噹噹燒 (已結業)

讀polyu o係附近又聽講幾好味咪試下law話十二點開門十二點都未開好食唔怕等wawawa 個店細到呢d人話裝潢好我真係睇唔到我地四個加第二台五個九個人吧台勁迫後尾仲死加多落黎掂住隔離個男人食飯坐門口位個fd 就快跌出街又無預人放bag 攬住勁重等成廿分鐘都未到未開始食腳已經痺黎喇佢出名係燒餅wawawa 午餐個燒餅得可憐完全唔係下面睇相o個d law女仔一個食我都唔夠飽三點三仲要食返個tea 先夠飽味係可以但環境真係好唔得唔係話好味到我忍受到上面o既野四十幾蚊唔夠飽坐得唔舒服又等得耐我寧願返學校canteen or 都會食

我很耐之前已食到成為永久會員,而家已有8折,出於店內的服務十分滿意及讚賞,如週日都開就更加方便了.我已介紹很朋友去,最重要係十分便宜

之前去過銅鑼灣遊X同類型食肆,o個度標榜正宗大阪風味,但o係大阪居住過o既我一食就知不對勁.試過噹噹燒之後先發現原本香港仲有正宗大阪口味o既燒餅!雖然size冇大阪食o既咁巨型,但都足夠2個女仔share,又有多個選擇,真係食極都唔厭呀~最緊要消費夠平,上次我地個frd去2個人食左一個燒餅,4個小食,仲要甜品都係$200樓下,真係好抵~美中不足係太多客,要食真係要早少少排隊~

其實佢地開晚上6點架喎..同埋星期日休息囉...你會唔會早得滯去????未食已經"劣"人地...真係令人費解!!

原本想吃‘噹噹燒’日本燒餅，事前已經訂了位，怎料去到時竟然未開門！氣死人啦，未嚐過都要評為十個劣．休息的話可以事先打電話通知人，不然我留電話給你有什麼用

Dinner. 燒鴨胸: 個人覺得很香口; 朋友則覺得黑椒太重燒八爪魚丸: 可能是吃過最正!芝士雞肉: 有d鹹, 但ok. 燒雞軟骨: 最普通.超級噹噹燒餅: 總知非常美味, 有口感. 芝士鹽燒拉麵: 似芝士撈丁, 美味, 但有d鹹同油. 紅豆汁燒年糕: 普通. Service 可以. 環境屬小店風味, 要坐得舒適的話, 不要來.但我們還是坐了兩個多小時...

曾經去過日本既大阪，試過一間專買大阪燒餅既小店，就開始鐘意日式燒餅。經過尖東既噹噹燒，知道招牌特色係買日式燒餅，都有Ｄ興趣入去試試！當踏入去，侍應會先叫客人除鞋擺係近門口鞋架，有Ｄ重尋晌日本既燒餅小店既感覺。因為小店關係，加上樣樣食物都即叫即做，所以都要耐心等等，好彩牆架上有好多日本漫畫，邊睇邊等Ｄ時間都好快過！我地食套餐，有木魚湯、煎鴨胸、兩款串燒、超級噹噹燒燒餅同甜品，因為樣樣都份量少少，兩個人食都勉強夠。講番Ｄ食物，煎鴨胸都幾嫩；串燒揀左芝士雞串燒（雞肉一隸夠嫩滑，配芝士感覺好香濃）同八爪魚串燒（都ＯＫ啦）；而個燒餅都唔錯，唔會話太餬口，又唔會太乾身，不過雖然話有蝦、鮑魚、瑤柱…等，但略嫌材料少左Ｄ；最後既甜品係紅豆汁燒年糕，Ｄ日式年糕烤得面層少少脆，內裡煙煙韌韌，配上香甜既紅豆，唔錯，都係個句，得三件仔，起碼都俾四件啦，兩個人好分Ｄ嘛！

總共食過2次, 第一次已經係N年前, 第二次大概半年前左右, 總括而言:地方: 鋪頭易搵(往紅隧扶手電梯一望左手邊就係), 環境: 入去食野前要除鞋, 店主有鞋櫃放置大家既鞋, 可放心. 入到去一排BAR枱+4張2人枱, 都幾窄. BAR枱少不免有油煙不過可以睇住廚師整野食. 怕油煙怕熱可選擇2人枱食物: 燒餅有特色, 但材料與燒餅比例大概係4:6. 推介雞軟骨串燒, 夠乾身,加上調味料一流. 上菜速度一般, 因為得一個廚師煮價錢: 以食物份量來講價錢偏貴

我同女友想試好來,所以特登去尖東...好在一開始個waiter就提醒要最少$80,如果佢之後先講我真係唔理佢.點左個$178既餐+$25可多點一個小食:- 一個特大海鮮燒餅: 佢話直徑17cm,同和民d日式燒餅差不多,足料+濃厚醬汁,好好食- 幾片煙鴨胸: 餐前小食,唔錯- 串燒: 有2客,每客兩串,點左魷魚及豬頸肉,熱辣辣,加左d燒汁,啖啖肉,好食- 炸芝心薯容: 薯仔釀芝士肉碎,好正,薯仔外皮很脆,內有熱辣辣的芝士及煙肉碎,好特別,要試- 兩個木魚湯: 好似麵豉湯- 甜品: 紅豆日式年糕. 日式年糕和平時新年的年糕好像分別不大,但點了紅豆醬汁又另一番風味.整體來說是非常好食,一定要試,但略為貴,而且有某些時間(假日及繁忙時段)要最少$80消費,真有點被迫的感覺.鋪頭好細,只容納<20人,一眼睇哂,要除鞋入去.但的式整潔,有好多漫畫可以睇.服務ok(得一個waiter+2人在廚房=老闆+老闆娘?)

第一次去食, 入到去諗住嗌一個燒餅同朋友share(因為之前已經食左d野), 嗌完之後個waitress先同我地講是夜星期五, 每人最低消費$80, 我地兩個人, 即係最低$160. 咁好無奈地又埋首在menu中嗌左d唔係幾想食但為了秋夠數的食物... 講真咁樣好似被人強迫去食的食法真係乜穩都冇哂......... 我同朋友本身又唔係話肚餓, 最後尾嗌多個燒餅+ 2串花枝丸+ 漢堡扒, 賣單$200. 講味道佢地d野食是不錯的, 但我地唔係幾中意咁樣被人強迫咁食法. 老闆都唔顧吓客人的心理, 如果唔係有今次的經驗我都想再去食架. 提醒各位, 佢有張紙仔係咁寫的: 節日前後(我估佢指五六日+public holiday), 繁忙時間(佢開6-11pm, 我估由7pm- 9pm呢段晚飯時間??) 每人最低消費$80 .

星期一去了噹噹燒食飯,覺得裹好好食,特別係雞軟骨同走地雞,好味！

昨晚又到了噹噹燒，三個人食了一個豐富的晚餐，除了叫了主打菜(超級噹噹燒二人餐)外，還叫了一連串小食，後來再叫了個雞柳炒拉麵，食後大家都覺得好好味！到了最後再叫多個牛肉炒拉麵還要加底！原來除了超級噹噹燒外，炒拉麵一樣好味道！今次推介(炒拉麵)

前幾日,和朋友去尖東睇戲.睇戲前我們經過一間燒餅店,比它的燒餅香味深深吸引我們入去,原來這間燒餅店的的式式,最攪笑的事,好似去日本餐店咁要除鞋嘅!!但我們從未試過咪試吓囉!都OK啦!在我們心多多樣樣都想試時,老板娘很熱情地,大力推介新口味"芝心薯薯球"及還有2人餐給我們.等了一會,小食續一奉上.嘩!好好味呀!!有小食芝士雞串,金茹牛肉卷及燒餅(估唔到燒餅是老板從日本學廚自己學做的),再加上"芝心薯薯球"內的芝士加薯蓉的那種溶化的口感,好耐無食過咁有水準嘅嘢啦!再加上老板及老板娘的殷勤招待,服務態度熱情,還有價格的合理,令我回味無窮真係覺得很好的一次.

經常經過呢間野有日終於決定同朋友入左去試吓其實都幾貴，所以只係叫左兩個燒餅當時四點幾五點，成間野得一個廚師煮完俾我地，佢就走左出去因為好多醬汁，到食落口先個個餅係燶既...而佢人又走左...好覺得佢係明個個餅燶然後突登走左去...好過份!!!!食物同服務都好差!!!我以後都唔會去呢間野!!!!

早幾天到這兒食午餐，點了噹噹燒，即海鮮燒餅。一邊等，一邊睇廚師點整，等了十幾分鐘就有得食。她配料不少，咬下去滿口都是配料，加上醬汁好香濃，好開胃，食到唔停。只可惜.....她的餅太『林』，食完都唔知原來有餅身的，同之前去西貢食的差太遠。總括都不錯的，只係以前食過美味好多的。