囍慶酒家

營業中

休息中

母親節周圍食飯都好多人，要簡一間要坐得舒服，價錢合理而且食物有質素嘅地方食一餐飯的確唔容易，但係為左一年一次嘅母親節冇辦法啦，難D 都要搵，結果比我諗到可以去中大行完山，之後再去隔離科學園食晚餐，咁就諗好左母親節一日遊嘅節目啦我地叫左個孖寶套餐，套餐有上湯焗龍蝦伊面再加半隻吊燒雞，睇落價錢唔錯就叫左呢個另外仲叫左一隻燒鵝皇，金蒜蒸蟶子，金銀蛋莧菜同埋一個富豪蛋白炒飯。上湯焗龍蝦伊面以孖寶價黎講份量正常，值得一讚嘅位置係呢度所有嘅蟹鉗位置都已經被拆一半，所以食嘅時候好方便，鉗都唔駛問酒樓拎就可以輕鬆食到龍蝦肉，正唔好嘅地方就係面稍為鹹左少少吊燒雞雖然賣相一般，但食落出奇地好食，雞肉入味而且嫩滑。燒鵝皇果然夠大隻，一上枱就已經成功搶奪成枱人嘅目光食落就係岩岩熟，肉質比吊燒雞仲要嫩滑，而且食任何一個部位都唔會有"鞋" 嘅感覺金銀蛋莧菜正正常常富豪蛋白炒飯炒出黎嘅飯係一粒粒，食埋就飽晒

今日有老公接放工，我地又到科學園食飯喇。真係喜歡黎呢個地方，因為人比較少，加上呢度嘅人，多數仲係工作中，令我地覺得自己好寫意。囍慶呢間酒樓，之前試過黎飲宴，除左覺得如果冇揸車，入黎唔方便之外。都覺得呢度環境唔錯，乾淨又光猛，樓底夠高，個場又grand，而且有個大電視，結婚擺酒確實係一個唔錯嘅場地💑。門口擺左個白花膠，魚肚公。鎮店之寶🤔叫左個上湯龍蝦伊麵底，雖然係$108，但龍蝦大隻又啖啖肉，上湯好濃郁，個伊麵吸收晒所有上湯及龍蝦嘅味道，大大碟，食整都食唔晒，絕對抵食👍。預備埋水俾我地洗手，不過有老公剝龍蝦殼，盆水就讓俾老公用啦京式片皮鴨，需要時間整，所以要有d耐性，我地都等左一段時間。隻鴨size唔算大，肉都算嫩，有少少肥膏。鴨皮配清爽嘅青瓜同京葱，再加上甜面醬，然後用餅皮包起，餅皮質感煙韌，令到個口感更加豐富，味道亦唔錯，不過片得唔夠薄身。我地加左$48叫左個二食，七彩火鴨絲，西芹可以去左d油膩感，冇咁濟。成碟火鴨絲好夠味，唔會太鹹。食左咁多肉，叫左碟菜中和下，馬拉盞炒通菜，通菜好新鮮，少渣，用馬拉盞炒，好香好惹味，而且味道唔會太辣，豬都食到，但多油左d。豬覺得每碟餸嘅份量都幾多，我

今天提早跟媽媽食母親節飯，因為那天要上班。媽媽比較喜歡中菜，今次帶她來酒樓吃飯。一坐下來，有這個開胃菜給我們！有木耳、青瓜，炸花生，酸菜，吃完覺得很肚餓。今次點了頗多，包括有9頭南非鮑魚伴玉掌, 鮑魚口感煙韌，鵝掌軟腍入味。關西刺參浸花膠，刺身肉質肥厚，口感軟滑，花膠爽而滑溜。上湯焗加拿大龍蝦伊麵，龍蝦啖啖肉，伊麵底吸收到龍蝦的精華，很入味。欖菜肉鬆四季豆，四季豆新鮮脆嫩，炒得很香口，夠火候！鵝肝醬貢菜炒什菌，我是第一次吃貢菜，味道很特別，質感爽口，另外什菌炸得很香口。黑松露帶子炒蛋，很香黑松露的味道。金蒜粉絲蒸皇帝貝6隻，皇帝貝很新鮮，蒜蓉蒸真的無得輸。

囍慶酒樓聽朋友講科學園有消費就有四個鐘頭泊車優惠，我地今晚揸車黎到科學園食晚餐，一去到就有位，停車場有兩個，所以就算平日夜晚都唔洗等位。 呢度環境唔錯，坐得舒服，夠大，裝修新，唔會好似其他酒樓咁嘈到傾唔到計，呢方便係比較優勝。上湯焗加拿大龍蝦伊麵底，原隻加拿大龍蝦相當多肉， 份量十足，夠新鮮，啖啖肉，爽滑入味，抵吃，必叫之選！龍蝦肉鮮甜而肉質爽彈，質素非常好，遠遠超出預期。上湯亦夠清甜，伊麵也吸收了龍蝦的鮮和上湯的甜，食到停唔到口。北京片皮鴨兩食，鴨皮每片都有少少肉，切得幾細心，包鴨片嘅麵粉皮嘅質感較為有彈性，面頭仲有少許芝麻，同平時食果d有d唔同，幾特別。而鬆脆鴨皮配合埋餅皮包埋大葱同青瓜，就一都唔油膩，大葱同青瓜完全將少少既膻味都去除埋，仲十分爽口！另外再將剩餘的鴨肉物盡其用，用西芹炒鴨肉，西芹爽脆，鴨肉惹味，不會太咸，恰到好處，全部都份量十足。馬拉盞炒通菜，味道濃郁，大大碟，通菜亦都非常新鮮。食到好飽好飽，都係五百幾蚊埋單，仲可以憑單免費泊車，下次會再黎過！

飲茶成日都要等位，又好多人，職員又趕住要你走咁，但呢一間就相對靜，又唔洗同人撘枱，坐得舒適寬敞，先有假期飲茶既感覺飲茶唔少得食蝦餃，叫左水晶蝦餃皇。好大粒，唔只一粒蝦，又薄皮，真係唔錯潮州蒸粉粿都係大大粒，最鍾意d皮唔會太厚蒽花炸兩腸我就好鍾意食炸兩，不過呢個就唔夠脆，差少少海蜇手拍青瓜呢個冷盤唔錯，平時出街食好細份，佢呢個夠3-4個人食，幾新鮮燒鵝例牌配麵呢個好抵食，勁大碟燒鵝仲有一個夠4個人既麵估唔到有紅豆沙送，煮得好融，好好味，早知唔叫薑汁撞奶，紅豆沙仲好食d整體唔錯，有埋免費泊車，算唔錯

粟米蛋花羹，上枱是一大盤，足夠8人份量，仲係熱辣辣，啲煙仲飄緊上嚟，粟米一粒粒的很有口感。雖然係一道很普通的羮湯，但令我想起孩童時候的感覺，夠懷念。蒜蓉粉絲蒸帶子，連殼一起蒸，一起上枱，再加大量蒜蓉及粉絲，入口味道鮮甜，蒜蓉味非常夠，而粉絲吸晒帶子的鮮味，是超好味的伴碟。 蒸石斑，這條石斑約有斤半左右，要蒸到剛剛好不是容易的。今次廚師整得唔錯，魚肉仲係很滑，不會蒸過頭而變得老身。魚很鮮甜美味也很新鮮。 甜品叫了桂花椰汁糕，入口濃濃的桂花味，加埋椰汁味道很夾，不會太甜，值得一試。

唔經唔覺又黎到5月，5月其中一個最重要既節日就係母親節雖然未到，但都不遠矣，每年都會提早一點慶祝！今年揀左係科學園既囍慶酒家晚飯，科學園對我地黎講都好方便唔遠，同埋上次黎過飲茶阿媽幾鐘意呢道較寧靜、野食又唔錯同服務好門面光猛、地方寬敞、又有大電視～每枱可以揀一款優惠食品，價錢非常超值🤤除左散點有唔少優惠價外，亦都有套餐揀我地揀左特價$48既例牌燒鵝特價都有脾肉食上枱已經聞到鵝味香濃、肉質鮮嫩多汁脆皮燒雞半隻$138皮薄又脆、肉質結實、啖啖肉冰燒脆腩仔$58超，必食！皮脆肉嫩，但又唔會太肥，入口有肉汁又脆口帶子褔建炒飯$108阿媽最讚不絕口竟然係呢個飯🙄除左夠大碟又用料足外，飯粒粒分明、濕度適中唔會變湯飯，味道亦很好清蒸鮑魚$138/2隻呢道海鮮都靠得住，清蒸已經非常新鮮美味厚肉彈牙鮮味十足食飽重有綠豆沙送

過咗科學園呢度晚飯貪佢夜晚冇咁多人， 環境好舒服， 見到囍慶推出咗啲優惠都幾吸引， 我哋點咗個$108加拿大龍蝦伊麵底， 平時人多先會點，一人分得一碗，5夠喉，今次成碟得我同我老公兩個食好痛快呀😂， 隻龍蝦仲要都幾好肉下，正跟住再嚟就點咗個孖寶b 薑蔥焗肉蟹煲同埋燒汁琥珀一口牛淨係睇到個名都好吸引呀成個蟹蓋都係膏呀，十分邪惡識食梗係要第一個食蟹蓋先啦西芹 牛柳粒 同埋合桃 又健康又補腦， 呢個配搭都不錯最後點多個蒜蓉炒 農村 菜， 估唔到佢好新鮮好嫩喎，啱曬我小朋友食椰汁桂花糕 ，好清甜，很不錯相對呢碗楊枝甘露我就覺得比較甜左小小

香港地假期去到邊都係人山人海，咁岩比我搵到個好去處就去科學園，帶住個小朋友去科學園空氣又清新，又唔會有咁多人逼來逼去。晚上食嘢的地方又多選擇。今次爸爸話想食中式嘢，我哋就上咗去喜慶，滿面很大方，裏面的裝修既乾淨又舒適。我們叫了半隻燒鵝，份量已有一大碟，燒鵝肉很甜，一啲都食唔出係冰鮮，連外皮都超好味，食入口仲有少少暖。上湯龍蝦伊面，上台時仲熱辣辣龍蝦超鮮甜，啲肉很實，很新鮮，由於湯底鮮甜，令伊面都吸晒龍蝦嘅甜味，超好味，吃伊面都吃了兩碗。我最愛吃的中式甜品，壽包，手包冇想去是一個迷你的壽桃樣，裏面有蓮蓉及四份一份量的鹹蛋黃，上枱時個包是熱辣辣的，所以小心辣口，壽包不會太甜，好味。

我嘅家族有好多小朋友，今日我哋約埋一齊去科學園踩單車。午飯時間去咗呢間酒樓飲茶，貪佢地方大、交通唔方便、相對容易搵位。 我哋果然好幸運一去到就攞到一張大枱。 小插曲 : 曾鈺成同佢太太兩個人嚟飲茶，坐喺我哋附近 ，我偷望咗去佢幾下，hee hee...我哋叫咗一啲飲茶基本一定食嘅嘢, 例如: 蝦餃、燒賣、鳳爪、牛肉球、馬拉糕、叉燒包、春捲、鹹水角、炒飯、 牛肉腸、蝦腸、 叉燒腸 、燒味飯。 其實呢間酒樓嘅食物係ok嘅。服務方面就...... 人手唔夠，全餐冇人收過一隻碟... 成枱點心點搭疊到高一高... 幾驚會冧...不過有免費泊車，又唔使喺市區同人迫 ，唔收碟都算啦......

香港玩既地方不多，可以一家人去下食下野又可以泊車，科學園系一個不錯的地區，又可以比小朋友玩啦，一般科學園的餐廳都收得早，好早6點左右就收晒，得返酒樓，今日我地就膽粗粗留系度食，6:30pm黎到不算多人，食食下7點左右就要排隊入座了。我地叫左個8人餐$1288，假日要加多100！有龍蝦，有龍躉，有菜，有鵝，有飯有甜品，份量十足。上湯龍蝦伊麵，龍蝦有兩大隻，啖啖肉，不醒，爽口彈牙！龍躉蒸得剛好不老身，食落好鮮甜。蠔士菜，成碟菜都超多蠔士，超足料，所以成碟菜都好香蠔士味，菜剛好，不老身。將雞轉燒鵝另加$100皮脆肉嫩，好豐富肉汁，肉不靭，瑤柱蛋白炒飯，炒得乾身，粒粒飯，有飯香，

星期六陽光普照, 氣溫不冷不熱, 一年裡最好的季節就是這個時候了, 咁好的天氣, 不去郊遊簡直就是對不住個天氣, 於是我們一家大細帶齊裝備, 去沙田踩單車.租了單車向大埔方向慢踩, 微風拂面, 天清氣朗, 人顯得格外精神! 踩了約兩個鐘頭單車, 大家都開始肚餓,我們都想搵個座得舒服的地方飲下嘢醫肚, 經過科學園, 大家提議去裡面的酒樓飲茶, 大家一致讚同, 於是來到間叫”喜慶”的酒樓, 酒樓環境清幽, 裝修得富麗堂煌, 我們可以好舒適的坐在這茶樓裡嘆下茶, 食下點心.落咗order後, 我們叫的點心陸續上枱, 特別要讚的是這裡的鮑汁鳳爪, 醬色的鳳爪連埋好多花生用個大碗裝住, 睇到都令人垂涎欲滴, 食一粒花生, D花生好入味, 但又唔會太咸, 又香又粉, 好食到停不了口, 而D鳳爪都已炆到林晒, 我鐘意吮骨, 慢慢食這入晒味的鳳爪, 感覺滿口都是骨膠原, 好林好多膠質, 超好味道!細佬仔們鐘意的蝦餃, 燒買都好上了枱, 燒買好大粒,啖啖肉. 蝦餃都是晶瑩剔透, D蝦餃皮薄到可以見到蝦餃裡而的汁及紅紅白白的鮮蝦肉, 小朋友們好鐘意食這兩款點心, 又好肉又鮮甜!都估唔到他的燒鵝都做得好出色

成日都係樓下既酒樓飲茶，都飲到好悶，又多人，今日試下去遠D。好耐無去過科學園飲茶，今日就渣車去飲個午茶。有午巿精選，又有一張精美點心紙，好多選擇。碧綠順德鯪魚球我自己就好鍾意呢個點心，大大粒，又有咬感，平時食果D會有好多粉，呢個真材實料，仲要一啖食唔曬。鮑汁鳯爪呢個都係我既至愛之一，忟得好冧，又入味，連花生都好好食例牌燒鴒+窩麵呢個真係超抵食，148蚊，就咁一個例牌都要128蚊, 但加20蚊有勁大碗麵喜慶流沙包流沙包係飲茶必叫，好多時都唔流，但呢個就堅係流，正!安蝦咸水角每次飲茶必叫咸水角，最緊要係皮脆涵多，夠熱。呢個咸水角差左脆，其他都可以。擂沙湯丸好耐無食過，酒樓唔係成日都有，通常糖水舖先有，見到總係想叫，不過原來有紅豆沙送，食埋擂沙湯丸就勁飽肚滿腸肥，職員主動問要唔要泊車，俾左張過400既我地，可以泊4個鐘，仲有時間係科學園行下，唔洗急急腳走，so good!

假日或者夜晚嘅科學園的確系無咩人，無Traffic就連燈都唔多盞，唯獨系得呢間囍慶先做緊生意。眼見顧客都系家庭客，有一家大小，有老有嫩的，可能都系區內住宅嘅neighborhood食物嘅份量都算多，價錢唔貴，但除左呢啲，仲有唔少超值之選/ 晚市優惠孖寶，拉勻百幾蚊一位都可以食到海鮮，有魚有肉，仲要好飽!!!其中一款特惠系上湯焗加拿大龍蝦，售108元，大大份夠起碼四個人食，龍蝦好厚肉，友人不禁講左句，真系龍蝦多過伊麵，真材實料! 龍蝦夠新鮮，肉質夠firm又彈牙，仲好好食添!薑蔥焗肉蟹煲 (168/ 228拼汁燒一口牛) - 百幾蚊一個肉蟹煲系真抵食到不得了，尤其加埋一口牛先系228，相信香港真系無咩地方可以用甘平嘅價錢出街食到蟹。肉蟹嘅蟹蓋通常都系無咩膏食，重點一定系落入蟹身同蟹鉗，蟹肉鮮甜又夠厚肉，肉夠多汁而且帶一絲絲嘅質感，相當治癒。連蟹鉗都好多肉，肉質仲要系爽彈到不得了，真系好新鮮!!! 另外仲有配大量粉絲，超級香口入味，蟹同龍蝦都真系好好好抵食西蘭花炒帶子 (128) - 啲帶子多到有成二十粒，去飲宴成圍食都未必有甘多粒，認真誇張而又抵食!!! 帶子煎到微焦，食落又幾香口，而且

我們的小黃車之旅由大圍出發，不消一小時便到科學園。自上次到科學園site visit便得悉這邊的酒樓價格非常划算，遂借此酒樓作我們踏單車的«驛站»。想不到週六晚上冷清清的科學園竟有如此多的食客，附近基本上沒啥住宅，除了天賦海灣......價錢相當划算，加上晚市有四選一的超特惠菜式，每檯只可選一款啊......但其實仲有大量晚市孖寶，平，靚，正!上湯焗加拿大龍蝦 (伊麵底) ($118): 原隻加拿大龍蝦相當多肉，龍蝦肉鮮甜而肉質爽彈，質素出奇地好，遠遠超出預期。上湯亦夠清甜，伊麵也吸收了龍蝦的鮮和上湯的甜。紅燒乳鴿 ($58/隻): 乳鴿燒得蠻香口惹味，顏色夠深，富肉汁，肉味亦到位，某程度上，比不少自稱燒鵝大皇的食店更好!椒鹽九肚魚 ($88): 九肚魚必須趁熱食，外夠酥香，內裡滑嫩，入口即化，椒鹽份量剛好，不會太鹹。汁燒琥珀一口牛 ($108): 琥珀也者即蜜汁芝麻合桃，以炒西芹伴汁燒一口牛，牛肉多達二十餘件，肉質幼嫩，燒汁夠香甜入味，牛柳粒無雪味。 最後點了個甜品 - 芒果布甸