囍慶藝廚酒家 (已結業)

又到同爸爸妈妈食饭日子，老豆之爱海鲜餐，我见到禧庆酒家$898全包宴，仲要主打海鲜，啤酒汽水任饮，真系超抵。当中包十餸一饭， 最后仲有甜品送。海悅廣場最上一層，十分大。上湯青龍蝦伊面，肉質鮮嫩，非常多汁彈牙。四個人剛好。紅燒王子鴿二隻， 皮脆肉嫩可口，媲美沙田乳鴿香口多汁。白灼生猛海蝦大大隻，非常新鮮。礦泉水灼鮮鮑魚，大大隻，一啖一隻，十分滋味。豉汁蒸元貝四隻， 非常好味。清蒸沙巴龍躉仔，估唔到佢又蒸得幾滑，火爐同時間控制得好好，出面好多大酒樓蒸到鞋颯颯，所以非常好食。薑蔥粉絲蟹煲又好合時令，多肉。酥炸大生蠔又大隻。金銀蛋浸菜苗，非常有益。真的大飽，個飯要打包。臨走見到大魚缸。

今晚約咗朋友去土瓜灣食飯， 返嚟行去唔知食乜好， 最後就入咗呢間囍慶藝廚酒家。放工已經攰到死，根本就唔想諗叫乜嘢餸。見到有二人餐而且仲有8餸1炒飯，梗係即叫啦。啲餸都要等耐少少先至嚟，唔通係因為賽馬日~上湯焗龍蝦伊麵，每人半隻開邊，二人分量嚟計， 龍蝦唔算十分細隻，伊麵熱辣辣幾好食。如果有得選擇芝士焗龍蝦就更加好啦~豉汁蒸元貝2隻，唔好睇佢細細隻， 豉汁既味道真係唔錯。白灼生猛海蝦4隻，大細同埋味道都係一般水平，不過不失啦~清蒸海上鮮，侍應話係倉魚，但係我覺得有少少似立魚。但係不論魚嘅品種，成條魚的確係滑嫩同埋新鮮既，比較滿意。酥炸大生蠔2隻，都幾香口同埋脆嘅。油鹽水浸花甲，同埋粉絲配埋一齊都鮮味喎，粉絲配飯都可以。紅燒王子鴿一隻，每人食半邊啱啱好，色水雖然係一般，但可能炸完後即刻攞出嚟，所以層皮都幾香脆。食完炸曬嘢嚟返一個金銀蛋浸菜苗就啱啱好喇，菜都幾新鮮吖，配皮蛋鹹蛋真係冇得輸炒飯有少少特別，係蝦仁炒飯炒完之後先會將提子乾同埋蔥花灑係上面，食落甜甜地都幾得意。最怕浪費食物，有成8樣餸，起初都有少少擔心食唔曬，好彩分量控制得好，兩個男人絕對食得曬。兩個人，八樣餸，一碟炒飯，包埋茶芥，

話說朋友有日見到囍慶藝廚酒樓做緊十全十美既四人套餐推廣，每人都係二百幾蚊，套餐裡九道菜是海鮮，一道菜是乳鴿，重要任飲橙汁、啤酒（生力)、椰青水，重要包埋茶介，重要免加一，呢個推廣聽完你唔食，咁你走寶啦！所以我一行四人放工即刻就去試試佢，去到先知原來重要無時間限制，我地覺得好似去左食海鮮放題咁興奮，入到洒樓環境坐得舒服及服務幾好，成日幫我地換碟，上菜速度簡直快到不得了，先黎介紹第一道菜白灼海蝦有8大隻，彈牙爽口，絕不是雪藏蝦上湯青龍蝦伊面，用2隻龍蝦開邊，肉質彈牙已經不在話，Size都比較大件，而且個伊麵底係好多豉汁蒸元貝四件，豉汁味香濃，如果有埋粉絲就錦上添花啦，清蒸沙巴龍躉仔，估唔到條魚都幾滑身，而且火喉同時間都控制得啱啱好，薑蔥粉絲蟹煲，上到枱就已經聞到香噴噴嘅薑蔥蟹味，粉絲索晒蟹嘅精華.......已經無法用字表達礦泉水灼鮑魚四隻，雖然唔算好大隻但囗感都好彈牙，金粟海鮮湯，有粟米、紅蘿蔔、花甲、蝦，咁樣既湯唔鮮甜都幾難啦酥炸大生蠔四隻，炸皮薄之餘重要炸得香脆，而且肉質鮮紅燒乳鴿兩隻，炸得香脆有肉汁，本人極之推介金銀蛋菜心，菜心清爽無渣，最後係黃姜炒飯，內有葡萄乾同粟米，炒得均勻，

家姐話見到囍慶藝廚酒樓做緊推廣，有個十全十美套餐，每人都係二百幾蚊鬆啲，重點有海鮮食，任飲橙汁、啤酒（生x)、椰青水，重點是包茶介，酒水，加一，付合晒我心水！所以試試先，四個人叫左十全十美餐，仲要冇限時間tim，環境坐得舒服及服務幾好，成日幫我地換碟，上菜速度快，正，肚餓到不得了😂😂白灼海蝦有8⃣️隻，新鮮彈牙及大隻上湯青龍蝦伊面，有2⃣️隻開邊龍蝦，肉質彈牙啊，鮮味，龍蝦都比較大件，而且個伊麵到幾多豉汁蒸元貝四件，豉汁味香濃清蒸沙巴龍躉仔，估唔到條魚幾滑身，時間啱啱好，吾腥薑蔥粉絲蟹煲，熱辣辣上菜，未上到枱已經聞到香噴噴嘅薑蔥蟹味，粉絲索晒蟹嘅精華，正，回味無窮礦泉水灼鮑魚四隻，鮑魚中規中矩，囗感彈牙金粟海鮮湯，有粟米海鮮樣樣有啲鮮甜酥炸大生蠔有四隻，炸得香脆肉質鮮蠔味紅燒乳鴿，兩隻，炸得香脆仲有肉汁，推介推介金銀蛋菜苗，今日係菜心，菜心清爽炒飯，黃姜葡萄乾炒飯，炒得均勻，不油膩仲有附送紅豆沙，非常滿足

星期一晚同阿爸去了土瓜灣探親戚, 唔知附近有咩好食, 就去了酒樓, 本身打算點小菜, 見到二人海鮮餐幾吸引就試下門面唔錯~紅燒皇子乳鴿: 乳鴿都幾厚肉, 肉質滑,味道正,配有淮鹽白灼生猛海蝦: 海蝦大大隻, 新鮮蝦, 雖然是白灼, 反而可以食出海蝦的鮮甜金銀蛋浸菜苗: 有皮蛋,咸蛋香, 但不會太咸油鹽水浸花甲: 比想像多花甲! 味道偏淡, 但連同湯汁一起食就很滋味豉汁蒸鮮元貝: 元貝蒸完都算大隻, 新鮮的, 不過我喜歡食蒜蒸, 阿爸就喜歡豉汁蒸酥炸大生蠔: 外脆, 但我一般生蠔, 怕會腥所以都給阿爸食上湯龍蝦伊麵: 龍蝦好食! 炸一炸再薈上湯, 一拉就出晒肉, 彈牙的! 伊麵吸晒湯汁, 偏淋身, 味道鮮甜清蒸游水海上鮮: 今晚是蒸倉魚, 其他我已經食到好飽, 想不到蒸魚是大大條!!! 炒飯: 味道偏淡, 米假粒粒分明, 上飯時我已太飽, 只食了少許, 內有提子粒, 咬緊啖飯會有甜提子, 幾特別~跟餐有一杯飲品, 椰子水&果汁先生坐了陣都7,8成滿, 走人時差不多坐滿人, 難得酒樓晚市咁好生意!! 以二人海鮮餐438免茶芥加一來說, 性價比高的~ 而且酒樓好似有其他優惠, 但我們太飽點不

放工老豆話出去食飯，我這個孝順仔當然不會托手掙啦，去到酒樓老豆已經點了菜，基本上都是點了些海鮮等。望過菜單，價錢貼地，人多還可以點套餐，免茶芥加一，簡直超直。叫了渣果汁先生送飯。金銀蛋浸菜苗：菜苗仔翠綠，不會煮得過腍，加上咸蛋及皮蛋味道，比較健康且不油膩。薑葱粉絲蟹煲：原隻肉蟹放了在粉絲表面煮，所有肉汁都滲進了粉絲內，真是吃到原汁原味，蟹殼已略為扑過，所以很容易就拆到蟹肉出來。上湯龍蝦伊麵：因為不想吃太濃味，所以點了一個上湯龍蝦，不要芝士，龍蝦肉爽口彈牙，伊麵爽口不糊口。清蒸游水龍躉：蒸魚的時間剛好，魚肉已離骨但不會過鞋，雖然是養魚但味道都鮮甜，魚肉嫩滑。最後酒樓還送上紅豆沙，多豆少甜，而且又夠腍。

晚上同屋企人去了土瓜灣的囍慶酒家食晚飯。一行四行決定點了一個四人十全十美海鮮餐，有7款海鮮，非常豐富，而價錢都只是九百幾蚊，認真抵食。上湯龍蝦伊麵開邊的青龍蝦，龍蝦是細細隻的，但肉質爽彈，伊麵更是吸收了龍蝦的肉汁，爽口鮮甜。豉汁蒸元貝元貝上面淋上豉汁及葱，新鮮嫩腍，不會太咸。白灼九節蝦簡簡單單的白灼蝦，蝦肉新鮮爽彈，加點豉油汁調味就可以了。清蒸游水龍躉龍躉肉厚，外皮充滿骨膠原，肉質嫩滑且鮮甜。礦泉水灼鮮鮑魚鮑魚不算大隻，但肉質爽口，但味道比較一般，不夠新鮮。薑葱粉絲蟹煲粉絲吸收了蟹肉的鮮甜味，既爽口又有蟹香，蟹肉肉質結實且新鮮。酥炸大生蠔生蠔外脆內嫩，粉漿很薄，蠔肉鮮甜不腥。紅燒皇子乳鴿二隻乳鴿燒至表面帶脆，肉質嫩滑，沒有雪味。金粟海鮮湯粒粒粟米及海鮮的鮮甜味，湯甜且鮮。金銀蛋浸菜苗簡單且不油膩，皮蛋味香，菜苗很嫩腍且翠綠。炒飯有些粟米及提子乾，炒飯爽口。最後食埋個紅豆沙，非常完滿的一餐。

今晚又去食好野啦我地叫左個二人餐，估唔到有咁多野食，真係好豐富！先上左個海蝦，即刻整，好熱！而且食落去好爽口大大隻，新鮮！鼓汁蒸元貝，每人有1隻，望落去鼓油好似好多，但食落去唔覺得咸，味道剛好，好食蒸倉魚，呢個味道正常，算大條，送飯一流油鹽水浸花甲，呢個我同朋友都覺得個湯好鮮，粉絲索左d湯真係食到停唔口，花甲無沙上湯焗龍蝦伊麵，呢個好大碟，龍蝦唔錯，啖啖肉肉金銀蛋浸菜苗，蛋黃味好濃酥炸大生蠔，呢個炸粉勁薄又鬆脆，值得一食，炸完即上紅燒皇子鴿，一上台香味就已經飄岀來，食落去真係好得！我同朋友一致覺得好食！最後仲有個炒飯，其實已經飽到差d食唔落，不過我地都唔會浪費食飯，最後都食晒成碟400幾二人餐，真係好抵，我覺得3個人食都夠食

由於在我家附近,所以常常來幫襯,並且時常留意他們推出的不同優惠,最近見到晚市有幾個套餐都幾抵,於是決定和我的父母試試 八道鮮味二人海鮮餐, 由於我們一行三人,所以另外一位只需加多二百蚊就可以多一人份量,真的不敢想像以這優惠的價錢竟然可以有那麼豐盛的菜式, 上湯龍蝦伊麵, 龍蝦肉爽口彈牙,上湯與伊麵非常夾,味道很好,白灼海蝦,蝦大隻新鮮,清蒸海上鮮,魚非常鮮味,一啲都唔霉,油鹽水浸花甲,並不是只有殼,花甲肉有很多,紅燒皇子乳鴿,香脆多汁,一啲都唔韌,八道菜以外還有炒飯,甜品和飲品贈送,真係街坊價,簡直係平靚正

難得土瓜灣朋友仔得閒 肯定要叫佢帶我食下好野點知佢帶我黎酒樓😵😵原來係有二人八道海鮮餐 好抵食咁🙈兩個人先$438 包埋茶位😁呢張menu都見到有唔少抵食野 但由於唔可以眼闊肚窄 我地都係要個二人餐夠了 紅燒乳鴿 脆香外皮肉都好嫩 而且唔會太咸！呢個蒸元貝新鮮而且鼓汁較得岩岩好雖然龍蝦好迷你 但係麵底好多 龍蝦亦有鮮味全晚至愛 魚肉蒸得好滑 時間岩岩好 食完條魚已經好飽🙈🙈之後炸蠔 水浸花甲 金銀蛋浸菜心陸續上碟全部味道都如其名 係道道鮮味！仲要係物超所值 最尾上多碟飯成個套餐係三人以上份量😵😵好犀利 最尾仲可以打包跟餐仲有野飲 有得揀椰子水或橙汁！好抵食呀😍😍

我一向約朋友食晚飯是西式，大多數是据扒，但今次經朋友力薦之下便嘗試一間位於土瓜灣囍慶酒家，當晚是平日但酒樓都十分旺場坐無虛席，我相信這間酒樓應該唔錯，經侍應殷謹的招呼坐下，於是點了二人份量的八道鮮美海鮮餐，名符其實是海鮮餐；有不同種類的海產分別有：龍蝦、大蝦、帶子、元貝、花甲、海魚還有乳鴿等等。每樣菜色都很好！例如芝士龍蝦伊麵的芝士好香濃，帶子蒸出來剛剛好不太熟，炸乳鴿十分嫩滑，這個套餐只是四百多元而且任飲還有甜品心想應該份量不會大，但結果每樣菜色的份量都唔算少，還有炒飯𠻹，免收茶介免收加一真係好低食！

中午落大雨無去買餸，夜晚直接去左酒樓食飯，黎左土瓜灣這間💁🏻‍♀️ -囍慶酒家-這個地方都經歷過幾間酒家 ，我細細個成日都黎呢度飲茶 ，呢度前身是珠江戲院 ，所以對呢度特別有感情！😌今次黎呢間 -囍慶- d 姐姐服務態度好好，都有講有笑 ，亦介紹左幾款海鮮比我！-白灼生猛海蝦👍🏻👍🏻👍🏻海蝦既質感好結實，鮮甜，點介末豉油好好！-上湯青龍蝦伊麵👍🏻👍🏻👍🏻大大隻龍蝦 ，又鮮甜啖啖肉，d 伊麵索晒龍蝦d精華，一啖伊麵，一啖肉，簡直就係富貴人家既享受，不禁令我沾沾自喜，懷疑人生 簡直物超所值 以底價食物來說😊-礦泉水灼鮮鮑魚👍🏻👍🏻👍🏻用上礦泉水灼鮑魚是幾特別的 應該係保持鮑魚鮮甜，我本人喜歡用返之前既介末豉油點鮑魚，食落嘴覺得鮑魚質感非常有口感，值得一試再試 ！-豉汁蒸元貝👍🏻👍🏻上碟非常香口 見到已經食指大動 吾算太細粒 都覺得值回票價！-黃金普提子粒炒飯👍🏻好耐無食過炒飯,特意叫左碟飯食,主要係今次食到既炒飯 ,好乾生,有好濃既咖喱味 食完大家都好飽肚!

唔覺意search到，$1000有找4個人可以食到豐富既海鮮餐，超抵，一於試下。十全十美四人餐 $898炸乳鴿，超脆皮，好juicy灼鮑魚，烹調時間恰到好處，軟硬度剛剛好，好鮮甜。蝦好新鮮。上湯青龍蝦伊麵，竟然唔係選用平價嘅波士頓龍蝦，而用上青龍蝦，肉質彈牙，好鮮甜，新鮮生猛龍蝦沙巴龍躉仔，蒸得剛剛好，時間拿捏好準，我地四人都大讚薑蔥粉絲蟹煲，粉絲吸收晒蟹既精華，好味。酥炸大生蠔金銀旦浸菜苗金粟海鮮湯呢餐絕對係超值又美味，值得再幫襯。

正當行到海悅廣場，突然落大雨，把心一橫，直頭上去開餐啦！廣場有老麥同吉野家，都唔係我杯茶，見到囍慶藝環境唔錯喎，okay，就入去幫襯啦！點咗客套餐，有上湯焗龍蝦伊麵，紅燒乳鴿，黃金炒飯，酥炸大生蠔，豉汁蒸粉絲元貝，清蒸海鮮，金銀蛋浸菜苗，重有蝦同油鹽水浸花甲，唔洗五百蚊兩個人根本食唔哂，抵啦！龍蝦係新鮮嘅，蝦肉夠實夠彈牙，伊麵份量夠多夠味，滿分.燒乳鴿肉嫩骨脆，有d骨脆到吞埋落肚添.清蒸海上鮮我唔知條魚個名，好唔好味先係重點，魚肉夠嫩滑，蒸得啱啱好，唔錯.食到哩三味，已經飽飽地。酥炸大生蠔無呃人，真係大生蠔，唔係細細隻果d蠔，而且炸得外脆內軟蠔味夠.話就話油鹽水花甲，但油份唔多，粉絲吸收咗個湯同蜆嘅鮮味變得好好味.食到哩到，爆肚啦！超抵食呀！再留意吓四周，環境好光猛，結婚擺酒都唔錯喎.....

每逢放假都會約媽咪去囍慶飲茶，一來住得近二來點心好食。今年媽咪生日想食中菜見呢間酒樓有套餐，所以決定黎食餐生日飯。見到魚缸海鮮已經有七八款，紥䋢跳好新鮮呀！我地選擇左十全十美四人套餐，好意頭，媽咪永遠都係（十全十美）金栗海鮮湯，湯煲得好濃鮮甜，最重要無味精，連渣都食埋主角出場，上湯龍🦐伊麵，爸爸媽媽超愛，龍蝦炸完再加入上湯好入味、伊麵吸入濃湯超正。酥炸生蠔-大大炸，一啲都吾腥反而好新鮮彈牙，反，簡單炸完再加入椒鹽已經好惹味薑䓤粉絲蟹煲，粉絲條條分明，不會食落一舊舊好入味，蟹炒至金黃色，色香味俱全乳鴨加入小小鹽，已經食吾停清蒸沙巴龍躉仔，肉質鮮嫩，蒸得岩岩好。媽咪好喜歡這個套餐，四人分量啱啱好，食物新鮮好味，下次一定會再嚟食過。