四姐川菜

營業中

休息中

今天到了位於灣仔的一間四川私房菜。餐店外表雖然撲素，可是食物質素很高，川菜惹味之餘又不會太辣，很合香港人口味。二人餐可以點2款涼菜和3款熱菜。如人數多的話，也可以預訂辣蟹等菜式。首先送上的是招牌四川涼面，涼面拌以秘製的辣油，加上醋和麻油，令到味道入口時除了香辣更帶有一點酸味，十分開胃醒神。另一道的涼菜則是重慶口水雞，雞件十分嫩滑，肉質爽脆，口水汁更是非常惹味，辣味十足，先刺激味蕾。熱菜方面則點了招牌重慶水煮魚，水煮魚是今晚眾多菜式中最辣的一款。雖然邊吃邊流汗，可是魚塊入口嫩滑，配上荳芽和薯粉，加上花椒的麻燙感，令人忍不住一口接一口。另外兩款熱菜均點了干煸四季豆和川式宮保雞丁。四季豆炒得乾身，吃下時十分香脆可口，肉碎的咸香更令到整碟菜也十分惹味。而川式宮保雞丁則肉質鮮美，加上西芹花生得配料，口感豐有層次。兩款熱菜都是佐飯的佳品。最後餐廳更送了一碟清炒油麥菜，為你的味蕾在川式刺激下能冷靜下來。整體而言，四姐的川菜水準很高，值得光顧。

今天和朋友約了吃飯，已經很久沒吃過川菜了，所以找了這家私房菜。這家店價錢不是按菜算的，而是按人頭算的，每人$340，我們兩個人可以選2個涼菜，3個熱菜。乾煸鱔魚片（熱菜）鱔魚片很香，不是滑的那種的鱔魚，而是乾香，越嚼越香，還有很多的豆芽一起炒，非常下飯。酸辣土豆絲（熱菜）吃川菜必點手工菜，酸辣爽口，很開胃。川式椒鹽蝦（熱菜）蝦的個頭不小，而且炸得很香，蝦鬚蝦刺都處理掉了，所以連殼吃都沒問題，當然啦，剝殼更好吃。椒鹽鹹香，但不會過鹹，很值得讚賞。招牌四川涼麵（涼菜）這個是沒想到的大盤和好吃，面有嚼勁，辣油香，一口接一口，不知不覺就吃完了。涼拌木耳（涼菜）酸辣麻油醬油味濃。另外店裡還送了個蒜蓉油麥菜，清淡好吃。

川菜向來係我中國菜入面最鍾意嘅菜系，今日朋友話想食中餐，我就即刻提議食呢間位於灣仔嘅四姐川菜。2人餐分別可以揀2款涼菜，3款熱菜。涼菜我地就揀左口水雞同蒜泥青瓜 ，而熱菜我地就揀左乾扁四季豆、椒鹽蝦同埋辣子雞。川菜咁辣，當然唔少得飲茶解渴喇。手拍蒜泥青瓜非常青新，師傅味道調得剛好，非好食。口水雞非常有住家感覺，而且唔會太辣，唔太食得辣嘅朋友都可以挑戰下。呢個抄生菜係送嘅，非常有鍋氣，味道都相當唔錯。乾扁四季豆係我非常鍾意嘅一道菜，師傅落左雪菜、肉粒等同四季豆一齊抄，食落非常香口惹味，岩晒送飯食。椒鹽蝦亦相當好味，蝦殼炸到脆卟卟咁，可以連埋殼一齊食，師傅細心咁剪左蝦頭，番番有蝦膏嘅部分，成隻蝦食落鮮味十足，大推!最後呢個辣子雞花椒味重，而且都幾辣，岩晒送飯。

平時食飯諗到頭都大埋，中西法意日韓，樣樣都試過下無咩新意，難得今次有朋友介紹呢間四川私房菜館，於是決定一戰。店舖位置係樓上舖，觀景面向維港，環境寬敞舒適，可以盡情享受川菜嘅辣勁而不失姿態，夜晚仲可以欣賞五光十色嘅夜景。菜單非常貼心，設計因應人數而決定菜式數量，岩曬選擇困難症患者呢！今次我地一行兩個人，涼菜方面點左招牌四川涼麵同口水雞；熱菜點左招牌重慶水煮魚、酸辣土豆絲同川式椒鹽蝦。以涼麵同口水雞作為頭盤非常醒胃，除左麻辣味道之外仲有秘製醬料嘅混合，唔係單純嘅麻辣，口水雞亦好入味。到左主菜嘅水煮魚，令我喜出望外，濃郁嘅辣汁醬料薄薄咁包裹住每一舊魚塊，夾上手時非常輕盈，魚肉入口好嫩滑，醬汁惹味之餘亦唔會喧賓奪主。另外兩款炒菜亦好夠鑊氣火喉，保留左新鮮食材嘅質素又唔會太油。呢間川菜館真係食得出係正宗惹味，下次不妨約多幾個fd食。

我同女友都係無辣不歡，今次心血來潮想食中菜，講吓講吓就不如試吓食四川菜啦，之後發現四姐川菜嘅評語都好似唔錯，就決定嚟灣仔呢間分店試吓啦。點菜紙上邊建議左唔同嘅人數可以點涼菜同熱菜嘅數量，我哋兩個人就有兩款涼菜同三款熱菜，價錢就Fix咗$340一位,價錢有點貴，希望物有所值！餐廳門面不算大，好快就坐滿左人。涼菜的其中一款—口水雞，都幾入味，我覺得可以再辣啲！招牌涼麵，果然冇介紹錯！個醬汁非常惹未開胃，麵身彈牙可口，非常推薦大家食呢個！熱菜我哋揀咗川式椒鹽蝦，佢帶點黃金蝦嘅感覺，反而唔辣，但非常香口，好食招牌重慶水煮魚，店員一拎到過嚟我哋都呆左！因為勁大兜兩個人真係食唔晒！最後要打包味道十分正宗，魚肉嫩滑入味，不過略嫌薯粉太過彈牙，有啲難咬。干扁四季豆好味。原來仲會送多個蒜蓉炒油麥菜，呢餐真係非常豐富

大約有半年時間沒有去四姐食飯。可能因為暑假的關係，今天沒有平時那麼多人！四姐的冷麵保持倒一貫的水準。酸度和辣度都十分適中。他們的特製辣醬非常美味。😋水煮魚的魚塊很嫩滑。在水煮魚下，有很少見的闊條水晶粉。👍🏻蒜蓉菜好好味，獲得同朋友的一至好評。很有家鄉味道👏🏻👏🏻👏🏻👏🏻我很喜歡他們有點酸，有口感，但不太辣的土豆絲。重慶酸辣粉太淋，沒有拍照。來四姐，記得要預先訂位和帶足夠的現金呀！💰

無懼熱辣辣，我來到四姐川菜！為左證明自己係食得辣，我來到這裡了2個涼菜，3個熱菜，黎到川菜餐廳唔食辣，等如去日本唔食拉麵！所以唔洗講咁多啦，叫哂辣野啦黎一個涼伴木耳，涼一涼先！！但其實我覺得都係有少少辣！不過木耳幾爽，爽呀！然後再叫左個芹，都係有紅色既喂，不過唔緊要，我頂得住！！！！涼完菜，咁就黎熱菜吧干煸四季豆！！有少少紅色，辣又唔係好辣，幾香口，幾多豆，有肉碎，算係健康之選！然後就係泡椒鱔片哇 鱔片份量都ok！雖然睇落係紅色的，但無我想像中咁辣，我頂得順！！然而，呢個先係終極boss！！係招牌毛血旺，即係大雜錦！令我諗到《國產凌凌漆》入面既「攞你命三千」！！因為佢係加入左唔同既食材！鴨血、魷魚、午餐肉、仲有內藏，辣椒乜椒嘜椒都有，集多種食材！媽，好辣呀我最終必需承認！我係食唔得辣的！！不過我還是會再食四姐川菜的，我係唔會咁易放棄我的食辣之旅！！

以前都食過一次，覺得有四川嘅味道同埋屋企嘅味道，住家菜既感覺。今次又過黎食啦🤣呢度每張枱有張點餐紙，會寫明幾多個人，幾多個菜，我哋兩個人，就可以點兩個前菜同三個熱菜。我哋叫咗蒜蓉青瓜同五香鹵牛肉蒜蓉青瓜青瓜粒粒分明，大大粒拍碎咗，蒜蓉係生蒜嚟嘅，見到粒粒都係人手切，拍碎咗嘅青瓜爽口，加埋蒜蓉，唔辣而有蒜蓉香。五香鹵牛肉呢個牛肉，見到肉同根好分明，好有層次感，記得一定要點佢嘅配料，食落好有五香嘅味道，有少少似牛肉乾，味道好特別。熱食我哋嗌左水煮魚、西芹炒牛肉、同埋川式椒鹽蝦招牌水煮魚一見到有好多好多辣椒，食落其實唔算太辣，水煮魚每舊都好大舊，仲保持嫩口，魚肉滑身，入面仲有薯粉同芽菜，芽菜比較長身同諗，薯粉給晒水煮魚嘅辣汁，好入味。西芹炒牛肉呢碟菜好有住家嘅味道，雖然見到有辣椒同蒜頭，但其實一啲都唔辣，西芹配牛肉，唔會好樓而食到西芹同牛肉嘅味道。川式椒鹽蝦椒鹽蝦外面脆卜卜，食到有椒鹽嘅味道，好香口，入面嘅蝦仲保持肉汁，連埋蝦殼食都可以。

上星期聽朋友介紹，同個鬼佬客上黎呢到食，諗住私房菜唔似中餐館酒樓個d咁嘈，野食都特別d。果然無令人失望，附近都有停車場，只係要搵路上黎麻煩d。一開始冷盤都唔錯，尤其喜歡個四川涼麵，個麻辣汁真心一試難忘，鬼佬客表示拍得住四川既水準。熱盤叫左個土豆絲，水煮魚同埋川式椒鹽蝦，我個人比較喜歡個水煮魚，十分足料，大大堆芽菜同粉皮墊底，索埋d辣汁，正！魚就用靚魚柳，好綿滑，認真不錯。鬼佬就大讚土豆絲，可能鬼佬係鐘意食薯仔掛

香港川菜館真係好多，但好似四姐咁屹立咁多年嘅唔多見。 由我第一次食到現在已經多年了，餐單沒怎改， 味道依然。2人用餐可選2個涼菜，三個熱菜，亦會送一碟時，但冇包白飯，飲品，要另叫。涼菜我們點了夫妻肺片，涼拌木耳。雖然我們只得2人，但分量冇相應減少，都係咁大碟 夫妻肺片分量足，片片大而薄， 加上芹菜， 麻辣鮮香。 涼拌木耳加了大量薑絲， 爽口潤肺滋， 係非常有益涼菜。現在方面我哋叫咗個魚香茄子，泡椒嫩牛肉， 乾煸肥腸， 外加碗白飯。當中最美味係泡椒嫩牛肉， 牛肉鮮嫩，另外加咗大量西芹，泡椒， 唔單止牛肉嫩， 西芹都好美味，而且四姐嘅西芹全部都刨走筋， 一絲不苟。乾煸肥腸， 香酥可口， 因為辣椒同肥腸顏色太接近，一時以為已經食晒，叉叉又會有多一舊可食。魚香茄子砌塊， 加上泡椒，薑，蔥，蒜，呢味菜並不香辣， 反而帶辣，口感嫩滑，配飯一流。如果冇加其他食品，價錢就340,冇加一但只收現金， 呢個價位，完全fair.只收現金個人覺得一早講明，總好過越嚟越多餐廳 ，食完餐飯，過千蚊然後同你講卡機壞咗， 騙徒手法層出不窮。

以往在銅鑼灣的分店吃過一次，十分好吃，故今日再來回味一下，看到灣仔也有分店，決定來這間嚐一下。灣仔的店跟銅鑼灣不太一樣，好點像是私房菜的感覺。我們2個人故就選擇兩人餐。食物上菜的速度很快，而且份量很大，兩個人絕對足夠。整體來說最愛涼麵及土豆絲。四川涼麵辣得過癮，但不會辣到吃不上，是會上癮的味道。水煮魚裡有很多魚塊，一直吃都不減少的感覺，而且不會做得很油👍🏻試過其他餐廳的吃完會肚子不舒服。土豆絲炒得很爽脆，酸酸辣辣的讓人吃到停不下。不辣的食物也做得很好，糖醋里脊真是大推薦😋最後餐廳更很貼心的送一碟炒菜。我們2人都吃到捧著肚子走，非常滿足及美味。

辣癮發作，一般既麻辣小食店和米線店都止唔到癮，四川同事於是話帶我去揾四姐幫手，原來係食四川麻辣私房菜，未食已經很其侍啦位於商廈的四姐，門內門外裝潢都很有中國風，花藝書法，除處可見。不過，最吸引我的，是店員所操既語言和口音😏基本上, 在場就只有我在說廣東話，大家都是以普通話交談和落單。看見這兒的食客，未食已經知道來對了。真的很感謝四川同事帶我來解癮😁😁😁私房菜沒有想像中貴，$340位。人愈多，可點菜式愈多。2人可選2個涼菜和3個主菜，而且還有炒菜送。這個價錢比酒店自助餐價錢還要平，但食物質素和店家既心機郤有過之而無不及，真的對私房菜另眼相看。涼菜：五香滷水牛展牛展很腍，滿滿的滷水香味。不過，個人覺得精華在於跟上的調味粉。由多種香料混製而成，微辣，醮後，把牛展的滷味帶出，辣中帶點甜涼菜：蒜泥青瓜清甜爽口，用來中和辣度一留！主菜：水煮魚白滑魚柳大大件，厚切，無骨，入口即溶，感覺辣味在口中四散，味蕾慢慢開始麻麻痺痺，感覺層次分明，非常過癮。窩底下為粗身既薯粉，吸晒啲麻辣味，既麻且辣，非常刺激不過，略嫌太粗太煙韌，牙力不夠，多吃兩條已經牙骹倦🤦🤦主菜：毛血旺材料豐富，包羅萬有，估佢唔到既材料都有

鍾情川菜既，切勿錯過四姐川菜。唔食得辣又鍾意川菜既人，我見唔少，一邊食一邊流哂馬淚，流住鼻涕。 四姐川菜係我食唔少既川菜餐廳而言，個辣椒落得冇咁狠，但係卻保持川菜既風味。 其實餐廳既價錢都偏貴，幾人食，都係 $340 蚊一位，冇服務費。我地2人食，有2涼菜，3 熱菜。3人就多個熱菜，4人就3涼菜4 熱菜，如此類推。 我會話，其實計番大約130一碟左右。但係要食好野，不能夠太吝嗇。當天好多既客人其實都係訂左位，慕名而來既，最後還是滿座了！所以有意朝聖既朋友，要預先訂凳，就唔洗去到等。加上，其實佢菜式既分量十分充足，至少我同朋友兩人食係綽綽有餘，仲可以打包番去食。餐廳門口其實我十分鍾意餐廳既格調，尤其係所有既菜式都用左精緻既青花瓷器皿。點菜紙涼菜篇四川涼麵必叫！四川涼麵雖然食材平凡，但卻十分考究廚師既功夫，即使呢碗麵表面平凡，麵條同調味料既比例岩岩好，麵條爽滑，香味令人念念不忘。口水雞口水雞最精髓之處係雞既嫩，醬既麻；個雞夠嫩，但係麻辣可以再重手一點。熱菜篇糖醋里脊酸甜比例剛剛好，個醬汁非常香，十分開胃。 一開始食爽脆，但稍嫌豬肉有點粗硬。水煮魚水煮魚都係另一重點，麻辣程度比一般食既水煮魚

辣妹吃香吃辣@四姐川菜 灣仔告士打道171-172號安邦商業大廈1樓 當屋企人勁愛辣同重口味食物，外出食飯搵餐廳照顧其口味。這裡是按人頭收費，人數越多就可點越多小菜及主菜，每次來都覺得份量多會食不完！重慶水煮魚我妹最愛，除了香港會點，亦間中北上吃水煮魚！魚塊起肉省掉了吐骨，魚肉好嫩，下面仲有芽菜同彈牙架蕃薯粉，味道濃郁食到流淚仍然停不了下來。蒜泥青瓜，先要碟唔辣定讓我定定驚，青瓜塊爽口多水份！青椒皮蛋，青椒碎同蒜碎好多酸酸的。川式宮保雞丁明顯為我而設，用油炒香加了豬肉碎，用少量紅辣椒碎點綴一下帶甜醋酸香，很下飯惹味。麻婆豆腐，放上豬肉碎同豆板醬，嫩豆腐披上汁又是鹹香惹味！這碟不辣的炒菜是額外送的，油墨菜每道菜都鑊氣十足又惹味，又照顧到唔食辣架人！

星期六晚上和朋友聚一聚，朋友知道我喜愛川菜，專門搵了一間川式私房菜，川菜食得多，私房菜真係未試過，感覺是廚藝味道要更上一層樓才可稱私房菜。和朋友來到灣仔一商業大廈，真係太隱閉了，就是如果你不上網看，或者沒有朋友介紹，是完全不知道有間餐廳。家庭式格局，地方大，一進門就聽到廚房拋鑊炒爆的搶火聲，好豪氣每位$340，不加一，兩個人可以選2個涼菜，3個熱菜，多人會再加菜，價錢不算便宜，但是吃完之後，我真心覺得值得👍這間私房菜水準好高。涼菜：四川涼麵完全有驚喜，撈勻面層的辣油，每一條麵都滲透著秘制四川辣油的味道，香而不辣，麻而不油，麵條軟硬適中，非常滋味。涼菜：五香鹵牛肉原本點口水雞，可以已經賣光了，就改叫鹵牛肉，牛𦟌肉滲出五香花椒八角香味，不韌，如想更惹味，可沾上旁邊辣粉，更加香辣。熱菜：水煮魚一大鍋，份量多，鮮魚片處理到完全沒有碎骨，配上大量乾椒，芽菜，粗薯粉，紅油，口味非常正宗，先麻後辣，真是舌尖上的享受。熱菜：乾煸四季豆川菜中我也愛這道菜，四季豆過油後再爆炒，時間控制得好，四季豆面層脆，裡面還保持水份，配惹味肉碎，甚是滋味。熱菜：川式椒鹽蝦蝦身處理得乾淨，開邊，有小小黃金蝦的口味，鹹香美