影片
更多
2022-07-15
301 瀏覽
諗起元朗食串燒，諗住試新嘢，點知原來係個伏。出面個餐牌好似好多嘢食咁，點知原來入到去係午市先有腸粉同飯。入到去剩係得串燒食，ok冇問題，食串燒定係我嘅初心。滿心期待，但換來嘅只有失望。首先，啲嘢係暖，完全唔熱，得娃娃菜係熱嘅，第一敗筆。第二，牛舌好韌，雞全翼唔夠熱，所有串燒完全冇炭燒味，只係燒熟上面加辣粉。第三，海鮮，生蠔係大隻嘅，不過完全冇蠔味，又係上面辣粉，不過30幾蚊隻，可能唔可以要求咁多。燒鱔都係一貫特色，冇味既。第四，墨魚咀細粒到我懷疑人生，佳寶係佢嘅三倍😊。整體來講，佢串燒唔算貴，但完全稱唔上好食，性價比係低。如果講求平嘅串燒嘅話，又想堂食可以一試。都有值得可取之處，員工服務態度良好，收碟速度快，服務呢方面我都俾得幾高分。但如果畀得起好少少嘅價錢，元朗仲有其他選擇，好過淨係醫飽肚，但味蕾完全唔享受。純粹食客真實評價，唔好意思全程冇影過相，一來賣相唔吸引，二來食完第一串已經冇Mood，零打卡衝動。希望食店可以好好改善食物質素同溫度，或者可能會再有下次幫襯機會。
出面個餐牌好似好多嘢食咁，點知原來入到去係午市先有腸粉同飯。入到去剩係得串燒食，ok冇問題，食串燒定係我嘅初心。
滿心期待，但換來嘅只有失望。
首先，啲嘢係暖，完全唔熱，得娃娃菜係熱嘅，第一敗筆。
第二，牛舌好韌，雞全翼唔夠熱，所有串燒完全冇炭燒味，只係燒熟上面加辣粉。
第三，海鮮，生蠔係大隻嘅，不過完全冇蠔味，又係上面辣粉，不過30幾蚊隻，可能唔可以要求咁多。燒鱔都係一貫特色，冇味既。
第四，墨魚咀細粒到我懷疑人生，佳寶係佢嘅三倍😊。
整體來講，佢串燒唔算貴，但完全稱唔上好食，性價比係低。如果講求平嘅串燒嘅話，又想堂食可以一試。都有值得可取之處，員工服務態度良好，收碟速度快，服務呢方面我都俾得幾高分。但如果畀得起好少少嘅價錢，元朗仲有其他選擇，好過淨係醫飽肚，但味蕾完全唔享受。純粹食客真實評價，唔好意思全程冇影過相，一來賣相唔吸引，二來食完第一串已經冇Mood，零打卡衝動。希望食店可以好好改善食物質素同溫度，或者可能會再有下次幫襯機會。
張貼
