四季煲仔飯

營業中

休息中

見到附近都有幾間煲仔飯鋪但呢間咁多人排又咁出名就一於試下點知個飯仲濕過平時食蒸飯 無飯焦可言餸就得幾舊肉仔咁如果係快餐店普通菜館都可能無咁失望可惜呢間係淨做煲仔飯都咁既質素就太失望

近日天氣凍冰冰，晚餐好想食熱騰騰既煲仔飯，我們便去了廟街入面既四季煲仔飯。到店時已排了長龍，排了差不多半小時方可內進。在排隊期間侍應會俾餐牌你問你食乜，寫好了單，一入座便會幫你下單。我們點了鴨蛋蠔餅（細）臘腸排骨飯及膶腸排骨飯，等了10分鐘熱騰騰的煲仔飯呈上，一上煲仔飯，老闆會過來收錢，之後慢慢享用。臘腸排骨煲仔飯：臘腸比較咸，米飯🍚很好吃鴨蛋蠔餅：香脆

四季煲仔飯，我細細個就聽過依個名。數數手指，對上一次尼依度食都成八年前🙊 當時對食仲未有咩要求，淨係記得好多人排隊，同埋個鴨蛋蠔餅好香口好足料～八年後嘅今日，六點半尼到，有四、五張檯等緊。排隊嘅同時可以睇定餐牌同點定菜，所以一入座野食好快就到。排左大約十分鐘已經可以入座。兩個人嗌左一個白鱔滑雞飯($77)、一份腐乳通菜($20)，同一份細蠔餅($44)，回味下兒時嘅感覺～首先上檯嘅係細蠔餅，香口依然，蠔仔飽滿，不過印象中好似八年前再多蠔啲（？）但都有可能係我記錯嘅🙊 無點魚露，就咁食都覺得好好味😍然後講下主角白鱔滑雞飯，白鱔同滑雞都好嫩滑、鮮味，同埋成功焗到飯焦，開心🥳 白鱔上面有豆瓣醬，撈埋令個飯有少少酸😅 份量尼講，一人一煲應該岩岩好，所以兩個人食其實唔係好夠，但依個唔係店家問題，哈哈😀 不過77蚊一個飯，好似都係偏貴。至於腐乳通菜，腐乳醬都落得幾多幾重手，我自己口味偏淡，覺得點少少已經好鹹，要拿拿林飲返啖水😂整體尼講，個人覺得蠔餅好食，其餘水準中規中矩。環境唔算太好坐⋯⋯點都好，七點三食完行到出去，仍然有長長的人龍～所以想食都係要早少少到呢～

四季煲仔飯廟街煲仔飯最出名一定係呢間 無論夏天定冬天都會long Q 等左大約半個鐘就有位 排緊隊期間 啲姐姐會同你落定單準備個飯先 到坐低大約等多10分鐘到就有得食 所以同朋友一齊等時間都過得好快我同朋友分別嗌左膶腸排骨煲仔飯$65同梅菜北菇滑雞煲仔飯$66 淋埋鼓油撈一撈就食得 不過今次食有d燒焦味 啲飯焦都焦哂 無甘好食 份量都正常環境黎講一定係夠哂地道 唔會甘乾淨 如果有朋友黎香港都不失為一個好地方地感受下香港地道風味

天氣凍既時候第一時間諗起煲仔飯😋喺廟街係咁多間煲仔飯店之中，最鐘意就係四季每次黎食都係有好多人排隊，排到咁上下佢地會比個Menu你睇。我叫左臘腸排骨煲仔飯👍🏻再淋上豉油 食完即刻暖笠笠

今次去咗廟街食煲仔飯，通常四季呢間都係我嘅首選。今次叫左臘腸排骨飯同埋臘腸滑雞飯，另外一碟腐乳通菜同埋鴨旦蠔餅。煲仔飯仍然可以保持住佢嘅水準，好香，同埋啲雞肉真係好滑。不過今次張相矇左所以冇咗煲仔飯嘅相🤦🏻‍♀️另外腐乳通菜味道還好，有一堆腐乳醬比較鹹，但係你可以因應個人嘅口味而去點嘅。最後當然係我最鍾意嘅鴨旦蠔餅，用鴨蛋整出嚟嘅豪餅會比用雞蛋既香。而且蠔餅都有大份同細份，無論大份定細份我都認為佢可以保持到水準，仍然咁脆口。

廟街最出名嘅煲仔飯有兩間，一間係興記，另一間就係四季。今晚就選擇食四季，因為難得門前得10個人左右排隊，大概等左15分鐘已經可以入去坐低。👏🏽同女朋友食，叫咗滑雞臘腸煲仔飯、滑牛排骨煲仔飯和細蠔餅一份。😻✅蠔餅炸得好香口，而且每一粒號都肥嘟嘟！🙊❎煲仔飯就非常唔掂，飯太濕了，完全唔合格，煲底的並不是飯焦而係真係焦了！🤢♻️不過喺香港已經冇乜出名煲仔飯嘅情況之下，相信四季同埋興記繼續會好多人幫襯🤡食風味嘅話絕對ok，但講嘢食質素嘅話佢絕對唔再入流！🥊——————————食物質素：4/10環境衛生：4/10舒適度：4/10服務：3/10 性價比：3/10總評分：3.6/10

冬天除咗打邊爐 另一樣必食嘅我覺得就係煲仔飯😋見天氣凍凍地即刻拉埋朋友去！估唔到七點幾已經開始排隊 人龍仲要排到街口 又凍又餓 仲要聞到陣陣飯香 真係慘🙈我地見左一份蠔餅、臘腸排骨煲仔飯、雞肉鱔煲仔同鹹魚雞肉煲仔飯😋即叫即整等多陣都值得唔知係咪我哋焗得唔夠耐 飯焦唔夠多 飯粒亦都比較濕身 但係全部飯都冇生米 而味道方面呢 全部都好高質！特別係臘腸 雖然佢平平無奇 但係非常之香 油甘 好少食到咁好味嘅臘腸😋但係整體一般般啦蠔餅亦都係必食推介！粉漿薄、蠔多、香脆唔油膩！一定要食🉐👍🏻

天寒地凍 🥶 想吃煲仔飯全世界都說四季很有名 排隊人潮擁擠今晚喝完酒去碰碰運氣竟然不用排隊 所以也心知不妙有好多說國語的客人然後我們叫了臘腸排骨加咸魚臘腸好油 但沒太滲進飯裏排骨葉得不錯但最令我驚訝的是這個煲仔飯竟然沒有飯焦煲仔飯沒有飯焦等於唱K沒有咪歡迎各位達人介紹全香港最好吃的煲仔飯⋯⋯作為一個不是太吃澱粉質的我難得有吃飯的想法 竟然滿足不到我吃貨的咀Lucky we didn’t have to line up or else I’d be so regret

四季煲仔飯係油麻地相當出名，唔少人都慕名而來。特別係最旺既7-8點呢段食飯時間寧捨多人，次次行過都大排長龍，今次就睇下佢係咪真係咁好食﹗咁我地兩個人就叫左1個蠔餅同1個牛肉煲仔飯。1.蠔餅：中規中矩，香軟鬆脆，但唔算多蠔，而且蠔仔比較細隻。2.煲仔飯：黎到煲仔飯真係充滿期待，不過一打開見到得幾塊牛又真係有D失望，呢個價錢都唔算好抵食，大埔陳漢記好似再好食D（以前食過所以有比較）。我地淋完豉油，就關蓋焗多陣，咁一撈，發覺飯仲有幾濕，好似冇煮得好好咁，而且亦唔見有飯焦，食落唔算好入味。似牛肉同豉油撈飯多D，確實令人有D失望，唔覺自已真係食緊一間出名既煲仔飯。環境方面就當然唔係話坐得舒服，而且亦都較舊，不過環境都算大。

天氣開始轉涼，第一時間就諗起食煲仔飯。點了臘腸滑雞煲仔飯，雞都幾嫩滑，臘腸還可以，但飯就太過濕潤，唔太乾，到最後沒有太多飯焦，可能燒得唔夠耐，又或者煮時加太多水所致。鴨蛋蠔餅沒有太大特別同驚喜。不過不失。

秋風起，食腊味！又係去廟街食煲仔飯嘅好時候喇！其實而家煲仔飯係一年四季都有得食，但一諗起冇冷氣嘅廟街…… 都係秋涼至嚟啦！講起廟街煲仔飯就自然諗起四季，四煲仔飯由當初 $18/$22 到而家$4X。價格仿如自己年齡一樣不斷上升，但係質素就每況愈下 回想以前，四季嘅煲仔飯款式多價錢平，經典有鳳爪排骨、窩蛋牛肉、臘腸滑雞、貴價嘅有田雞煲仔飯。煲仔飯飯粒分明，飯焦香脆，餸料肉多鮮嫰，加埋秘整豉油，真係一絕！但近呢幾年就情已逝～價錢貴，餸料少，排骨飯嘅排骨只有肥膏同骨，滑雞只有雞皮，臘腸又硬又成口油 連飯焦都只有燶焦（唉～）唯一不變嘅係蠔餅水準始終如一，蠔仔飽滿，粉漿非常香脆 真係一味救全家！香港鋪租貴難經營，我明！但年年加價，竟然將價就貨仲要係劣貨就……

我覺得老闆同師傅要檢討吓廚藝，四季煲仔飯絕對係一個伏，啲肉差雪味大不新鮮不緊要調吓味，只食到雪藏味，啲飯我都唔想講，老闆你自己去大埔陳漢記食吓人哋啲煲仔飯，問吓自己比咩人食，仲要買$63蚊，你係得，各位去試吓，保證冇下次，真的一試難忘咁差

We came here at around 6. We only had to wait for 5 minutes before we are seated. So yeah.. do go early! There was a SUPER LONG LINE when we are done at 7:00. So, We ordered an eel with chicken bo jai rice. I LOVEEE eel rice very much but i wish the eel had been more thick. But i dont blame them.. eels are expensive. Well the rice and chicken taste very good and its always warm (or even hot) when we eat it. But the rice crispy at the end tend to be a little burnt- not sire how it can not be burn

今日唔洗番工特登揸車去食華嫂 已經好耐好黎過啦,點知仲係一樣都多人lol一樣嗌左個芫茜皮蛋米線 仲係一樣咁好味, 所有野都好足料不過如果真係想黎既朋友 就要預番多啲時間因為就算係平日朝早等位都要等好耐最好就岩岩開舖啲時間黎就最好啦~同埋如果夏天黎就最好帶定蚊怕水同防曬啦~