囍串

營業中

休息中

朋友介紹黎依間囍串gathering，除咗串燒，都有提供一啲主食架。店舖唔算特別大，勝在夠乾淨企理。未夠7點已經有幾枱客人邊食串燒邊歎啤酒，勁chill。 用QR code落單，先揀辣度。今次叫咗幾款串燒同炸饅頭。串燒會放係一個小火爐上面”興”住，咁就唔洗擔心啲串燒會凍咗。 右邊係鮮牛肉串，每日限量！牛肉烤完仍然十分嫩滑，非常惹味。  左邊牛胸爽，即係牛肋骨中間嘅軟骨，好爽口，以為會好油膩點知一啲都唔會。 厚切牛舌，真心勁厚，以為會好韌，點知一咬發覺原來腍到就黎可以入口即溶！ 金鑲豬皮肉丸，一層豬皮再一層肉丸咁串住，好搞笑！肉丸好札實，而豬皮嗦哂啲燒烤汁，2個一齊食都幾特別。 孜然羊脾肉，孜然味夠重，羊肉完全冇騷味。 炸饅頭，炸得金金黃黃，一咬外脆內軟，再沾少少煉奶，真係可以一次食10個XD 我同朋友都唔飲啤酒，所以叫咗2杯其他飲品，估唔到都整得幾出色。雜莓乳酪好滑，望落用咗唔少種類嘅莓黎整。水蜜桃梳打夠哂清甜，而且仲好大杯。 

元朗又係食肆多到數唔晒，今晚熱屎辣辣想食啲開胃菜，就入咗呢間裝修普通但食物有驚喜嘅小店🤪店舖位置係車房附近 唔太多人行嘅位置，太少人發掘到佢🥲入到去裝修幾特別，係工業風設計，有唔同燈牌作裝飾打開menu，超多花款，除咗串燒、海鮮類，仲有主食、小食等比一般串燒店更多花款😍 店家話家鄉炒米粉同腸粉都出名 ，可惜今晚想輕食就無叫燒焦豬頸肉$60 係店家必食推介，咪睇佢呢個價錢份量比想像中多，平時出面食泰式豬頸肉要$80-90 得幾舊仔，呢到多到我不要不要。味道香炭燒味又夠熱，想食辣可加辣粉，值得一試👍🏻金湯娃娃菜加粉絲$28+$10姐是蒜茸上海菜，菜份量唔孤寒，湯多到加個粉絲食，完全索晒湯汁 一個字 絕！雞全翼$19燒豬大腸$22秘製醬牛柳粒$24燒五花腩$22燒鱔$45惹味茄子$48爽脆雞腎$17原隻虎皮尖椒$12呢到好細心嘅位係佢哋燒完上菜，係會比個小熱爐你加熱串燒，平時食得一串第二三串都好快凍晒，依加有個爐比你熱住暖住 加晒分🥰雞全翼好香孜然味，熱辣辣大大隻，唔會over cook，一咬會有汁🥹。豬大腸洗得幾乾淨又無臭味，出街食內臟最怕臭屎味，大腸燒到脆卜卜，好香口☺️。雞腎夠淋好食五花

小店嘅裝飾好有特色，字句仲好有趣，打咭一流。雖然係串燒店，但菜單好特別，港式小食，炒粉麵，連腸粉都有㗎。QR code自助落單，快捷方便。仲可以揀埋辣度同濃度，啱哂個人口味。雞蛋腸粉既然有腸粉咁特別，就緊係要試下啦。刮刮腸粉，好多皺紋，但質地好滑，有蛋香蔥香，估唔到燒烤店嘅腸粉都幾好食，值得試下。每張枱都有一個小火爐，可以為串燒保温，啱哂邊食邊傾，都唔怕食物變涷，真係好細心嘅設計。厚切牛舌厚身大塊，但好軟稔，加埋孜然粉調味，味道相當唔錯。雞軟骨雞軟骨比較細粒，口感一般。八爪魚串孜然味重，口感彈牙，唔錯。燒豆卜要趁熱食，脆卜卜口感超正呀。燒雞翼雞皮燒得唔算好脆，但仍能鎖住肉汁，保持雞肉嫩滑，唔錯。清酒焗花甲一黎先飲啖湯，好清甜，酒味唔會太搶。花甲份量多，另加粉絲，吸哂湯嘅精華，係必食推介。補腎大法-雞子加生蠔純粹貪得意試下，以為雞子生蠔分開上啦，原來唔係，佢地真係同一個菜式黎㗎😂😂。雞子脹卜卜，有漿爆效果，但就唔係人人都接受佢嘅口感😝。生蠔又大隻又滑，蒜蓉好香，蓋過腥味。唔知食完個腎有無好左呢。珍寶涷檸茶嘩嘩嘩，真係好大杯㗎，好似飲極唔完咁，抵呀。好喜歡呢間小小串燒店有咁多唔錯嘅選擇，要

今日下午茶時間黎食，冷氣唔夠西多士，d包冇飛邊，四條邊又硬又厚。燒茄子，微辣，好夠蒜泥，不過茄子兩邊燒到十分乾，食唔落。牛舌，係腍既牛舌，我自己唔中意，我中意爽牛舌。

又入元朗探朋友，朋友話呢期元朗開左好多串燒小食店，推介我試下間地頭蟲先識搵既小店。果然，間小店係個巷仔入邊，唔近西鐵站，但輕鐵警署果個站行過去就3分鐘行到，好彩元朗友帶路，唔係有排搵。果然係小店，間舖頭應該10鬆d位，不過我地6點幾去到，7點幾走果陣都坐滿8成人。呢個爐仔應該為我地既串串作準備，想d食物以最好溫度上枱，貼心，加分見話豬頸肉係必食既，所以點左一碟，60蚊一碟，都幾大碟喎，片片都薄切，但都好多片，60蚊黎講 都叫抵食。嗌左d串燒，每串份量正常，用QR Code 落單，自選辣度，每串慢慢燒，食得出好有誠意。年榚個心有芝士架，叫完再叫豬腸燒到無油膩感。雞翅就係串串中不可少既選擇魷魚都好好味因為鐘意食香口野，所以嗌左炸餃子同薯條，薯條係粗薯，不過炸工就推薦食自家炸餃子，食得出係自家製同炸到好香脆腸粉又係自家製，果然小店係比較用心不過食到最後，我最推薦既竟然係佢家既小雲吞，雖然好細碗，但28蚊有成6粒，一口一粒，仲係食得出唔係出邊交貨d行貨，意外驚喜，值得一試

身為小食家嘅我又出外覓食啦！今次去到位於元朗廣場無幾遠嘅一間串燒店，囍串呀！好特別呀個鋪名！入到黎，環境都幾靚，大大個發字，一夜爆富！好搞笑！有好多燈燈吊飾，好有氣氛，好靚！叫左主食，家鄉炒米粉，米粉配叉燒，雞蛋粒，香蔥，牙菜，賣相一流，以為係普通一碟粉面手，食落發現味道好好食窩👍🏻中有腸粉，入面有生菜，軟滑嘅腸粉真的好好味，又大碟，2個人食岩岩好，下次可以再叫😂惹味茄子🍆，成條鰻魚咁嘅款送上黎，其實係一條茄子切開咗變2半，上面鋪滿左香蔥蒜蓉，份量好足，好入味，咸度適中，都真係幾惹味！入到黎，點少得叫串燒，叫左好多串燒，燒年糕，厚切牛舌，秘製醬牛柳，秘製雞俾肉，爽脆雞腎，八爪魚🐙串，多春魚兩串。所有嘅串燒都有酸酸嘅檸檬味，可以解膩。畢竟食咗好多肉，每個串燒各有特色，但係所有嘅肉都唔韌，雞腎同八爪魚都好有彈性，非常好食！多春魚好香脆！其中我最鍾意食嘅係燒年糕，上面有塊紫菜，脆脆地，年糕好煙韌，外脆內軟！滋味之選！

朋友住附近，今日特登入元朗搵食😎😎舖頭位置唔多，好彩book定。佢menu選擇都好多，有一般串燒店嘅野食，都有海鮮，小食，仲有刮刮腸粉！串燒點可以唔叫飲品，我叫珍寶凍檸檬茶。好符合商品說明條例，超級大杯！！我估叫啤酒都係咁大杯，可以慢慢飲嘆串燒。叫左：薯仔片：呢個好特別，薯片入口係淋身嘅，邊邊係脆，口感唔錯燒年糕：好好食😭😭同朋友糾結佢究竟係韓式年糕定係日式，一上到黎發現係日式超開心。燒雞軟骨：燒得剛剛好燒雞腎：一d都唔dry，好新鮮蒜蓉粉絲扇貝：重蒜d粉絲入味，扇貝都好新鮮😛😛燒菠蘿：都幾juicy，不過可能係貨嘅問題，唔夠甜牛舌：厚切！甜品：奶醬西多：無得輸，邪惡之選😂😂😂 西多士炸得好香口，d醬份量適中，唔會太甜。

Fri 19th May 呢度真係隱世，隔離係中學，附近有個圖書館，安興街足球場，然後全部都係車房。簡潔嘅裝修，一路播住寰亞電影，一路食嗰啲自家製湯底娃娃菜，一路聽住周董D唱，真係好有家嘅感覺。呢間嘢都幾旺，食客嘅profile好闊，學生仔、閨蜜、一家大細、獨L …。仲會返枱生意都唔錯。舖頭乾淨企理光猛雞蛋刮刮皺皮腸 必食有米香有蛋味 自家製豉油溝得啱啱好。份量都唔細㗎，如果下午茶食佢加個熱飲到啱啱好喇。食得出 個Chef 喺細節位有諗過點樣精益求精。因為出邊係有唔少呢啲餐廳仔，淨係死煮爛煮 不思進取。例如呢度嘅串燒上枱，會有個蠟燭台暖住D嘢。呢個裝置我屋企都有成日用，啲餸唔會凍得咁快，可以慢慢食。喺 米字國 嘅 唐餐舖 都經常有呢啲燭台亂住啲餸，但係香港就好少見。呢度係抵讚我上多幾燒牛脷推薦一咬就知非池中物。肉質鮮嫩多汁又燒得香口，果然老闆娘招供，啲牛脷係sous vide 幾個鐘 再燒。呢個燒魷魚鬚火候啱啱好，尖尖就脆 鬚身保持到肉嫩。哇樸實無華就係叫冰凍綠豆沙。記得留肚試吓佢。

囍串 (元朗)📍地址:元朗安興街59-67號安泰樓地下8號舖===================近排對串燒上左癮，繼續想發掘下有咩串燒店好食，今日經過元朗圖書館附近。發現呢間串燒小店，梗係要入去試下佢！餐廳啲座位好舒服，餐廳好明亮好乾淨，佢嘅串燒有啲肉類啦，啲蔬菜類啦，仲有自家製腸粉揀，好多選擇我極力推介佢嘅五花腩串燒，啲油脂嘅香味好濃，外面燒到微微脆，好好食牛肉串燒都好正，牛味濃郁，食落唔啖啖肉，真係色香味俱全我特別鍾意佢嘅燒茄子，加咗啲孜然粉同蒜蓉，但又唔會覺得太濃味，配合得岩岩好土豆片就好惹味，又脆又好食牛油金菇係我另一最愛，牛油味入晒落每一條金菇，好香好好味腸粉加咗雞蛋，自定製作，誠意十足餐廳食物味道幾好，環境又舒服，下次會同朋友再去

約咗舊同學去元朗圖書館改作文，改到咁上下，已經冇乜精神，非常肚餓，大家商量吓去附近嘅餐廳食吓嘢，佢話附近開咗間串燒店，除咗串燒仲有好似大陸嗰啲腸粉食，間舖頭嘅裝修韓式風格，老闆娘超溫柔，望到嘅時候即刻醒晒！✨必食雞蛋刮刮皺皮腸 $35 滑嘟嘟嘅腸粉，加埋秘製甜豉油，新鮮蔥粒加埋新鮮雞蛋，同細個喺大陸食嘅腸粉一模一樣，一份係唔夠兩個人食㗎，一定要一人一份！🦑魷魚鬚（10串）$38份量超多，非常抵食，加埋啲孜然粉好惹味，啲魷魚非常新鮮🥬金湯娃娃菜 $28佢哋用豬骨去咬住個湯底，加埋蒜蓉，用金色嘅韓國拉麵鑊仔去煮，好淋好鮮甜🐔雞中翼兩隻（一串）$19焦香惹味，雞肉有肉汁🐷燒豬大腸（一串）用白胡椒悶煮過嘅豬大腸，再燒到表皮脆卜卜，一口爆汁🐷燒五花腩（一串）肉質嫩滑，表皮有膠質，食落好似好多膠原蛋白咁🐚清酒焗花甲（ 一份）超鮮甜湯底，加埋粉絲索汁，沙白大大粒、啖啖肉，少少沙都冇🐮頭燒牛舌（一串）超厚切，濃郁牛脂，滑溜🐷金釀肉丸串（ 一串）用炸豬皮夾肉餅做串燒真係第一次食，豬皮QQ 彈彈，肉餅厚實，好滋味🍺生力清啤（大枝）食串燒必備🍬冰鎮綠豆沙估唔到咁出色，用陳皮熬煮，不太甜，奶香濃，清熱解暑呢啲

囍串 Xi Chuan📍元朗安興街59-67號安泰樓地下8號舖前排同朋友去元朗圖書館溫書，走嘅時候見到呢間喺公園轉角食串燒嘅餐廳，覺得啲嘢食都幾有特色，唔係常見嘅燒烤串燒店嘅嘢食，愛試小店嘅我哋就入咗去食晚餐。入座時大約7點半，本來只有一兩檯客，估唔到餐廳越夜越精彩，去到接近8點半時已經座無虛席，非常受街坊歡迎！餐廳嘅牆身掛住好多搞鬼嘅裝飾，又有一部大大嘅電視播住連續劇，串燒店嚟講唔算太嘈，地方乾淨企理，服務員態度非常友善，好殷勤，好加分！ 💰$24燒芝士年糕 🧀雖然叫做燒芝士年糕，但原來都有炸過嘅，佢嘅芝士唔會太重味，年糕煙煙韌韌，加埋炸到金黃香脆嘅外皮一齊食，異常地夾。 💰$26孜然羊脾肉 🐑因為唔想食咁多肉，所以我哋都只係叫咗一款肉類串燒嚟試吓。我揀咗我最愛嘅孜然配最愛嘅羊肉，呢款羊脾肉無筋，每粒都沾滿左自然嘅香氣，外面燒得到少少焦香，好味！ 💰$24炸饅頭 🥯炸饅頭似乎係呢間餐廳嘅招牌菜，我見每一檯客人都會叫至少一份，有一檯四人檯仲叫咗兩份嚟share，我哋都唔執輸，叫返一份嚟試吓。佢嘅饅頭唔會實定定，外面層表皮炸到非常酥脆，點埋煉奶一齊食，正！估唔到串燒店都食到咁高質嘅小食！

最鍾意試新野～ 今晚就揀左呢間近期開嘅串燒店，入到去一眼睇晒，店仔細細又幾光猛乾淨，有又D心思燈飾點綴，都幾討好～ 好鍾意呢種小店仔。睇meun見到都幾多選擇，樣樣都想食，兩個人不知不覺叫左好多野～串燒類：燒一口紫薯 ～ 香甜軟糯，一口一粒好滿足燒五花腩 ～ 屬於紥實厚肉那一種，但又燒到軟淋，半肥瘦燒到微脆好香口四季豆 ～ 豆與孜然粉好夾，調味出色，可以話係今晚MVP 原隻虎皮尖椒 ～ 新鮮足料一大條尖椒，香脆可口燒雞皮 ～ 串燒店一定要叫雞皮食！呢度炸到好香脆，咬落"索索聲" 好過癮燒年糕 ～ 呢個無敵！真係點燒都好味燒菠蘿 ～ 好少見燒菠蘿上面會加芝麻，酸酸甜甜配上芝麻焙香，又幾夾喎一口炸芝士 ～ 鍾意食芝士嘅人一定會覺得好滿足炸饅頭 ～ 本人真係好鍾意食炸饅頭沾煉奶！估唔到串燒店獅得食！好開心～ 仲要個饅頭炸得外脆內軟好好食牛油遇著菇 ～好香牛油味，個汁底有洋蔥吊味，加埋大量蔥，金菇分量都唔少，好抵食忘情雞泡魚乾 ～唔會燒到乾曾曾，仲有D濕潤，更易入口更惹味燒茄子 ～咁大條茄子好正，見到都留晒口水，配上孜然粉辣粉勁惹味，食完超滿足燒京蔥豬大腸 ～好新鮮嘅配搭，食落都好fresh

今晚試左一間串燒店叫囍串，呢到食物多元化首推魷魚乾，好有兒時街頭碳燒風味，配合啤酒飲一流。燒芝士年糕串口感香脆，年糕口感紮實，加上芝士的濃郁味道，十分滿足味蕾。燒韮菜味道香濃，燒得剛好，少少微辣味粉，好惹味。燒鱔和燒魷魚鬚都燒得十分入味，魚肉鮮嫩，搭配特製的醬汁，好味燒五花腩肥瘦適中，肥瘦適中，燒得岩岩好，入口咬幾下就化開又唔漏燒秘製醬牛柳粒和燒秘製雞脾肉都非常有特色，用料新鮮，做法獨特。清酒焗花甲是我個人的驚喜之選，花甲的肉質非常鮮嫩，配上清酒的香氣，湯汁鮮甜。雞蛋腸粉十分好吃，腸粉口感軟嫩，雞蛋味道濃郁，配合店家特製的醬汁，好好味最後，燒菠蘿甜甜的味道，上外脆內軟總括黎講，囍串的串燒非常出色，食物質素高，味道美味。

今晚去左呢間囍串食串燒，佢地嘅食物非常多元化，令我對呢間店印象深刻。首先，他們的魷魚乾非常好吃，口感韌而不柴，好有細個街頭碳爐燒嘅風味。燒芝士年糕串，食起來非常的香脆，年糕的都好正，加上芝士的濃郁味道，真是令人回味無窮。燒韮菜都非常好食，韮菜的味道好香，非常適合用來搭配啤酒。燒鱔和燒魷魚鬚都是舖頭的招牌菜之一，食起來鮮嫩可口。燒五花腩微辣，肥瘦適中，食落軟冧冧，香口又唔膩燒秘製醬牛柳粒和燒秘製雞脾肉，用料新鮮，做法獨特。清酒焗花甲是我第一次嚐試，吃起來非常鮮甜，花甲的肉質很鮮嫩，配上清酒的香氣，蔥同芫荽，啲湯一啖接一啖咁飲。最後係招牌菜雞蛋腸粉和燒菠蘿，雞蛋腸粉口感軟嫩，好惹味，燒菠蘿也非常好吃，吃起來甜甜的，燒得剛好，口感酥脆。總體來說，這家串燒小食店的食物非常好吃，店家的技術和調味都非常獨特，我非常推薦大家去嚐試一下。

對於住喺香港東邊嘅人黎講，元朗屯門等地真係好遠！今日有事入到去，梗係要食埋晚餐先好走，跟住就去咗一間好地道嘅串燒舖頭呢度係朗屏嘅市中心，甜品舖過多幾幾條，喺街尾，但都吸引到好多元朗街坊；舖頭好似係家庭式，都幾有人情味我一個人輕輕嗌咗少少野食🍢燒鱔🍢雞全翼🍢厚切牛舌🍲金湯娃娃菜：啲湯好甜，又係有好多蒜蓉，食串燒食番啲菜可以中和一下🍢蒜蓉粉絲帶子：有勁多蒜蓉，啲粉絲索哂啲味，好好味！帶子亦都好鮮甜～🥤雜莓乳酪：勁大杯，亦都好飲；呢度嘅嘢飲全部都好大杯，講緊嘅係jumbo size，好似飲啤酒咁大個杯；兩個飲飲都得！