嘉麗園潮州粉麵餐廳

營業中

休息中

　　今日同屋企人落YL買餸，行行下覺得肚餓，就諗住揾D嘢醫返個肚先。呢間上年食過一次，因為次次都要等位，真系好麻煩咯。　　24蚊一碗系YL嚟講唔算平喇，不過有自制辣椒油任食，不過辣椒油勁辣，食得幾多姐！（講真啊，甘辣唧辣椒油，都唔知佢入面有冇摞咗D咩入去，因為真系辣到離晒譜果種咯）飲嘢，豆漿5蚊，凍檸茶竟然要12蚊甘貴，系又一離譜之作咯。　　總得嚟講，系YL呢個美食集中地，24蚊一碗簡單唧牛肉麵已算好普通，如果想食下勁辣辣椒油可以嚟試一試唧。　　

嘉麗園係元朗開左好耐.....的員工做野好快二十四元.的墨丸米.足料食到隻墨....仲好正....但米好少.湯係味精水來.........反而辣椒油好香...係比以前少左味精.....哈...老闆潮州佬在客面前罵人...感覺一般.

這店以誇張見稱, 由鋪面, 裝潢, 餐單... 等. 但出品的水平亦不差, 由小鬍子潮州老闆親自押陣.在日前看了食友的評論, 才挑起條筋入元朗遠征.中午十二點半, 人客只有七成滿, 入座率明顯比以前少, 可以一人佔一圓枱.叫了牛什撈麵, 三十一大元. 因為撈麵比湯麵貴九大元.十分鐘有得食, 是用碗上的, 用原汁而沒有加蚝油.材料算是豐富的, 有少量生菜, 牛膀, 肺, 肚, 大腸, 粉腸各一件, 哂士普通.下兩匙更辣椒油, 又香又辣, 甚為過癮, 味道稍鹹,麵只是一般, 吸飽了原汁, 好味.跟上的湯很重牛味和蒜味, 絕不簡單, 小鬍子老闆曾否認有味精, 我郤肯定有, 而且很多.牛什是每件都精彩, 入味, 口感佳, 不太腍, 有咬口, 是洽到好處.侍應們都很勤快, 帶著對講機, 但是禮貌郤不差.這裡是食完要速閃的, 像澳牛, 而且坐得不太舒適, 不宜久留.

是日朋友介紹話元朗有間食粉麵幾好既餐廳，又話個度既牛腩ok，反正呢日都未食lunch，試下無妨。入到餐廳，都幾多客仔，二人選在角落的位置坐下，點了兩個牛腩墨丸米粉，d牛腩好好味，好淋好軟身~~~正正正，就是這種味道, 除左大家樂早排新出既上湯生麵個牛腩好食之外本人在好多地方試了多家粉麵,食來食去,這裡是最合我意的，真的只有嘉麗園先至食得到,腩汁味的湯底好濃郁, 非常ok，墨魚丸都幾真才實料,有墨丸味且彈牙， 但味道不太夠. 呢度既腐乳通菜都係好食。下次入元朗, 嘉麗園應該會係我食牛腩選擇既好地方!!!

毎次去YL都會想去食依度既牛腩 ~ 因佢夠淋夠入味. 啱啱個 weekend 又入左去YL見朋友, 原本諗住去食麻辣米線但最終都係去返食牛腩麵. 入到去人唔算多, 可能中早 (六點幾), 不過食完時已坐滿晒人了. 睇見佢既MENU就有少少眼花 ~ 有成六七張. 最後我要左牛腩墨魚丸麵. 記得上次食過佢既牛丸覺得麻麻, 所以今次TRY下其他丸. 個墨魚丸都算幾真才實料, 但味道唔係好夠. 個牛腩仲係好味 ~ hope 佢地可以keep住個水準啦!

論牛什河, 嘉麗園始終都係元朗最佳, 甚至比起外面的名店也不輸蝕價格幸好穩定下來了, 上年加到 $22終於無再上升河粉仍然很滑湯底亦無甘咸了, 六寶河, 連埋紫菜, 其實有八寶但每粒丸的size好似縮水了, 幸好味道仍然keep得住, 特別係皇牌的墨魚丸不過, 今次的泰國通菜唔得, 比較老, 有渣, 要扣分所以, 只俾ok

好耐無去嘉麗園了，行開呢度一於幫襯下！Order咗四寶河同豆漿，四寶河依然保持水準但杯豆漿就麻麻地由於星期日關係等位既人特別多，嗱嗱聲食完就走！埋單 $33

時間唔早喇,費事諗食咩。舊地重遊,「嘉麗園」也算是元朗特色吖!為食地,可樣樣食d,咪食牛雜十寶麵law!部份牛肚比較韌,牛腩、牛筋、牛肺都腍既！麵有鹼水味。黑椒牛筋丸米,俾左河粉,算…..橫掂湯濃,河粉係入味d既。牛丸果真係有牛筋粒o係裡面!粒丸既牛肉好real,一點也不「化學」,爽!雖然當時唔係好想食粉麵,見到廚房門面上,有好多咖啡壺載著林林總總的香料,都好難抗拒佢既潮式味道真係好濃到…..濃到確喉啊!

要好的朋友家在元朗，每次有空我都會過來gather，吃了太多次B記涼粉，今次就轉戰這邊的魚蛋河，試一下也好，話哂門口都有好多人排隊，人氣十足。很多人都點魚蛋河，就知這裡的出品錯不了，自己要了一碗，朋友要魚皮餃河。河粉很滑，魚蛋亦夠彈牙，有數塊魚片幾粒魚蛋，份量足料，湯底也很不錯。辣椒油是意想不到的味道，不算太多油，但夠辛辣，很正! 辣椒油自己下得重手，最後要了一杯豆腐，5蚊，有豆味，不是溝水的，飲得過。伙計落單快手也熟手，turnover很快，而且亦有禮貌。整餐飯，夠快又有水準，絕對吃得過。朋友埋單，感謝。

真係好味, 試過就知! 最like 食濃味既野, 試晒咁多間既湯, 呢間既潮式牛腩湯底最好味! 辣油勁辣, 落少少就夠! 通菜都係必食, 不過$24 貴咗d.

o岩o岩前果幾日先比番食評佢, 今日去開錦田....順個便入元朗食牛丸..今次記得影番張相比大家睇....七粒牛丸加紫菜淨牛丸 $22 + $1 外賣費

一向以為食牛丸就要去勝利, 點知有日同開朋友吹開水, 佢話有間嘉麗園仲好食, 決定走一趟 去尋找 牛丸的故事...只有口述既地圖, 男友駕車亂打亂撞結果比佢見到, 可惜無地方泊車唯有買外賣上車食只叫了一碗淨牛丸, 結果除了牛丸,個湯底竟然有紫菜牛丸比勝利既大粒, 而且還要彈呀....至於牛肉味就2間不相伯仲再有機會入元朗, 嘉麗園應該會係我食牛丸選擇既地方

來了這麼多次，今天終於叫了十寶河及雜錦炸物十寶河來有十種丸or餃，牛丸、豬肉丸、墨魚丸、水餃、雲吞、紫菜等，樣樣都好好味。雜錦炸物：粉絲皮春卷2件、炸山水豆腐6件、炸大腸6小件粉絲皮春卷：好香口，一流炸山水豆腐：加上甜酸汁，好似食臭豆腐一樣，但這個不臭的炸大腸：份量非常之小，每件只有3 x1 cm的大，本人不喜歡食，但男友話好好味

1月3日今天男友入元朗，我們便一起去很久沒有去食的嘉麗園，在香港都食過不少麵店，但還是這裡最好味的，價錢雖然由中學時代的16-18元一碗，到現在最平的一碗要22元，4寶要26元左右，都是很多人來的。基本上我每次來都會叫四寶、雲吞、牛什、牛腩的，今次便叫了雲吞麵，雲吞雖然不是太大粒，但每粒都有1隻中蝦及適量的豬肉，一碗有5粒，美味呀。牛腩米粉的牛腩都是很淋及入味的，已22元的價錢食到這麼美味的牛腩，是很好的。每次來都好想叫十寶麵的，但好似太多了。

雖然在珍味串燒吃到一肚子氣, 但仍然是四肢發軟, 肚餓無力。急急腳行過幾條街, 趁嘉麗園九時關門前, 來一碗質素有保證的紫菜三寶米。我倆新婚夫婦進住這區大半年, 發覺元朗有很多霸道而有性格的食店, 嘉麗園便是其中一間。從不理會食客們喜歡不喜歡她們的裝修風格, 她們的裝潢極度誇張, 牛頭馬面紅噹噹, 室內已安裝了冷氣, 但天花還是裝滿了電吊扇, 掛滿閃爍的彩飾, 牆身鋪滿光鏡, 不合比例的閃亮不銹鋼高身枱和低身椅, 用盡每一寸地方, 務求令食客們覺得金碧輝煌, 眼花瞭亂為止。賣的食物亦很誇張, 有大多數人不會接受的牛內臟、牛鞭、牛春子, 各色各樣的丸類, 很好吃的潮州墨魚丸更是賣一斤百多元, 貴得誇張。雖然裝潢極度誇張, 可是環境却不見得衛生, 食客們遺留的tissue一地都是, 而且有時枱面更是痴痴瀝瀝的, 雖則如此, 但每天都是客似雲來, 生意多到做唔切。她們的多寶丸確實蠻好吃的, 我點了三寶丸, 紫菜很多, 普寧豬肉丸和汕頭魚皮餃很鮮味,魚扎更是優質, 內裡的香菜味道一流, 不加腩汁味道更清, 更容易品嚐到原本的鮮味。而且份量不少, 可是價錢相對上是偏貴, 所謂一分錢一分貨。另外在