嚐.鵝小廚 (已結業)

見近排成日都Home Office🏡放假就去咗屯門行菠蘿山🧘🏻最近空氣都好好 我諗係因為大陸仲未復工🤷🏻‍♀️😂一行友人行完山話想食豐富啲😻所以小編建議黎何福堂嚐鵝小廚打冷😋.🥬上湯白菜仔白菜仔份量好大碟 浸住上湯好入味🥣.🦆燒鵝（例牌）燒鵝皮好脆同肥美 肉質實淨亦都好幾有鵝味🤫朋友仔覺得同深井燒鵝有得揮🙈.🧄蒜蓉粉絲蒸扇貝扇貝好大隻 食落爽口🤤最中意撈埋粉絲蒜蓉豉油食飯 🤘🏻

屯門有條食街叫做麒麟徑，兩邊開咗食店，今日我特登過嚟買外賣，只因它的燒鵝出名，這間店舖的燒鵝是自己燒的燒鵝堂食特價，值得一試餐牌有很多選擇，但今天我只為燒鵝這間店舖租了幾間相連單位，地方大，店員上菜和落單都很爽手買咗半隻燒鵝外賣打包回家打開外賣盒，一望已經口水流，你望一下，皮，肉，脂肪分布均勻，食一口，不得了，鵝皮香脆，脂肪和肉越食越甘香它用的調味料帶出鵝肉更美味，肉嫩肥美，鵝肉仲熱，真係好好食看一看它的鵝皮，卜卜脆，非常吸引，食到停唔到口我一個人可以消滅半隻燒鵝，都唔夠喉

我本身係一個好鍾意食燒鵝嘅人，對比起燒鴨質素就差得遠聽聞屯門新開左一間食燒鵝一流嘅入邊仲有廚房專門燒燒鵝，我今日就即管嚟試吓一去到門口見到個名就知燒鵝係佢嘅招牌菜（嚐，鵝小廚）而家做緊優惠半隻先係$158都好抵食就買半隻返屋企試吓返到屋企一開見到燒鵝皮光滑加柔嫩好靚斬得非常有心機鵝肉嘅紋理都好細緻，絕對冇令我失望！味道方面見到肥瘦適中啲肉仲好香甜又鮮嫩食完都冇口渴嘅感覺淨係知道食到停唔到之前去過好多間燒鵝店都及不上呢一間我一定會再來幫襯見到食客都相當多好早已經坐滿晒人見到仲有好多小菜嘅選擇，下次一定要嚟坐低試吓，廚師都非常細心個盒整咗兩個孔，因為燒鵝剛剛燒起，熱辣辣怕入邊出霧水

一諗起食燒鵝平時就會諗到去深井竟然一間屯門小店俾我發現有好高質嘅美味燒鵝食燒鵝最怕食到啲皮好鞋今次幫襯呢間新開嘅燒🦢小店，竟然令我喜出望外以鵝為名，返到屋企一打開盒燒鵝燒鵝份量足半隻排得非常靚件大細都好適中皮光肉滑色澤又均勻咬落鵝肉好正入口有好淋身，外皮香脆肥瘦適中肉味香甜肉質嫩滑😉又唔會太咸又唔會好淡口食完都唔口渴嘅感覺，買咗外賣返屋企再配埋白飯，一流，因為我外賣，所以老闆都俾咗啲燒鵝汁我，自己淋上隻燒鵝，叫我記得整返熱啲燒鵝汁，非常細心，即刻俾個like你

本身諗住番屋企補做冬，經過杯渡個邊大牌檔個時，發現多左間新舖，叫嚐·鵝小廚。我就咁企係斬燒味位睇，覺得掛起個3隻燒鵝燒得色澤唔錯，就問伙記係咪得堂食，點知佢地話我聽，家下做緊特價半隻鵝只係$158，仲可以外賣。我諗都唔諗就要左半隻加餸，心諗燒鴨都要咁既價啦。師傅好快斬好半隻俾我，我大概用左半個鐘鬆d番屋企，番到屋企隔住個盒仲感受到鵝既餘溫同鵝香味。開盒之後見到盒內仲有好多肉汁，而隻鵝本身又唔會太瘦太肥。之後我仲開飯前偷食左舊，皮脆無騷味，真係無得彈，仲暖暖地，證明係隻鵝即燒即賣。另外肉與淋軟，唔會好似鴨肉咁實肉。食飯個時，屋企人對呢隻鵝都有讚無彈，話好抵食，都搞到我地心郁郁想再試下舖頭其他菜式。

這個雨天，無言流口水⋯呢個季節嘅禮拜日，都會落雨，係有啲掃興，胃民仲要甩底，真係喜上加喜呀，咁真係要食啲好嘢賀賀佢喇！不過得自己一條友，無謂霸住成張檯啦，買返屋企獨食罷啦見呢間用得個鵝做名，應該出名食鵝啦，入咗嚟先知燒鵝係唔做外賣㗎不過老細講咗幾味招牌菜，大胃就叫返一兩樣啦，兩程車程拎到返屋企，啲餸仲係熱喎牛柳粒一啲都唔嚡，仲有幽幽嘅芥末香，洋蔥仲要夠腍蜜糖骨仲驚喜呀，啖啖肉唔會舊舊骨呃秤蜜糖唔會死甜到搶咗肉味，而且啲肉外脆內軟，完全唔想食剩畀屋企人希望下次胃民唔好再放飛機，可以食返堂食啦

朋友住附近想買野加料食飯，本身想買小炒外賣但見到呢到新開張有優惠就買黎試下啦！吸引晚上八點幾好旺，都等左一陣阿姐話燒鵝一晚得幾隻係limiter edition 要買就要快。同埋個乳鴿即整，好新鮮。最驚喜係見到有雞煲同火鍋，下次約埋朋友可以一戰！乳鴿$28，外皮香脆夠嫩，仲比左d椒鹽好野味！應該叫多兩隻！燒鵝半隻$158，一打開盒勁香，同埋好多，有成三層，貨真價實！ 食落口唔會好鞋，皮好香，仲脆卜卜，肉上面有一層好分明既油脂。平時話鵝好肥，不過呢個就接受到。 朋友們都話好味，可以encore!👍🏻

經過見到新張優惠, $28/隻乳鴿真的好抵, 於是就和朋友來試試。初頭以為它只做燒味, 聽個名似是燒味主打, 但原來還有好多小菜選擇, 又有潮州食品, 下次可以一家人來吃, 試多幾樣菜式。這一帶附近都幾多大排檔, 晚上幾熱鬧。因為今晚不太肚餓, 只是每人一隻乳鴿, 再叫一個蠔仔粥, 已很夠我們飽肚了, 蠔仔粥似乎三四個人吃, 再叫其他菜都夠食呢。它有很多的米飯, 湯底味道很鮮, 又不會太過鹹, 蠔仔新鮮粒粒漲卜卜, 味道很鮮。乳鴿真是值得一試, 正宗bb鴿來, 細細隻, 但又不至於無肉食, 肉很嫩滑多汁, 燒得很好, 皮脆肉嫩, 甚滋味。

去朋友屋企把酒談心，平時一講何福堂，就一定諗起去新金榮，見到新開左間嚐鵝小廚，反正買外賣就試下新店，既然去朋友屋企飲啤酒，所以就揀了兩款佐酒菜式，椒鹽鮮魷同椒鹽骨，味道佐酒一流椒鹽鮮魷，差不多每件鮮魷都好大件，有咬口，加上大量炸蒜同少少辣堂食應該更加脆口椒鹽骨，每一啖都油香滿瀉，炸得十分香口，肉質又易咬開，加上炸蒜同吃，惹味到不得了，一路飲啤酒一路食，停唔到口，好快ko兩款椒鹽小食，下次要買多幾款豆腐，墨魚咀都想試除了小菜，仲有打冷、雞煲、羊腩煲等等

食燒鵝最怕食到皺既皮同鞋口起粉既肉 每次幫襯一間新既店鋪買燒味食 通常十常八九都會注定失望但今日行完vcity 經過新墟附近見到呢間新開張既鋪頭 個名叫做嚐·鵝 個名幾過癮咁又以鵝為名 相信燒鵝係佢既招牌菜 見佢新開張 做緊優惠 半隻先係百五蚊 就試下外賣一盒燒鵝返去食拎起都幾贅手 一打開盒 燒鵝份量足半隻 仲排得靚靚 斬得亦有心機 件件大細都好適中 鵝皮色澤均匀 皮滑滑 隻色燒到好靚 係燒到最靚個種橘紅色 夾起望望佢既鵝肉紋理都幾細緻 未放入口就知今晚唔洗失望 唔會係鞋口 起粉鵝 鵝肉正 入口好軟淋 好食 師傳控制火候好平均 刀功唔錯 有心機 鵝亦好岩時候 唔會太老太細 可能因為咁鵝肉咁好食依加好多店鋪都無咩心機做好既燒味 不過慶幸呢度既鵝 鵝皮香脆 肥瘦適中 皮下脂肪又唔會太肥 肉味香甜 肉質鮮嫩 調既醬汁味道好好無過鹹或者淡口 食左好多件都完全唔會口渴 調味剛剛好 令人食完一件接一件 好惹味 食完口腔會充斥豐富既鵝味道 送飯一流依加要食到好味用心既燒鵝真係越黎越難 呢間燒鵝真心好味道 希望多啲人都好似我咁發掘到呢間咁好味燒鵝啦

今日入屯門做野，走個陣見到個易拉架，話新張優惠，見到$158有半隻燒鵝就諗住買個外賣加餸。問老闆可唔可以外賣半隻燒鵝，佢話可以。老闆好熱情，係我等緊燒鵝期間，話佢地新開無幾耐，得閒可以幫襯佢食下火鍋、小菜咁話，俾埋餐牌我睇。我見佢D燒鵝好似燒得幾靚，我諗如果即食應該好正。老闆話我外賣，所以俾左一杯燒鵝汁我，叫我返到屋企整返熱D汁，將D汁淋係燒鵝上，咁就會好食好多架咁。半隻燒鵝都幾重手，拎到返屋企，已經唔係熱騰騰的了。試左舊燒鵝，味道唔錯，有口感，啖啖肉。但畢竟唔係熱食，無左個陣出爐的香脆。拿拿臨整返熱D燒鵝汁淋係燒鵝上，咁樣食又另有一番風味。