影片
港鐵太子站 A 出口, 步行約4分鐘; 泰聚旁後巷入
繼續閱讀
電話號碼
67738339
開飯介紹
充滿日本巷弄氛圍的居酒屋，以串燒為主打菜式，肉類、海鮮等有數十款選擇，是與好友小酌一番的聚腳點。
繼續閱讀
營業時間
今日營業
17:00 - 00:00
星期一
全日休息
星期二至日
17:00 - 00:00
以上資料只供參考, 請與餐廳確認詳情
有關獎賞計劃
星期日同朋友相約喺太子一間居酒屋小店食吓串燒傾吓偈🏮小店位於小巷內，可以坐室內或者室外，店小但坐得舒適。酒盜芝士 $48————————————酒盜係一種醃漬物，主要成份來自海產，入口非常濃郁鹹香，配芝士好夾🧀再配上清爽嘅青瓜中和酒盜芝士嘅濃郁感🥒雞胸脆骨 $34————————————除咗非常爽脆嘅軟骨部分，仲燒埋軟骨連住嘅肉，又係好有咬口，非常香口。雞腎 $34————————————口感脆彈有嚼勁嘅雞腎，唔會過韌，韌度剛剛好。雞頸肉 $38————————————雞隻經常轉動頸部，令肉質具彈性又有嚼勁，烤過後保持到原有嘅肉汁。雞心 $34————————————因為心臟嘅肌肉組織不斷活動，形成雞心嘅彈性，咀嚼嘅時候感受到特有嘅爽彈口感。煙燻五花腩 $68————————————燻到表皮有少許焦香，腩肉油脂同筋嘅部份口感少許彈牙，非常香口。荔枝豚肉卷 $48————————————燒過嘅豚肉片外皮香脆，配上整粒清甜嘅荔枝，真係好夾，減低豚肉嘅膩感，令味道層次同賣相都更加豐富。燒醬油飯團 $38————————————外層燒得好均勻咁脆脆哋形成飯焦，加上紫菜，香口又滿足🍙黑糖燒菠蘿 $38————————————菠蘿勁出色🍍每一粒都烤上焦糖面，咬落去爆汁勁juicy又甜，解膩一流🫶🏾
繼續閱讀
今晚朋友帶左我黎佢平日成日會去既打躉餐廳~佢話鍾意呢間日式小店唔多人, 飲下酒食下串燒好正喎餐牌有多款日式食品~例如小食, 刺身, 串燒, 海鮮等, 選擇都唔少....我地2人點左枝甘口既Sake~Sake屬偏甜口味~~ 有淡淡米香同自然既甘甜味~口感清新圓潤, 入口清爽俐落, 令人回味無窮好靚既杯丫海膽刺身半板 $230海膽刺身好新鮮, 入口即溶, 鮮味十足~~加埋少少Wasabi同醬油, 味道更加突出, 每一啖都好滿足！爽埋紫菜食有多重口感~~手羽先 $42/串手羽先即係雞翼啦, 即燒上枱仲熱辣辣, 燒到外皮脆身, 肉質嫩滑~雞胸軟骨 $34/串外層有少少焦香, 入面仲好爽脆, 加埋少少鹽調味, 味道簡單得嚟又好食!!雞軟骨 $32/串咬落去好爽脆又有嚼勁雞頸肉 $38/串外脆內嫩, 肉汁好豐富, 勁好味~~雞皮 $34/串唔算係好脆卜卜, 保留到雞皮既彈性~~雞腎 $34/串燒得唔會乾又唔韌, 而家好爽脆
繼續閱讀
#pb食在太子 #pb日式系列 太子窄巷內日式串燒店🍢今次想介紹一間日式串燒店😋 佢位於太子花園街一條窄巷入面 雖然位置唔方便 但都有唔少人會黎飲下酒、食下串燒👍🏻 店內環境唔大 只有9-10個位 坐滿人會好窄、好迫🤪 店內外裝修都好似日式居酒屋 師傅即場燒串燒 然後拎到客人面前😍.佢嘅串燒款式好多 有牛、豚、海鮮、雞、蔬菜等😋 價錢$22-$248不等 唔算好平🤪 除左串燒 佢仲有沙律、佐酒小食、炸物 主要都係送酒為主👍🏻 飲品方面 佢有大量日本清酒 岩哂鍾意飲酒嘅人🥰推介❤️🔹話梅漬蕃茄🍅呢款前菜好開胃👍🏻 蕃茄仔被話梅酒浸到好入味 味道酸酸地😋 而且蕃茄仔水份好足夠 咬到好juicy😍🔹雞心喉管🐣師傅將連住雞心個部分切出黎分開燒 幾特別😍 細細粒但口感好爽口 就算唔太鍾意食內臟應該都會接受到👍🏻🔹手羽先🐣好大隻雞翼😍 外皮微微燒香 咬落好juicy 油脂即刻爆出黎🤪 佢嘅肉質好嫩滑 好好食😋🔹燒牛小腸🐮佢用左味噌去燒 食落味道甜甜地 味噌味完全遮左牛小腸嘅臊味👍🏻 腸入面仲有少少肥膏 油脂豐富🤪.其他食物（正常發揮🤪）🍢🔹雞心🐣🔹雞皮🐣🔹雞頸肉🐣🔹雞胸軟骨🐣🔹油甘魚鮫🐠.整體✨ 呢間位於太子嘅串燒店位置好隱蔽 係一條窄巷入面 但好受歡迎🤪 店內環境唔大 裝修好似日式居酒屋咁👍🏻 串燒選擇幾多 價錢雖然唔算平 但質素唔錯😋 建議大家可以食飯之前去飲杯酒、食少少串燒chill下🥰喬居酒屋 (太子) · 🤝🏻🤪太子花園街239號嘉慶苑地下C號舖
繼續閱讀
之前社交平台睇過谷導介紹喬居酒屋鍾意捐窿捐罅嘅我記咗入腦長假期經過太子酒吧街靜英英忽然醒起轉角有驚喜21:00-24:00 深宵串燒套餐抵食喎！Asahi + 7串 $228私心推介頭3位🌟燒雞心㗋管：係我鍾意嘅爽脆口感❤️🌟燒吞拿魚下巴：外脆內油·滑·香！🌟阿波美手羽先（燒雞全翼）：大大隻！雞肉好滑！大廚同經理熱情好客叫客人點歌我哋同隔籬枱熟客生客都極易搭訕😂互請sake斟吓乾吓乜都傾吓10幾座位嘅巷仔小店就係咁輕鬆好氣氛
繼續閱讀
朋友介紹，有日放工去咗呢間太子嘅隱世小店隱世係因為佢係一個好唔起眼嘅街入邊嘅一條巷仔入邊一間好細嘅舖，室內好似10個位左右，室外好似有一至兩張枱。當日去嘅時候有四台客，有啲食食吓都出咗去食，店員會同大家飲酒吹水，氣氛唔錯。空間係有啲迫，但係都有樣好，食物唔會一次過上晒，一路食一路上一路可以慢慢傾偈，所以啲食物新鮮熱辣更加好味。因為只係兩個人去，所以坐咗喺枱仔冇坐喺Bar枱 。我哋嚟到嘅時候叫咗個小食，同埋一個刺身拼盤。個小食係炸蝦仔，鮮味送走一流。刺身拼盤新鮮，佢哋都係揀時令海鮮，拼盤有白子有驚喜 。跟住再嚟咗個螢光墨魚，個墨魚如果就咁食會有少少鹹，但係送走就啱啱好跟住嚟咗一啲串燒，推介雞翼同埋一個店主介紹嘅雞肉，係特別位置，好爽脆好好食在下面啲串，連埋雞皮燒好好食，即刻加多一串仲有個串燒鰻魚都好肥美非常滿足的一個晚上 。註：唯一美中不足係本身點咗個梳打水，店員誤解咗係要有味嘅Cocktail，因為嗰杯太甜有少少影響咗整體感覺
繼續閱讀