嚐館 (已結業)

黃大仙商場入面有間tiffany blue門面既餐廳，餐廳環境舒適，好多梳化位置，食物款式選擇好多，中西合璧，我地叫左一碟蜜椒薯仔牛柳粒$78，大大碟牛柳份量好多，牛柳都幾軟熟，薯仔大粒，另外跟餐湯係羅宋中湯同奶茶，我地仲叫左碟炸魚薯條，超抵食只係$58，勁多舊魚同薯條，即叫即炸，炸魚唔會好厚粉漿，外脆內軟，小篇推介炸魚薯條必食如果鐘意食香口食物，最尾仲叫左個甜品心太軟貌相都幾靚嫁，仲有新鮮生果伴碟。

是日同HONEY去到哩間新開的Cityfresh Bistro，黃大仙真的好多不同的美食，但比較鐘意D咩都有得食的餐廳~~中西日意咩都有得食，HONEY就食中式，我就食西式，中式就點左個椒鹽金沙骨，西式就點左拿坡里肉醬意粉，另外加埋38蚊有湯，沙律同埋麵包，兩個餐都有包埋熱飲~~椒鹽金沙骨椒鹽金沙骨真的份量唔少，另外都好多蒜粒，同埋排骨食起上來唔會好UN，真的好正，餐湯系南瓜湯，同埋沙律再加個麵包，真的好靚的盤，同埋個湯真的好CREAMY~~拿坡里肉醬意粉拿坡里肉醬意粉真的好多芝士，另外肉醬都唔少，真的同HONEY食到好開胃~另外叫埋熱檸檬茶同埋華田，真的食得好滿足~~

今日去到黃大仙行街，行到攰攰地就搵間餐廳食下嘢休息吓，俾我哋發現到呢間餐廳就入去坐吓，食吓嘢。首先我哋點咗個套餐，套餐有跟埋個餐湯，今日嘅餐湯係忌廉南瓜湯，忌廉味好出，好香濃嘅味道，我個人十分喜愛。跟餐重有個芝麻酱雜茶沙律，工匠麵包，點埋啲沙律醬十分開胃，而且非常新鮮，麵包上面有一層牛油，非常滑溜。主食方面就選左雜菌黑松露忌廉汁帶子意大利飯，呢個味道偏淡，唔會太多味精，而且帶子有成5粒咁多，真係值得一試。味道都唔錯，十分享受跟餐仲有杯熱低糖綠茶，唔會好甜，非常健康，又好止渴。最後叫多個煙三文牛油果醬薄餅，塊皮非常超薄，非常脆口。煙三文魚又好新鮮，味道一流，我個人十分喜愛。

黃大仙中心都有好多唔同種類嘅食肆，今日揀一間貼地好味嘅街坊餐廳先。裝修優雅，座位舒適，成餐飯都食得好舒服。意式蕃茄焗豬扒飯焗豬扒飯有濃厚的番茄味，面頭舖有大量芝士，令人吃得津津有味！豬扒軟嫩多肉汁，而且仲有菠蘿，口感極佳！芝士忌廉汁焗魚柳意粉魚柳共有大大的三塊，性價比高！芝士忌廉汁夠creamy，焗飯轉左意粉，原因係覺得呢個醬汁比較襯意粉😆。蜂蜜蘆薈檸檬特飲焗飯類加$18可以轉特飲，呢杯蜂蜜蘆薈檸檬特飲味道清新，有甜甜的蜂蜜味，粒粒蘆薈。朱古力曲奇沙冰沙冰冰涼，適合消暑。頂層有cream，配搭朱古力不錯。

🌍 Cityfresh bistro 📍 黃大仙竹園道136號黃大仙中心南館地下高層UG41號舖Shop UG41, UG/F, Temple Mall South, 136 Chuk Yuen Road, Wong Tai Sin📝 整體評分：9／10🥢南瓜甘筍忌廉湯🥢清甜奶滑，勁重忌廉，texture勁稠密，配牛油麵包都幾飽肚。🥢蜜糖豬頸肉青咖哩意大利飯🥢 $88泰意式fusion超match，重椰汁同香葉味，而且比較辣，平時食青咖哩汁撈飯一定會要超多汁，諗到用黎煮意大利飯真係好醒。豬頸肉有成5-6片，勁厚切又爽脆。🥢雜菜砵酒燒汁燴美國牛肋條配薯粒🥢 $108牛肋條燉到勁軟腍，一夾肉就散咁，比較重酒香。

男朋友係黃大仙返工，之前幾次經過呢間餐廳都覺得裝修簡潔清新幾想試下，今日終於有機會啦！😌估唔到呢間cafe lunch time都有鑊氣即炒小菜食😯作為中菜愛好者，見到就忍唔住試下🤣⭐️咕嚕魚柳 💰7️⃣8️⃣個咕嚕汁調得幾好，唔會太酸唔會太甜又唔會太稠👍炸皮微脆，如果薄返啲更好🤭⭐️椒鹽金沙骨 💰7️⃣8️⃣椒鹽味好重，勁香口惹味😁肥瘦均勻👍 望落有啲乾但食落又唔會😯呢度有意粉，焗飯，pizza，小炒，甜品等等等等～如果一班朋友嚟一定唔駛驚有人會唔啱食😂😂

今時今日食飯仲要按人頭計最低消費，係黃大仙來說真的比較小見，食物質素一般，我兩大兩小諗叫兩個午餐一齊食就算，落單後個服務員講要按人頭計最低消費每位$60然後非常之快同我講有清楚寫明，係我錯，我冇睇清楚，即刻中伏味出晒嚟～唔怪之得間間餐廳都要排隊等位唯獨這間即刻安排到位置！唔緊要，唔會再幫襯唔會再有下次

約左好耐沒見嘅老友小聚，因就佢回家方便，於是近近地係黃大仙搵食，佢約咗我黎呢間#Cityfresh Bistro 餐廳開飯。呢間餐廳食物都多元化，而且中西合璧，有很多款式供我哋選擇，今晚就點番2款不同口味菜式，2人分享食番餐先。砵酒燒汁牛肋肉配意粉🍝，牛肋肉肥瘦適中，份量都唔少，醃製得夠晒入味，食落沒有油膩感，醬汁惹味，跟意粉拌埋一併好好味😋。味噌焗紐西蘭白魚柳🐟，魚柳煎得微微金黃色，沒有煮得過火，有小許黑椒粒調味，配合白汁令肉質都好Juicy，有伴碟菜令營養更加豐富。 配了基本的凍奶茶🥤同檸檬茶，夠晒冰凍，即時降溫。餐廳環境都乾淨又好坐，大家傾吓坐下開開心心🥰又過左一晚🌻。

黃大仙中心南館有很多餐廳🥢， 今次到Cityfresh Bistro吃晚餐， 店內裝修風格時尚 舒適， 餐牌上有各款多元化的菜式， 今次點西餐🍴和中餐🥢各一份，雜菌黑松露忌廉汁帶子意大利飯 (餐湯、芝麻醬雜菜沙律、工匠麵包和低糖綠茶) $118，士多啤梨骨配白飯(中式湯和凍檸茶$3)$78。 🔶餐湯🥣、芝麻醬雜菜沙律🥗和工匠麵包🍞 ～ 忌廉湯夠熱， 芝麻醬雜菜沙律開胃新鮮， 麵包口感軟綿。 🔶雜菌黑松露忌廉汁帶子意大利飯🍛 ～ 有很香的黑松露味， 帶子有幾粒，煎起來口感鮮甜。 🔶中式湯🥣 ～ 中湯豉豬骨紅蘿蔔湯， 老火湯都幾好飲。 🔶士多啤梨骨配白飯🥘🍚 ～ 酸酸甜甜的味道，非常醒胃，拌飯首選。 🔶低糖綠茶🍵 ～ 熱飲跟餐不用加錢， 綠茶去膩不錯。 🔶凍檸茶🥤 ～ 凍飲跟餐要加三蚊， 凍檸茶味道正常。 整體食物種類多元化， 餐廳不用加一，抵食😊。 🏷️溫馨提示～ 整個用餐體驗均屬個人分享意見， 只作參考😊。

▫️香蒜鮮蕃茄醬汁燴德國豬肉腸意大利粉 配是日餐湯+日式芝麻醬雜菜沙律 +"Artisan Sourdough" $98先講湯同沙律，份量同味道正常，就喺普通嘅忌廉湯同沙律芝麻醬。 麵包鬆軟，不過唔酸，面頭仲幫你搽埋牛油（冇得揀）。到個意大利粉，不得了。 冇蒜味，甚至一粒蒜都睇唔到。汁多到不得了，每一條都掛滿汁，鐘意食醬嘅人啱哂。 醬就類似平時食嘅蕃茄汁。普通豬肉腸，但意粉偏‘林’，冇乜咬口。另外明明menu冇寫有茹，但啲茹仲多過啲腸😂野飲揀咗熱低糖綠茶，正常，但佢糖漿喺沉哂底。▫️日式叉燒拉麵 $68賣相幾好，湯底都幾好味。拉麵正常，唔‘林’，不過份量幾細。呢個可以叫嘅🤔P.s. 佢都幾趕，當你放低餐具個刻，就已經走埋嚟問可唔可以收。但佢又未到趕你，可能因為位置幾多。不過佢價錢都幾貴，性價比底，所以都唔會再幫襯。

因工作關係平時每個星期總有一天會到黃大仙，今次意外入了這家餐廳，比預期有驚喜！▪️菜單款式甚多我選了一個有餐湯、沙律、主菜及飲品的四式套餐餐湯是周打蜆湯，正常發揮～👉🏻主菜是香蒜鮮蕃茄醬汁燴德國豬肉意大利粉（$98）蕃茄味十分濃，因為是燴意粉，所以醬汁比較濃稠‼️香蒜味如果可以再多一點會更吸引😗▫️朋友則選了晚市精選：煎焗法國春雞配野菌忌廉汁（$168）春雞肉質超級Juicy!!!喜出望外😍😍😍▪️最後服務員更多送一份蘋果批給我🥹蘋果批又是另外令人驚喜的甜品，不會過甜，還帶有小小酸味，質地不會是一pat 野，反而帶點爽口👍🏻👍🏻👍🏻總結：環境不錯，服務員態度也友善，食物質素有驚喜👍🏻👍🏻👍🏻

雖然有人講黃大仙無咩好野食，但有時如果四處去尋覓下d餐廳都會有D小驚喜！今日係一間Cityfresh Bistro 餐廳食下d小菜，小菜套餐本身都包左例湯、白飯、飲品。餐廳除左西餐、中餐之外，都仲有pizza、小食等等，係一間多元化餐廳黎。椒鹽金沙骨香口美味，甚有大排檔風味，而且椒鹽金沙骨都仲係好juicy，無過多的油膩感，送飯一流！蜜椒薯仔牛柳粒黑椒牛柳微辣，而且唔會煮得過火，薯仔粒外脆內軟，醬汁惹味，份量都足夠。炸洋蔥圈呢個都真係幾驚喜，炸洋蔥圈可口美味，價錢唔貴，份量又多，呢個洋蔥圈用黎送酒一流。總括而言，餐廳野食雖都係簡單小菜，但價錢、味道、份量都係相當唔錯，值得再黎。

今日行街行到攰搵食，路過見到雪櫃放左幾款蛋糕好吸晴，再望下menu 發覺餐廳有中餐、西餐、韓式、仲有埋喇沙，岩哂一大班人想食咩餐就咩餐。餐廳環境唔錯，夠哂光猛企理，價錢仲好親民叫左2個精選西式4道菜行政套餐，非常抵食👍🏻❣️磨菇湯+麵包+芝麻醬雜菜沙律湯味道濃郁，配埋片麵包沾湯食係一流，麵包本身都好軟身好好味。隨碟仲有芝麻醬沙律，開胃之餘又健康❣️雜菌黑松露忌廉汁燴北海道帶子意大利飯香濃意大利飯好creamy，每一粒飯都有汁好均勻，飯既口感亦煮到恰到好處，唔會過淋同過硬。飯既面頭仲有幾粒大大粒既帶子，認真足料❣️香蒜鮮蕃茄醬汁燴德國豬肉腸意大利粉蕃茄醬汁意大利粉夠哂開胃，配料有洋蔥、雜菌同德國腸，味道唔會太濃，唔會食落覺得好酸，好岩小朋友口味

好少去黃大仙，去親都係去黃大仙祠。朋友住黃大仙，今晚約左佢食飯，佢話黃大仙中心南館有間叫Cityfresh Bistro嘅餐廳唔錯就去試下。一入去就已經好鍾意呢度嘅裝修。淺綠、淺藍和淺粉紅色的配搭，很fancy😍，打卡一流！梳發卡位坐得舒適～睇睇餐牌，見呢度有港式亦有西式食物選擇，可謂中西合璧！嗌左意式蕃茄焗豬扒飯同埋咖喱牛腩。意式蕃茄焗豬扒飯奉送熱飲。飯可以轉意粉，我地轉左意粉。好多芝士鋪喺面😍，拉起意粉時形成拉絲效果，好吸引😋。豬扒預先切成一塊塊，唔使自己切好方便呀👍🏻。豬扒唔嚡口，好食過普通快餐店果d。啱啱焗起端上枱，入口熱辣辣好正！咖喱牛腩跟珍珠白飯、例湯同熱飲。是日例湯係中湯——紅蘿蔔🥕粟米🌽，清甜冇味精。欣賞佢將咖喱牛腩同珍珠白飯分開，令白飯唔會被咖喱汁弄濕。珍珠白飯真係粒粒分明，食落有咬口。飯旁放了紫薑，充滿日式風味～咖喱唔會太辣，反而充滿香味。牛腩腍身易咬。薯仔夠粉。兩個set都奉送熱飲，我同朋友分別嗌左熱檸茶同熱朱古力。另外嗌左個小食(青檸青椒雞翼三隻)同朋友share黎食。雞翼下面有沙律菜，沙律菜下面有蜜糖。雞翼熱辣辣而且皮脆肉嫩，撈勻蜜糖嚟食，唧埋青檸汁，頓成蜜糖

餐廳：Cityfresh Bistro地區：黃大仙地址：黃大仙竹園道136號黃大仙中心南館地下高層UG41號舖日期：9/8/2022時間：19:45人數：2人 等位： 0 min價錢： ＄237🌟椒鹽金沙骨 $78🌟金沙骨焦香得黎都幾入味😋好似食零食咁食下又一嚿食下又一嚿🤣大大碟好抵食！🌟蜜椒薯仔牛柳粒 $78🌟黑椒牛柳粒勁香，加埋三色椒同洋蔥一齊食好開胃😁送飯一流呀！🌟魚香茄子煲 $78🌟個🍆煲一上已經聞到勁香，勁有食慾🤤而且啲茄子炆得夠晒淋👍🏻少少辣加上正宗嘅咸魚肉碎，真係正😋味道甚至完勝出面大部分打冷餐廳🤣依度啲小菜全部都係$78一款，仲每款包例湯+白飯+餐飲，真係好抵食👍🏻除咗小菜外，仲有唔少西餐選擇，款式多樣化😄下次一定再試下其他菜式！