嚐中菜坊 (已結業)

牛年第一次和朋友們聚會，趁著晚市回復堂食，我們預訂了一家位於尖東的中菜館。它位置方便，於尖東站旁邊，而且是地鋪，很容易便找到。這裡裝修一般，但餐具有一些有趣、別緻的手繪圖案，十分罕有。趁新一年來臨，我們點了豐富的菜色：鐵板蜜炙叉燒皇鮮紅的色澤，加上泛起點點油光，令人垂涎。叉燒不帶肥膏，切得厚身，啖啖肉的，而肉質軟腍，蜜糖味甜美。魚香茄子煲熱辣辣，帶點鹹香，很有風味。茄子軟棉可口，充滿一絲絲的甜味。蒜香脆皮燒雞（半隻）外皮燒得香脆，香噴噴的，雞肉仍嫰滑有鮮味。黃金蝦球一共有8隻 （拍照前已吃了2隻呢），表面的脆皮有「起沙」的口感，蛋黃味濃郁。蝦仁夠大隻，蝦肉爽口彈牙。米網咕嚕黑豚肉橙紅色的醬汁，遠遠也嗅到它酸酸甜甜的氣味。咕嚕肉夠惹味，豚肉腍身鬆軟。配菜有菠蘿和三色椒，增添了清新的感覺。福建炒飯最後當然要叫米飯才有飽肚感。外觀不俗，顏色算豐富。亦有很多配料，包括蝦仁、雞肉、瑤柱絲和菜粒，配料比炒飯還要多呢。吃過這餐愉快的開年飯，祝大家牛年豐衣足食！

在尖東與家人相聚的好地方。位置不起眼，位於N2出口的巷子里。晚市顧客不多。我們5个人7：15沒有訂位也輕易有位。裝修得光光猛猛，圓桌幾鬆動。環境好寧靜。傾下計依度相當吳錯。洗手間乾淨。碗碟趣怪得意。我地冇叫到套餐，散叫小菜。素翅好飲，真材實料，沒有什麼味精芝士龙虾伊面，龙虾好大隻，肉質爽彈，夠肥美。可惜芝士冇咩味道，甚至有種怪味，以至伊面底難食。食物普通左d, 份量夠，有糖水送服務差，冇下次了. 如果杏仁茶要另外收費，請事先聲明，也沒有多少錢，我會心甘情願付款。片皮鴨吳靚，吳夠薄脆

讚1. 環境係闊落既，點止1.5米，2米都應該有2. 新份點心咖錯，燒賣好味，豬肉多汁，雞紮都有水準，足料，素鵝炸得唔油膩，腸粉滑溜唔死腍，大部份都有水準3. 價錢平，叫到成檯野都係位位百五彈1. 茶好淡呢，$14/位既茶錢，要好啲噃2. 燒腩仔完全唔得，凍兼無味，炸魷魚既皮厚到一個點

與朋友相聚的好地方。雖然在尖東地帶，但店舖位置並不起眼，故平日晚市時段，這裡的顧客並不多，我們在沒有訂位的情況下，也輕易找到座位。湯點方面我們點了花膠淮杞螺頭白肺湯，湯很清甜，但每人只分得一碗，價錢略貴。餸菜方面，選擇選多，有不同種類的海鮮、齋菜和肉等，可樂叉燒肥瘦適中，肉質鮮嫩，但可樂球配搭在此，有點不倫不類；辣味手撕雞份量雖然足夠，但味道偏鹹，不推介；生炒骨則中規中矩，排骨的粉漿不厚，所以吃起來不會太油膩；六味齋菜煲十分惹味，令人忍不住多吃兩口飯；飯口點了脆麻花，十元一碟，相當實惠；還有甜品綠豆沙贈送，為在炎熱的天氣的我們，下一下火。

有時係尖沙咀區想搵一間價錢中等又坐得舒服食吓點心是不多的選擇，但是這一間食物又好味環境又坐得舒服，價錢又合理，一家人可以坐低食下野，又不會太逼夾。鵪鶉蛋燒賣現在很少茶樓點心鋪有鵪鶉蛋食的，鵪鶉蛋本身營養價值比雞蛋高，口感一口放落口蛋黃位置不多，所以不會太膩，配上豬肉，豬肉咬落有口感，不會鬆散，味道不會太鹹，小朋友也喜歡吃。南瓜豆沙煎軟餅南瓜蓉皮煙煙銀銀咬落，再配上紅豆蓉餡，不會太甜，有南瓜嘅香味，紅豆蓉紅豆香，外皮煎得金黃香脆。

現在有林林總總不同的點心鋪頭，現在都不是像一般茶樓一樣那麼嘈雜，有點像快餐廳的茶樓，但裝修比較高檔，價錢又合理，環境又不會太嘈雜，有時同朋友想飲茶又想坐得舒服下呢一個都係不錯嘅選擇。叫咗佢一個廚師推介蜂巢鵝肝芋角，一上枱已經見到一絲絲鳥巢一樣，咬落非常鬆脆， 10分香口，芋容再加上鵝肝10分配搭，粉粉地嘅芋頭撈上鵝肝油油地，咸香咸香的，十分可口。另外叫咗一個粟米煎墨魚餅，墨魚餅很彈牙，一點也不鹹，煎得金黃的，不油膩。

公司慶功宴選餐廳試菜，9個人來了嚐中菜坊，店鋪位置不是在顯眼的地方，位於尖東N2出口的巷子裡，門面不大 ，內部有用心裝修，有個吧臺，洗手間都算乾淨!至於菜色都有特別，我們店了幾碟小炒和點心，金沙蟹鉗，七彩手撕雞，海蜇頭好爽口，湯和羹都好好飲，真材實料我最怕味精，這家是沒有味精燒腩仔皮比較厚，番茄蛋蝦仁比較酸，炒粉絲比較淡味，整體係滿意。最後點心有食箭豬奶黃包，蔥花炸兩，椰汁桂花同炸芋頭，還有店主送紅豆沙，紅豆沙真係好食，不會太甜之餘，仲起沙，粒粒大紅豆，有陳皮味大滿足!9個人消費17XX都算抵食最後我地決定這家餐廳作公司慶功宴

以往嘅生日都係生日月生日週,唔知係咪人大咗,今年想簡簡單單一個人過✨好朋友知道咗呢個諗法就約我夜晚食飯,或者佢覺得我一個人過好可憐掛😂佢車咗我嚟呢一間中式菜,叫咗一個岩鹽一口牛,有個南瓜翅,海蜇,花膠花菇鮑魚,同埋一個粉絲大蝦煲(好似係)。個岩鹽一口牛好有特色, 唔使加太多調味料都可以食到香濃既牛味,舊鹽好似粉紅白既冰一樣,好靚個翅好creamy,濃濃嘅南瓜味,唔係一般紅燒翅咁悶個花膠鮑魚好入味,口感好好。呢餐叫做驚喜生日飯, 除咗啲餸都幾好食之外,重點係在於好朋友嘅心意。因為當我一路食既時候, 陸陸續續都有其他朋友出現, 原來好朋友一早已經約定其他朋友一齊為我慶祝生日,原本打算一個人靜靜地過,就變咗一班人陪我食飯唱k渡過❤️感恩今年認識既呢一位好朋友,亦都好多謝陪我渡過生日嘅咁多位!!

我們一行四人去試呢間餐廳。因為在尖東好時中心，所以由紅磡站行過去都好就近！一去到，餐廳都無乜人，環境好寧靜。我們四個人被安排左坐六人枱，感覺非常鬆動舒服😌。我們總共點左一個前菜，三個餸，再加一個臘味飯。邊睇相邊講啦！前菜我地點左呢個咸蛋魚皮。我見到菜單時話，下，咸蛋魚皮，咪即是新加坡🇸🇬一包包果啲！但朋友想食，無所謂啦！點知幾有驚喜！拎上枱時，魚皮係暖既，咸蛋黃感覺係新鮮淋上面的！脆到不得了！味道調得岩岩好！總之，比起零食果種好味好多！不過就有點熱氣🙈之後黎左呢個爆醬可樂拼叉燒。半肥瘦叉燒好味！不肥膩，岩岩好！但叫人失望的是，你以為它鐵板上，個鐵板會熱辣辣滋滋聲咁，但其實個鐵板係一個碟黎架啦😌係咪好驚喜！最驚喜係果四個波波，我們一直好奇怪，究竟可樂同叉燒有乜關係！原來係無關係架！果四個波波就好似咸水角，而入面就有啲甜甜地既餡！但就一啲可樂都無🤦🏻‍♀️最慘既，係它好凍架🤦🏻‍♀️🤦🏻‍♀️所以。。執左相未執相呢個叫粉紅喜瑪拉雅岩鹽白切雞。一上枱，賣相贏哂侍應叫我們要快啲食，因為舊鹽係真架！啲雞會越放越咸！珍珠都無咁珍！食到最後果幾舊雞，真係好咸！其實舊鹽都係gimmick黎既，雞都係白切雞！

呢日約左班舊同事飯聚，本身諗住book 海港城既一間中菜館，但我地太遲book, 最後搵到呢間係尖東廣場附近既嚐中菜坊。餐廳係尖東站P出口永安附近，行一分鐘到就到，好就腳。我地一行7人, 圓枱幾鬆動。我地冇叫到套餐，散叫。叉燒，半肥瘦好好食，鐵板上但冇想像中咁熱。炒牛柳粒，牛柳粒有D咬口，蜜豆都好好食。炸豆腐，炸粉薄，唔易散，但調味差少少，要點喼汁先有味。野菌伊麵，炒得入味唔算太油，份量夠大。栗米羹，幾好飲，多人尼叫一煲抵飲。生炒骨，汁唔太酸都幾好。整體食物都幾好味，可惜環境都幾嘈，講野要講好大聲先聽到。

見食評唔錯，嚟試一試新嘢，結果期望越大......孜然烤腩仔 - 皮夠脆口，肉質就鞋咗少少，尚可七味九肚魚 - 失望位1。炸粉夠薄夠脆口，但魚本身好腥！咩味道已經唔需要再斟酌黃金蝦球 - 挽回唔少分數。蝦夠乾身夠彈牙，有啲蝦味，外層好甘香，粉薄，唔錯黑松露鮑魚汁煎生蠔 - 好大隻蠔鮑汁加上黑松露十分惹味，正！黑松露杞子益菌翡翠炒"班"球 - 失望位2。又係魚出事，魚塊的肉極"削"毫無斑肉嘅結實口感, 更冇魚味，有一舊仲要泛紅未熟！張電腦order單寫"班"球係咪避開個"斑"字？後記 - 上菜極之快速，除咗魚之外其他都餸都ok。第一次嚟幫趁啲魚又腥，"班"球又唔似斑，失望。坐得舒服又夠光猛，陳設新派又好乾淨，拉上補下總體俾ok, 但冇下次了。

今次同一班同事聚餐,平時都係放題/打邊爐居多.方便點菜丫嗎!但呢次就試下新野食中菜,朋友上網見呢間既中菜都算大碟,所以就訂左呢間.一行7人訂左7:30 , 無限時 . 但環境都幾嘈雜 , 可能因為呢度大台為主 . 變相台台都可能要講野大聲D先同人溝通到 . 服務生都係中年為主 , 服務就一般啦 ... 比酒樓既姐姐好少少薑米生炒牛肉飯 - 似楊洲炒飯 , 食唔到薑味 , 不過味道都唔差素伊麵 - 不過不失,金沙麥皮豆腐 - 都香口 , 人人都鐘意食 . 荷蘭豆炒牛粒 - 甜甜地好好味,真係想嗌多碟同時仲嗌左幾樣無影到相. 粟米魚肚一鍋 - 岩岩好夠7個人分 ! 都幾多魚肚係入面 .枝竹火腩頭腩煲 - 幾惹味 , 有魚有肉 . 菠蘿生炒骨 - 正正常常啦. 鐵板叉燒 - 全晚最欣賞呢個 . 唔好太肥或者太瘦 . 不過就好淋 ! 就算凍左都一樣好好食!!極力推薦!!!** 埋單每人$185 , 唔貴 . 可以下次同爸爸再黎試

尖東食Lunch 想找個靜靜地，傾吓計，依度相當唔錯。中午12:45過來，唔算多人，當日冇訂位，也立即有位室內裝修相當雅緻，屏風後才行入飯店內，隔開擠迫的感覺。12:45pm 店員帶入來，發現一個客都冇，開始擔心其食店質素，後來才發現原來轉入去後面，還有其他房間和一個大廳，原來很多公司食商務套餐一圍圍⋯⋯品酒推介看得出食店有用心選酒碗碟趣怪得意午市㕑師推介孖寶選擇多明白為何如此多公司客，因為套餐選擇多由於與朋友很久沒見，午飯整個過程簡直雞啄唔斷，我們只是點了一些點心:燒腩仔, 雞扎，鮮蝦腸粉，波菜帶子餃，蝦餃⋯⋯連相片只是記得影開頭那三張，其餘都忘了，一路食，一路講，忙個不停整體來說，這裡沒有酒樓的碗碗碟碟嘈吵聲，點心唔錯，午餐靜靜地，傾計好去處

九月第一天 晚上同女朋友一行二人到嚐中菜坊用膳 兩個人點了四道菜 第一道菜：黃金炸魚皮9/10新鲜 香口 䶢蛋均勻佈滿魚皮 同坊間出面食開嘅魚皮比較更高水準第二道菜：黑松露生蠔8.123/10醬汁惹味 生蠔煎得啱啱好 加埋黑松露喺上面好配合 第三道菜： 金銀蛋莧菜 7.233/10正常質素都好味道第四道菜：瑤柱蒸水蛋 7.895/10好似冇喺出面餐廳食過咁滑嘅水蛋 味道中上豉油同蛋配合得啱啱好 加埋瑤柱令水蛋更上一層樓 撈飯一流餐飯食得好飽 嗌埋白飯加兩支啤酒大概$500 呢個質素絕對抵食 唯一弊處係餐廳裏面可能因為落雨所以好多飛飛小昆蟲 呢餐飯整體我俾7.569/10

一行6人聚會揀左呢間餐廳,晚飯都係叫小菜,叫左個鐵板叉燒,送到枱上出煙叉燒唔肥唔瘦個汁甜送白飯一流,叫左個滑蛋白蒸魚,蛋白好滑唔實唔希岩岩好,d魚都好滑,整體係個味道偏淡,蓮藕餅味道唔錯,係蓮藕碎比例較少唔夠爽口,酸甜排骨味道出色,炸粉唔厚菠蘿新鮮,焗魚腸第一次食,味道唔腥但好似應該要落胡椒粉？蛋同魚腸好足料,話係前菜但份量都足夠六個人試,仲叫左炸九肚魚同椒鹽豆腐,炸小食都好出色,熱辣辣香口唔會太咸。整體黎講夜晚食飯聚會都係一個不錯選擇！唔洗只有一般連鎖式酒樓。6個人食左8個菜都係$180左右,仲有糖水送