嚐館 (已結業)

呢間餐廳Menu款式超多選擇中式．西式．麵包．仲有唔同款式嘅鮮蛋糕，竟然連Macaron都有👍🏻「原隻燒春雞香草蜜糖」呢度嘅原隻春雞超好食，真正多汁 肉夠嫩滑，外皮燒到脆口，塗上蜜糖甜甜地，連伴碟嘅焗薯粒都超好食。單係雞脾都咁大隻「燒焗紐西蘭白魚魚柳」最喜愛白魚魚柳，無骨又厚肉，焗完都唔會乾身，完全無鯹味，加埋醬汁好Creamy。「彩虹雜果賓治」色彩繽紛賣相好靚，加入雜果粒令口感更豐富「芒果乳酸梳打」芒果味夠香，酸酸甜甜夠冰凍，解暑之選「意式特濃咖啡」意大利咖啡機即磨沖出，更香更濃，加埋拉花 好有心思。店內環境夠寬敞，仲有梳化位．好舒適下次再嚟一定要試埋甜品

今日因公事來到黃大仙南館，見到這一間 Cityfresh Bistro 都好多人食，所以順便外賣回家免煮~~見到餐廳門口還有好精緻的蛋糕及西餅。紐西蘭原殼藍青口揀選食物的時候，見到有客人要了紐西蘭青口，於是想試下，紐西蘭原殼藍青口有三種煮法，白酒蒜蓉汁/香草忌廉汁/香辣蕃茄汁，我揀了第一個白酒蒜蓉汁。紐西蘭原殼藍青口一打開的時候，聞到一陣陣的酒香，藍青口份量都頗多，青口帶著酒香及蒜香，頗鮮味！！青口還配有一份麵包，可以點青口湯汁，麵包吸收了青口湯汁的鮮味，及本身有少少牛油， 所以都不錯的。原隻燒春雞香草蜜糖燒春雞一打開的時候也是聞到一陣的香味，而且燒春雞的表皮被燒到帶焦啡金色，見到已感覺份外吸引~~當然最先食的就是雞髀啦，雞皮帶點焦香，雞肉嫩滑有雞味，食落還帶有少少香草及蜜糖的焦甜味，頗特色的燒春雞~~燒春雞裏面還配有好香口軟熟的焗薯角，及有翠玉瓜和椰菜，感覺頗好又解滯的配菜！！還要了兩杯凍檸樂，頗美味的一個外賣餐！！

今日早收工，行過Cityfresh Bistro，未夠六點仲有下午茶，一於買下午茶返屋做晚餐，餐廳裝修輕奢華，但價錢平民化，性價比高。✨🌭公司三文治$48分量十足既公司三文治，芝士、火腿、蕃茄、蛋等等既配料，三層面包鬆脆好味，簡直係二人份量。🥪😋牛油脆豬包併香滑炒蛋$40牛油脆豬包同樣鬆脆可口，加埋滑蛋口感豐富，仲可以加$5配火腿通粉，可以當All day breakfast。🍲煙肉火腿卡邦尼意粉$42濃濃既卡邦尼汁，簡單配搭傳統煙肉和火腿，尼個價錢仲配埋飲品，性價比爆燈。🍝🥂芝士忌廉汁焗魚柳飯$70香濃厚厚既芝士覆蓋住魚柳，表面金黃色，賣相吸引，原盒錫紙盒返到屋企仲熱辣辣。🍱😋餐廳食物款式多樣化，日式、韓式、新加坡喇沙、港式樣樣都有，每次到餐廳都有選擇困難症。😂🧋

環境唔錯，呢個場想食高檔嘢呢間唔錯， 樓下有間日式嘢焗到滴汗，呢間好舒服，好涼爽，最入既卡位有滴水，希望快D整好。望落似家庭式經營。帶子飯唔錯，幾大份量，如果能自由配搭意粉/長通就更好。包手工麵包，湯，沙律同甜品。甜品唔錯（冇記錯嘅話應該係檸檬批），男士們會like呢類小清新，唔會因為跟餐送而細細件。女仔會喜歡甜一點。燒春雞唔錯，其實有平價中式嘢，不過疫情在家已食到悶。想食西式多D。Service唔錯上枱都算快。

💖【Cityfresh Bistro 】 黃大仙綠油油Ins風格 餐廳💖最近都係返屋企食外賣居多，咁啱今日經過黃大仙見到呢一間餐廳乜嘢菜式都有！中式、西式、東南亞、韓式應有盡有，餐廳入邊嘅裝修綠油油充滿Ins風格，決定要試一試！最後決定要試吓呢一個雜錦海鮮喇沙，加多杯自愛凍檸茶，少少 辣但係味道唔算太濃，所以食完都冇口渴嘅感覺，海鮮有青口、大蝦,、魷魚、魚蛋同埋魚角； 另外配菜仲有雞蛋、豆卜同埋豆腐吸收美味嘅湯汁！湯同麵分開裝所以返到屋企麵質還是很彈牙❤味道不錯，下次可以再試其他嘢。Cityfresh Bistro📍 黃大仙竹園道136號黃大仙中心南館地下高層UG41號舖

大家千祈唔好再去呢間舖頭自問都幫襯過佢幾次但今次真係十分不愉快今日我帶住一個三歲嘅小朋友食飯一入去有個男人已經帶住個經理行埋去我枱邊度手指指隔咗一陣個經理就行埋黎同我講話要小朋友除鞋因為怕整污糟佢張沙發我體諒呢個舉動但係邊有可能係喺我小朋友全程乖乖地坐定定而隔籬枱有三個細路女企晒上張沙發度都唔出聲 但走來指責我？咁都算啦我今日叫左個意粉$68 因為小朋友唔食我食食下 個男人又走黎同我講因為佢哋有最低消費而我有兩個人 即係一個成年人同一個3歲小朋友 可能要叫多杯熱朱古力 啱啱好$100先得我好想問係唔係真係咁爭果$30蚊開飯？？隔籬枱三個大人三個細路女又係叫三至四個餐係咪見一個女人帶住個小朋友易恰啲？有咁嘅policy唔緊要 但唔係係人地食到一半先走黎講諗住焗人嫌麻煩而屈服？我唔理佢 食完就準備出去買單諗住用八達通點知個櫃檯向住入邊講：邊個鎖咗張枱我真係好想問吓係乜嘢餐廳先會咁樣用鎖住張枱唔俾個客人買單困住佢喺間鋪？？我最後即場數咗$68散紙俾佢就走但我真係唔會再嚟 一間餐廳服務質素比起食物質素更加重要

呢間餐廳Menu包羅萬有 中餐 西餐 韓式 越式都有而且座位闊落 坐得舒服酸種包🍞多士可再焗脆d 沙津配埋沙律醬剛好 湯夠濃不淡黃金炸魚薯條🍟魚柳外脆內滑 唔會炸得太乾 入面魚肉質地仲好滑金菇肥牛卷喇沙湯麵🍜一碗麵好多餸 魚蛋 魚片 豆卜芽菜 金菇肥牛配油面，不過湯底有啲似咖喱湯底，少辣可接受，真係好足料🔹🔹🔹🔹🔹🔹🔹🔹🔹🔹Cotyfresh Bistro黃大仙竹園道136號黃大仙中心南館地下高層UG41號舖🔸🔸🔸🔸🔸🔸🔸🔸🔸🔸#黃大仙美食 #黃大仙食好西

地點：黃大仙竹園道136號黃大仙中心南館地下高層UG41號舖環境：呢間餐廳裝修光猛新派，藍綠色小清新，而且多卡位，係舒適嘅用餐時光特色：除咗中西合璧，連麵包同埋甜品都有。我外賣叫咗蒲燒鰻魚飯同埋軟殼蟹牛角包，前者蒲燒鰻魚好大塊，直徑橫跨成個外賣碗🤩而且蒲燒汁多夠晒Juicy,非常送飯。後者軟殼蟹牛角包係輕食之選，入口咔咔鬆脆惹味🥰另外我仲叫咗水果茶外賣，水果料好充足😆只要簡單返屋企加熱水就飲得，沖多幾次都得，抵飲！

茶記定CAFE?撈埋黎啦,溝埋佢黎做入去食西餐食牛扒又有,食蒸肉餅炒麵炒飯又有即係入到去百幾款野食選擇,但通常呢種混合式CAFE最大問題就係太多選擇,一坐低都唔知食乜好睇完一大輪餐牌~叫左個是日精選,咖哩牛腩飯加凍檸茶另外就焗豬扒飯加38蚊要左沙律,湯,酸種麵包多士先上凍飲,茶味唔夠濃,冰唔夠多,但飲落OK再上黎就係沙律麵包湯,多士烘得唔夠脆,沙律無醬比較淡味,湯就夠濃咖哩牛腩竟然唔係港式做法,係偏日式,蘿蔔薯仔牛腩,牛腩有8件左右好入味,個咖哩幾夾,牛腩好軟淋個飯好搞笑,貼片紫菜唔知做乜,扮飯團?食落無特別同一般飯一樣味道再黎焗飯,份量偏少,焗到好脆身,豬扒份量太少~汁太多,但唔似番茄味環境就舒服既,食物都合格,無加一服務費#黃大仙 #CityfreshBistro #茶餐廳 #CAFE #外賣 #堂食 

今日唔想煮，搵到呢間餐廳買外賣。佢嘅餐牌非常豐富，中式港式到東南亞食物都有，而且價錢非常盒理。今日我地叫咗薑蔥雞、香蔥叉燒炒蛋、士多啤梨骨，個餐本身跟埋白飯同湯，同屋企人share, 三餸一湯白飯就完整嘅一餐。雞嘅好肉質好滑，薑蔥唔會太油；炒蛋有鑊氣，食得出啲叉燒唔係隔夜，份量夠晒；士多啤梨骨酸酸甜甜又香口，送飯剛剛好。白飯好大盒，女仔一個人食唔晒。跟餐仲有一杯低糖綠茶，真心疊埋雙手又食一餐，真心推介比黃大仙區嘅居民。

疫情下放工堂食已經係一件奢侈既事，外賣日子變得恆常。集團式快餐店已經食到厭，好想揾間可以食到多元化食物既餐廳。黃大仙南館有好多餐廳選擇，經過見到一間叫 Cityfresh Bristro，望落光猛新淨，睇睇餐牌有好多款式。中式，西式，韓式，意大利等等。我同老公兩個人，柯打咗香草美國雞扒黑椒汁跟薯菜，雞肉唔錯，唔會鞋，咬落都好多汁，味道剛好。仲有叫咗椒鹽金沙骨配飯，黃金蒜香配排骨，呢個真係幾好食，食落好鬆脆，幾有鑊氣，好似啲小菜館食到嘅餸菜😯😯我鐘意食切雞，叫埋招牌霸王雞配飯，有薑葱，套餐仲有飲品配搭，算食得好滿足，因為有時試新餐廳會擔心好失望，今次評價都幾好高，下次會再嚟😋👍

Cityfresh Bistro was located inside Temple Mall South, just above Wong Tai Sin MTR.Their menu was very comprehensive, offering Italian, Japanese, Korean, Western and Cantonese cuisine, as well as pizza, laksa, drinks and desserts etc.Every main dishes came with a free drink. Iced milk tea and coffee were smooth and milky, with strong coffee and tea taste.Beef cube with black pepper and potato - Beef cube were tender and juicy while potato were chewy. They were fried till flavourful, with strong

男朋友做嘢經過黃大仙，買咗外賣返屋企一齊食。呢間都幾抵食，套餐有埋熱飲☕️。仲有得揀低糖綠茶🍵，清新又好飲。🥢魚香茄子 $68味道好香，甜甜辣辣，有點魚露味道幾好食。茄子有用油爆過，有啲口感，唔會太腍。🥢霸王雞 $68雞件有唔少薑蔥，雞肉頗嫩滑。有唔少蔬菜喺底，好健康👍🏻👍🏻👍🏻。🥢咖哩燴雞球飯 $58本身諗住茶餐廳應該係整港式咖喱，冇諗過係日式咖哩😂，不過都好食嘅。甜甜地好易入口。汁同飯分開好貼心。雞球都幾嫩滑。

🏬黃大仙中心都算係一個美食中心，而入面既呢間Cityfresh Bistro有齊晒中西日韓唔同菜式，可以一次過滿足晒唔同人既口味。🍝意大利拿坡里肉醬意粉$65佢既焗野全部都係新鮮焗起，熱辣辣，一打開就聞到好香既蕃茄肉醬味道，肉醬份量都多，條條意粉都有肉醬超滿足。 🧀芝士忌廉汁焗魚柳飯$65魚柳有成個手掌咁大塊，而且肉質口感唔錯，唔係平價質素。下面個飯仲配有西蘭花、椰菜、紅蘿蔔同菇，好豐富。白飯選用珍珠米，有驚喜。 🐂砵酒燒汁燴美國優質牛肋肉配飯$88飯同餸係分開擺既好貼心，望落好整齊，賣相好。呢個🐮🐮牛肋肉好好味，炆得好軟熟，有肉味。配菜有同樣軟腍既薯仔，醬汁有好香既🍾酒味，配埋珍珠米食一流。 🧑🏽‍🍳每個套餐都會包一杯飲品，而且餐廳裝修有心思，配色好柔和，職員服務都好好，門口仲有d烘焙麵包🥐同甜品，下次會再去試下。

最近俾我發現到黃大仙有間餐廳裝修得好靚，裝修以金色同薄荷綠色為主，成間Cafe咁樣。睇一睇價錢，原來係街坊店🙌🏻😋有環球菜式選擇，包括中、日、韓、西餐，連星馬菜、麵包、甜品都有，老實說真係揀咗好耐，太多選擇好多元化👏🏽今次選擇左三款中式小菜，$68包左白飯同埋香濃綿滑既蘑菇餐湯。性價比超高。🌸🌸🌸🌸🌸🌸🌸🌸🌸🌸🌸🌸🌸🍀士多啤梨骨$68👍一見到個名就俾佢吸引左！士多啤梨骨，感覺10分清新，入面係真係有粒粒切開咗士多啤梨㗎！仲有三色椒，賣相都好好！而排骨都好入味，酸酸甜甜好醒胃！夏天食真係啱晒👏🏽 🍓🍀蜜汁薯仔牛柳粒$68牛粒有咬口，吸收曬蜜糖嘅味道，相當惹味的一道菜🥔屋企人都好鍾意食，薯仔軟稔，甜度適中，如果份量再多啲就完美啦！🍀魚香茄子煲$68人見人愛的一道家常菜！美味而口感細膩！賣相方面色澤油亮，茄子香糯軟綿，而鹹魚味十分突出，令到茄子好入味，味道更加豐富，好滿足！