四海遊龍鍋貼水餃專門店 (已結業)

無意中發現原來公司樓下開咗呢間嘢，記憶所及之前都試過類似嘅鍋貼店叫八方雲集，也是賣快餐式的台式鍋貼和麵食。國金附近食小有這類麵食店，樓下香港站只有北京拉麵店，現在可謂多一個選擇。十二點落到嚟諗住食個Early Lunch， 店內嘅客人十隻手指都數得晒，但同事仔臨時改變主意話買外賣。咁早店內無咩客，外賣又無其他人等緊，咁我啲外賣正常應該會好快，叫咗個水餃麵配鍋貼套餐連熱豆漿($35)，點知等咗成十幾分鐘先有得攞! 真係唔明整邊樣嘢整得咁耐!鍋貼皮厚度算正常，但餡料小而且很鬆散。湯底好油，麵條有點似刀削麵，偏腍，味道可以不過分量小。菜肉餃子味道還可以，缺點都係餡料小。整體嚟講味道都不算很差，三十五蚊嘅價錢同其他係ifc買到嘅快餐價錢貴小小，但係蟻速就一定要改善。

前幾天經過中環地鐵站感肚子餓....便找找附近有什麼吃..經過這間店時收銀的後生仔很主動行過黎介紹呢間鋪頭有咩吃....感覺親切,加上鋪頭新裝心想..服務好..食物質素應不是太差..便進去了..入到去坐下後...廳面得一個侍應...叫了兩三次後才給我一張點餐紙..花款有很多...可是那字體小得可憐...睇到想死..最後點了一碗紅燒牛肉麵(門口後生仔介紹的),招牌鍋貼和酸梅汁上菜了....牛肉麵看得出是不錯,反而招牌鍋貼我就真是十分生氣..看上去和一磚炭沒有分別...好了...叫那女侍應給我換過碟.她也已經不耐煩的說鍋貼就是有點黑.理論一番後...她也給我換掉...可是....我很清楚見到鍋貼師傅真是把一堆已放了很久的鍋貼給我,.我吃落的時候..只感到一肚子也是火...這輩子我也一定不會再來.希望整間鋪的服務質素可有待提升...唔係真係遲早汁笠

估唔到第一之寫食評就係負面既....但真係好嬲之前食過兩次覺得幾好食, 又平又就腳, 點知第三次就...我兩點去, 唔係好多人, 點左水餃麵(牛肉湯底)同熱豆漿, 出左張單放左係檯面我望一望(好彩有望), 佢落單落左淨水餃同豆漿, 我即刻同佢講, 個waiter幫我改返, 咁諗住冇事啦過左三個字都冇野黎我已經覺得奇怪, 係咁"莊"個厨房, 跟住有個waiter同疑似經理既人走埋黎問我d野到左未, 我同佢講未, 問佢係唔係漏左單, 佢話睇下, 返黎問我”有冇人同你講冇麵得米粉”, 我話冇, 再問佢係唔係漏左單….佢先答我係… 我真係忍唔住話佢咁耐先出聲…轉頭有個waiter拎左杯凍豆漿黎話係送俾我飲…我話我order左熱豆漿….跟住碗水餃米好快黎左, 但係係清湯底………我都已經唔想再追究…淨係想快d食完快d走…最後佢冇收到我豆漿錢….但我短期內都唔會再去…(同埋佢d抽氣唔係咁好, 食完會一陣味)

過份十二點九去到！排長龍買飛！叫左個單點辣味鍋貼，新竹米粉及茉香茶(total:$44)！等了又等！我的號碼是48! 但他們不是跟住號碼叫架！好奇怪！算吧！等了二十分鐘！我終於可以拿回公司，點知我發現我點的東西變成一個餐！有豆漿，牛肉水餃麵及三隻鍋貼(tota:$37)！太過份！呃錢到呢！食左一半都食不下！過份味精！又油！好似大陸個d咁！但係要人44/37蚊囉！奉勸各位小心！