四姐川菜

營業中

休息中

呢晚同朋友慶祝生日，我預先已經問定朋友想食咩菜，勁鍾意食辣野既朋友話一定要食川菜，咁我上Openrice見到有人推介呢間四姐私房菜，睇menu同睇相覺得真係好吸引。今晚去既呢間四姐私房菜係位於銅鑼灣同灣仔之間，四姐有兩間分店，一間比較近銅鑼灣，另一間就係銅鑼灣同灣仔之間就係今晚呢間。餐廳餐牌:餐廳係私房菜既關係，餐廳形式係按人頭，例如兩個人既話就係兩款涼菜，三款熱菜再加一牒油麥菜，姐係total 6牒。食物既選擇都唔少，涼菜同熱菜都有好多款可以選擇，望到餐牌之後會覺得好想多d人一齊黎食，咁樣先可以試到多d野食。五香滷牛肉:作為第一個前菜，我覺得五香滷牛肉係超正，因為滷牛肉被切成薄片，口感好味之餘仲要質感岩岩好，唔會覺得好硬，另外仲有配搭一個香粉，唔會覺得辣，反而覺得好惹味，一份五香滷牛肉既份量都算幾多，不過因為太好味關係，我同朋友都極快食哂。重慶口水雞:另一個涼菜我地揀左重慶口水雞，朋友去親譚仔都會叫既小食，佢話食得川菜一定要食口水雞，四姐既口水雞幾惹味，麻味幾重，辣油都落得幾多，雞質感好嫩，啖啖肉之選。川式椒鹽蝦:第一款黎既熱菜係川式椒鹽蝦，呢個係成晚我最鍾意既熱盤，蝦既份量大概十幾

川菜我印象中都是麻辣，而我一向對辣都是又愛又恨，愛的是那種麻辣令人念念難忘，恨的是我本身不太食得辣！男友話十分恨食川菜，所以佢帶左我來灣仔呢區［四姐川菜］！六點幾左右所以鋪面冇咩人，佢收費係以人頭$340免加一，2-3人是涼菜任選兩款，熱菜三至四款，如此類推！涼菜選擇不多，反而熱菜就多一點，辣度亦都可以在紙上選擇！另外白飯是任添的！我叫左口水雞，份量雖然不多，但勝在雞肉入味！蒜泥白肉不似出面鋪滿曬重重的蒜泥，但佢肉質有咬口，食完也不覺得會口臭！辣子肥腸，豬大腸炸到好香脆，口感惹味十足，好似食緊薯片甘！招牌重慶水煮魚上面灑曬乾辣椒，蔥花芝麻，食上去魚超滑嫩，而且份量十足，最底層仲有好厚身的薯粉，辣味選左小辣所以可接受！最後另叫喜歡食的酸菜魚，酸酸辣辣的口感，配上幼滑米條，好正！食到中途竟然送一碟蒜蓉炒油麥菜，可一解油膩口感！

之前聽朋友講呢間餐廳嘅川菜好好食，今晚同老公兩個特登去呢間餐廳食四川菜，一入到去， 已經聞到四川辣既香味😍😍😍同埋餐廳環境都幾舒服，座位又好寬敞，牆壁有好幾幅字畫，好靚呀😍😍 好有文學氣息😍另外特別值得一讚嘅係店員都好細心呀! 佢哋態度好好，好友善，好有禮貌😍😍我哋坐低咗之後，佢仲會另外畀張凳仔我哋放袋👍👍我哋叫咗兩個二人套餐，涼菜叫咗蒜泥白肉同埋重慶口水雞，熱菜就叫招牌重慶水煮魚， 泡椒鱔片同埋西芹炒牛肉， 啲餸全部好足料， 食材又好新鮮， d餸辣辣地好正😍😍， 令人好開胃👍👍 套餐仲會包埋一碟油菜😍😍👍👍 真係好豐富! 我地最鍾意呢到嘅招牌重慶水煮魚，煮得好入味，好好食😋😋😋我哋食完之後都覺得好滿足，下次一定會再來幫襯😍😍

近來工作辛苦，想吃點不一樣的，決定搞搞新意思，和朋友吃四川菜。剛好同事介紹上次招待日本朋友吃的「四姐川菜」私房菜，話超級好食，決定一試。我和朋友兩個人，可以點一個二人餐，每位$340免加一，包括兩個冷菜和三個熱菜。餐廳遷就香港人鍾意嚐鮮但又普遍唔食得辣，可以揀大辣、中辣、小辣，我地個決定要小辣，然後點兩個不辣的小菜。招牌四川涼麵第一道上的前菜，係一個冷盤，老實講，見到紅色就有啲怕。點知，食落有驚喜，係香港人可以接受的辣度。就好似和一個新朋友初次見面，大家 ice-breaking 完，有咗初步信任，之後的合作就有晒信心。麵質十分爽滑，撈埋香蔥、蒜蓉、辣椒，開胃無比，越食越起勁！強烈推薦！重慶口水雞雞件很滑，十分美味。麻辣辣得黎很香，紅紅辣油不用怕，唔食得辣都食得到。招牌重慶水煮魚經典四川菜式，滿滿一大盤辣椒與辣油，十分震撼！見到啲辣椒真係「嘩嘩」聲！辣椒淺嚐兩口，唔太辣，連辣椒籽都食埋。厚切魚柳好滑，夾埋辣椒一起吃，層次分明，十分過癮，簡直係人生一大享受！推薦！兩個人來說份量十分足料，食食下發覺仲有薯粉，十分飽肚，彈牙薯粉索晒啲麻辣味，口感豐富。川式椒鹽蝦第一道不辣菜。炸得金黃色，香脆

香港餐廳眾多，要全部試一次基本上都無可能，不過灣仔呢間餐廳就吸引到我一而再再而三咁幫襯今日約左辣妹朋友食飯，一知道佢想食辣，我二話不說就book左呢度餐廳位置係有d隱蔽，如果唔係之前黎過，我應該都唔會咁容易搵到所謂酒香不怕巷子深，為左好味嘅私房菜，無論佢隱身係邊，食家都一定搵得到雖然話係私房菜，但係環境都好乾淨企理可以話係麻雀雖小，五臟俱全隔離兩檯都係日本人，睇黎四姐名聲已經衝出香港啦！餐廳周圍都大大隻字寫明只收現金，提醒食客，避免埋單尷尬呢度人頭收費，按人數加大餸菜數目，我地兩個人就可以揀兩個涼菜同三個熱菜選擇超級多！天人交戰完，我地揀左以下五個餸1）重慶口水雞除左辣油，呢度會加埋豆鼓黎做調味，加上少少西芹，超級惹味2）夫妻肺片川菜經典 略嫌佢鹹左少少 同埋唔知點解佢上檯個陣熱熱地3）招牌重慶水煮魚水煮魚用上龍利魚柳，完全無骨，食起上黎安心又放心，魚肉索晒辣汁，而且非常滑溜，墊底仲有黃豆芽同薯粉，薯粉煙韌有彈牙，一個字，正！4）辣子肥腸成碟有數之不盡嘅辣椒、花椒同薑，所以平時豬腸個陣壓味完全癖走左，加上豬腸用油炸得好乾身，完全無油膩感覺，反而好香口，送酒一流啊！5）泡椒鱔片最後一碟上

哩間四川菜真係好難搵啊，係灣仔行過去好似快過係銅鑼灣行過去！佢係一棟商業大廈既上面，比較隱蔽同私隱度高，多數都係整比同鄉既私房菜黎🧐🧐我地兩個人上到去，台面已經有張menu紙比你簡有咩野食！包左熱菜，涼菜，飲品同面食！2個人就要按人頭收番$340套餐費，無加一！2款涼菜3款熱菜對於兩個女仔黎講真係好多，應該都食吾哂，因為份量真係好大，搞到有d浪費😭但係食物質素都好高！絕對物超所值，鐘意食傳統川菜一定要黎試下，一定吾會失望。哩度環境好大，裝修偏向本地風，門口有個大花樽，都幾有風味，岩哂一班朋友過黎飲啤酒吹下水。涼菜方面我地簡左涼拌木耳同重慶口水雞。吾講吾知，涼拌木耳都有好多蒜頭，我食完都覺得自己好口臭😂不過調味做得好好，酸酸地，都有小小辣椒，木耳口感好爽口，岩哂用黎開胃，比我地可以食多d野啊。💕☺口水雞方面就岩哂食辣既朋友仔啦，雞肉好嫩滑清甜，辣味比佢帶左出黎岩岩好，但係要注意啦，哩個無咩麻味，如果鐘意麻味既就點其他菜試下。佢最後仲會送個炒油麥菜比你架，因為我地已經食吾落，所以就叫左師傅吾使整啦😂😂所以建議3個人黎食！ 吾係一定食吾哂啊

成日隔一排都會想食辣野今晚就嚟到四姐食麻辣川菜～佢位於銅鑼灣同灣仔之間嘅交界，所以兩邊嘅地鐵站呢都係唔近～咁我哋就喺銅鑼灣行過嚟搭lift上到黎一樓，個門口雖然冇招牌，但係一出lift就已經聞到麻辣味!場內仲有d內地人喺度食飯，睇得出四姐嘅麻辣做得相當之唔錯令到內地人都啱食！收費係$340一位，兩位可以叫兩款涼菜同埋三款熱菜。呢個set仲包一點蒜蓉炒油麥菜添呀！我哋叫咗蒜泥白肉、招牌涼拌麵、水煮魚、毛血旺 同埋辣子肥腸 呢個 蒜泥白肉唔似平時食開個啲，你個蒜泥白肉啲肉唔會夾住好多蒜， 以為佢冇乜蒜味，點知食落口食到好香蒜蓉味個辣汁夠晒辣！辣得非常之過癮呢個涼拌麵都非常之出色！面嘅質地彈牙配上辣汁，撈勻之後識落嘅每一啖面都沾滿辣汁，啲熱菜未到，都已經想食晒啲面登登登登！水煮魚登場！呢碟水煮魚非常之足料！入面有好多塊魚仲要好大塊！仲有好多薯粉，薯粉吸晒辣汁... 食落口真係難得好過癮呀！ 呢碟毛血旺入面有午餐肉、木耳、牛柏葉、萵筍、魷魚、當然仲有鴨血啦！估佢唔到肉牛柏葉，我想食咗好耐啊！牛柏葉同魷魚仲有萵筍都非常之彈牙！你個辣子肥腸不得之了！ 每一舊都好酥脆，面頭就好似有少少胡椒粉咁，好似

本人好鍾意食辣野，但奈何老公唔食得辣，朋友推介灣仔有間川菜很不錯， 今日就拉個閨蜜同我去試試！唔係睇地址都唔會知道商業大廈樓上會有一間食川菜餐廳，環境企理舒適， 睇OpenRice有網友話好多日本人鍾意幫襯，果然同場有一兩台都係日本客人。餐廳收費人數計，$340位，兩位便可任選兩款涼菜及三款熱菜， 選擇很多真的有點讓我花多眼亂呢！當然啦，叫晒肉類/海鮮係最抵，但都要衡量下自己食唔食得晒，而辣度都可以選擇，今次我們選擇小辣我們點了：1)涼菜-蒜泥白肉豬肉切得非常薄，帶點爽口，蒜泥反而唔算 多，辣油味道較突出2）涼菜-招牌四川涼麵講得上係招牌當然要試試，四川的陽春麵配上重量級辣醬，店員俾我影咗相先幫我撈起，原以為會好辣，但實質香多過辣，花椒味道突出。麵質不錯，不會過糊，仍然條理分明。份量好多，食完都有點兒飽，主菜都未到呢3）熱菜-水煮魚嘩！真係重量級呢～泡椒中的魚塊上面灑著白芝麻，魚塊好滑，重點係冇骨，底下仲隱藏了紅薯寬粉，吸收晒精華，小辣沒我想像的辣，其實挑戰中辣都可以呢4）干煸鱔魚片其實我未食過呢道菜，今次係第一次食，鱔魚片望落似上海菜的黃鱔，口感煙韌香脆，應該先經過油泡，份外香脆可口

放工約左朋友去食私房菜 去到一橦商廈門口, 朋友話就係呢度, 小妹十分懷疑有冇去錯地方 保安仲問我地係咪食私房菜, 就話上1樓就岩 上到去見到, 原來真係冇找錯地方 連外國人都識黎食 呢度既私房菜係食川菜, 每位$340,   2 個人可以揀, 2個涼菜  , 3 個熱菜  可以自行揀辣度, 小妹揀左小辣重慶口水雞: 隻雞好嫩滑, 唔洗怕紅紅既辣油, 因為佢既麻辣係辣得黎好香, 同埋小妹揀左小辣, 朋友平時唔食開辣都食到同覺得正 蒜泥白肉: 白肉係薄身既, 麻辣汁比白肉吸哂, 食起上黎好過癮, 仲有佢既蒜泥唔會厚厚咁鋪上面, 食左都唔怕有口氣 糖醋里脊: 食左咁多辣野, 揀返一道唔辣既中和返, D肉唔肥膩, 加上佢炸過, 醬汁酸酸甜甜, 好開胃呀 招牌重慶水煮魚: 好大碗既水煮魚(可以係3-4人份量), 魚塊好大件厚身, 應該有二十件魚塊, 入口即溶, 底下仲有薯粉, 好煙韌, 薯粉吸收哂麻辣味, 好正呀辣子肥腸: 小妹一向鍾意食香口野, 呢碟絕對岩小妹口味, 大腸好脆可口，配合辣椒同花椒, 大腸完全冇腥味 小妹仲忍唔住叫左枝啤酒, 呢個辣子肥腸送酒一流 青島大啤$ 35蒜蓉炒菜: 呢

又到左星期五，本人一家人一向嗜辣。男朋友雖然喜歡，但係食親都汗如雨下，所以都比較少食。但同事推介過這間四姐川菜，今晚專程來試一試。四姐川菜既位置相對偏僻，不過香港人一向最喜歡搵小店食好味既野，一入去感覺似私房菜，菜式選擇非常豐富，以前係第二到都有食過川菜，熱菜選擇可能有十幾二十款。但喱到足足有50款呢～而且份量超級多，我同男朋友兩人叫了二人餐，有兩款涼菜三款熱菜，上菜時有點嚇親～‌好抵食最值得一讚既係招牌四川涼面，味道好特別，香口帶點麻 ，但因為是涼面的關係稍微減少了辣度，在夏天食好開胃呢～而且這個菜式不常在其他餐廳看到，值得一試。另外本人也特別喜歡水煮牛和清炒萵筍絲。水煮牛同樣用料好實在，一大盤入面滿滿都係牛肉，肉質軟身好入味，而辣到不行時配上萵筍絲剛好解辣，味道岩岩好。餐廳另外仲跟左個炒菜，其實這個份量絕對可以四個人食，或者食完打包食埋第二日都可以。下次再黎一定同多D人黎可以SHARE食 ～～

心血來潮想食川菜，就黎咗位於四姐。一早都已聽聞四姐，今日有機會一試，都好期待。餐廳環境好大，而且坐得好舒服。蒜泥青瓜未食正餐，先上一道前菜開開胃。呢道前菜既蒜味唔會好強烈，調味恰到好處，唔會搶咗主角青瓜既風頭。青瓜好新鮮，食落非常爽脆，而且好清新。招牌四川涼麵見到係招牌菜，當然要點一份試下。果然非常好味！成個涼麵既精髓，醬料，非常惹味，係一種香辣，唔會嗆喉。真係食唔停口😋。涼麵仲可以自行選擇辣度，啱返自己口味。蕃茄蛋花湯蕃茄湯蕃味好香，仲有好多片片蕃茄係個湯入面，真材實料，超正呀。酸菜魚好少餐廳有酸菜魚，難得有，梗係要柯打一客。份量超大方，有勁多魚，三至四人食都唔成問題。魚塊肉質好嫩滑，而且無骨，食落好方便，而酸菜則十分爽脆。真係超多料呀！香辣魷魚蝦除咗主角魷魚同蝦，仲用咗大量香料炒，所以食落好夠味。大蝦外層好香脆，蝦肉保持鮮嫩，一脆一嫩，食落好正。魷魚同樣唔遜色，煮得啱啱好，唔會太靭。

放工約左朋友去食私房菜去到一橦商廈門口, 朋友話就係呢度, 小妹十分懷疑有冇去錯地方保安仲問我地係咪食私房菜, 就話上1樓就岩 上到去見到, 原來真係冇找錯地方 連外國人都識黎食 呢度既私房菜係食川菜, 每位$340,  2 個人可以揀, 2個涼菜  , 3 個熱菜 可以自行揀辣度, 小妹揀左小辣重慶口水雞: 隻雞好嫩滑, 唔洗怕紅紅既辣油, 因為佢既麻辣係辣得黎好香, 同埋小妹揀左小辣, 朋友平時唔食開辣都食到同覺得正 蒜泥白肉: 白肉係薄身既, 麻辣汁比白肉吸哂, 食起上黎好過癮, 仲有佢既蒜泥唔會厚厚咁鋪上面, 食左都唔怕有口氣 糖醋里脊: 食左咁多辣野, 揀返一道唔辣既中和返, D肉唔肥膩, 加上佢炸過, 醬汁酸酸甜甜, 好開胃呀 水煮魚: 好大碗既水煮魚(可以係3-4人份量), 魚塊好大件厚身, 應該有二十件魚塊, 入口即溶, 底下仲有薯粉, 好煙韌, 薯粉吸收哂麻辣味, 好正呀辣子肥腸: 小妹一向鍾意食香口野, 呢碟絕對岩小妹口味, 大腸好脆可口，配合辣椒同花椒, 大腸完全冇腥味小妹仲忍唔住叫左枝啤酒, 呢個辣子肥腸送酒一流 蒜蓉炒菜: 呢碟雖然係送既菜, 但都炒得好有鑊氣

係港島食晚飯想食酸菜魚又唔想去到咁遠，就係灣仔搵左呢間四姐川菜。餐廳位置唔易搵，係一棟商廈既1樓，去到既時候地下已經落哂閘咁，但最終都比我搵到。坐低先飲啖茶抖下氣，叫左d 涼菜開下胃口先。先黎個重慶口水雞，雞肉嫩滑，味道偏麻而不太辣，但味道有點單一，如果落多d 唔同種類既調味料會更佳。招牌四川涼麵，呢個真心推介，完全入哂味又麻又辣，聞落仲好香，麵質好有咬口唔會太淋太多醬汁，食得辣既人必點！川式椒鹽蝦，熱辣辣上盤，都炸得幾香幾脆，值得一試。干煸四季豆同蒜蓉油麥菜，食得多重口味辣野都要食番d 菜平衡下。重頭戲酸菜魚，味道偏酸同麻，辣既味道反而唔係好出，魚塊份量都算多，食極都有，但可以更滑，配埋粉絲同酸菜呢餐夠哂飽。

周日跟女朋友相約，我們真的特別愛吃辣，聽說四姊非常的好吃，於是就抱著試試的心態！❤️❤️❤️店面適中，尤於我們是二個人，所以能點二個前菜，三個主菜！我們前菜點了四川涼麵，口水雞，泡椒牛肉，水煮魚，辣子雞都是中辣四川涼麵真的是好吃，辣油搭配辣椒子，拌在我ㄧ起吃，超搭的！泡椒牛肉是搭配芹菜，我本來以為泡椒是湯類的，結果是用炒的，跟外面吃的不太ㄧ樣水煮魚應該是最好吃的一道，魚非常的嫩，搭配粉絲，真的是絕👍👍辣子雞味道也非常不錯，雖然很少雞有點乾，要一直翻才看得到，薦意能多一些，會更加分！！

今日朋友帶咗我去食喺灣仔嘅一間川菜館，餐館嘅形式有少少似私房菜，環境亦都坐得舒服原來餐廳係劃一按人數收費，而我地兩個人食，就可以嗌兩款涼菜、三款熱菜。值得欣賞既係，餐紙上有得揀辣度。我同朋友唔算食得好辣，同又想過下辣癮，所以就揀左小辣！招牌四川涼麵呢個涼麵分量幾多，幼滑嘅麵條再加上秘製嘅四川辣汁，辣得好過癮！而且麵條係比較涼的，所以唔會話好辣，反而好開胃！正！另一款涼菜就嗌左蒜蓉肚絲呢一款係唔辣嘅菜式，但都做得好精緻好味，蒜蓉味好重，加上蔥絲一齊食，好夾！食唔停口！熱菜就嗌左酸菜魚、重慶辣子雞、川式椒鹽蝦酸菜魚一上枱已經聞到好香！酸菜加上蔥花既湯底好濃，味道酸中帶少辣，又香又濃！魚肉份量亦多，夠鮮嫩，推介！呢個辣子雞一上枱既時候，我地都怕會好辣！但食落辣度適中，又帶點麻，好過癮！呢個香口既辣子雞送飯一流！最後就到唔辣既椒鹽蝦，一上枱既時候係熱辣辣，好新鮮！炸得香脆之餘，味道亦好惹味，兩個人不經不覺就食晒！好味！呢個兩人套餐五個餸，白飯任裝之餘，個套餐仲送一碟油麥菜，好豐富！好抵食！！會推薦同事朋友黎食！