囍鍋蒸氣火鍋專門店 (已結業)

因為老爸會在父親節跟朋友去旅行，所以我們決定提早慶祝父親節，老爸是很傳統的人，只喜歡吃中菜，但小妹又怕肥，所以決定了去吃蒸氣鍋，清清地蒸下蒸下，不錯！同事介紹天文台道新開了一間叫囍鍋蒸氣火鍋專門店，有不同的蒸氣鍋套餐，所以book定枱去試下！餐廳非常大，座位很闊落！問問經理有什麼好推介，他說最近比較受歡迎的是這個蒸囍自選套餐，$398/位，啤酒汽水任點，價錢也很合理！小食我們點了東洋味付海蜇，和平時吃的海蜇味道有點不同，這個比較濃味，甜味較重，也有很香的麻油味，惹味！蒸氣鍋可以選粥底或者糯米飯，因為未試過蒸氣鍋吃糯米飯，所以今次想試試籠仔蒲燒鰻魚糯米飯。套餐指定食物有三文魚刺身、清蒸生猛中蝦、蕃薯蜆。很肥美的三文魚，中蝦很大隻，蝦肉非常彈牙！蕃薯蜆很鮮甜，蒸得剛剛好不會韌！自選海鮮我們選了蟲草花蒸鮑魚和蒜蓉粉絲蒸蟶子王，鮑魚大隻又彈牙，蟶子非常新鮮，粉絲吸收了蟶子的鮮甜，一級棒！還有自選石鍋菜，有十幾款，好多都想試！最後我點了清蒸秋葵和蟲草花蒸新鮮雞。果然是新鮮雞，很有雞味，而且不會好肥，很嫩滑！最後還有馬拉糕做甜品，真的非常滿足！

天文臺道又有新野食！！！發現這附近真的多了不少食肆、而今次吃貨朋友選擇的是以蒸氣海鮮而聞名的「囍鍋」餐廳位於商業大廈，附近人流不算很多，但環境很舒適，地方也整潔～我們選了這個蒸囍自選套餐，每位$398左右飲品方面各款汽水、獅威啤酒和、仙地是任飲的！而六位以上仲會送白酒或紅酒一支喔！在自選小食方面我們選了生煎墨魚餅即叫即煎，香脆又惹味海鮮六選二：蟲松花蒸鮑魚 和 清蒸象拔蚌仔蒸的時間剛剛好，鮑魚爽口彈牙象拔蚌仔 蒸至9成熟左右好鮮味，食落很爽很有口感清蒸生猛中蝦我們另外加了每隻$48的金箔松露南非龍蝦金箔x松露 很高級的配搭而味道也沒有讓人失望，未食已經聞到濃濃的松露香味，而龍蝦也很新鮮，蝦肉鮮甜爽口！粥底選了南瓜新鮮排骨粥粥底可以說是精華所以我們都有用心挑選！因為早在蒸海鮮之前就會先放粥底的材料～之後再慢慢蒸海鮮，在蒸海鮮的過程中會將所有海鮮的鮮味都融入粥底；另外餐廳採用的是日本的珍珠米，即使煮成粥後也還是有飯粒的口感而非粥水，這也為這煲充滿鮮味的南瓜粥更為加分！最後餐後甜點一定是古法馬拉糕每桌都有一位職員幫忙蒸海鮮，由他們烹調的海鮮時間都會控制得剛剛好，不會破壞海鮮原有的鮮味！就因這

點心好有水準呀，又坐得舒服，又乾淨，點心仲即叫即蒸tim、我最鍾意係“鳳凰煎糯米雞”同"雪山脆皮叉燒包"。 用雞蛋煎嘅糯米雞，真的有意想不到的味道，值得試試。約朋友係尖咀食野吹水，這間不錯、食物夠新鮮、舒服乾淨、又唔趕客

近期天文臺道一帶頗旺海鮮火鍋店, 最近又開了一間新的囍鍋蒸汽鍋店, 為食友話想去試吓, 我見佢地龍蝦做緊 promotion, 想食便去食吧。步入餐廳, 感覺極具氣派。德國 Ayinger Brau weisse 手工啤囍鍋只供應一款手工啤, Ayinger Brau weisse小麥啤酒, 泡沫細緻, 麥味濃度較輕, 帶少許水果味。惹味佐酒小食金泊黑松露蒸龍蝦做緊特價 $48/隻, 巧吸引喔。看完餐牌上林林總總的美食, 最後我地都系揀咗$588套餐, 比較多樣化及抵食, 仲包任飲啤酒汽水或一枝手工啤。粥底材料豐富囍鍋用傳統的草帽蒸汽鍋來蒸海鮮, 更能保存熱度。三文魚刺身油脂比例均衡, 肥美嫩滑。蕃薯蜆蒸汽鍋必吃蜆類, 蜆嘅特性係鮮美多汁, 粥底鍋很需要鹹鮮的蜆汁添味。蒜蓉粉絲蒸大元貝元貝鮮甜爽口, 吸了蒜香, 我會撥開所有蒜蓉粒獨吃元貝, 美味, 而蒜蓉粉絲是1:1的黃金比例, 撈埋食好香口。奄仔蟹如果係細奄仔, 每人會有一隻, 今晚我地食大蟹, 每人半隻, 被擺上臺時還張鉗舞爪的奄仔蟹, 想逃走似的, 很可憐剪開大奄仔, 蟹膏滿瀉, 蟹肉佈滿青黃膏, 奄仔肉質爽實鮮甜, 難怪街市的

同長輩食飯下下去茶樓都幾悶，今日就搞下新意思，雖然格局都係茶樓feel，但就唔係食點心，仲好驚喜咁有刺身食，真係估你唔到呀！其實之前係見佢個午市蒸鍋海鮮好似幾正先帶長輩黎食晩市。個setting好大體，d枱凳都坐得好舒服。係尖沙咀成日都係食西式，之前就成日覺得帶唔到長輩黎，但原來揾下揾下都可以愈揾愈多架喎。姐姐先幫我地落粥底，有南瓜，排骨，豆s同埋5穀米。專業既鍋係唔使用放匙羹呢d古老既方法都唔會痴底既！食左個墨魚餅，正！唔係好多油，外面好香脆，入面好鮮甜彈牙。點既食物開始陸陸續續咁黎。我想講既係，d食物既presentation真係好靚！你睇呢個肉，擺到成朵花咁，真係未食先流口水。隻蠔真係超大隻，我真係好鍾意食蠔，無論生熟。上面放左d薑蔥，係中式既食法。唔點豉油就咁食係最鮮既，不過我知有d人鍾意咸少少。今晩既其中一個主角，好抵既龍蝦！呢個黑松露金箔龍蝦好大體，黑松露多到一個程度係最後食個粥個時都有黑松露味，咁講你就明啦！所以真係要好鍾意食黑松露先得！ 講返隻龍蝦，啲味真係好鮮，啲肉都好彈！蜆仔唔算好多沙，係有一兩隻je, 份量都幾多幾鮮甜。原來咁多樣嘢，蒸得最快嘅就係象拔蚌，一分鐘都

爸媽經常睇飲食節目, 發覺時下多左好多類型既飲食方法, 佢地最有興趣就係蒸氣鍋, 但一次都未食過.所以特別帶佢地黎食下, 呢間位置方便, 環境又唔錯, 乾淨衛生.選擇左$488套餐, 另外見金箔松露龍蝦都好抵, 所以要埋.龍蝦夠大隻, 開邊鋪滿黑松露, 仲加埋貴氣既金箔, 又黑松露又金箔都係48蚊, 非常抵食.肉質厚身而清甜, 爽口彈牙, 配上淡淡既松露香, 更能帶出鮮味.套餐海鮮都唔弱, 大石蠔非常大隻, 肉厚肥美, 蠔味豐富, 熟食亦不失鮮味.大刀貝同鮑魚, 兩者都爽口彈牙, 鮮味十足. 鮑魚肉厚都唔覺韌.蒜蓉蟶子王, 都係好大隻, 口感煙韌, 味道鮮甜十足, 蒜蓉蒸更加惹味. 食左成餐海鮮開始食D肉食, 有和牛片, 要求7成熟, 所以肉質較軟嫩唔韌, 牛味亦濃.再來有蒸雜菌, 食到飽飽地可以稍為清新一下, 清蒸特別健康.食晒所有蒸物就係最後既南瓜粥, 粥底唔會太稀, 南瓜味夠香又唔會太甜, 夠飽肚.爸媽食完今次既蒸氣鍋好滿意, 因為食材新鮮又健康.

第一次食蒸氣鍋，期待又興奮！研究完一輪menu都係套餐最抵食～蒸氣鍋開始前先黎個小食，生煎墨魚餅，彈牙香口，配上甜酸醬，係一個唔錯既開胃小食～自選粥底店長向我地推介南瓜排⻣粥，既然係店長推介就試下啦，望落材料都好新鮮，仲有好多唔同種類既穀物，感覺好健康～估唔到蒸氣鍋套餐都有三文魚刺身，香港人實在太愛食三文魚，更意外既係非常新鮮肥美，絕對唔係一般貨色。店員好細心等我地享用完刺身先開始蒸野食，刺身最緊要係趁凍食！海鮮係今餐既重點，只要材料夠新鮮清蒸就已經好好食～美國石蠔成隻手掌咁大，食落塞滿成個口真係超滿足；竹串蝦好新鮮所以肉質超彈牙，蝦頭仲有好多膏；象拔蚌仔大家一致讚好，鮮味非常濃郁，好驚喜，真係唔需要落任何調味，店員再三叮囑象拔蚌蒸大約1分鐘就要上碟，超時既話肉質就會韌，所以大家都嚴陣以待準備好隻碟開餐！另外叫左三隻金箔松露龍蝦，做緊優惠每隻$48, 賣相又金箔又松露感覺好高級，呢個價錢真係幾抵食，呃like都值啦，肉質好彈牙，黑松露味香氣四溢！馬拉糕蒸完熱辣辣即食特別滋味～軟綿綿～甜度岩岩好～食完咁多好野個粥底先係精髓，黃澄澄既顏色非常吸引，食落有晒海鮮同肉類既鮮味，更意外既係仲有黑

移民加拿大差不多十年的細姑姐近日回港辦理樓宇買賣手續，機場接機見面時，第一句話好掛住我哋，第二句就話好掛住香港的海鮮，辦妥手續後去鯉魚門食海鮮慶祝。我話現時多數遊客才會去西貢、鯉魚門食海鮮，所以我提議去蒸氣火煱專門店，食品種類多,超新鮮上枱蒸的時候海鮮還會郁，而且用蒸的方法來烹調是最原汁原味又最健康。過兩天，一行五人來到囍鍋，環境舒適優雅，因為是平日，客人不太多，每張枱有足夠的間距，不會擠迫噪雜。門口的大魚缸內有東星斑、象拔蚌、阿拉斯加蟹等等。一坐低，見到個好似用籐做既尖頂圓椎型物體放係枱中間，下面有個淺鍋用嚟蒸食物。侍應遞上餐牌，花多眼亂，套餐最好不過，款式多又抵食，另外點了金箔黑松露南非龍蝦，48 元一隻，每人一隻又太多，所以就叫三隻！一開始，侍應先將南瓜、排骨和白米放在鍋底，留待最後吸收晒海鮮的精華才吃。先來每人兩片厚切三文魚刺身，新鮮嫩滑無雪味，脂肪均勻不油膩，先來一個冷盤開一開個胃口。薑葱蒸美國石蠔，大隻肥美漲卜卜，蒸完還是這麼大，唔會變小小蠔，味道鮮甜， 咬落口感豐富，蠔香充滿口腔，感覺無敵。西班牙黑毛豬，薄片上枱，豬肉始終要加小許醬油來調味，應該不是心理作用，黑毛豬跟平時

巿面上有很多地方都會提供蒸海鮮，但不一定要去眾所周知的酒樓所吃。最近聽說尖沙咀有一間蒸海鮮的樓酒，樓酒環境舒適，以新鮮海鮮供應，以不同的套餐供應。此外還有些散點海鮮或小食，食物選擇確實是不少，以食物質素來吸引食客。************************囍鍋位於尖沙咀，較為靜一點的天文臺道，走進大廈坐電梯而出，便看見囍鍋的入口了。囍鍋地方都很寛趙，環境也舒適。套餐2人餐有3個餐，此外還有4人和6人餐選擇，套包括了海鮮、肉類和菜，還包飲品或啤酒。茶介和小吃另計，還有加一收費。現在還可以以HKD48，便可以享用半隻黑松露龍蝦。最後我們便決定選上B餐，已包括了半邊龍蝦，所以我們便沒有加錢享用。個一個蒸海鮮鍋都有著不同的粥底，選上B餐，便是蕃薯排骨，還有元貝蝦米。用上蕃薯煮成粥也是第1次嘗試，不知味道會是如何。囍鍋只提供一款500ml的手工啤酒，這個牌子從沒飲過，便決定一試。麥花清香，手工啤酒像可樂的那樣多氣，無論口感和味道也是不錯。頭盤來一客三文魚，每人可享有2片。三文魚不算細片，有著三文魚的鮮味，確實新鮮。套餐是提供紐西蘭刀貝，但因為今天沒有來貨，改為萫薯蜆代替。蕃薯蜆也不細隻，每

之前聽蒸氣鍋就聽得多，一直以為只係一種普通煮食方法，直到今次係度食完先知原來一個鍋食到最後都可以保留所有食物既原汁原味。老實講食蒸氣鍋任何一間食既方法都差不多一樣，放食材落去蒸完就食，所以食物質素就變得非常重要，當然時間控制都緊要，除非你對自己煮食都好有經驗，如果唔係好似我今次第一次食就要靠侍應去幫我決定，而呢度侍應都好樂意解釋唔同時間同食物次序蒸完出來既味道俾你聽。我相信所有人都一樣開始食係放米飯係底，我地就加左排骨、蝦米同蕃薯。一開始蒸個蒜蓉開邊龍蝦，只係睇見都吸引，食落先知保留原隻鮮味，肉質飽滿，食半隻都足夠。肉丸有兩款豬肉同鯪魚肉，個人比較喜歡豬肉丸比較彈牙有肉質。而鯪魚肉味都好夠濃。紐西蘭刀貝蜆，帶有新鮮蜆肉味道同質感，後來上網睇返資料原來大有來頭，係由紐西蘭比較偏遠而礦物豐富既海域捕獲。薑蔥蒸石蠔，果然無失望，就算蒸熟縮水之後呢度既石蠔都好大隻，好有蠔味，肉好棉，一咬即開！可用鮮甜多汁形容！最愛最愛食蠔！大元貝都係例牌蒜蓉粉絲，比較大隻肉質夠爽，食落感覺比起同其他煮法較簡潔又唔怕乾身。奄仔蟹差不多放最後，因為怕食蟹花時間同蒸太耐，但原來建議要先放雪櫃等佢失去知覺，咁到蒸時唔

環境幾舒服，座位闊落，有卡位亦有圓枱，冷氣足夠，開左鍋都唔會熱同焗！我地點左$398一位既海鮮蒸氣窩(茶芥前菜另計)，係度介紹一部份：首先要讚一讚d員工，除左會幫手處理蒸海鮮既步驟，亦會主動添水，換碟等等。有一種賓至如歸既感覺！三文魚刺身當我心諗蒸氣鍋配個三文魚刺身，會怪左少少同質素一般既時候。刺身竟然出奇地好味肥美，比得上專業既日本刺身店！再一讚係個枱面，好多蒸氣鍋店為左個窩，就唔裝個轉盤，令到圓枱有d麻煩。呢度個轉盤中間就有個窿放個窩，非常方便！竹串蝦隻蝦大隻有膏，蝦肉新鮮彈牙！蒸蝦就係咁簡單！墨肉餅除左刺身，呢個就係另一個非蒸氣鍋食物。熱辣辣，外邊脆身，入面好彈牙，正！大石蠔睇相一碟咁放係枱面唔知有幾誇張蒸好獨立上碟就知有幾利害，係縮左少少，不過都有三分二隻叉咁長。非常非常鮮甜，入面仲有少少creamy,蒸得岩岩好！象拔蚌仔其實我無食過象拔蚌，平時係海鮮鋪睇到既都好大隻，係呢度既就細細隻點知好大驚喜！預先切好一條條，爽口彈牙，仲好香海鮮味！下次有機會點隻大D既試下先！蒸氣鍋緊係用海鮮粥埋尾啦！有哂岩岩所有海鮮既鮮味，加埋南瓜同豬肉。Oh...好完美既總結呀！

嚟到囍鍋,佢哋有幾款套餐揀,我哋就試咗$398一位嘅自選套餐.之後店員拎咗一堆小食醬料嚟,不過呢晚我都幾乎冇蘸到醬料.蒸氣鍋係利用水蒸氣將食物蒸熟,可以保持食材嘅原味又唔熱氣,蒸嘅時候蒸氣同食物本身嘅水份又會流返去石鍋底.當晚店員仲加咗排骨,南瓜同白米等等晌鍋底度,咁就可以同時晌上層蒸架蒸食物,下層石鍋煮粥喇.個餐仲包飲品任飲,我哋揀咗可樂同Jolly Shandy.椒鹽脆豆腐,炸得都幾香口滑溜.蟶子皇個size唔細,上面仲鋪滿蒜蓉同粉絲.店員將佢放晌蒸架,再調較時間,唔洗幾耐就蒸好咗.蒸煮時間啱啱好,肉質香甜,加埋蒜蓉仲惹味.番薯蜆,比普通嘅蜆大隻好多.味道鹹鮮,同埋完全冇沙.當晚仲有蝴蝶蚌,聽店員講唔係成日有架.蒸熟咗個樣真係有少少少少似蝴蝶,味道方面就幾爽口.個餐仲有甜品,我哋揀咗千層糕.層層分明,薑汁味濃郁,質感煙煙韌韌咁.最後食埋個粥,除咗南瓜同排骨之外,原來仲加咗蝦米同瑤柱,令佢多咗啲鮮香味.

今晚朋友介紹黎到尖沙咀囍鍋，一上黎見到個佈置夠哂派頭，坐位闊落十分舒適，未食已經加哂分啦！見到個餐牌呢様又想食果樣又想食點算好呢，最後點了個套餐唔洗煩又可以試下手工啤既味道。味道比一般啤酒清，感覺新鮮啲，易入口啲。萬事倶備，只欠燵火，先先放入粥底食材，最後就可以品嚐首先係呢個大蜆，味道清甜。帶子上面舖上大量蒜蓉，但仍遮不住帶子的鮮甜味道，肉質彈牙。嘩。。。呢味龍蝦面層舖上魚子及金簿，望落已經十分名貴，一啖放入口，魚子并龍蝦既味道又十分匹配，兩者沒有搶走對方的味道，鮮味十足。鯪魚丸并豬肉丸，個人十分欣賞個鯪魚丸，入口又滑又彈牙，入面配有蝦米臘腸香芹，口感香味十足；豬肉丸入面加有梅菜，根本就係梅菜蒸豬肉既丸版呢個毛文粥底已經煲好，材料還有番薯，排骨，原來仲加有蝦米及瑤柱，唔怪得夠哂味不用再加調味，又能提升鮮味，已經好飽既我都要食2碗呀！

自從蒸氣鍋流行以來，朋友間的飯局聚會又多了一個選擇。蒸氣鍋就像打邊爐一樣，更適合一大班朋友一齊食，不過，我發現蒸氣鍋有專人操作及分派食物，最適合我這種大食懶。聽說尖沙咀有一間蒸氣鍋，行高檔路線，今次，食家朋友又帶我去食。一步入門口，影入眼簾的是一個很喜慶的名字。「囍鍋」。然後看到一個多層海鮮玻璃魚缸，里面有各種魚類、貝殼類和海鮮類。裝修新淨，我特別喜歡天花的裝飾，那個雀籠式的吊燈，簡單得來又好似好特別。木格天花夾雜住射燈，像是満天繁星，閃閃發亮。燈下排列各式大圓枱，靠垟邊的是長枱，各適其適。套餐餐單的第一道菜是三文魚刺生，每人二片。厚切均勻，紋路清晰，色澤不錯。番薯莧，蒸完之後個個開晒口，證明是新鮮貨色。食入口亦可感覺其鮮味。元貝處理得很乾淨，已去除所有生殖缐等，只保留大大片的元貝肉，蒜茸份量十足，鋪在元貝上層，如於蒸的時間掌握得剛好，肉質很嫩口，啖啖肉，加上蒜茸的香味，過足口癮。根據記錄全球龍蝦有4百多種，具商業價值的只有十幾種，南非龍蝦這是其中一種，加上黑松露後再灑上金泊，價值即時提升。肉質鮮甜得來又增加了食物層次。份外享受。蒸熟後的蟹已經變成紅色，大大隻的蟹鉗肉質厚實，蟹鉗是運動