喫麵 (K11 MUSEA) (已搬遷) 新店位置

今日去開尖咀買野，就黎呢間之前係T字頭旅遊網站買左團購套餐嘅喫麵食晚餐。K11 musea喫麵 “Yummee”名字來自yummy好味意思，主打東南亞各國嘅招牌麵食！餐廳以自助形式落order 或以QR code 形式點餐。香芒莓莓熊 / 火龍果檸檸茶香芒莓莓熊 最初只會飲到芒果味，莓味熊仔冰慢慢溶味道就會有變化。火龍果檸檸茶味道較清淡，主要飲到檸檬嘅清新。兩個麵餐盛惠$200上海麻辣黑毛豬扒擔擔麵 （可選辣度）吉列黑毛豬扒食得出都係有質素，厚肉唔乾柴。呢個有驚喜，上海麵質地韌度夠，掛汁力強！湯底超級濃稠，飲落順滑唔嗆喉～陣陣花椒油麻香味加分！吉隆坡傳統蝦麵湯頭望落清徹，但飲落濃濃蝦味，有通菜、叉燒同溏心蛋。

我本身只係cd-rom都忍唔住log in寫評價！職員一係態度惡劣（尤其飲品部戴眼鏡高瘦男子），對顧客呼呼喝喝，只顧玩電話，無禮貌無服務，其餘職員戇下戇下咁。仲衰過大x樂。野食平平無奇，完全唔值呢個價錢。飲品非常難飲，海鹽乜乜漬係我飲過最難飲既野，檸水都不如。京都乜乜茶就苦既！餐牌影到靚一靚，但居然堂食都係就咁外賣杯上！人生苦短，食一餐少一餐，呢間野就浪費左我地二人既兩餐！成間野奇奇怪怪咁，祝早日結業！

海鮮喇沙,味道剛剛好.麻辣擔擔麵,好味! 跟平常的擔擔麵有所不同，帶有輕微麻辣更惹味， 值得推介。雞翼好香 ，只是略為鹹了少許。但總括而言，仍然是值得推介，會再光顧.

上網見到呢個造型好特別嘅奶茶🤤就即刻想過嚟試吓🥰我哋係平日嘅下午2:00左右去真係非常之多空位😂呢度係採取自助形式 就好似快餐店咁喺部機都叫嘢食 之後佢俾錢再之後就可以拎住牌仔等有野食😂.🎈左邊檸檬荔枝茶($36)同喺出面飲既差唔多 份量都幾大不過不失💁🏻‍♀️💁🏻‍♀️推介指數🌟🌟🌟.🎈右邊黑糖珍珠薑奶麥麥熊($42)佢有淡淡的薑味 再有少少嘅麥精味道😂聽落好怪但其實我覺得都幾特別🧐友人就比較接受唔到呢個配搭但係成個熊仔造型嘅冰 打卡一流😍推介指數🌟🌟🌟🌟.🎈泰香炸魷魚($48)炸得非常之香脆 作為小食咁食真係唔錯推介指數🌟🌟🌟🌟.🎈芒果鴨絲牛油果紙米卷($42)呢個相對其他小食比較普通本身我會expect佢係好fresh嘅但係鴨絲有少少鞋😂推介指數🌟🌟.🎈蜜糖蒜蓉炸單骨雞翼($48)呢個嘅蒜蓉味都非常香好貼心嘅係佢做咗單骨雞翼係嗗骨既時後會方便啲推介指數🌟🌟🌟🌟.🎈總體而言我哋兩個人當去食Tea咁去食買單二百幾 價錢屬於中上但係食物質素係出乎意料嘅好下次會去食埋正餐🤤算係一間高質嘅打卡餐廳

餐廳似侯機室設計，牆上屏幕播著外國風景，坐得幾舒服，餐牌上每款食物都有個國家/城市名，但主要都是東南亞美食。新加坡海鮮喇沙 $108 喇沙味香濃，有吸味豆卜，爽口大蝦，彈牙魚蛋，流心蛋同魚片，配料幾多。布吉大蝦冬蔭功粉 $118 呢個唔係咁抵，雖然個冬蔭功味幾好，但真係得兩隻大蝦，無乜料，而大蝦肉霉霉地，失敗。麥麥熊珍珠奶茶 $42香芒莓莓熊 $42 賣相係靚既，飲落就係正常野，不過杯野飲有半杯冰，飲晒隻熊都未溶，其實唔係好飲到兩隻味混合（定其實無預人整溶隻熊去飲？）原價黎講就偏貴，$150食個麵加杯野飲我覺得性價比太唔高，但網上平台宜家做緊推廣優惠，$89包$100以內主食，過左就補差價；另外加送一杯熊飮，不過每日供應款式唔係好多，但每款都打咭able。

「 喫麵 」位於尖沙咀K11 MUSEA 內，位置有點難找，在商場1樓的夾層之中。裝修雅緻，環境舒適。餐廳的菜品非常多元化，齊聚東南亞各地特色美食，包括有香港、吉隆坡、曼谷、台北、京都、上海……等多個地方的美食。價錢方面與K11 MUSEA 內的其他餐廳相比會相對貼地。熊仔奶茶打卡必點！熊仔飲品有幾款，這次選擇的是黑糖珍珠薑奶，這款飲品的熊仔是棕色的，外形超可愛，熊仔慢慢融化的過程都很funny!味道方面個人覺得一般般，不過不失。布吉大蝦冬蔭功個人比較喜歡，冬蔭功味道溫和，辣度較輕，偏甜，清新開胃° 九龍沙嗲和牛湯麵則普普通通，港式茶餐廳風味。

我係為咗杯野飲試呢間K11 Musea入面嘅餐廳😆 對食物都冇咩expectation🙊估唔到兩個麵都幾好食喎😋😋曼谷牛腩船麵個湯底非常濃 D麵吸收哂湯底嘅精華👍🏻 感覺去左泰國🇹🇭
台北紅燒牛𦟌麵湯底都唔錯 不過有少少辣 牛𦟌都幾多😆
總共有 10款唔同亞洲地區嘅麵食(仲有上海擔擔麵、新加坡喇沙等等嘅選擇）

杯飲品入面好多冰 而且係固定冰同甜度🙈黑熊珍珠薑奶好淡 真係純粹for 打卡🤣
香芒莓莓熊相對幾好飲 唔算太甜👍🏻
以原價我未必會再叫飲品
不過我用左 @klookhk app 買 
比一碗麵價錢 $100就有麵+飲品 所以都幾抵😆
餐廳有好多座位 係自助形式嘅💁🏻‍♀️

陪朋友取衫，順便求其搵野食，見呢間吾使排隊，決定試吓，形式似快餐店，係要先購票，自己搵位，聽到叫咪後，自己去柜枱取餐，因為第一次泥，問店員攞餐牌……冇，咁想睇吓有什麼選擇可以點呢？佢話可以直接電子落單（有一部機喺門口），吾係講笑，真係得一部自助落單機，仲要壞左🤣店員唯有不太情願地用收銀機幫客人落單，我地正想走之際，好邪呀！！部自助落單機竟然神奇地恢復正常😱我地叫左 蝦麵 ，雲吞撈麵 ，米卷加兩杯飲品，啲雲吞真係麻麻地 ，蝦麵嘅湯底都可以，其餘都算正常， 不過唔會再嚟喇。

又到星期六啦，又係時候約朋友出去行街食嘢，今次去到尖沙咀，行完海旁啱啱好到晚飯時間，於是就喺旁邊嘅K11 MUSEA搵嘢食。見到呢一間以多國麵食為主題嘅餐廳，俾佢嘅餐單同埋裝修吸引住，於是就入去試吓。《上海麻辣黑毛豬扒擔擔麵》🥜🐷先講豬扒，豬扒超級大塊，餐廳好細心，將咁大塊嘅豬扒切成剛好一口嘅size，方便食用。炸粉嘅粉漿唔會太厚，外皮酥脆但係唔會太油，黑毛豬嘅肉質比較瘦，食落又唔會很肥膩，但肉質依然很嫩，咬落去仲會有肉汁流出嚟。豬扒嘅調味啱啱好，唔會太鹹，保留到肉質嘅原味。擔擔面方面，湯底有濃濃嘅花生醬香味，辣度對我來說是剛好，食得辣嘅朋友可能會覺得辣味唔夠。餐廳會提供好多麵食嘅調味料，重口味嘅朋友都可以按自己嘅需要調校味道。值得一讚嘅係擔擔面湯底非常多，唔會食到一半啲湯就俾啲麵吸乾晒。《星加坡海鮮喇沙》🐟🦐🐟鍾意食喇沙嘅我又點可能唔叫返碗喇沙嚟試吓呢！齋睇牌面，呢碗喇沙已經贏咗好多嘅餐廳，因為佢嘅海鮮都幾多，有青口、白魚蛋、炸魚片、同埋蝦，除此之外，仲有半隻溏心蛋添，淨係食餸都夠飽。湯底方面，聞落去椰香味都幾重，但係食落去就覺得唔算太濃味，而且湯比較稀 ，唔係好掛湯，但正正因為咁，

早前喺網上見過呢杯好卡哇伊嘅熊bear bear特飲，而且仲附有優惠券，買一送一的優惠，所以今日同朋友過去一試。點咗一杯苺莓熊芒果特飲同雪雪熊黑糖珍珠奶茶，而芒果特飲味道偏淡，另黑糖珍珠奶茶味道唔錯。

This restaurant is self-service and you have to make your order on a machine which was a little more difficult than expected - Apple Pay didn’t work either so I had to pay with Octopus instead. If you booked on OpenRice for the discount, the staff will enter the discount code for you after you’ve made your order. No discount for drinks. The portions were huge and the noodles were quite tasty. I couldn’t finish mine! I don’t know how authentic my Dan Dan noodles were but it was very flavourful (t

食完蛋糕就去了下一站，見我想見的熊仔，就是在K11Musea內的喫麵。餐廳在地庫層，不算難揾，而且環境夠大，落單是自助的，主要提供台式和馬來口味食品。我就鎖定了熊仔造型飲品！點了紫色的魔幻熊巨峰提子梳打，敵人點了黑熊珍珠奶茶！再點了新加坡海鮮喇沙和台灣紅燒牛𦟌麵！落好單取飛就等上餐，先來的是熊仔特飲，不得不說這隻熊仔造型係滿分的，冰熊好大隻，而且輪廓好出，唔會一餅野！飲品味道就一般，黑熊珍奶有點過甜，提子梳打則不錯！大大杯飲好耐！牛𦟌麵湯底比較咸，有2大塊牛𦟌，麵的份量也多，加上酸菜、青葱等，味道是不錯的，但咸度減一點會更好！我的喇沙則頗合我心，首先料都算多，魚蛋、魚片頭、大蝦、青口、雞蛋、豆卜！湯底好濃郁，係我鍾意偏重椰奶那種！加上微微辣，食完麵仲剩好多湯，都被我飲埋！我鍾意。呢間店其實環境不錯，但奈何位置也點偏，令没什麼人發現它，它值得更多人！

網上見到這間最近推出了期間限定的維他奶特飲，特意與朋友到來試試門口有屏幕或scan座位桌上的QR Code以自行下單，Order齊全時會於電視螢光幕通知取餐，之前的每一食物或飲品都會叫號碼通知取餐曼谷牛腩船麵（$98）：我試的這個味道較濃，份量適中，個人認為是較抵食又好食的一款；炸豬皮（$28）：較少見，感覺ok；布吉大蝦冬蔭功粉（$118）：朋友認為最伏的一款，大蝦全無蝦味，冬蔭功無辣味，快餐店質素；成都紅油抄手（$48）：與我個人認知的紅油抄手落差很大，感覺是蝦雲吞與蝦餃之間滿心期待想試一款咖啡特飲，來到卻說沒了😔，隨便order了兩杯後，詢問職員才知網上見到的半價優惠必須於收銀處展示一下網上的優惠post，跟職員落order才有⋯😕這算是一次較差的試食體驗，感覺跟快餐店無異，廳面工作加收銀只有一人負責，幸而那位忙過不停的女職員在我多次詢問下依然態度友善，算是挽回了不少分數。

I was waiting for my Little Prince Afternoon Tea so I decided to have a light lunch. I was attracted by their bear drink so decided to come.The drink definitively look cute and there were a lot of "bubbles" in the bubble milk tea. There was a lot of ice to make sure the bear floated. I advise if you enjoy the drink to be rich and sweet don't try it as they have to add a lot of ice of ensure the bear remains on top. However, for me it was just right as I don't enjoy the drink being too sweet.The

今次用了Openrice apps 訂外賣，既方便又可以享受優惠，好開心。會繼續用apps 去發掘新餐廳訂外賣。✌🏼餐廳準時給我們訂購的食物。今次試了台北紅燒牛展飯和河內和牛湯河。紅燒牛展炆得冧，入味。第一口唔覺得辣，但慢慢感覺有點麻辣，之後越黎越辣。紅燒牛展係唔錯嘅選擇。可惜，白飯落得太多水，非常淋，感覺有點像小朋友食的”糊仔”。至於河內和牛河，坦白說，不甚特別。牛肉並非一塊塊，而係碎濕濕，兼且牛肉份量非常少。唯一比較好的是湯底，算是濃郁。但如果沒有openrice 優惠，單以$108購買呢碗牛肉粉，本人覺得不值。