囍慶酒家

營業中

休息中

於優惠訂購平台購買優惠，2人，198+本來沒抱有期待，但頭盤已超出望外(鮑魚，羊腩，湯）足料味美片皮鴨，酸菜魚，點心等都正常發揮任飲玻璃裝汽水絕對是加分位另外，待應有禮貼心，會提醒羊腩要儘快享用，有新鴨出爐等，抵讚

The environment is nice and spacious. Not too busy on an early Sunday morning. The food is decent. Servers were lovely and attentive. However, there are two separate menus, one on their QR system, one paper version on a small yellow piece of paper. The price difference is more than 50% as the yellow paper is two-for-one. We made the mistake of ordering on the QR system and thought it was supposed to be the price as listed on the paper menu. But we were charged at the original price ultimately du

今次係網上平台買咗呢個中式放題餐，嚟到科學園分店，環境唔錯，乾淨企理，片皮鴨和點心都是任食的😝另外我哋仲叫咗其他嘢食，佢哋係用QR code點菜，所有燒味都是任食，嘢飲都是任飲的，我最欣賞佢哋竟然有支裝汽水！乳鴿味道好好，不過呢個係一次性食品！另外白灼生蝦都非常新鮮，連酸菜魚都可以任叫🐟湯都有幾款任飲，而且職員態度非常親切，推介大家過來一試！以呢個價錢嘅中式放題嚟講真係超值，平時去酒樓叫一碟菜都要過百蚊

這酒樓位於科學園，附近沒有地鐵站，不是朋友開車到來，真的未必會來。到達後，發現這酒樓質素其實不錯，價錢也不太貴，午市和晚市還有不少優惠。我們點了午市A雙連環，選了三個點心，分別是棉花雞、腐乳通菜和雪山叉燒包，另外還點了一個福建炒飯。我們三人同行，送一款點心，我們選了蝦餃。棉花雞份量很大，魚肚有三大片，雞肉很多，還有蟹柳和冬菇，味道好。腐乳通菜，菜灼得翠綠爽口，份量也不少，腐乳醬不會過鹹。雪山叉燒包相對遜色一點，看來已經焗好了好一陣子，所以包有點塌，雪山皮不太脆，叉燒內餡不算很多，味道倒還不錯。贈送的蝦餃有驚喜，內餡的蝦爽口彈牙，味道好。福建炒飯和平日吃的賣相不同，炒飯放在碟子中央，其他食材和醬汁圍在炒飯旁，像護城河。這炒飯味道也不錯，其他食材包括蝦、帶子（蝦和帶子的個子都很少）還有不少蔬菜粒，整體來說，肉類的食材比例太少。

見到網上有片皮鴨放題任食三個鐘，即刻上嚟試吓佢啦！！我哋7:30去到其實都係得四枱客～ *一坐低經理竟然同我哋講話啲片皮鴨擺喺室溫叫我哋隨便攞嚟食，已經覺得瀨晒野片皮鴨係主打，都夠膽擺室溫，仲要食落係「全凍既～」終於清晒啲鴨喇，聽到經理話隻鴨燒緊，滿心期待一片完即刻去攞啦⋯都係凍既～我唔明點解從來都冇人講過呢個片皮鴨放題嘅伏位，相信好多人知道片皮鴨唔係熱嘅都唔會嚟食囉！！網上訂位$198/位，去到再加左百幾蚊服務費，極度不值！亦唔會再幫襯！

今年聖誕節和家人一共五人去附近科學園飲1:00正價茶，人唔多，坐得10分舒服。入去攞位一刻開始，已經深深感受到香港已經消失了的優質服務，由正門支客，到帶位服務員，甚至傳點心的阿姐，都充滿着好好的笑容。酒樓部長經理更加服務一流，笑容滿面，一問一答，令人10分舒服。當我們好奇問下午茶幾時開始的時候，他們不但沒有白眼我們，甚至10分有禮貌和詳細的給我們介紹下午茶開始的時間。點心價錢不是大眾化和10分便宜。但點心質素算是高質，入咗membership 之後所有點心都有折頭，埋單價錢算是10分化算。今時今日遇到這些優質服務和態度真的令人感到10分恩惠，希望其他食肆可以效法，令到香港人可以繼續香港消費。

對於一個魚愛好者黎講，$53就食到原條倉魚再加一個餸嘅飯，仲要係科學園入面都真係唔太容易。仲要係蒸嘅魚，唔係炸嘅！囍慶本身係一間酒樓，但係佢係科學園有做埋快餐區，$53兩餸飯，亦都有常餐，燒味嗰啲。大大條原條倉魚，一條骨就起到，魚質唔係話超級滑，但係魚肉味係仲有嘅！而且咁嘅價錢真心抵食😋😋另外，兩餸飯嘅選擇，每日都有差唔多6個餸，有菜有肉！只要1點前去食，就通常咩都有，過左1點就好多餸會冇晒🙈特別係魚呀！🐟🐠🐡

囍慶酒樓新裝修後，嘢食比之前好食咗好多。雪山叉燒包夠鬆軟，味道好味，又唔太甜，小朋友至愛。炒飯亦比之前有鑊氣。此外，蝦餃燒賣比之前好食，蝦爽口彈牙，雪茄春卷有特色，推介

上個星期同屋企人去咗囍慶酒家食飯。我哋叫咗龍蝦伊麵、片皮鴨、時菜同老火湯。龍蝦伊麵嘅龍蝦新鮮度一般，唔算特別出色。不過，佢哋煮嘅伊麵係好彈牙嘅，食落去有嚼勁。湯底亦都唔錯，味道鮮美，帶嚟少少海鮮嘅香味。整體嚟講，呢碟龍蝦伊麵係算可以，不過冇咩令人驚艷嘅感覺至於片皮鴨，味道算係還可以，但係唔算好好食。皮脆肉嫩，不過少咗啲鴨香味。個鴨肉略嫌乾，唔夠滋潤。我覺得呢道菜有啲缺乏特色，冇咩特別之處老火湯係我地嘅一個亮點。用料好足，有雞肉、豬骨同埋各種中藥材。湯熬得好濃郁，味道鮮美，喝落去好滋補尤其喺寒冷嘅天氣飲，真係好舒服。總括嚟講，我覺得囍慶酒家嘅性價比普通。食物質素中規中矩，冇乜驚喜。不過，餐廳嘅服務都幾好，員工態度友善，有禮貌。至於位置，確實係有啲偏僻，唔太方便

今日原本和家人在星期六打算行吓科學園。到晏晝就求其搵一間食。我哋點咗叉燒、燒鵝、炸兩等。原本冇諗住寫食評就冇影相了，叉燒有筋，又老都幾難食下。燒鵝幾好食。其他都普普通通，完全唔值呢個價錢。本身都冇咩所謂，最多下次唔食。但到最後我哋四個人，佢收咗我哋七個人錢。離開後才發現，我哋返轉頭同佢講收多咗三個人。哇。佢個態度差到，好似我欠咗佢咁。今次真係不吐不快。下次食飯錢都係睇吓啲評論先食，唉，貼錢買難受。

首次光顧，有驚喜食物水準合格，賣相只係酒樓級數，感覺到係有放心去做，如果無用心去做，一定更難食，特別一讚叉燒：睇落去就一般，食落夠鬆，鬆得黎有口感👍腸粉皮夠薄又滑，服務都算合格到位，又有免費泊車，一定會再去試晚市套餐都幾低食，加油👏

今日中午同同事去飲茶，原來科學園嘅同事只要show科學園職員證，就會享有正價點心八折優惠不過我哋好傻呀，我哋開頭以為係全單八折，都埋單先知道係淨係正價點三心節，我哋淨係叫咗一樣正價點心我地8個人叫咗一個3-4人套餐同埋散叫咗啲點心套餐有牛肉腸、蝦春卷、炒飯、酸菜魚、每人一碗例湯、燒腩仔叫咗特價點心燒賣～酸菜魚都幾辣！如果食唔到辣，最好唔好叫燒腩仔好香脆蝦春卷熱辣辣，好好味埋單每人$93～幾抵下次你要醒目啲，叫多啲點心

之前係見到有人推介呢間茶樓嘅酸菜魚😆 今次嚟到科學園試吓🫶🏻-樓面好大 平日中午12:45到達都唔需要等位 餐廳職員服務好周到 好快就開咗茶比我哋👍🏾 不過落單後 過咗20分鐘之後都未上菜🥴 雖然係咁 我哋同佢反映後 經理都好上心 五分鐘內就將所有餸送到😂 服務態度係挺不錯的🙌🏻-🥟原隻蝦餃皇 特點蝦餃飽滿挺立 好大隻同足料😋 咬落充滿肉汁🥹 略嫌蝦餃皮少少太厚/ 硬如果更薄/ 彈牙就更好🤍 -😋蟹籽燒賣皇 大點燒賣好大粒!! 頂嗰層好多冬菇🫶🏻 燒賣餡保持充滿肉汁👍🏾👍🏾 不錯不錯-🐟酸菜魚!!!! 打大佬了😂😂😂首先好足料 好多芽菜 有超多魚 每舊魚唔算大舊 但真係超冧好滑🥹🥹 到水昌粉 其實煮得唔太熟 有部分水晶粉超硬🥴不過大部分都ok的😂 到個湯底!!! 通常酸菜魚嘅湯底都偏鹹 但佢個湯唔單止鹹 食到最後覺得自己成口味精🤢 同埋個湯唔算酸 一定要連埋啲酸菜一齊食先夠酸味🤔 所以我對呢個酸菜魚印象普通 應該唔會encore了🫠-發現好多餐廳入面 酸菜魚嘅湯都係由味精湯包煮成🫠 所以湯底麻麻同感覺唔太抵 以後出街應該唔會再隨便叫酸菜魚🫠🫠

一行9人去到科學園見到有這間酒樓就入去一試，一入門口經理已經非常熱情地招待，場內地方非常整潔乾淨。之後主任就介紹我地食套餐，真係好抵食，碟碟都好足份量，味道相當不錯，平時酒樓的酸菜魚都會煮得比較差，但這間煮得很好味。片皮鴨更是一絕，每片鴨都很薄，很多片，配料又特別。主任及服務員們的服務非常一流，很主動執拾，令客人有賓至如歸的感覺。非常讚！

其實都嚟過好多次囍慶，睇住佢質素慢慢差。之前就喺OpenRice預約套餐，原來又要打去餐廳book，協調左一輪終於上菜。嘢食質素麻麻，料又唔係多，味道又唔係特別好味，雖然訂左套餐但價錢其實又唔算平，希望會做返好啲。