲品出黎，再一次好大聲放上枱！連隔離枱嘅食客都留意到⋯嚇親⋯⋯忍唔住笑⋯。我估佢都唔敢相信呢個咁靚環境，但有咁嘅伙記係到⋯⋯！個位伙記，戴color con，金髪，有紋身，女仔黎如果店主見到呢個post ，請你叫呢個員工注意一下服務態度⋯⋯⋯破壞哂成間餐廳形象！

我想講呢個係一個非常適合打卡嘅蛋包飯個waitress會直接喺你面前劏開佢你哋影相好食得嚟有健康佢入邊係炒飯同埋都有啲蔬菜唔會吃白飯咁寡個軟殼蟹burger超級大個又脆又好食我覺得最出色都係佢嘅甜品烏龍茶布甸同埋戚方蛋糕係絕配再加埋啲nuts同埋餅碎成件事非常之有口感再食埋個山梨桃刨冰真係好清新同超級飽我個蜜桃soda同個柑橘冰沙都唔錯同埋餐廳入邊嘅設計都好靚好啱喺入邊打吓卡同埋坐低睇吓書成個下晝

同閨蜜相聚入咗依間高質好味又打卡able仲係Pet friendly 嘅昭和風餐廳🥰坐得舒服又傾得開心仲食得滿足😌入秋又係食蟹嘅季節要來了嘅感覺，所以我哋嗌咗🥢大勢蟹黃膏蛋包飯 🍳酥炸軟殼蟹塔塔醬漢堡 🦀秋夕山梨桃刨冰 🍧桂花烏龍布甸戚風蛋糕盛合 🧁🍰大勢蟹黃膏蛋包飯 ，勁大兜蟹肉同膏🥰🥰🥰店員落枱仲問我哋係咪要影相先😂😂果然好清楚相機食先依個習慣，佢等我哋影好相之後就幫我哋𠝹開個蛋包飯🤤🤤一𠝹 滑溜溜嘅蛋就湧出嚟 再淋上蟹肉蟹膏醬～滑溜蛋香配上鮮味蟹黃膏仲有少少三文魚子點綴多左一種口感，每啖都充滿蛋香同蟹肉蟹膏嘅鮮配搭埋有味底嘅炒飯相當美味🤤而且份量都唔細。酥炸軟殼蟹塔塔醬漢堡 🍔真係成隻蟹咁上😚蟹外層酥脆夠薄一啖咬落去鮮味同蟹汁夾埋充滿牛油香嘅包皮配搭他他醬啱啱好香口得嚟唔會覺得好膩，漢堡仲配有薯條🥰秋夕山梨桃刨冰 ，冰感幼細入口即化，冰面有Cream仲淋咗淡淡的粉紅色桃汁清香甜口仲有好多片爽口香甜嘅山梨桃🤤解渴一流。桂花烏龍布甸戚風蛋糕盛合😍擺盤好精緻～我哋都大愛依個甜品😂 佢個桂花烏龍味好出色，除咗陣陣桂花香味又有濃郁嘅烏龍茶味依個配搭真係絕配嚟。戚風蛋糕軟綿細滑，布甸有3重味

餐廳位於世貿中心地點非常方便，裝潢採用和風日系木調，座位寬敞舒適，窗邊位置更有大海景相伴非常悠閒。餐廳主打日本與西式元素的創意料理，食物都非常打卡，必試人氣蛋包飯！！大勢蟹黃膏蛋包飯（$172）秋季限定*白露秋風蟹逅*有五樣新品，我都揀咗兩款試試！蛋包飯的蛋非常吸睛！店員𠝹開滑溜溜嘅蛋仲有蛋汁流出，蛋非常嫩滑，中間包著用茄汁炒過的飯。海量蟹黃膏蟹味濃郁，拌入蛋包飯一齊食，每一啖都有滿滿的幸福感！酥炸軟殼蟹塔塔醬漢堡 （$145）原隻軟殼蟹造型打卡一流！軟殼蟹炸得香脆，又保持肉汁，漢堡鬆軟微甜用牛油烘過，配搭他他醬中和油膩感！仲有香脆薯條伴碟，口感豐富！桂花烏龍布甸戚風蛋糕盛合（$115）擺盤好靚！視覺與味道的享受😋 布甸好Q彈，桂花烏龍味味突出，戚風蛋糕鬆軟好好食，大愛這道甜品🫶秋夕山梨桃刨冰（$78）大份量的刨冰淋上桃汁，刨冰入口即化，配搭清爽山梨，感覺清新！草莓沙冰 （$48）沙冰加入草莓醬打成，頂層忌廉濃厚香甜，草莓味香濃，女生必愛❤️秋茗柿橘沙冰 $68甜甜酸酸的沙冰，柿橘清新既口感，帶出秋意漸濃既感覺🍁

酥炸軟殼蟹塔塔醬漢堡 ＄145外脆內嫩的軟殼蟹，配上濃郁開胃的塔塔醬，夾在新鮮軟熟的漢堡包中，帶陣陣牛油味，伴碟的幼薯條灑滿芝士絲，香脆可口。大勢蟹黃膏蛋包飯＄172賣相超吸引切開後流心的奄列仍水漾般嫩滑，濃郁的蟹黃與香滑的蛋包完美結合，味道鮮甜，炒飯底用上醬油跟蔬菜粒，真是色香味俱全。桂花烏龍布甸戚風蛋糕盛合 ＄115口感柔軟的戚風蛋糕，伴堅果及脆脆，層次豐富清新的烏龍茶香與淡雅的桂花香氣完美組合。

門口有個樓梯好復古feel，好適合打卡📸入到去有幸坐到窗邊梳化位，望住個海景食野，好舒服呀😍大勢蟹黃膏蛋包飯 - 上枱後店員會問我地要唔要影相，等我地影完再幫我地切開個蛋，蛋入面係滑捋捋既滑蛋，再淋埋蟹肉蟹黃膏一齊食，雖然好邪惡但好夾好鮮好好味🤤酥炸軟殼蟹塔塔醬漢堡 - 原隻軟殼蟹夾係中間，軟殼蟹炸到好酥脆，包一邊搽左牛油一邊搽左茄醬，配埋塔塔醬&蟹一齊食，又香又脆桂花烏龍布甸戚風蛋糕盛合 - 擺盤好有秋意，戚風蛋糕好鬆軟，桂花烏龍布甸有淡淡花香又唔好會甜，個底有啲堅果&焦糖脆餅一齊食好有口感秋夕山梨桃刨冰 - 份量好大，外層淋滿桃醬，前面擺左切片既山梨桃，唔會好甜，解暑一流二蕃甜薯牛乳 - 一次過試哂紫薯&蕃薯，紫蕃超甜所以味道比蕃薯突出，配埋牛乳一齊飲又滑又香

銅鑼灣世貿中心呢間cafe裝修充滿日系風情，環境舒適好適合同朋友嚟食飯傾偈，餐牌畫風好得意，食物款式多，蛋包飯都有好幾款，仲有多款甜品、飲品，今次試咗幾款秋季限定嘅食物🔸大勢蟹黃膏蛋包飯份量超澎湃嘅蟹黃膏，店員界開蛋包飯後淋哂上去，每一啖都食到，用上炒飯底食上嚟味道更香口🔸酥炸軟殼蟹塔塔醬漢堡漢堡包住原隻軟殼蟹，造型好靚，而且炸得好香脆，成件拎住嚟食好架勢，伴碟仲有好多薯條🔸桂花烏龍布甸戚風蛋糕盛合賣相好精緻，戚風蛋糕上有芝士奶蓋，蛋糕食到淡淡茶香，桂花烏龍布甸質感滑溜，底層配上蛋糕形成豐富口感🔸秋夕山梨桃刨冰天氣熱時最好食冰解暑，刨冰上嘅醬汁味道清甜，仲有果肉同忌廉係冰上，份量超多🔸抹茶麻糬沙冰 & 焙茶麻糬沙冰每件沙冰上有件麻糬，口感超煙韌好食，沙冰內有麻糬打成蓉，仲飲到有朱古力碎粒

踏入初秋，喫茶ちょうぼ 推出左🍁白露秋風蟹逅主題嘅一系列料理，秋意漸濃好有氣氛✦酥炸軟殼蟹塔塔醬漢堡 漢堡包內藏住原隻酥炸軟殼蟹，賣相好生動，軟殼蟹脆身唔會太油膩，同塔塔醬好夾，漢堡用上嘅軟包幾香牛油味✦大勢蟹黃膏蛋包飯 一客蟹黃膏同蟹肉可以自己淋上，鮮味濃郁，流心滑蛋切開軟綿綿，口感和諧，炒飯底帶甜甜嘅醬油味同蔬菜粒✦桂花烏龍布甸戚風蛋糕盛合一個甜品可以食到桂花烏龍味嘅兩種口感，味道非常清新，烏龍茶香同桂花香味淡雅，呢個配搭好夾，布甸口感順滑奶味幾濃，戚風蛋糕質感鬆軟入面濕潤感重✦秋夕山梨桃刨冰 山梨桃肉香甜多汁，刨冰淋上粉紅色嘅桃汁好清新✦二番甜薯牛乳秋季限定 ♪ 個人認為係紫薯蕃薯愛好者必點！杯嘅內圍佈滿厚厚嘅紫薯同蕃薯蓉，甜甜的好重糯香感，同牛乳好夾✦朱古力曲奇黑咖啡黑咖啡上有Oreo 碎碎同幼滑忌廉，黑咖啡嘅香醇同微甜Oreo cream 平衡得幾好