嘆撈

營業中

休息中

今日喺屯門虹橋附近食咗一間餐廳，之前都見到呢間餐廳好多年，以前經常晚上過嚟食甜品，今次都係第一次食午餐😎 主要都係食撈麵同甜品為主👍👍 我哋食咗個海嘆撈-炸蟹柳，炸蝦米同帆立貝👍👍 再撈埋涼皮另一個是禽嘆撈-手撕雞、鵝腎、煙鴨胸 另外加多10幾蚊就可以配埋甜品以及嘢飲👍👍😎 我哋叫咗西米露同埋白土烏龍茶 加埋都係百幾蚊十分之抵食！ 👍👍👍地址：嘆撈 (屯門)屯門井財街15號金銘大廈地下4號舖

我好鍾意食啲麻辣嘅嘢，所以朋友介紹左一間食撈麵嘅一間餐廳，讓餐廳有好多唔同嘅材料揀、仲有糖水同埋小食，可以一次過滿足我唔同嘅願望😆大盛嘆撈呢個撈麵係有好多唔同餸，手撕雞、豬頸肉、牛柏葉、鹿茸菇、雲耳，朋友揀咗撈麵同埋唔辣嘅，佢啲汁好掛喺個面度，所以食落好夠味，同埋佢一啲都冇揸流攤，係好足料，一路食都覺得食極都食唔完咁😆真係好豐富同好開心！蟹嘆撈而我自己因為鍾意食辣，所以我就叫咗小麻辣，配咗涼皮。同樣地都係好掛汁，食每一啖都好夠味！佢嘅軟殼蟹、炸蟹柳係另上嘅，所以食落去仲係好脆口、同埋好香，上面仲有好多嘅花生、芫荽、青瓜絲，超級足料同埋撈埋一齊食，唔會覺得好油膩之餘仲要好香🤤佢除餐可以加錢有支裝嘅嘢飲，啲嘢飲都唔錯，另外我哋都加咗墨魚卷小食，佢哋嘅小食同樣都好出色👍🏻

屯門井財街呢邊就出名多好嘢而呢一間佢哋嘅爆蒜撈麵真係好出名，之前都有好多朋友推介我去試吓，今次喺度再叫咗佢哋嘅蟹子麻辣雞軟骨＆牛嘆撈。 蟹子麻辣雞軟骨$55一上到台就見到超多紫菜同蟹籽撈落去非常爽口好滿足，面底就偏有口感麻辣味都好夠，鷄軟骨做得好入味同好脆口 牛嘆撈$48而呢一個調味就有少少唔同，蒜頭同埋油香撈落去非常香口加埋青瓜同炸花生令到成個口感好豐富。牛肚都炆得比較腍好入味 糖水方面就嗌咗佢哋嘅椰汁西米露同埋芋圓愛玉，西米露系比較大粒嗰一種會比較有咬口，芋圓就好q彈

我今日約同好友去屯門遊覽，順道去位於屯門井財街15號金銘大廈地下4號舖的嘆撈食撈野，小店型式經營，坐得舒服。我點左個 蟹嘆撈 $62，有炸軟殼蟹及炸蟹柳，追加 $12的牛展，麵底係涼麵，用爆蒜撈，有青瓜、芫茜、紫菜絲和櫻花蝦；甜品係椰汁西米露 $14（跟餐）；餐飲係自家龍眼水 $12（跟餐）；好友點左個 禽嘆撈$56，有手撕雞、煙鴨胸及鵝腎，麵底係紅薯粉配蕃茄湯+$2，配料有炸花生、炸黃豆、蒿苣和肉碎；甜品係檸檬愛玉 $14（跟餐），小食係鮮炸雲吞 $28（跟餐）。整體黎講係好有特色的嘆撈餐食，再加上甜品及小食，飽飽啊！

今次黎到出名食野種類繁多又便宜既屯門紅橋見到嘆撈呢間舖頭名就比佢吸引左入去試原來店舖主打四川涼拌同特色撈麵不過我同朋友都受唔到辣所以就叫左一個蟹嘆撈涼皮同蕃茄湯日式叉嘆撈紅薯粉 🍜每個餐都有得揀麵底、湯底同埋，辣度🌶️仲有跟餐甜品或野飲蟹嘆撈涼皮🦀首先涼拌既配料非常多就咁已經滿滿既一碗佢地加埋既味道恰到好處蟹柳同軟殼蟹都炸得非常酥脆而且內裡都非常肥美性價比高蕃茄湯日式叉嘆撈紅薯粉🍅個湯好有蕃茄味 雖然唔加辣 個個鹹度依然啱啱好紅薯粉亦都煮得好透徹唔會太韌又唔會太腍豬頸肉同叉燒都落得好多食極都仲有😂啲配料都好足好新鮮值得再食！跟餐加左個自家龍眼水🥤龍眼肉真材實料 唔會太甜解渴一流檸檬愛玉🍋酸酸甜甜既檸檬加埋滑嘟嘟既愛玉清新到食完野既口腔最後叫多個甜品 桃膠雪燕西米露🍧見到桃膠同西米都好足料整體味道唔會太甜所以食完都唔覺膩今次亦都見到店舖服務態度好好係一間值得支持既小店👍🏼

🥵近日天氣好悶熱, 🤪最啱食返啲涼爽嘢❄️🌁屯門紅橋人氣甜品店 - 嘆甜品🍨🆕開咗新副線 - 嘆撈🌟主打港式撈麵🥢, 涼菜及糖水🥣📍位於舊店近巴士站位置, 嘆甜品則搬遷至內街Step 1️⃣涼拌｜湯麵Step 2️⃣麵底選擇：涼麵｜涼皮｜紅薯皮Step 3️⃣撈法：嘆撈｜爆蒜撈Step 4️⃣餸菜選擇🔸禽嘆撈🐔🐥🪿 $56 6/10煙鴨胸｜鵝腎｜手撕雞➕加配：+$16 帆立貝 +$8 木耳 +$8 鹿茸菇🥣麵底：涼皮｜嘆撈｜唔辣🥢嘆撈 = 四川風味, 配料會有炸黃豆, 花生等基本餸菜中, 🪿鵝腎份量佔較多, 約有5-6片🐥煙鴨胸3-4片, 🐔手撕雞去皮去肥膏➕加$16的帆立貝, 只得表面一小粒🤔🤣物以罕為貴, 口感偏乾偏好爽口的鹿茸菇及木耳😋🥣涼皮份量好多, 滑身煙韌, 有啲痴埋一齊揀咗唔辣, 相對上會冇咁惹味😳🔸日式叉燒撈🐷 $58 6.5/10日式叉燒｜豬頸肉➕加配：+$18 蟹籽 +$10 中華海蜇🥣麵底：涼麵｜爆蒜撈｜BB辣🌶️🥢涼麵幼身爽口, 好香蒜味🧄🆙係升級版的包裝撈面😝🔴日式叉燒偏紅色, 似中式叉燒🫨, 醃得入味👍🏻片狀中華海蜇, 口感爽脆😙👻推薦涼麵同一定要揀辣🌶️🔸可樂 +$1

呢間嘆撈除左係街坊食堂仲係Emi虹橋推介頭三位，次次去親都會叫粉皮同黑糖冰粉，由其是而加熱辣辣嘅夏天食唔到熱米線，食涼拌就最正🧏🏻‍♀️雞。嘆撈 $48嘆撈嘅配料有芫茜，青瓜，炸花生，炸黃豆，餸就係手撕雞同雞軟骨，個醬汁夠香辣，粉皮滑捋捋有口感，唔會痴埋成舊，塊塊都可以撈到醬汁，好開胃雞。嘆撈 $48呢個我地轉左做爆蒜撈，佢嘅配料就有芫茜，青瓜，紫菜同埋櫻花蝦，味道係好似葵廣旺中食一包包透明袋果啲撈撈兩款撈撈辣度由BB辣至到去大辣都可以，除左粉麵佢仲有小食糖水可以叫。平時食完撈撈通常都會叫多個黑糖冰粉或者檸檬愛玉，佢地仲有自家製龍眼水，好清甜，有時食得辣小小飲完都幾解辣🧊

去了屯門一間港式小店歇腳，小店有自選湯麵、撈麵、涼菜、小食及糖水，款式都多，就同朋友點了2碗自選湯麵，各自加$12配龍眼水及荔枝烏龍，第一碗自選湯麵配日式叉燒配豬頸肉，另一碗配炸軟殼蟹同蟹柳，必配搭芫荽、炸黃豆、炸花生及蒿筍等配菜，辣度級數也可選擇，我揀了少辣，味道濃郁同酸辣味調配剛好!另外，揀咗2款小食。炸墨魚卷: 薄薄的春捲皮著蝦墨魚肉, 外皮爽脆, 配上酸辣汁,真喺好味。炸雲吞: 炸的雲吞，入口香脆，蝦肉彈牙。嘆撈地址 : 屯門井財街15號金銘大廈地下4號舖

今日同老公又入屯門探爸媽，多數會在附近先搵食，今日去嘆！？嘆咩呢？小店地方不大，裝潢簡簡單單，很有小店的特式。主打撈麵、滷水、甜品，亦有湯麵和涼菜。我要自選嘆撈BB辣（$30）加配辣味帶子裙邊 （$10）、中華海蜇 （$10）和帆立貝（$16）共（$66），而嘆撈本身有多款配料，包括青瓜、芫荽、炸黃豆、炸花生和芝麻，好豐富！吃前先撈一撈，涼麵沾上香辣醬料，好惹味！涼麵口感不錯，有咬口，唔會太腍或太硬，伴埋清爽嘅青瓜、香脆嘅炸黃豆和炸花生一齊食，滋味！帶子裙邊和中華海蜇都好爽口；帆立貝柔軟，三款味道都不錯！老公要碗大盛嘆撈轉湯粉麵（$69+$2），共有五款麵料，包括啖啖肉嘅手撕雞、爽口嘅豬頸肉、牛柏葉、鹿茸菇和木耳，加埋湯嘅配料，有芫荽、雪菜、酸菜肉碎、炸黃豆和炸花生，大滿足！佢揀了晶瑩剔透嘅紅薯粉配酸辣湯BB辣，滑身入味，酸酸辣辣，好滋味！自家龍眼水（$0/午餐奉送）好好味！用料足，甜度剛好，好滋潤！白桃烏龍茶（$0/午餐奉送）很清新解渴，茶香港有些桃香，好喝！究竟辣五寶滷水拼盤（$59）有邊五寶？原來有雞腎、萵芛、牛柏葉、金錢肚和鹿茸菇，五款都好爽口入味，最鍾意係雞腎。想香辣一啲就再

夏日炎炎想食麵，可以揀涼麵，“嘆撈”除左麵之外，仲有小食同甜品🍧，一定要支持小店🤝。🌈日式叉嘆撈 $58爸爸揀左吾辣🌶️，叉嘆撈有叉燒及豬頸肉，配料有青瓜絲🥒、芫茜、炸黃豆、炸花生🥜，涼麵撈埋配料青瓜絲更顯爽口，我哋額外加12蚊有手撕雞，雞肉唔韌。🌈燒賣(6粒) $11檸茶最近♥️愛上既小食之一，如果食得辣可以揀口水燒賣。🌈蟹噗撈 $62蟹噗撈有炸軟殼蟹🦀同埋炸蟹柳，我揀左涼皮中辣，涼皮原來即係紅薯皮，口感煙煙靭靭。🌈芒果蘆薈小丸子 $43本身跟套餐加14蚊就有糖水食，但檸茶話要食芒果（其實媽媽都想食），用匙羹撈起除左蘆薈粒，芒果粒，小丸子，原來仲有西米露。📍嘆撈📌屯門井財街15號金銘大廈地下4號

✨紅橋多嘢食係人都知，一到咗夜晚，真係成條街都香噴噴🤩🤩今次我哋去咗食✨嘆撈✨✨餐廳環境餐廳環境以白色設計為主，座位唔算太多，大約坐到10-15個人左右，呢度好多人叫外賣😎✨食物方面佢哋主打唔同嘅撈法😎包括有涼麵、涼皮、紅薯粉，配料可以自己揀又得，跟佢配又得🤩辣度都係自己揀👏🏻小食都有好多款，可以另外加配，而且仲有甜品可以叫埋🤭真係幾好👍🏻👍🏻✨爆撈味付什錦呢碗材料不得了，有芝麻八爪魚🐙味付螺肉、辣味帶子裙邊、中華海哲，而且辣度岩岩好，勁大碗，食唒都好飽🤣🤣✨爆撈蟹籽雞軟骨呢碗好有以前細個食撈麵既懷舊味道🤭勁多蟹籽，加上雞軟骨，食落口感好好👍🏻👍🏻👍🏻✨炸墨魚卷炸得岩岩好，而且好彈牙，好有口感，加上甜酸醬點埋一齊食好好味🤤✨檸檬愛玉🍋食完撈麵食番個糖水就最正😎有濃濃檸檬味，加上愛玉，食落感覺好清新🤩🤩✨椰汁西米露傳統糖水😎又吾會太甜👍🏻而且西米夠淋，入口有口感🤩吾會好粉👍🏻👍🏻👍🏻✨白桃烏龍茶勁香烏龍茶味😎真係飲落勁清新🤩🤩加上白桃味勁易入口👍🏻大家可以試一試😎😎😎嘆撈 (屯門)屯門井財街15號金銘大廈地下4號舖

舖頭空間位置唔算大，但都唔會坐到好迫好唔舒服，老闆應該係一個K-Pop fans，全程聽到好多K-Pop🤣雞嘆撈（手撕雞+辣雞軟骨+青瓜）有唔辣、BB辣、小辣、中辣、同埋大辣選擇，自己嗌咗小辣，幾惹味，唔會話非常辣，但又會忍唔住一啖接一啖食，油面好煙韌，配埋啲炸花生，炸黃豆，青瓜一齊食好爽口，成個口感層次都豐富咗。成碗麵相對嚟講份量算大，食得好飽。三色芋圓愛玉芋圓煙煙韌韌，仲有咬口， 食落酸酸甜甜，愛玉好滑，凍冰冰涼浸浸，夏天食就最適合。鮮炸墨魚卷即叫即炸，端上台嗰下熱辣辣，墨魚味幾重，口感彈牙。朋友另外叫咗蟹嘆撈（炸軟殼蟹+炸蟹柳）炸蟹柳表面炸得脆卜卜，入邊係飽滿嘅蟹柳，好味。

星期五放工同男朋友去到屯門紅橋食晚餐，見到有間抵食撈麵小店，menu選擇多樣，配料組合新穎，十分吸引眼球，忍唔住入去試下～麵底就有涼麵、涼皮、紅薯粉同酸辣粉可選，之後揀撈法，有「嘆撈」（川式風味）同「爆蒜撈」（日式風味）兩種，最後再選擇辣度😋🍜雞嘆撈（$48）軟滑手撕雞配上大大粒充滿嚼勁的雞軟骨，青瓜絲同芫茜帶來清脆與清香，炸黃豆及花生粒增添酥脆感，灑上芝麻香氣四溢。麻辣撈麵汁掛滿麵身，與多款食材交織出豐富味道🍜叉嘆撈（$58）大大塊日式叉燒肉與豬頸肉的組合，配搭日式風味的紫菜絲同櫻花蝦，濃郁辛辣的蒜粒與清脆的青瓜絲、芫茜相得益彰，係蒜香愛好者嘅不二之選～🥢燒賣（$11）六粒只需$11，超抵食！配搭自家製椒麻豉油，更加令人回味🥢鮮炸雲吞（$28）外層金黃酥脆，內餡竟然有鮮蝦😍配以泰式甜辣醬，特別香口🍑白桃烏龍茶（跟餐$12）清新爽口，帶有淡淡的白桃香氣，茶味回甘綿長，消暑解渴🍒荔枝紅茶（跟餐$12）誘人的荔枝香氣，滋味甘甜醇厚，回甘悠長，清新怡人🍋檸檬愛玉（跟餐$14）綿密Q彈的愛玉清爽酸甜，係夏日絕佳解渴甜品

呢間係我係紅橋既其中一間最愛成日放工都有去食主打麻辣撈麵口味偏好都適合香港 辣度唔太誇張有唔同配料選擇亦有懶人專用既各種配搭好既套餐價錢非常親民雞。嘆撈主配菜有手撕雞 雞軟骨上而會有青瓜絲增加口感涼麵食落幼身爽口口感偏鮮同有辣香仲可以5蚊加爆芫茜真係大大一碗上 芫茜人必點大盛。嘆撈係大大碗既什錦餐有齊哂手撕雞 木耳 豬頸肉 牛柏葉 鹿茸菇個人好鐘意豬頸肉同鹿茸菇凍食有咬口亦都特別辣得過癮紅薯皮好少見 係圓圓一塊煙煙韌韌索汁得來唔會過軟口水燒賣非常推薦 辣油芫茜好惹味好快就清哂檸檬愛玉/五彩冰粉跟餐可以加甜品個人好欣賞檸檬愛玉酸甜解辣好岩夏天食

同事介紹虹橋有間撈面又平又抵食今日收工黎試試 鋪頭面積唔大 但都幾乾淨企理而家天氣咁熱 食碗涼拌撈面就最岩✨禽嘆撈入面有手撕雞 鵝腎同煙鴨胸 仲配左青瓜絲同紫菜 食落有啲似以前細個成日食一包包個種冷面蒜味都夠濃 手撕雞都好入味✨爆蒜味付什錦有芝麻八爪魚 味付螺肉 辣味帶子裙邊同中華海蜇 加埋青瓜絲同撈面一齊食 口感豐富✨麻辣雞軟骨份量都唔細 而且都算幾大粒食落辣度適中 雞軟骨有咬口✨鮮炸墨魚卷應該係即炸 熱辣辣 入口幾彈牙仲有配泰式甜辣醬 唔錯每款撈面都可以自己揀辣度同配料 仲有自家製飲品 試左佢既龍眼水都幾清甜價錢都唔算貴 性價比幾高而且見到仲有糖水個啲可以嗌 決定下次再黎試下🙌🏻