囍串

營業中

休息中

今日同朋友入左元朗食宵夜，見到呢間串燒店有推廣，只要一次過點晒想要既食物即享9折，好抵食。我哋叫左兩杯飲品，勁大杯，每杯有50CL：水果梳打：梳打有唔同口味選擇，我揀左青蘋果，酸酸甜甜，味道一流。珍寶凍檸茶：食串燒唔少得，朋友話夠晒解渴。金釀肉丸串：每粒肉丸之間，夾左一塊豬皮，特別爽口。家鄉手工肉丸串：細細粒，口感彈牙。台式香腸：有嚼勁，滋味多汁。燒五花腩：燒到金黃香脆，五花腩肥瘦適中。秘製醬牛柳粒：牛味濃郁，粒狀食起嚟都好腍。跳脫黃立倉：煎到金黃色，灑滿蔥花，賣相吸引，魚肉肥美厚白，魚皮位脆卜卜，仲有檸檬同豉油伴碟。燒芝士年糕：外脆內軟，煙煙韌韌，芝士有少許流心。鮮甜菠蘿：灑上芝麻，香氣四溢。總結，全部串燒都灑上孜然粉和蔥花，好惹味，而每張枱都擺左一個爐，暖住D串燒，好貼心。

今晚想食串燒，放咗工落元郎揾到一間叫囍串嘅小店，舖頭細細間可坐十幾個人。地址係元郎安興街59至64號安泰樓地下。串燒以外還有其他小食，除了黑版上面有嘅小食其它都要手機落單，不過我就一時忘記按確認送單所以等咗好耐先有得食🤣店內有些特色裝飾燈及圖案，啱曬我地鐘意有得食又有得打咭嘅文青中年人🤣手機落單主要分為: 串燒類，主食類，海鮮類🍤，飲品🧋及其它。 串燒口味可選擇正常濃度，大辣及小辣，更貼心🥰係可寫明對咩食物有敏感。首先叫咗碟扣肉蛋腸，員工話豉油係自家製所以味道適中不太鹹， 腸夠滑扣肉多汁配葱花好野味，雖然好多鼓油但完全一d都唔鹹👍🏼跟住再叫一串燒芝士年糕同一串燒鰻魚(正常濃度), 芝士年糕外脆內軟，一咬芝士已流出來，燒鰻魚有小小麻辣味有脆口肉多汁😋又叫咗一份忘情雞泡魚乾， 我最鐘意佢燒得唔太乾身有d濕潤又有燒香嘅感覺，之前去過幾間日本餐廳大部份魚乾都係硬身，所以要比個like佢👍🏼最後叫咗杯繽紛樂朱古力kinder🍫凍飲，濃郁朱古力上面滿滿嘅cream再加上一條分開三節嘅朱古力條，嘩! 今晚真係好滿足😋

今日開心星期五🥳又到咗捐窿捐罅食好西時間～稍為遠離市中心區周圍都係工業地方同車房竟然有間望落小清新嘅串燒店🤩 成間店嘅裝修都比較新潮🔆又有些少文青feel枱數雖唔多但keep住有客入黎大部分都係黎邊食串串 飲酒吹水🍢🍺🗣️每枱都有一個細爐上菜嘅時候先會點火🔥用手機自助落單🛎️叫咗五款串串、一個招牌菜🍴同埋店員推介嘅刮刮腸粉🥢港式奶茶🧋奶同茶比例適中，唔係淨糖水👍🏻飲到有茶味，但就幾甜吓下次都係嗌返少甜🤣店員好貼心 見我係咁攪杯野飲問我係咪唔夠味 我話太多冰🧊佢就主動俾咗個杯我整咁走啲冰塊大加分👍🏻👍🏻👍🏻👍🏻麻辣蠔仔粉絲🌟呢個大推 好好味 佢有少少麻但唔太辣 十分惹味🤤份量可以夠2-3人share有大量蒜蓉、莞茜、洋蔥岩哂重口嘅人士🫶🏻蠔仔嫩口、鮮甜仲要有十幾粒以上 抵食‼️‼️燒芝士年糕🧀個皮燒到帶金黃焦面中間一啖咬落去 有流心🤪秘制醬牛柳🐮呢個略嫌乾身咗少少🤏🏻肉質輕微韌 👌🏻翠玉瓜🫒極多孜然粉同辣粉 好正！保留到有水分 juicy!😋🤨燒五花腩🐷都係偏乾 但有豬皮😍好Q彈中間脂肪層都好香口燒一口紫薯🍠入面係黃心嘅，皮脆內軟 表層有蜜糖 🍯刮刮腸粉🤗個皮幾滑、有質感無函嘅，純粹用蔥、蛋花整

元朗隱世串燒小店🥕雞蛋腸$35 ⭐️⭐️⭐️⭐️⭐️熱辣辣彈滑刮刮腸粉，淋上左甜豉油，十分香滑，好香蔥花蛋香。🥕厚切牛舌$28 ⭐️⭐️⭐️⭐️⭐️表面撒上左孜然粉，入口微甜再慢慢有孜然味出，2塊都好大塊，而且係非常軟腍既牛舌。🥕紐西蘭羊柳$26 ⭐️⭐️⭐️⭐️⭐️入口易咬，孜然粉不會搶走好香既羊柳味，不會太羶剛剛好，肥瘦均勻好正👍🥕燒豬大腸$22 ⭐️⭐️⭐️⭐️⭐️外皮燒到好脆口，感覺有用到甜醬去燒。🥕燒五花腩$20⭐️⭐️⭐️⭐️☆皮燒到脆卜卜，五花腩有五層肥瘦均勻，有咬口。🥕原塊燒雞皮$19⭐️⭐️⭐️⭐️☆雞皮燒到勁脆，撒上左勁多辣粉孜然粉勁惹味。🥕鮮甜菠蘿$9 ⭐️⭐️⭐️⭐️⭐️菠蘿🍍撒上芝麻，燒得剛剛好，勁甜爆多汁！🥕炸饅頭(3件)$24 ⭐️⭐️⭐️⭐️⭐️炸到好香口，饅頭點上煉奶真係冇得頂👍🥕Oreo Chocolate$45⭐️⭐️⭐️⭐️☆叫左少冰少甜，不會太甜，好香朱古力味🍫，表面插左一塊脆卜卜既Oreo。小店裝修得好有feel，又播住歌，食番串串燒啤一啤真係幾正幾chill下！冇加一服務費哦！======詳情======囍串元朗安興街59-67號安泰樓地下8號舖👣輕鐵豐年路站步行約3分鐘================#香港美食指南  #

呢間小店唔係熱鬧嘅街頭，但全晚都有客人入嚟，咁就知佢有自己吸引之處！小店裝飾好靚，好igable，全晚都播住耳熟能詳嘅歌，好好feel！😍串燒有個爐仔全晚慶住，儀式感呀呢啲係！🥰左起: 燒雞🐔、燒羊🐏、燒牛🐄、魷魚酥🦑、豬腩肉🐖、薯仔片🥔最推介燒雞、豬腩肉！👍🏻薯仔片就同想像中唔同，入口較軟身。必叫燒膳呀！燒帶子跟住食番啲菜，必點燒茄子，同超長九菜！未夠飽，就叫啲澱粉，呢個迷你肉躁飯有少少甜味，夠特別！滑滑腸粉，估唔到串燒店嘅腸粉會咁好食！食串燒緊係要飲野咖啦，杯荔枝沙冰夠哂足料，食到尾都仲未飲完，夠哂解渴！仲有出面好少見的王老吉，正！😋咁又渡過左好開心嘅一晚啦，推介屯元天街坊一定要嚟呀！

今日到訪元朗劇院附近既串燒店，一間開業不久的隱世燒烤店。店鋪光猛，座位闊寬，坐得舒適，燒烤店最重要係氣氛，邊燒必飲，有relax既感覺，呢間比到呢個感覺我。掃QR code 下單，有圖有真相，😂😂當然可隨心意慢慢加單，辣度及濃度又有得揀，落單要備註。另外真係食物好多款式，飲品都係，一定揀到心水，而最大賣點係每枱都有熱爐，燒好的食物會放於熱爐保持温度，牛油紙亦可索去燒物多餘油份，讚👍👍👍👍👍呢個位係要加分加分🥰🥰🥰🥰🥰大支青島啤（$30)燒物必搭！夠冰凍，爽秘製牛柳粒1串（$24）牛肉夠淋，孜然味道濃烈，啱晒重口味既我燒鱔1串（$45）鱔燒得香脆，肉質彈牙，不錯不錯！惹味茄子（1條）（$48）濃濃的蒜香好吸引，茄子好大份，燒得唔錯，抵食好味😋燒一口紫薯（$14）香甜可口，食完想再食鮮甜菠蘿（$9）新鮮菠蘿，酸酸味味，好天然既菠蘿，加了少許芝麻，燒的火喉剛好，唔錯！薯仔片（$14）我的大愛，好少地方有得食，冇失望，好正孜然味，我大愛！燒芝士年糕（$24）超推介，好味，脆脆加煙韌的質感，再加上流心芝士，冇得輸，正😄最後穩世名物，推介大家試下—括括腸粉，原汁原味齋腸已好好味，夠滑，醬汁掛上，冇

最鍾意就係元朗周圍搵好嘢食，今日朋友帶咗我去一間新開嘅港式串燒店，估唔到真係有驚喜，啲嘢好好食，所以好值得喺度推介一下。囍串 地址喺安興街59號安泰樓地下8號舖，餐廳地方雖然唔大，但係充滿港式風情，而且裝修得光猛整潔。門口餐牌，有各類港式食物。牛腩麵，肉燥飯，炸髀飯，串燒。仲有happy hour飲酒時間，各種咖啡。真係諗得出嘅都有。厚切牛舌 ，依個牛舌真係好正，每一口咬落去都有肉汁流出，油脂從牛舌中滲出來，肉質嫩腍爽口，有濃郁嘅牛肉味，越食越香。加上少少鹽嘅調味，味道更有層次。燒五花腩 五花腩燒嗰啲油份出嚟，加上邊位有少少焦香，入口香口惹味。跳脫黃立䱽 ，䱽魚賣相真係好吸引，燒到啲變位都有啲焦香，食落去卜卜脆，面頭加啲蔥花，檸檬汁增添味道層次。魚嘅肉質仲係好嫩滑，好鮮味。呢個係必試嘅推介。清酒焗花甲 加粉絲，粉絲同啲湯汁完全吸收咗花甲嘅鮮味，食落去花甲味道鮮甜，肉質爽口。燒年糕，年糕燒到外脆肉熱，入口煙煙韌韌配，埋啲燒汁味道真係一流。炸餃子 餃子炸到金黃色，入口熱辣辣，外皮好香脆，配少少甜酸醬，增添味道層次。食串燒叫返支藍妹飲下先，消暑解渴真係一流。

元朗串燒小店😋店舖環境乾淨電子下單 除咗串燒，午市都會有飯/粉食晚市就食串燒 ，都有迷你嘅肉燥飯同肉燥撈麵所有串燒都可以揀辣味同埋濃度1. 燒豬頸肉$60肥瘦參半👍🏻邊位都燒到有少少燶 更加惹味👍🏻👍🏻火候啱啱好2. 燒五花腩燒牛舌燒牛柳粒羊柳五花腩好Juicy 肥瘦一半一半 好滿足🤭🤭叫左少辣 所有串燒都唔會覺得太重調味食完都唔會覺得好口渴店主都幾細心，燒完要串燒都會放喺個燒烤爐攞蠟燭去一直烘熱 慢慢食都唔會咁快凍👍🏻燒紫薯都好好味😋 唔會燒到過火，紫薯味都幾出👍🏻燒茄子一上枱就好香 好惹味 多汁 唔會燒到乾哂清酒焗花甲加粉絲第一啖飲少少湯水連花甲，好新鮮既味道食咗咁多熱氣嘢 試左佢嘅人蔘烏龍茶微香帶甘 清熱幫助消化☺️呢間串燒店都不需加一少驚喜 見到佢有咖啡飲 下次午市黎再試下

#ftf_元朗元朗隱世串燒 滑嘟嘟刮刮腸環境裝修光猛又闊落，好啱同朋友飲酒相聚食串燒！除咗串燒，仲有下午茶餐，想當抵食！惹味茄子 $48⭐️⭐️⭐️⭐️⭐️大量蒜蓉配埋香葱，係名副其實嘅惹味茄子。燒焦豬頸肉 $60⭐️⭐️⭐️⭐️⭐️份量好慷慨，切得夠薄身，有焦香，點雞醬食一流！燒一口紫薯 $14⭐️⭐️⭐️⭐️⭐️香甜有蜜味！燒五花腩 $20⭐️⭐️⭐️⭐️唔會太肥，啖啖肉，燒得夠乾身，外脆內juicy!厚切牛舌 $28⭐️⭐️⭐️⭐️火候控制剛好，唔會太老，肉質軟腍，牛味香濃。紐西蘭羊柳 $26⭐️⭐️⭐️⭐️羊柳無羶味，孜然令羊鮮味更突出，腍得黎有口感。雞蛋刮刮腸 $35⭐️⭐️⭐️⭐️好大碟，滑嘟嘟，有米香！人蔘烏龍 $22⭐️⭐️⭐️⭐️解膩一流，有回甘，健康之選。回頭率🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

奶醬西多士$32熱辣辣、啱啱炸起即刻食！煉奶落得好多，鐘意食甜啲嘅朋友就一定食得夠喉。西多士中間夾左一層花生醬，分量拿捏得好，口感唔會太油。而且有埋花生粒，食起上黎就有啲咬口。果然，奶醬西多拎係架紐西蘭羊柳（一串）$26羊柳肉質好嫩滑。羊嘅味道濃郁，但係羊羶味唔重。烤串燒嘅時候有埋孜然粉同紅辣椒粉，食落去陣香辣味同羊嘅香味好match。秘制醬牛柳粒 （1串) $24牛柳粒都用左孜然粉同紅辣椒粉去調味。牛柳粒軟腍惹味，而且應該醃左好耐，食得出好入味。因為串燒上面有埋我炒過嘅白芝麻粒，咬落去又腍又脆嘅口感好滿足。

啱啱去咗安興街個球場睇人踢波，睇完之後發現隔離有間剛剛新開嘅串燒店，喺出邊望入去環境非常寬敞，而且仲有充足嘅光線，餐廳嘅面積唔算細枱同枱之間都非常闊落坐得好舒服呢間燒烤店最特別嘅就係無論鹹味同辣味都可以自己控制唔同出邊嘅串燒店，一早已經調好咗味道，燒好咗嘅食物仲可以放上枱上面嘅一個火爐，能夠一直保持到食物嘅溫度，真係非常細心店主非常推介雞蛋花刮刮腸粉，比起出邊嘅腸粉真係有啲唔同，腸粉嘅味道好特別，仲配合埋香蔥碎加甜豉油，仲有少少彈花鹹香味，十足份量，仲非常多口感夠晒滑，食落仲好飽肚😋食咗咁多串燒覺得有啲熱氣食返個腸粉中和一下就最好不過這個清酒焗花甲，$88滿滿的花甲，還加了粉絲，入口花甲鮮甜，粉絲吸了花甲的鮮甜味，非常好味，花甲也很新鮮。這個炸餃子，$48表面炸到金黃色，外皮卜卜脆，中間軟林林還有肉汁，豬肉餡料，我很喜歡吃。這個燒年糕，$24外面塗上燒汁慢慢燒烤，燒到表面金黃色，卜卜脆，吃一口外脆，內裏軟糯，口感非常。這個烤黃立䱽，$88表面烤得非常乾身，金黃色的，連烤到黃立䱽的魚旗也卜卜脆，好像食薯片一樣，魚肉經過燒烤食落口，也特別香口，十分惹味。食串燒當然唔少得要叫支大藍妹$40，

今日好想食串燒，又咁岩喺元朗就去附近搵搵串燒店食。咁啱見到依間囍串，既然係眼前就一於去食。睇店面餐牌已經比好多種燒物，小食同野飲吸引。入到店舖都好乾淨，串燒店好貼心咁提供個爐比你座熱店家燒出既串燒，保持住熱力。就算一大班朋友食傾住計食都啱會怕食物變冷，點樣都最佳狀態食用。咁貼心既安排令我對依間舖頭印象深刻。叫食物亦只要用電話掃QR CODE叫，就算想追加食物都可以即時加。首先黎到既食物係炸餃子，蒜油娃娃菜同埋燒焦豬頸肉。炸餃子炸得香脆，食落好似薯片咁脆口。而燒焦豬頸肉燒得岩岩好唔會過熟鞋口，肉質嫩滑多汁。我個人特別推介蒜油娃娃菜，湯汁香甜，菜都好新鮮，好快就食哂成碟。食到中間少少頸渴，點左既野飲隨即送到。嘩一聲，大大杯飲品，岩哂食串燒之後就係到串燒秘制醬牛柳粒，肉質軟冧配上醃料非常香。燒五花腩質素高，肥瘦分明。厚切牛舌名符其實夠厚，好有咬口。而海鮮類簡左特大蟶子皇，店家既產品真係樣樣岩哂食物名既稱號，真係好大又新鮮。另一樣係燒鱔，燒得岩岩好肉質又脆。壓軸出場就係雞蛋腸，點解串燒店會出產腸粉呢？既然咁特別就一於叫黎食。出菜後一食超乎想像，腸粉彈牙又好食，真係估唔到串燒店會出產高質素既腸粉

今晚同老公食串燒，一路都唔敢去食串燒，成日覺得一串又一串好容易好貴，其實又唔係吖，不過呢間餐廳唔收加一都係一個重點！做到指定要求有九折，好有趣！跳脫黃立倉冇諗過倉魚都可以燒，原來同孜然味都幾夾，魚底面都脆，魚肉仍然嫩滑韭菜燒得到水準來，夠嫩清酒焗花甲外表平平無奇，一定要加粉絲，因為個湯好好味，有蒜香味仲有明顯嘅清酒味，不多不少魷魚乾平時係街當小食咁買，估唔到晚餐都可以食，香口薯仔片口感似炒土豆絲，表面微脆，充滿孜然香，好少見又好食秘制醬牛柳粒夠淋嫩口，有牛肉味，不錯紐西蘭羊柳夠淋嫩口，唔騷，肉中仲夾雜油脂，好鬼好食味道評分：⧭ ⧭ ⧭ ⧭ ⧭燒五花腩肥膏未算入口即溶，但係一咬入口先香口微脆，肉質有咬口得黎又夠淋，絕對出色味道評分：⧭ ⧭ ⧭ ⧭ ⧬燒豬大腸都係微脆，入面肥膏適中，一個值得讚嘅地方係，大腸夠淋而且唔似街邊食炸大腸果d劣質口感味道評分：⧭ ⧭ ⧭ ⧭ ⧬燒芝士年糕呢個精彩，其實我食唔出燒嘅感覺，反而係炸得超香口，香味似炸饅頭得黎唔會有燶嘅感覺，年糕口感亦都剛剛好，不太韌不太軟荔枝蘇打超大杯，兩個人都夠飲，爽！其實佢地味道都係一式一樣，孜然辣椒粉，但不代表悶，因為佢用料質素唔

元朗串燒小店自助落單，記得揀辣度，我哋揀咗中辣～串燒系列：厚切牛舌 $28真心厚，足料大大件，入口爽口夠晒濃厚牛味，再加上燒烤調味，惹味得嚟又唔搶走牛舌本身！燒五花腩 $19啖啖肉燒五花腩，肥瘦均勻燒出嚟陣陣嘅油脂香味，入口層次滋味無窮！爽脆雞腎 $16咬落去爽口雞腎，惹味香口，用嚟送酒一流之選！秘制醬牛柳粒 $24食一口一口都係啖啖肉，加上秘制醬帶帶小小甜味，更加帶出牛柳粒香味！脆皮芝士腸 $12雖然好似好普通嘅腸仔，但係燒過外脆內流心芝士，值得一試！有個爐係枱到保暖⋯麻辣蠔仔粉絲HK$ 78勁多蠔仔超級足料，粉絲吸收晒麻辣湯底嘅精華，加上蠔仔嘅鮮味！珍寳凍檸茶 HK$ 28囍串 (元朗)元朗安興街59-67號安泰樓地下8號舖

以前放假最中意同朋友返大陸食串燒，而家想返去chill下都好麻煩，搞到有時想聚下腳都唔知去邊好今日路過元朗見到有間串燒店好吸引，即刻叫埋朋友過黎試下！呢到可以邊飲啤酒邊食串燒，完完全全就係以前個種feel，勁開心！手機落單，一目了然，夠晒方便食物燒完之後仲會放上呢個爐到保溫，咁就唔怕掛住吹水啲野食會凍晒啲串燒全部都好靚，調味料落得好重手，勁入味好香濃，淨係睇見都流晒口水，而且每一串份量都唔會偷工減料，啲豬腩肉勁大片勁厚身，入口唔會好油，反而好香口，燒得岩岩好外皮少少脆，超正！另外要一讚係呢個豬頸肉，性價比高，唔係好貴但夠晒大份。外皮卜卜脆，肉質又唔會燒到好硬身，軟淋淋入口好易咬，本身已經有調味，再配上泰式辣醬食，風味勁豐富，一流！